فارس أشعاري وانا مهره قصيده

البارت السادس عشر

رواية_فارس_ٲشعاري_وانا_مهرة_قصيده🔥💛
ان كان مابه مـحبه كان مابــه قـصيد
وأهل الهواء للمــحبه يكتبون الشــعر

وان كان مابـــه تلاقي كان ماحد بعيد
اهل المحبه للجفاء يشكون ضيم وقهر
ـــــــــــــــــــــــــــــــــــــــــــــــــــ
في بيت ابو سعود وعقب ماكملوا من تنظيف راحوا البنات لغرفتهم و لان غرفه البنات كانت قريبه من بيت عمهم انسمع كل الصياح والهوشه
العنود:بنت الصياح قبيل كان صوت جبر صح
الهنوف وهي تحط لـ ايديها الكرييم وتسوي نفسها ماهمها السالفه كلبوها : مدري
العنود وبعدت من الدريشه وهي تقرب من اختها: بعدين تعالي هنا انتي علامك وش مخبيه حتئ جبر بعد متغير في شي صاي من عقب ملكهه مها وانتم مب طبيعيين ومها الي معاد تجي عندنا تراك مزعلتها ولا فكرتي انك تكلميها
الهنوف: مها مشغوله بـ زواجها بعدين انا ما سويت شي يزعل عشاني قلت اني اعتبر جبر مثل اخوي ازعلت
العنود ققاامت وقفت قدام وجهه االهنوف من الغبنه الي فيييها ومن كلام االهنوف االي قايلته بكل برود:جبر هذا الي يحبك من عششر سنين جبر الي ياكم دخل في هواشات عشانك واذا نسيتي بذكرك انه دفك يوم كان الموتر بيصدمك وهو الي انكسرت رجله عشان لا يجيييك شي وجلس شهر ورجله مكسوره كل ذا مابيييين بعينك حسسسسافه والله
الهنوف الي قاطعتها وهي تصرخ :بسسسس وقفي تراني ادميه من لحم ودم ترا احححسسس وانتي معاد يهمك الا جبر طيب وانا انا شذنبي ..صدت عنها بضيق وهي ودها توصل لـ اختها الي حاسسه فيه هدت وقالت هالابيات وهي تعرف ان العنود بتفهمها وبتحسسس فيها :
وش ذنب قلبي لا عشق غيره انسان
يعني وهـــــــــذا قلـــــوبنا ما تحكم
يلي تبون العلم ما منــــــــه حسبان
قلوبنا فيها تــــــــــــــــــــرا الله يعلم
وقفت عنها الهنوف ...ونزلت للصاله وكان فيها امها وابوها كانت بتنزل للحوش بس وقفها ابوها
ابو سعود :يالهنوف نادي اختك وتعالي ابيكم بسالفه
الهنوف:سم يبه
طلعت تنادي العنود بدون لا تناظر لها كانت متضايقه منها حيييل المفرووض هي اكثر وحده تفهمها وتكون بصفها مب تكسرها وتحط اللوم عليها ...نزلوا وجلسوا قرب ابوهم الي من قال كلمته والهنوف تلخبط فلكها ضاعت بمعنئ الكلمه ابو سعود وهو ماسك عصاته ويقلب فيييها :احنا وعمكم فكرنا ان نسوي زواج نواف في الديره وبنستقر هناك
الهنوف الي اول شي طرا لها بهاج وكيف انها بتبعد عنه كيف بتكون قصتهم االي بتنتهي قبل لا تبتدي ماكانت متوقعه ان بيوم ابوها يرد للديره علئ كثر ماهو طايقها اببدا.. العنود :يبه بس اشغالك هنا
ابو سعود:مثل ما انتقلت قبل عشر سنين بتتنقل الحين
ابو سعود قام وهو مستند علئ عكازته :انا بسيّر للمحل اي صح يامره شوفي بناتك اذا محتاجين شي اغراض ينزلوا مع عناد امكن نمشي في هاليومين خليكم جاهزيين
ام سعود:ان شا۽ الله
الهنوف بعد ما راح ابوها قربت من امها وهي تسٲلها للمره الالف نفس السؤال : يمه طيب وش حدكم انكم تتركون الديره وتسكنوا هنا
ام سعود:مدري يمه قد قلت لك ولا تجيبي السيره هذه قدام ابوك اذا ماتبيه يزعلك والحين قومي بخري الدار فوق وصكريها
الهنوف بيٲس : ابشري بقوم الحين بس يييييمه ليه بنعود للديره خلونا هنا
ام سعود: هناك وانا امك ااهلنا وديرتنا يابنتي بعد حنا تربينا وكبرنا داخل حدودها
الهنوف:طيب ليه ليه جينا هنا هـالحين عقب ما حبينا هـ المكان واهله بنبعد عنه
ام سعود: والله مدري حتۑ اني كل ما اسٲل ابوك يقفل الموضوع ويعصب علي نحن انتقلنا للرياض عقب موت عمك خالد ومثل ماقلت لك ابوك ماقال شي غير انه مايبي تنفتح هـ السيره معاه ابد
الهنوف: الله يرحمه
ام سعود:انا بروح للمطبخ ومثل ماعلمتك يالله لا تتاخري
ـــــــــــــــــــــــــــــــــــــــــ
في العزبه كان متعب ممنتظر وصول جبر بعد فز على صوت تفحيط موتر جبر وعرف ان ماهوب تمام : خير اللهم اجعله خير