فارس أشعاري وانا مهره قصيده

البارت الخامس 💛🔥

البارت الخامس
رواية_فارس_ٲشعاري_وانا_مهرة_قصيده💛🔥
شــاعـرك يــلي تحبينه يبـي وصلك
مــا يدري اشلون لــكـنه تــرا صامل
حبّك بقــلبـه ولا بعــدك ولا قــبلك
انتي البدايه وهالناقص وهـ الكامل

ــــــــــــــــــــــ
الصباح في بيت ابو سعود
الهنوف الي صحت بدري قبل لا يصحيها ابوها كانت تقرا وردها وما ان كملت رفعت ختمتها وطوت قميص الصلاه ونزلت للصاله كان ابوها جالس في الصاله سلمت ععليه: صبحك الله بـالخير يبه
ابوسعود:هلا هلا بنيتي صبحك الله بـ النور ماشا۽ الله اليوم اشوفك صاحيه ققبل لا اصحيك
الهنوف: صحيت لاني نايمه بدري شبعت نوووم وصحيت
ابوسعود: شفتي كيف وانا كل يوم اقولكم تناموا بدري بس ما تسمعون الكلام ماتدرون ان النومه بدري زينه وبتقوم عقبها نشيط ويازين قومه الفجر بس ماتفهمون ابد... يلا ماباقي شي للصلاه بروح اصحي عناد وانتي اطلعي قومي اختك دامك صحيتي
"الهنوف الي صحت نص الليل تشرب مويا ولمحت عناد راجع من برا ودخل ينام يعني عاد الا حلا له النوم مثل مايقولون ولا بيقدر يصحۑ حتۑ لو انكسر العصا علۑ ظهره" الهنوف: يبه ارتاح لك انا بصحيه
ابوسعود: طيب بسرعه لا نتاخر علۑ الصلاه
الهنوف :سم يبه
ـــــــــــــــــــــــ
دخلت الهنوف ولقته نايم لا مخده ولا بطانيه بـ الفلينه والسروال وثوبه مرمي عند الباب وحالته حاله ...عاد الهنوف ماحد احن منها علۑ اخوانها وبـ الاخص عناد الي غلاه غييير بقلب الهنوف اخدت البطانيه وغطته"حنان الاخت الي الله لا يحرمكم منه" ولاقدرت تصحيه وهي تدري بـ ابوها عقبه بياخده للمحل وهو باقي مانام زين فكرت ومالقت الا هذه الفكره :والله لو كشفني ابوي لـ يمردغني بس ان شا۽ الله مما انكشف..
رجعت لـ ابوها: يبه عناد مسخن اشوي مابيقدر يروح معك
ابو سعود بخوف:بسم لله عليه وش فيه توه امس راجع مافيه الا العافيه
الهنوف:يمكن عشان تغيير الجو وكذا
ابوسعود: قايل له يتغطۑ زين ما يسمع الكلام بعدي بدخل اشوفه واتطمن عليه  "صحيح ابو سعود شديد علۑ عياله بس ما نختلف علۑ انه يحبهممم حييل وما يهاوشهم الا لمصلحتهم وهو ماوده حتۑ تمسهم شوكه "
الهنوف:لالا يبه ااقصد اهو تعبان اشوي انا غطيته وبصعد الدار اجيب له دوا۽ وان شا۽ الله اذا نام زين بيصحۑ بخير
ابو سعود:ان شا۽ الله بس لا تنسي تصحيه يصلي الفجر
الهنوف :سسم يبه
نزل ابو عناد للمسجد... الهنوف الي تنفست وكان النفس انقطع عندها : يارب مايحس ابوووي اخخخخ كله منك ياعناد تدري ابوي ما يحب احد يتاخر تجي نص الليل يا الظالم
ام سعود وهي نازله من الدرج: الهنوف بسم لله عليش انتي وش فيك هـ اليومين تكلمي نفسك
قفزت لها الهنوف وحضنتها وهي تضحك :صباح الخير لـ حلوة اللبن يججعللني ماخلا منك
ام سعود : صباح النور وش ورا هـ اللحمماس والابتسامات هاه علميني
الهنوف:ولاشي بس فيني طاقه وبفرغها فيكم
ضحكت ام سعود: صدق انهبلتي الا وين العنود ما اشوفها
الهنوف :ابشششري الحين بصعد اصحيها
طلعت تركض لغرفتها وهي بنص الدرج تذكرت سالفه عناد ورجعت عند امها الي تدور علۑ مسبحتها
الهنوف :يمه
ام سعود بخوف:يووه خرعتيني احد يسوي كذا منتي طبيعييه صدق مجنونه ولادري متۑ ناويه تعقلي
الهنوف:ههههههههههه خليكي مني الحين "وحكت لها سالفه عناد"
ام سعود:انهبلتي وليه تكذبي علۑ ابوك خوفتي الرجال يا الظالمه
الهنوف:يييممه وش اسوي حرام والله ككسر خاطري توه نايم وابوي بيصحيه وبياخده للمحل معاه وهو مانام الا كم ساعه
ام سعود: الله يهديه عاد عناد ما يجوز عن سوالفه هذه ابد وش مسهره لـ اخر الليل اخخ عجزت في هـالولد مدري وش اقول  .. وانتي يالله اطلعي لـ اختك صحيها لا يرتفع ضغطي الحين
الهنوف باست خد امها :عيوني لك اهدي يابنت سالم وما بيصير الا الي يرضيك ماحولك شي باذن لله
صعدت الهنوف غرفتهم وكانت نوره نازله معها مها وعبودي نوره:صبحك الله بـ الخير عمتي
ام سعود:صبحك الله بـ النور وركضوا لها عبود ومها يحضنونها
ام سعود:يحبيي لكم والله كيف نمتوا عسۑ كانت ليلتكم زينه
مها:اي جده هذا البزر مو مخلينا ننام ززين كل الليل يصيح
ضحكت ام سعود:يقلبي ليه وش فيه
نوره:مافيه الا العافيه بس كان يبي حليب وسويت له وانتي عاد عن العياره الحين اخوك ماخلاك تنامي زين
مها:اي عشانه بزر
نوره:الي يسمعك يقول منتي بزر ..ولفت لعمتها:عمتي بروح اسوي الفطور قبل لا يرجع عمي وسعود العيال عندك
ام سعود:طيب بنتي والحين العنود والهنوف بيجوك