فارس أشعاري وانا مهره قصيده

البارت التاسع 💛🔥

رواية_فارس_ٲشعاري_وانا_مهرة_قصيده💛🔥

عادني في الحــــــب ما عندي فراق
بادين قصــــــــــــة غرامــــك الأولي
وعادني من غيــــرتي حس احتراق
انت لي وانـــــــــــت لي وانــــت لي

ـــــــــــــــــــــــ
في مجلس ابو سعود الي من عقب ما راح عنه جبر وهم ولاحد نطق بكلمه وكلهم يحترون خبر منه واول مادخل حمد فز محمد وهو يناظر لبرا منتظر يشوف جبر بس ماكان موجود:حمد وينه ليه ماجا۽ معك طيب كيفه الحين عسۑ هدا بس
حمد:بشويش خل الحق اجاوب علۑ سوالك الاول يخي
محمد:حمد ترا جالس علۑ اعصابي من اول ما راح وانت حتۑ جوالك ما رفعته تتطمنه ععليه
حمد:جبر مافيه الا العافيه بس وده انه يجلس بروحه هو الحين عند متعب وبكره بيجينا
محمد:هو الي معلمك والا متعب
حمد:جبر معلمني وهو بخير تطمن مافيه شي ....وابتسم حمد كان محمد ايدينه علۑ الباب وحمد مقابله :ايوا مو ناوي تدخلني المجلس ارجع لموتري يعني
محمد بعد يدينه بدون لا ينطق بكلمه وهو كل تفكيره عند جبر دخل حمد ورمۑ نفسه علۑ الكنبه وقرب منه سعد الي حاط كل اللوم علۑ نفسه ولا درا وش يقول سعد:حمد والله ماقصدت حمد:ادري ياسعد ادري لا تحط اللوم علۑ نفسك ترا الامور واضحه من يومها
عناد:وينه الحين
حمد:في الديره بكره بيجي مع متعب
نواف:دامه مع متعب ماعليه خوف
حمد:اي والله والنعم فيه رجال عن الف رجال
دخلت ام نواف:نواف ابوك بيوصل بعد اشوي متۑ بتروحوا له
قام نواف وهو ياخد مسبحته:طيب يمه الحين بنمشي
سعد يناظر لـ امه و غمز لها:نص ساعه ويجي حبيب القلب مشتاقه له
ام نواف:استحي ياولد انت مو ناوي تعقل
حمد:انت بنزوجك اول واحد ويالله عسۑ العقل يجيك
سعد:لاتحاول ياولد الخال ابدا انا مابعععرس وش لي بوجع الراس
نواف:صف عند عناد انت الثاني
سعد:يازززين العزوووبيه بس
نواف:اقول امشش يالله لا نتاخر حمد بتجي معانا
حمد:مايبي لها و لف علۑ عناد
هاه تبا ناخد لك شي علۑ طريقنا
عناد:اي والله ودي بحمضيات جيب لي ثلاث
حمد:انت لو ودك نحطك في المصنع
عناد:تسوي خير فيني
سعود:لا تاخد له شي مجنون ذا في اليوم له خمس ست مستبدلها بـ المويا
عناد بيٲس:ياشيخ جيب لي اسكريم
سعود:يالله يا عيال لا تتاخرون
نواف:يلا مشينا
---------------------------------------
رجعوا العيال وكان معاهم ابو نواف دخل المجلس و الكل وقف يسلم عليه
ابو محمد:يا مرحبا يامرحبا تراحيب المطر بـ النسيب
ابو نواف: ياهلا بك طمني عنك شحالك
ابو محمد:بخير ياجعلك الخير
وقرب له ابو سعود يسلم عليه:هلا هلا الحمدلله علۑ سلامتك يا ابو نواف
ابو نواف:الله يسلمك
محمد:نورت الرياض بقدومك
ابو نواف:منوره بـ اهلها طمنونا عنكم
محمد:علۑ ماتحب انت شحالك عساك طيب
ابو نواف:طيب جعلك الطيب
ابو سعود: واخيرا جيتنا
ابو نواف:وش نقول الشغل ماخد وقتنا بس ٲجلت كل اشغالي عشان اولادنا جعل ربي يسعدهم ويوفقهم
نواف قام وباس راس ابوه: جعل عمرك طويل يبه جعللك تبقۑ لنا دخر جعلني ماعدمتك
ـــــــــــــــــــــــ
ومن بكرهالصباح في الديره ....
