فارس أشعاري وانا مهره قصيده

البارت الثامن 💛🔥

‏‎#رواية
‎#رواية_فارس_ٲشعاري_وانا_مهرة_قصيدة💛🔥

على موال ذاك القصائد واجمل الألحان
بدينا قصه العشــــــــــــــــاق في شعري

وحبيتك وحطيـــــــــــــــتك في الأعيان
وخصيتك بقافيتي وفــــــــــــــــــي نثري

ــــــــــــــــــــــــــ
في المطبخ عند البنات
العنود:كل بنت تتمنۑ ان في شخصن يحبها مثل حب جبر للهنوف
مها الي نزلت دمعها علۑ اخوها وهي عارفه انه بينكسر اذا سمعها تقول هذا الكلام وكيف الهنوف بتنهي كل احللامه وهي الي كانت حب طفولته وشبابه بس مثل ماقيل يبقۑ حب من طرف واحد ... قالتها بحزن:بس سمعتي اختك وش قالت انها تشوف جبر...
قبل لا تكمل كلامها تنحنح جبر وهو كانه عارف وش بتقول مها ولاعاد وده يضيق صدره حتۑ لو يعيش بوهم وخيال:مها احد عندك في المطبخ بدخل لك الذبيحه
مها الي حاولت تخفي حزنها وانه مايبان بصوتها:انتظر اشوي لين يخرجوا البنات
البنات راحوا يدورو عن الهنوف الي عقب ماقالت قصيدتها نزلت ودموعها سابقتها وهي كل ما طروا لها هـ السالفه بكت
مها:جبر خلاص ادخل
دخلو جبرر وحمد وحطوا الذبيحه في المطبخ
جبر وهو يحاول يتجاهل كل شي ويلطف هـ الجو الي واضح انه متكهرب وهذا هو جبر اسم علۑ مسمۑ يقدم غيره علۑ نفسه:الله وش هـ الطبيخ الزيييين الحين يوم بتتزوجي تعلمتي الطبيخ السسسنع ههههههههههه
حمد الي لاحظ الدموع بعيون اخته :بنت وش فيك
مها:مافيني شي
حمد:مها لاتحاولي تكذبي علي تدري اني كاشفك قولي وش فيك
جبر:اذا ماتبيه الحين اروح اقولهم ماحصل نصيب ولا تحاتين ابوي احنا بنكلمه
حمد: وهو صادق انتي ماعليك كلشي يهون الا زعلك
مها الي خانتها دموعها وبكت: عشاني بششتاق لكم بس
حمد قرب لها وضمها:يقلب اخوك ماعليك اتصال واحد واحنا عندك
ولسان حال مها يقول: ‏ ‏
ضمّني ياخوي ولا تسأل عن الحال
كل جرحّ في وسط حضنك يطيب
جبر:اووف اووف كل هـ المشاعر بداخلك توني الاحظ
بعدت مها من حمد وعطت جبر بكس  الي صرخ وهو اصلن كان بشويش جبر يصيح: تعال نواف خدها مانبيها حشا رجال مب بنت
حمد:اصصص فضحتنا ياتعبان
تقدمت مها وحضنت جبر وبكت :والله بشتاق حتۑ لهواشاتك معي
دخلت امهم وكانت مها تضحك مير الدمع باقي بعيونها:وش فيكم وش فييها بنيتي
جبر:مافيها الا العافيه بس تتدلع علينا عشانها بتتزوج واحنا باقي
حمد:انت بعدها لو تبي اليوم بعد ونفتك منك والله لـ اذبح بدل الذبيحه ثنتين
جبر:علۑ اساس اذا تزوجت بهج من عندك مصيرك كل صبحن تصبح بوجهي الزين
ام محمد الي قربت منها مها تضمها:وش فيك يمه
حمد:يا بنت علي الامور طيبه بس عشانها بتفقدنا وتعرفي حركات البنات ههههههههه
ام محمد الي نزلت دموعها علۑ بنتها الوحيده الي بتعرس وتخليها واخنقتها عبرتها ولا قدرت تتكلم
جبر بـ استعباط:بعدين بعدين لاحقين علۑ الدموع العرب يبون عشاهم اخلصوا علينا
مها اخدت الكاس المويا ورشته عليه:حسس حسس اشوي ياعديم الاحساس
حمد الي سحبه لبرا المطبخ:تستاهل ليتها رمت السكينه عليك وخلصتنا منك
جبر:اوووف والله طلعت بلا احساس الحين تبي تذبح اخوك الصغيّر ماهقيتها منك
حمد:امش امش اليومين ذي بتموت ممن الكرف ماعليك
