فارس أشعاري وانا مهره قصيده

البارت الثالث 💛🔥

فارس أشعاري وانا مهرة قصيده🔥♥️
من شفت حولي ٲهلها كنه العمر باق
وحسيت طعم التحدي لجل ماخونها
و وعدت نفسي بقوه ما نجي للفراق
عاهدت قلبي بحكمه ما ارجع دونها
                     .......................
                        في السوق
عند عناد كان جالس عند باب المحل وقدامه بيالة شاهي سررحححان قاطع سرحانه جبر : عناد ابوك يقول يلا بنمشي
عناد بضيق: طيب
جبر:يارجال ولا يضيق صدرك انا بروح انت خلك في المحل
عناد:على اساس ابوي بيوافق
جبر:ماعليك عمي انا بقوله بعدين تعال هنا احد يضيق صدره وهو رايح ديرته عند اهله وناسه اخخ بس يازين العزبه وشوفة الحلال
عناد:هذا انت ياجبر من صغرك وانت كذا وكل وقتك مقضيه بين الابل وعند الحلال....انسمع عصا ابو سعود قبل لا يقبل عليهم
عناد:ابوي جاء يلا نشوفك كيف تقنعه
جبر غمز له :ماعليك ياولد العم اضبطك
ابو سعود:ماشغلت موترك للحين وانا من قبيل موصي لك جبر
جبر:اصبر يعم ابتهرج معك بكلمتن
ابو سعود:اسمعك ياجبر اخلص لا نتاخر
جبر:بوديك انا عشان في رجالن من الديره يبي يبيع ناقه وانا خابر ان حلاله مااشاء الله عليه ولا ابيها تفوتني قلت شرائك اخلي عناد في المحل واروح معك
ابو سعود:تم وش اقولك شورك وهدايه الله ودامك تقول بتشتري قم انت معي وانت ياعناد لا اشوفك مصكر المحل قبل وقته وروح يلا عمك منتظر
عناد بـ اابتسامه:سم يبه
طلع ابو سعود في السياره وراح جبر لعناد يتهامس معاه اخد ابو سعود علبه المويا ورماها على جبر:ما تستحي انت انا راكبن في الموتر وانتم تتهامسون
ضحك عناد:والله الوالد ماينمزح معاه امش يلا استودعتكم الله
جبر:اي اضحك شعليك انت بعدين ياويلك تروح الاستراحه بدوني اصبر لين اجي
ابو سعود:اهب ياذا الجيل الي مايمشي الا بـ الصراخ والعين الحمراء
                .........
           في بيت ابو سعود
طلعت العنود وهي شايله قدر فيه مويه كبته بالحوش وابتدت تغسل ومعاها الهنوف ونوره وعندهم عيال سعود يلعبون والتفتتوا على الهنوف  اللي جالسه وهو تنشر الملابس وهي ساكته
العنود:لا في شي واضح الهنوف تنشر ملابس وهي ساكته مستحيل
نوره:سبقتيني وربي انا مستغربه الهنوف اذا ماسمعوا الجيران صوتها وهي تتمششعر اكيد فيها شي
ضحكت العنود:اخخخ تتمششعر واضح ان ملهمها في القصيد صكها بلوك
نوره مفهيه:عندها جوال
العنود:لا ياغبيه اه جوال عشان يكسره ابوي على راسنا
العنود :هييي بنت وشو تهوجسين به!؟
الهنوف : ما اهوجس بشي
نوره : جد والله الهنوف وش مضيق خاطرك عسى ماشر
الهنوف تركت الملابس الي بيدها ومشت :مصدعه شوي بصعد غرفتي
نوره لفت للعنود: بنت عارفه وش فيها
العنود:مدري من رجعت من البقاله مع مها وهي كله سرحانه وتفكر
دخلت الهنوف وكانت بتصعد غرفتها بس كانت امها في الصاله راحت صوبها وجلست
  الهنوف : يمه يابعد الدنيا
ام سعود:سمي يا قرة عيني
ابتسمت الهنوف:جعلني قبلك ياالغاليه بسالك
ام سعود:اسمعك
الهنوف: يمه حرام اذا تزوجت البنت من غير قبيلتها
لفت لها امها بـ استغراب:لا ليه السوال!?