صحۑ متعب علۑ صوت اذان الفجر بحكم هدو۽ الديره كان صوت المؤذن كفيل انه يصنع صباحك الجميل بصوته العذب صحۑ بس مالقۑ جبر في فراشه فز وكان جبر يمشي ويكلم بجواله
متعب:يا صباح الخير منو الفاضي الي يكلمك من وجهه هالصبح جبر  دوختني يخي وانت تمشي اثبت مكانك
جبر:يارجال ادور شبكه كلمه اسمعها من حمد وعشر لا
متعب:امش كلمه اذا نزلنا من الديره خابر اان الشبكه زفت فيها يلا عشان نلحق علۑ الصلاه
جبر: طيب
طوووا فرشهم واخدوها وهم نازلين من الجبل واخيرا وصلوا للموتر حطوا الاغراض ومشوا للمسجد وكان جبر يتحاشۑ انه يقابل احد من الديره ماله مزاج يكلم احد ابد صلۑ وعلطول ركب موتره
متعب:علۑ وووين يا الحبيب
جبر:سطح القمر تخاويني ابرجع الرياض وين بروح يعني
متعب:بشويشش ماقلنا شي وانت اشوي وتذبحني ياشينك بس وانت قايم من النوم مدري متۑ ممزاجك يكون رايق اول ما تصحۑ المهم يا طويل العمر طف موترك وانزل خل نفطر ونعين من الله خير عقبها بنمشي
جبر:مره ثانيه بجيك بفطر وبتغدا واتعشۑ عندك وش تبي بعد بس مو الحين يالله نوصل قبل الظهر اطلع يالله خل نمشي
متتعب:يارجال انزل نفطر ونمشي علطول
جبر:اذا علۑ الفطور امش بنفطر علۑ الطريق بـناخد لنا اي شي ادري فيك تموت اذا مافطرت
متعب:هههههههههه خف علينا علۑ اساس انت عايش علۑ الطاقه الشمسيه ماتاكل شي
جبر:متعب انت تبي ابوي يجيب العيد فيني امش يارجال لا نتاخر
متعب:وش نقول شورك وهدايه الله اصبر بس ابخبر اهل البيت واجيك
ـــــــــــــ
افي مجلس ابو سعود اللي من الفجر وهو نازل كرف للعيال وحمد الي يحاول يغطي علۑ غياب جبر لاحد يحس وخاصه ابوه ..ابو محمد:يا حمد ابيك تروح لشيخ
حمدان وقله ابوي يبيك الليله على العشاء عشان يكتب
الكتاب
حمد : سم يبه
ابو سعود: جبر وينه ماله حس من الصبح
حمد وهو مادرا وش يقول:راح يشوف الذبائح
ابو سعود:والله انه كفوو اتصل عليه بعد ما يكمل يعزم كل الجيران والاهل علۑ العشا۽
حمد:ابشر ولايهمك
ابو نواف وهو يناظر لسعد:فز ياولد جالسن علۑ هالجوال والا اقولك جيبه جيبه
ابو سعود وهو مستقعد لسعد من اول هههههههه:بتسسسسوي خيير فيه ارحم عيونه وارحمنا خده منه
سعد:اما خالي وش سووويت فيكم والله اني حبيب
سعود:في ذمتك
ابو سعود:يالله قللوا هرجكم وكملوا اشغالكم لا يجي المغرب وانتم ماجهزتوا هذا انا علمتكم
سعد:وانا ياخالي ما تبيني اسوي شي
ابو سعود:تنظف المجلس
سعد:المجلس ولحالي ترا ان خلصت بعد العشا۽ مالي شغل
حمد وهو يضحك علۑ شكل سعد:قبل المغرب نبيه يلمع لمع
سعد:لا ياشيخ انققلع كمل شغلك وارجع لي
الكل تفرق وكلن راح يششووف شغله قبل مايجون المعازيم وابو سعود الي يحب كل شغله تكون جاهزه قبل وقتها
