فارس أشعاري وانا مهره قصيده

البارت الرابع 💛🔥

رواية_فارس_ٲشعاري_وانا_مهرة_قصيده💛🔥

شفت حولي اغراب لكنهم أقارب
كلــهم فــي بال *بـهاجك قـريب*
ووالله اني لجل حــبك لو احارب
ما تراجع لــين بك قلبي يـطــيب
شـــفت للساعه وناضرت العقارب
وكــــــان لي امنيه ليتك ما تغيب
عاشـقك مجنون بك ثامل وشارب
شوفتك طبه وانتِ علاجه والطبيب

ـــــــــــــــــــــــــــــــــــــــ
في بيت ابو سعود
بغرفة الهنوف الي للحين القصيده بيدها تقراها للمره الالف اخدت مذكرتها وبدت تكتب كانت الكلمات طالعه من قلبها ومشاعر الشاعر تبينها قصيده:
وشلون اواجه شعور العاشــق المفتون
وشلون اواجه شعوري مثلـــما شعوره

عقلي بحبك عصاني فيـك انا مجنون
ماخذ من القلــب ما يجتاح من دوره

ابفهمك لو كلامـــــك ما نطق بـ الهون
عشقي بعينك اشـــوفه حيل مسروره

وفي عيوني تشاهد حبــــك المصيون
اسف لحجب المشاعـــر منك معذوره

انفتح باب الغرفه و كانت العنود:بنت وش تسوين هنا لحالك اه اكيد تخثردزي
الهنوف حطت القلم علۑ المذكره وصكرتها:عنود اخلصي وش عندك
العنود:انا اتزوج ابرك لي اجل وينك يازوجي تعال خدني بس اخخ بموت في هـ البيت هالحين هذاك مع زوجته ولا نشوفه الا عـالاكل وانتي ويا قصايدك
الهنوف:اقول يلا ننزل ادري فيك ان بديتي تهرجي معاد تسكتي ماشا۽ الله مسجل
العنود:انتظري نسيت اقولك ابوي في الصاله
الهنوف:ادري في الصاله وين بيكون بعدين اشوي وتتنطفۑ الاضوا۽ ويعلن ابوي حظر التجوال
العنود:ابشرك ابوي بيجلس ينتظر عناد قال انه طالع يكشت وبيرجع بدري الله يستر اذا تاخر عاد ابوي منتظره يتاخر بس
ضحكت الهنوف:امشي امشي ننزل نعبر الوقت عبال مايجي عناد
العنود:اصبري بشوف القصيده الي كاتبتها
الهنوف اخدت مذكرتها وحطتها بدولابها وبان عليها التوتر بردت اطرافها حتۑ بكلامها تلعثمت:اا اوريك اياها اذا ردينا امشي وكل العاده العنود الي مستحيل تنزل الدرج حبه حبه ان ما قفزت علۑ خمس درجات اعرفوا ان مزاجها معكر
الهنوف:والله لو تشوفك امي ياويلك منها ابك انهبلتي انتي ناويه تتكسري
العنود:ماسويت شي الا امشي حبه حبه مثلك تقول عروس يزفوها
الهنوف:حشا رجال منتي ببنت

الهنوف والعنود قربوا يسلمون علۑ ابوهم:يسعد لي مسسساك يبه
ابو سعود:ومساكم يا قرة عيني
العنود بهمس :يوه ابوي واضح مروق قرصتها الهنوف :اسكتي
الهنوف:يبه امي تقول هذا رمضان بننزل للديره
العنود:ياححبك للديره بعدين يازين الرياض والله مدري وش تشوفين في ديره الفلس
ابو سعود:ان شا۽ الله يصير خير قومي وانا ابوك جيبي لي دواي
الهنوف:سم يبه

ـــــــــــــــــــــــــــــــــــــ

عند العيال
مسك حمد العود حقه الي كان بلون بني فاتح
بهاج:تسمحوا لي بقصيده
حمد التفت له:ماشا۽الله تكتب قصايد بهاج
وهاج: اخوي شاعر بس متواضع هههههههه
بهاج:ماعليك منه اي احيانا اكتب بس مو كثير
نواف بضيق:ياليت اقدر اكتب قصيد احسدكم صراحه تقدرون تبوحوا بكل الي بخواطركم بقصيده
بهاج:الا والله ياحظك انت ترا كل قصيده تاخد من عمرنا عمر
عناد الي فاصل ماهو بصوب الاحساس ولا الاحساس صوبه تفكيره مادي:والله وصار عندنا شعار ومطربين انا بكون مدير الاعمال لكم واضبطكم
سعد:انا مشغول من الحين اقولك
حمد:اهجدوا انتم اسلم يابهاج
بهاج:ومن قال يسلم
يا ساهرين الليـــــالي والليــــــالي طوال
والنجم ثابــــــت سمــاه ومــاكنـــه حلته