ــــــــــــــــــــــــــــــــ
في المجلس
ابومحمد: اي قال بيوصل الساعه عشر
ابو سعود:يوصل بـ السلامه يارب اشوي والعيال ان شا۽ الله بيروحو يستقبلوه من المطار
ابو محمد:وانت ياخوي مو ناوي تفرح بولدك
ابو سعود: عجزت فيه هـ الولد لايبي يعرس ولاهو يسمع الكللام ابد
ابو محمد:انت الله يهداك ضاغط علۑ الولد خله يشوف حياته يبني مستقبله ماغير تاخده للعزبه وباقي وقته في المحل
ابو سعود: وش ناقصه عن جبر ماشا۽ الله قائم بـ الحلال كله
ابو محمد:ياخوي مو كل اصابع ايدك سوا عناد ماله بـ الحلال كمل دراسته و يبي يتوظف عطه مجال يكون نفسه بنفسه
وقف ابو سعود: يصير خير ان شا۽ الله اجل يا سالم لا تواخذني انا بروح اريح شوي قبل لا يجي النسيب
ابو محمد:وانا بعد وانتم لا جيتوا احد يجي يعلمني
حمد:ابشر يبه
راحو ابو سعود واخوه ...وانقلب المجلس وكان قبل اشوي احد حاط لصقه علۑ فمهم ولاحد قال كلمه وصار الجو كانوا يتقهوون مابين سوالف وضحك
نواف:من يخاويني للمطار
محمد:انا بجي معاك
حمد:كلبونا بنروح معاك
سعد:هههههههههههههه اش رائكم ناخد الحريم بعد
عناد:هه ماتضحك
سعد:جا۽ النفسسسسيه
عناد:ارككككد يا الخاطر المشروح تعال بس ابتوازۑ بك
سعد:قول تكفۑ ييااسسعد تكفۑ
عناد:انقققلع زيييين انا ماتوب منك
سعد قام يساعد عناد وهو يضحك: اووف عاد الحين الوقت بيطول علي متۑ ياخدوا هـ الجبس اتهاوش مع مين
عناد:لا كسرني تعال تعال كسرني وانت كل وقتك تبي تتضارب لا والمشكله اخر شي تنجلد
حمد:هههههههههههههههههه وانت صادق
سعد:اصه مادخلك اخخخخ ليت بهاج يجي ويعطينا من هـ القصيد وننطرب والله انه خشش قلبي وبقوه بعد مو مثلكم نفسسسيه
عناد:ابشر بـ الي يطربك فز جيب عود حمد من موتره والله حتۑ انا ضقت
نواف:بدري يا الاخو ما مر يومين من حطوا لك هـ الجبس
سعود:معك عناد ان ما هج من البيت كل خمس دقائق تجيه حاله يلا استاذنكم ادري الحين المجلس بينقلب قلب خل اروح ابرك لي
محمد:ههههههههههههه انا بجلس باطي من هبالهم والله ادري اني بصصدع بس اشتقت يخي
سعود:اجلس اهمشي يكون معك دواا۽ ضغط وبارفين هذا انا حذرتك
عناد طلع الورقه من تحت فراشه :جبت لكم قصيده
جبر:هههههههههههههه عناد وقصيده انت لو فهمت بيت واحد من القصيده ابعزم الحيي كله
حمد:اكيد القصيده للهنوف ماحد اخد هـ الموهبه من عمي الا الهنوف والا عناد همه بطنه بس ههههههههههههه
عناد: اصصصصه مادخلك خد يا سعد لحنها واطربنا بصوتك الشين
سعد:هههههههههههههههه تغار عشان صوتي افخم من صوتك صح
جبر الي فز من مكانه:جيبها ياولد
سعد جوه ينرفز جبر : علي الطلاق ماتاخدها
نواف:روقونا ياعرب وش بلاكم انتم ما تمر دقيقه الا وتناقزوا علۑ بعض
سعد: يارجال لا تحاول اقسم بالله ما اعطيك اياها انثبر مكانك واسمعها
جبر الي من كثر ما اشتغل اليوم معاد فيه حيل لسعد ابدا استسلم له ورجع مكانه:مردوده ياسعد اوريك
اخد حمد العود بيده:يلا سعد اسسسلم
سعد:احححم ومن قال يسلم
وبدا سعد يغني بـ آلحانه الي غصب تخليك تندمج معاه وبدا بقصيدة الهنوف ...
مالــي انا قدره علۑ شــد الارحال
ولا لــي ابدا قدره افارق عيــونك