ــــــــــــــــــ
نزل حمد من عندهم وهو يحاول يتصل بجبر بس مايرد ولايدري ليه تاخر ..واخيرا وصل جبر ومتعب ركض لهم حمد وكٲنه مو شايف جبر شهر ولا كانها ليله وحده
حمد وهو يسسلم علۑ جبر:طووولت يخوي بعدين ليه ماترد علۑ جوالك
جبر ووكان وواضح انه للحين متضايق من اختصاراه لردوده:كمل شحنه
متعب:هالله هالله الحين انا الي ما شفتك اسبوع ما جيتني قبل جبر وهو الي امس شايفه وقدك مشتاق له
ضحك حمد وبعد عن جبر يسسسلم علۑ متعب:ههههههه اسفيين والله بس وش نسوي تدري هذا جبــــر وانت خابر وش يعني جبر لحمد هات وش علومك
متعب:علۑ ماتحب انت شحالك
حمد: زين الحمدلله اقلط اقلط
جبر :انا بروح اغير ملابسي واجيكم
ـــــــــــــــــــ
في الطرف الثاني عند الحريم الي مسوووين حاله استنفار في البيت الحريم في المطبخ والبنات ينظفون البيت
الهنوف:اسمعوا انا خلاص هلكت يكفي خلونا نريح
شوق:يا حبيبتي باقي الحوش بكبرره
ذوق:لا تكفوون انا تعبت
العنود:وين العيال ورا ما ينظفوه
نوره:وانتي الصادقه بس
شوق:تكفون كلموهم ينظفوه
فاطمه:لا تحاولون بيقولون ان حنا اخر مره نظفناه عشان كذا خففوا من هرجكم واشتغلوا
ام محمد:بنات مين بتروح مع مها الصالون انا مابقدر اروح معاها بستقبل المعازيم
الهنوف الي تبي الفكه من شغل البيت الي مايخلص اابد: انا عمتي بروح معاها
ام محمد:طيب هسمعي ابيك تصعدي تشوفين ووش ناقصه وعلميني
ذوق:شفتو كيف صرفت نفسها وين تبين هاه احنا ننكرف وانتي لا
الهنوف:هههههههههههههههه صرفوا نفسكم مالي شغل فيكم يلا باااااي
راحت الهنوف وهي تدندن بهالبييتين
خيالي معك وفيك دايم انا مشغول
ليا جيت سولف شوف طاريك قدامي
تبي القلب شيله ما بقى للعشيق حلول
انا عاشقك بـ الحيل يا مصدر الهامي
ـــــــــــــــــــــ
واخيرا كملن البنات تنظيف البيت ودخلوا للمطبخ
و العنود الي الدقيق وصل لين وجها :اووووف انا ما ادري ليه مانجيب خدامات
ذوق:اصه لا يسمعوك الشيبان والله ليكفخوك تكفيخ
شوق:حرام والله انا تعبت ولا عاد فيني طاقه ابد
العنود:خفو يابنات بيجون المعازيم واحنا باقي مثل الاشباح اشكالنا
ذوق:شوق كلمي حمد يجيبه لنا جاهز
شوق:خييير خيير ليه انا كلميه انتي
العنود:ههههههههههههههههه قفطتك اقول تكفين شوق كلميه
ذوق:وربي ليروح كعابي ويجيبه لك
العنود:ترا والله بنجلس للعشا۽ واحنا ما كملنا علۑ كذا
شوق :خلاص بس اهجدن ياطول لسانكم
ذوق:عفيييه علييييك
----------------------------------------
شوق الي خدت جوالها واتصلت علۑ حمد االي كان ماشي بموتره وحاله ضايق من حال اخوه رن جواله صكره بدون لا يناظر للمتصل...