الهنوف:لا يمه بس أساأل
ام سعود:الهنوف وش تفكرين فيه يا بنتي انتبهي تغلطي غلطه عمتك انتبهي
الهنوف عدلت جلستها وقربت لـ امها:عمتي حنان شفيها
ام سعود:عمتك يا بنتي قلبها هوا واحدن ماهو من ربعنا ولا من قبيلتنا بس.
الهنوف الي كأنها تبا تاخد وتعطي في الموضوع الي كل وقتها تفكر فيه:بس شو يمه لا تقولين اان اعمامي رفضوا زواجهم واغصبوها تتزوج على واحدن ماتبيه ليه يمه ليه.
ام سعود:يا بنيتي هذه سلومنا وما البنت الا ولد لعمها واعمامك وابوك ما وافقوا تتزوجه رغم كل المحاولاتت الي سواها الرجال عشان يتزوج عمتك
دمعت عيون الهنوف كانت احن وحده من بناتها االهنوف قلبها رهيف ولا تقدر تمسك دموعها ابد:بس يمه حرام مايصير كذا يمه ورسولنا يقول: "أستوصوا بـ النساء خيرا" ليه يسون كذا?
ام سعود:عليه افضل الصلاه واتم التسليم ..الموضوع طويل يمه بس خليك من ذي السالفه وش حدك عليها الحين طيب
الهنوف مسحت دموعها وقامت:ولاشي يمه اانا بصعد غرفتي
راحت وهي تداري دمعتها وكلام امها للحين يتررد على قلبها قبل اذانها....
           ...............
      في بيت ابو نواف
سعد و نواف يتقهوون سعد: اووف نسيت بغيت اتصل بعناد
نواف:وش تبي فيه ماهو راح الديره
سعد :لا راح جبر بس اظنه بعد رجع ابتصل عليه كان بيجي معنا الاستراحه اليوم ...  واتصل على عناد و كان جواله مصكر .. سعد :وش بلاه ذا الثاني مصكر جواله
نواف:محسسني ان بيتهم اخر الدنيا كلبوها خطوتين وتوصل
دخل جبر وحمد قام سعد يحضن جبر : اخخخ. اشتقت لك وربي
حمد:اخسسس والله صدق كلام عمي عبدلله طنجره ولقت غطاها
جبر: قلت لك يغارون مننا موووتووا غيره هنا الكل فطس من الضحك نواف:الله لايبلانا بس حمد: اقول يالله لا نتاخر بس وينه عناد
سعد: اتصلت جواله مغلق بنمر له واحنا راييحين
جبر:متى بيجهز بوجهك ذا طب بتتصل على جوال البيت ياغبي اصبر بس انا بتصل
حمد:هههههههههههههههههههه وربي صدتك يانذل انقلع اتصل انت منتهي خلاص
جبر ابتسم وصد عنهم: اصصصصه لا اسمع لك حس
راح جبر يتصل على جوال بيت عمه عبدلله وهو خابر ان الهنوف بترد و مثل مايقولون جات له على طبق من ذهب
حمد:نواف مالك عذر بتجي معانا
"نواف الي من عقب موت زوجته وحبيبته انعزل العالم واهله
سعد الي عجز يطلع اخوه من حزنه "سعد: نواف ياخوي حرام الي تسويه بنفسك ضيعت شبابك بين زوايا غرفتك انزل عش حياتك استانس ان كنت تحبها ادعي لها بـ الرحمه يخوي..
"نواف الي نزلت دمعته من كلام اخوه وتذكر حبيبته لكنه فكر بكل كلمه قالها وحط يده على كتف اخوه وهو قايم من عندهم لا يلمحون الدمع بعيونه" نواف: ان شاء الله ان شاء الله ياقلب اخوك