لقيت الامان بحضنه

الجزء الثاني

في غرفه مهره ...
حامد : مهاري حبي ابا ارمس وياج شوي 
مهره : انزين ما لقيت مكان غير غرفتي ؟؟
حامد : مابا حد يسمعنا المهم اسمعي مني و عقب قرري 
مهره : قول ؟
حامد : الصراحه مهاري  انا احبج وابا اكمل عمري كله معاج .. انا حبيتج صدق و ما يالس العب عليج ولا شيء انا صدق احبج 
مهره : ما عندي شيء اقوله 
حامد : انا اسف ادري اني صدمتج بكلامي بس عقب ما قالي خالد اخوج عن الي استوا بينج و بين احمد ف قلت لازم اقولج و اعترف لج 
مهره : عادي و السموحه منك بس ابا انام 
حامد : نوم العوافي 
مهره : الله يعافيك 
طلع حامد من غرفه مهره و مهره ذايبه من جماله و اسلوبه بالكلام و قعدت تفكر فيه لين ما نامت و حامد طلع من غرفتها مستانس و الدنيا مو شايلته و حامد كان رايح غرفته شاف خالد 
خالد : ها شفيك ولد العم مستانس هالكثر 
حامد : ما فيني شيء 
خالد : اكيد انك صارحتها و اعترفت لها 
حامد : هيه 
خالد : شو قالت لك ؟
حامد : ما قالت شيء ابتسمت و حسيتها استحت شوي و قالت ما عندها شيء تبا تقوله 
خالد : تباني اعرف اذا هي تحبك او لا 
حامد : خلها على  راحتها لا تسألها ولا شيء 
خالد : تمامم انا بنام تبا شيء ؟
حامد : لا سلامتك و نوم العوافي 
خالد : الله يعافيك 
كل العايله نامت .. و في اليوم الثاني نش حامد من الرقاد و نزل تحت و كان هو اول شخص ينش ف البيت .. و بعده بربع ساعه نشت مهره و نزلت تحت 
مهره : صباح الخير للجميع 
حامد : اي جميع ما في حد ناش غيري و صباح النور 
مهره : اوه انزين في ريوق ولا مافي ؟
حامد : في تبين تاكلين ؟
مهره : هيه بروح اكل 
راحت مهره تاكل و راح حامد وراها 
حامد : مهاري عادي اسألج 
مهره : اسأل 
حامد : انتي تحبيني ؟
مهره استحت و نزلت راسها 
حامد : جاوبيني عادي قولي اذا ما تحبيني عادي و اذا تصرفاتي تضايقج قولي 
مهره : لا ابدا ما تضايقني و الصراحه حامد انا ابادلك نفس الشعور و طلعت من عنده لانها مستحيه 
مهره راحت غرفتها و حامد مستانس و هالكلمه غيرت يومه كامل و مثل ما يقولون صنعت يومه 
حامد من الفرحه مب عارف شو يسوي لكن كل الي سواه تذكر ان مهره ما كلت زين حط لها اكل و راح غرفتها 
حامد دق الباب و دخل 
حامد : مهاري حبيبتي ما كلتي زين 
مهره : مابا احس اني شبعت ( منزله راسها و مستحيه )
حامد : فديتها المستحيه اناا كلي حبيبتي لا تستحين مني 
مهره : مابا 
حامد : بتاكلين غصبا عنج 
مهره : خذت الصحن منه و قعدت تاكل 
و حامد ما شال عينه عنها ولا لحظه و بعد ما تطمن انها كلت و خلصت صحنها طلع من عندها 
و بعدها الكل نش و تجمعوا ف الصاله ولا فجأه يرن تلفون مهره 
مهره بارتباك : رقم غريب مادري منو 
عبير و نوف ( بنات عماتها ) : ردي شوفي منو الي داق 
مهره ردت : الووو 
الشخص الغريب : الو  
مهره : منو انته و شو تبا مني 
الشخص الغريب : انا عندي كل صورج و بنشرهم 
مهره : منو انته 
الشخص الغريب سكر ف ويه مهره 
مهره : راحت غرفتها و عينها مليانه دموع و كانت تصيح و تصارخ 
عبير و نوف راحوا وراها لكن ما قدروا يدخلون غرفتها لانها قفلت الباب 
عبير : مهره شو فيج 
مهره بصراخ : عبير خلاص خليني بروحي 
عبير و نوف راحوا و نادوا العايله كلها و كلهم تجمعوا عند غرفه مهره و مهره مو راضيه تفتح الباب ابدا لين ما وصل الخبر للميلس عند الاولاد و حامد من سمع السالفه ركض على طول عند غرفه مهره 
حامد : مهاري حبيبتي فجي الباب شو فيج ؟
مهره : خلوني روحي مابا حد 
حامد : فجي الباب عشان خاطري 
مهره : بفج بس مابا حد هنيه 
حامد للعايله : خلاص روحوا انا بكلمها 
كلهم راحوا 
حامد : يلا مافي حد فجي الباب 
مهره فجت الباب شوي شوي و رمت نفسهاا بحضن حامد و هي تصيح و حامد يحاول يفهم شو الي صاير 
حامد : مهره قلبي انتي خوفتيني عليج شو صار لج ؟
مهره : تنهدت تنهيده عميقه ... حامد بقولك بس لا تعصب علي انا ما سويت شيء غلط 
حامد : انا واثق فيج قولي شو صار 
مهره قالت ل حامد السالفه 
حامد : خلاص يا قلبي انتي انا بحل الموضوع انتي اهدي الحين 
حامد حط مهره ع سريرها و قعد معاها لين ما تطمن انها نامت 
طلع حامد من الغرفه و هو يفكر منو هالشخص الغريب الي اتصل لمهره و هل مهره كانت تحب واحد قبل ؟؟
في غرفه مهره دخلوا عبير و نوف قعدوا معاها و كانت معاهم ميره اختها و فجأه مهره فتحت عينها 
مهره : ح ح حامد ؟
عبير : حامد مب هنيه 
مهره رجعت تصارخ  و تصيح : وين حامد 
نوف ركضت تنادي حامد و حامد يا ركض عندها 
حامد : عبير نوف و ميره خلاص اطلعوا انا بقعد معاها 
مهره : حامد لا تخليني لا تخليني 
حامد : ما بخليج و قعد جنبها يحاول يهديها 

................................................................................................................
تتوقعون منو الشخص الغريب ؟؟
ش بيصير بين حامد و مهره بعد ما ينكشف الشخص الغريب ؟؟
منو البنت الي راح تطلع ف حياه حامد عقب فتره ؟؟