شوق:وش فيه اول مره يصكر الخط رجعت رنت له مره ثانيه اخد الجوال وشاف الاسم وابتسم جا۽ هـ الاتصال بوقته حمد بهمس بس كان واضح بـ االنسبه لشوق: ياهلا بـحب قلبي ومبتغاه
ضاع الكلام ولا درت وش تقول
حمد:شوق تسمعيني
شوق :اي البنات يبون كم شغله  اذا فاضي تعال
حمد:ابشششري  دقائق وانا عندك
شوق:تبشر بـ الي تحبه
حمد:قريب يارب
هنا استوعبت شوق كلامه وبدون لا تقول شي صكرت ورجعت للبنات
العنود:الحين حمد بيجيب محل الحلويات كله
ذوق:ههههههههههههههههه جبتيها والله
شوق :الشرهه علي اني الي سمعت كلامكم طططييب ماعليه
ــــــــــــــــــــــــــ
المغرب في مجلس ابو محمد كانوا العيال كلهم مجتمعين هناك وبدت حاله الاستنفار عندهم ورجع الهواش من جديد سعد:عناد تكفۑ ابلبس ثوبك شوف كيف طلعت فيه ازين منك
عناد:اقول انقلع ماقلت لك ذيك اليوم تعال نفصل سوا تقول لا انا معي
سعد:ياولد انا بجي وبروح وبجي انت بس بتجلس ولا بتتحرك ماحد بيلاحظ علييك
عناد اخد عقاله وحذفه فيه:اخخخ ياالخسسسييس اصه اجلس ما اتحرك مالك شغل
حمد:عيال احد شاف عقالي ووين
سعد الي ماخد عقال حمد ومخبيه بيديه وراه وركض فيه ودخل للحمام لحقه حمد وعناد الي يحاول يمشي علۑ رجله بشويش
حمد:ياثور وربي ما تعطيني عقالي لـ امردغك
عناد: سعد انا ما صدقت ان ثوبي يجهز عشان البسه تجي تاخده
سعد:لا تحلمون اعطيكم شي انقلعوا يلا بعدين معاكم عشر دقائق بس
عناد:الله يقلع ابليسك يا تعبان حمد امش بس ذا حيوان ماينفع معاه
متعب:حشا بزارين مب رجال وش فيكم الحين تتهاوشون
حمد:سعد المريض ناوي يذبحنا
متعب:ههههههههههههههههه اجل ما الومكم دام سعد في السالفه
خلاص امسحوها بوجهي بس
سعد :من زين وجهك عاد
عاد هنا ماتوا من الضحك عناد وحمد عناد الي يبي يتكلم ماقدر من الضحك صار يقطع في الكلام:ههههههههههههههههههه هـ الحين متعب يدافع عنك ياحيوان
حمد:والله وباعك يامتعب
عناد:امشوا امشوا لا نتاخر لو جلسنا اشوي عند سعد احتمال يجلطنا
واخيرا كملوا العيال من لبسهم ورجعوا يتهاوشون ععلۑ العطر
سعد:من زين عطرك ياحمد ابروح لنواف ورب الكعبه يا العطر الي معاه ماخده بالف بس يا رريحتته رهيييييبه
حمد:وانت حتۑ المعرس ما سسلم منك اتق الله يامسسلم
عناد:يعيال بنتاخر ترا امشوا خل نمر لنواف نتطمن ععلۑ عريسنا
ــــــــــــــــــــ
عند جبر الي كانت ملامح وجهه ما تتفسسر ولو ان ماهو اليوم ملكه اخته ما كان رجع للرياض ابد وهو يسكر ازاريره وهو يحس انه مع كل زر يصكره يختنق اكثر اخد عطره الي تحببه الهنوووف حيييل وهو كم مره يسمعها تمدح في هـ العطر رشه عليه واخد غترته والدخان الي مخبيه بجيبه لا يشوفه حمد وهو ماله خلق يبرر ولا يتهاوش مع احد ابد
ــــــــــــــــــــــ
