فارس أشعاري وانا مهره قصيده

البارت الثاني 🔥♥

البارت الثاني
فارس أشعاري وانا مهره قصيده🔥♥️
...............

في بيت ابو محمد
ﭿ انك منت بصاحي ابك انهبلت انت
جبر:وش
حمد:منسدح تحت الشمس بعز ذا الحر ابك لو جبت بيضه كان سويتها هنا وانت منسدح لا وتفكر بعد ومروق الاخ تبني لك مشاريع هاه
جبر:المشاريع خليناها لـ اهلها ابتلينا بشين اشنع منه

حمد : اقول فز وسيده للمحل والا مابتشوف خير هذا انا قلت لك
جبر:وانت ورا ما رحت شغلك
حمد:ابد والله بس ماخد لي اجازه ابريح اشوي
جبر:حمد الي منكرف ليل نهار ولاياخد ولا يوم اجازه الحين اقووول -وغمز له-علۑ وش ناوي يارجال اهرج سرك ببئر

ضحك حمد : جبر خلني مروق وتوكل

جبر:قم قم بندخل لمها
حمد:يخي فكها شرك انت لابد تصبح بهواش وتمسي هواش
جبر:ما ارتاح احب المشاكل يخي
حمد:وعز الله انها تحبك
جبر:هذا قدري وش اسوي امش بس

............
في صالة بيت ابو محمد كانت مها وفاطمه يتقهوون في امان لله دخل جبر وحمد بدون احم ولا دستور صدت فاطمه ترتب نقابها وتتغطۑ زين مهما كانوا يبقون اخوان زوجها ومحمد الي تعودت علۑ نظراته الحاده وغضبه اول ما يلمحها جالسه في الصاله وهي ماهيب متغطيه زين
حمد:السموحه ممرت اخوي مادريت انك هنيا
فاطمه:حصل خير
جبر: مها صبي لي قهوه
حمد:ماشاء الله لا باقي نجي نشربك اياها تعال انت صب لك تبا الي اكبر منك يخدمك
جبر الي قام :خلاص بس معاد نبي شي خل اقوم لشغلي ابرك لي من سواليفكم
حمد:يلا فااارق خلنا نروووق
جبر:وانت خلك في زوايا الدار لا تخرج منها ابد
حمد الي اخد اطرف شي بقربه كان مناكير مها :انقققلع
وامتلۑ البيت بصياح جبر ومها بوقت واحد مها:حمد وش سوووووييت انكب انكب
جبر:‏اهجدي انتي يجي عشره بداله تعال ياوجهه النكبه شوف اسويت بثوبي
قام حمد يشوف ضحية الي رماه عليه وضحك وهو يشوف ثوبه انعدم وانكب عليه المناكير :تستاهل ماجاك
مها:يممه تعالي شوفي عيالك انا انا شدخلني في هواشكم الحين كل يوم انا الضحيه
فاطمه:ماعليه جبر رح بدل ثوبك وانا بغسله لك
جبر:والله المفروض اخر العنقود الاقي حنان ودلع غير عنهم بس ماغير كف من هنا وحذفه من هناك
حمد: هههههههههههههههه تستاهل ماجاك من طولة لسانك نص الي يجيك من هـ اللسان
جبر طلع يبدل ثوبه وهو يتوعد بحمد الي ماهمه وهو ماغييير يضحك عليه
...........
في الشارع

عند جبر طلع من البيت وكانت مها وعبدلله يلعبوا جنب بيتهم

وكان ووده يشوف الهنوف ولقى له حجه بعناد
جبر:مها تعالي
مها:صباحو
جبر:اخسس صباحو هاه منو معلمك
مها:عمتي الهنوف
جبر ابتسم:دامها الهنووف ماعليه خلاف اسمعي عمك عناد جوا
مها:عمو عناد معصب كثثيير مدري وش فيه بس تراه معصب انتبه
ضحك جبر:ليه متى روق ذذا الادامي يلا انا بدخل وانتي جيبي اخوك وخشي العبي في الحوش لا تلعبوا في الشارع