لقيت الامان بحضنه

الجزء السابع

اليد : الي ابا اقوله انكم كبرتوا يا عيالي و تعرفون انا و اهلكم نبا نشوفكم معاريس و نبا نشوف عيالكم ... قررنا انا و اهلكم ان خطبه ( حامد و مهره ) و ( خالد و دانه ) ( هزاع و نوف ) يوم اليمعه هالاسبوع و الاسبوع الياي الملجه
طبعا رده فعل هزاع و خالد و حامد كانوا وايد مستانسين و الود ودهم يسوون العرس قبل الخطبه و الملجه بالنسبه للبنات رده فعلهم كانت
مهره و دانه و نوف : شوووووووووووو! يديه شو تقول ؟
مهره : كيف بنلحق نجهز
دانه : هيه يديه اسبوع ما يكفييي
نوف : يديه اسبوع شوي
اليد : انتوا تقدرون تجهزون خلال اسبوع بس انتوا تدلعون
البنات راحوا غرفهم معصبين بس ف النهايه رضوا بالامر الواقع و اقتنعوا و راحوا السوق يتجهزون
اليوم المنتظر الجمعه الصبح يوم الخطبه كلهم حايسين
تمت الخطبه بدون اي مشاكل و كلهم كانوا مستانسين
الساعه 2 فليل ف غرفه مهره مهره ف الغرفه قاعده تتأمل ويهها بالمرايه و تبتسم شوي و يرن تلفونها ردت
مهره : الو
حامد : هلا بحبيبه قلبي
مهره استحت : اهلين
حامد : ماقدر اتريا لين الاسبوع الياي مهروههه،
مهره : ههههههه تقدر تتريا
حامد : شو رايج بعد الملجه بيومين على طول العرس
مهره : لا والله !
حامد : هيه والله
مهره : لا مب موافقه
حامد : افااا
و قعدوا يسولفون لين ما تعبوا و ناموا

بعدها باسبوع اليوم يوم الملجه
مهره و نوف و دانه قاعدين ف الغرفه يجهزون
مهره : امبيه خايفه
نوف : حتى انا
دانه : انا بعد
ميره : شو فيكم اهدوا تراهم ما ياكلون 
دانه : خلاص خلاص مابا 
بعد ما خلصوا و اتمكيجوا و اتلبسوا ياهم بو خالد يايب وياه الدفتر عشان يوقعون وقعوا البنات و خلاص صار رسميا
 ( نوف مرت هزاع ) ( دانه مرت خالد ) (  مهره مرت حامد) 
نزلوا البنات عند الحريم خل اوصف لكم حفله الملجه مسوينها بين الاهل يعني حفله صغيره ف البيت طبعا الحريم ف الصاله و الريايل ف الميلس نزلوا البنات الصاله و قعدوا مع الحريم لين ما راحوا كل الحريم و تموا البنات كانوا تعبانبن يت حمده اخت حامد الصغيره 
حمده : مهالي مهالي (مهاري مهاري )
مهره : ها حبيبتي 
حمده : انزلي تحت بقولج شيء ف اذنج 
مهره نزلت : هاه قولي 
حمده عطتها بوسه و قالت : حامد يباج برع روحي 
مهره : ضحكت قالت اوكي 
قالت مهره حق امها انها بتروح حق حامد و امها قالت لها روحي نزلت مهره تحت و راحت برع اول ما طلعت شافت حامد قاعد يترياها ف الحديقه 
مهره : احمم 
حامد : هلا هلا .. اخيرا صرتي لي ؟
مهره استحت و نزلت راسها : هيه اخيرا 
حامد : انزييننن يا مهره شو رايج تروحين داخل عن البرد و تنامين لان مبين انج تعبانه 
مهره : هيه والله وايد تعبانه يلا تصبح ع خير 
حامد : و انتي من اهل الخير .. احبج 
مهره استحت و راحت بدون ما ترد 
عدا اليوم على خير و اليوم الثاني تجمعوا الاهل عشان يحددون متى بيكون العرس 
اليد : ها متى تبون العرس ؟
مهره : عقب 3 شهور 
دانه و نوف : هيه هيه عقب 3 شهور عشان يمدي نجهز 
خالد : اباه عقب 4 شهور 
اليد : حددوا بسرعه عقب 3 شهور ولا 4 
خالد : اسمح لي يديه انا عرسي عقب 4 شهورر و مابا عرس جماعيي 
اليد : ليش ان شاء الله ؟
خالد : ابا مرتي تكون غير اباها تحس نفسها ملكه ف هاليوم 
اليد : خلاص تمام و لف صوب هزاع و حامد و قال و انتوا ؟
هزاع : انا مب موافق عقب 3 شهور وايد 
حامد : هيه حتى انا شهرين تكفي 
اليد : خلاص تم عقب شهرين 
و كملوا باقي يومهم يسولفون و ها و تموا يضحكون و يلعبون لين الليل و راحوا نامواا و عدت الشهرين بدون اي احداث مهمه بس البنات كانوا مشغولين يجهزون للعرس و ها يوم العرسس : 



تتوقعون شو بيصير يوم العرس ؟ 
في شيء راح يخرب عليهم فرحتهم ؟
شو هو الشيء الي بينكد عليهم و ليش ؟ 
منو الشخص الي اول مره بنعرفه ف الروايه ؟