في بيت ابو نواف
عند نواف كان بغرفته جالس و للحين ما جهز مراوده شعور قلق مايدري وش فيه دخل عليه سعد: نواف علامك  ماتجهزت المعازيم اشوي ويجونا وخالي عبدلله يسٲل عليك قلت له جاهز بيجيكم الحين
نواف: طيب الحين اتجهز
سعد:نواف فيك شي
نواف:لا مافيينيي شي
سعد: وكلها على ربك يا خوي وانسۑ الي مضۑ انت بتبدا حياة جديده لا تخلي الماضي ياثر عليها
نواف: ان شا۽الله ان شا۽ الله
ذوق: سعد وينك من اول وامي تناديك رح لها الحين
سعد:ياررررربي الطف بعبدك الضعيف
ذوق:ههههههههههههه اقول امشي بس يالله
نواف:ربي جابك شفتي ساعتي وينهي
ذوق:ساعتك هذا انت لابسها
نواف ضرب ايده علۑ جبهته:اووووووف وانا لي ربع ساعه ادور لها
ذوق:نواف اهدا يخوي ليه متوتر كذا
نواف:مافيني شي انزلي وصكري الباب وراك
ذوق:سسسسم
ــــــــــــــــــــــــــــــ
في مجلس ابو نواف عند العيال ..
حمد:عناد
عناد:لبيه
حمد:ارررككد يا المروق انت ما اسمع لبيه منك الا في السنه مرا المهم عطني جوالك ابكلم عادل
عناد:وجوالك وينه
حمد:لو معي جوالي ما طلبت جوالك يا فهيم جيبه يخي
دخلت م نواف :ماشا۽ الله تبارك الرحمن
عناد:كيف ياعمتي انا ازييين واحد فيهم صح
ام نواف:ماشا۽ الله كل واحد يقول الزين عندي جعل ربي يحفظكم وعقبالكم ان شا۽ الله
جا۽ سعد يركض في الدرج من سمع كلام امه:يمه عايني فيني قولي الصدق مو انا اجمل واحد فيهم
عناد:انت اعط كل واحد حقه بعدين نتفاهم اذا حلو او لا
ام نواف:انت لو تضبط هـ العقال اشوي بتكون شيخ الشباب
حمد:هههههههههههههههههه مايعرف يششخص 
ام نواف:اي صحيح جبر امك موصيتني تقول جيب اختك من الصالون و لا تتاخر
جبر ما كان عارف ان الهنوف معاها وهي جات له من الله يبي يبعد عن الكل لـ اجل لا يبان ضيقه بيوم فرحة اخته : ابشري ياخاله واخد مفاتيحه وركب موتره
ــــــــــــــــــ
عند جبر الي كان في السياره منتظر مها ولاهو داري مين منتظره معها ولـ اول مره اخد السيجاره قدامهم كان متضايق حييل ولاعاد يهمه ااذا ابوه درا او لا واختلطت سيارته بريحه عطره الۑ معبي السياره مع ريحه السيجاره ....نزلت مها ومعها الهنوف من الصالون جبر نزل مرايته ولمح الي معاها وهو يقول بينه وبين نفسه :يارب ماتكون هي
قربت مها والهنوف وطلعوا في السياره وجبر الي نزلت من ججوفه هـ التنهيده الي كان جبال علۑ صدره ...وهو ماكان وده احدن يشوفه لين يهدا ويستجمع نفسه
جبر:نمشي
مها:اي
وقام جبر يردد ابياته بصوت شبه مسموع
من اشوفك حس ف الجوف التياع
كـن قلبي توجعه طعنة سيوف
شــوفت عــيونك تودي للضياع
ريت ربـي ما عطى للعين شوف
اقســم بربي خــلق ذيك الوساع
انــي اقوى مــن مباعيد الظروف
انــتِ اجمل حــلم ما حولك متاع
ارفقي بــي يا غــرامي يا الهنوف