لقيت الامان بحضنه

الجزء الثاني عشر

خالد عطى احمد الفون
احمد : السلام عليكم مهره و حامد
مهره و حامد : عليكم السلام
احمد : امروني
مهره : احمد بقولك ان انا و حامد ابدا ما شلينا بخاطرنا عليك ابدا ... بالعكس نحن نعتبرك اخونا و لان نحن نعتبرك اخونا كنا نباك تتعلم من غلطتك و اعتقد انك تفكر ان نحن مخلينك عايش بروحك و مش مهتمين لوجودك و بعدك عنا لكن الي ابا اقوله تعرف ربيعك سالم الي تعرفت عليه من فتره ؟
احمد : هيه شو فيه
حامد : ها ربيعي و انا الي طرشته يتعرف عليك
احمد : ليش ؟
حامد : عشان نتطمن عليك و كان يقول لنا كل شيء و احنا عرفنا انك ندمان و تغيرت للافضل منه هو
احمد : يعني عشان جي سالم دوم وياي
حامد : هيه انا قلت له عشان ما اكون بروحك
مهره : المهم يا احمد بس الي ابا اقوله لك انك انته نفس خالد اخوي ما في فرق بينكم و اباك تعتبرني اختك و اي شيء تباه خبرني و حتى لو تبا تفضفض انا موجوده و بسمعك و حامد بعد بيكون موجود و اي شيء تباه قوله له تمام ؟
احمد : تمام والله مشكورين
مهره : الحين عطني يدي
احمد : يدي مهره تبا تكلمك
اليد : ليش مستانس انته ؟
احمد : يدي الواحد ما يستانس عشانه كلم اخوانه ؟
اليد بضحكه : يستانس يستانس ... الوه ها ابويه مهره
مهره : يديه شحالك
اليد : بخير انتي شحالج
مهره : بخير
اليد : ها ابويه مهره
مهره : يديه خل احمد وحليله
اليد : تمام عيوني
مهره : يلا يديه بنكلمكم عقب
بعد ما سكروا حامد شاف مهره بنظره و مهره ابتسمت
مهره : شو فيك
حامد : أتأمل حرام ؟
مهره : شو تتأمل ؟
حامد : أتأملج
مهره شافته و ردت تشوف فونها
حامد : يلا حبيبي البسي بنطلع مع هزاع و نوف
مهره : انزين
نخليهم يتلبسون و نروح للثنائي المميز هزاع و نوف
هزاع : نوفييي
نوف : ها عيوني
هزاع : شو تسوين يا قلبي ؟
نوف : ماشي اشوف سنابات
هزاع : سنابات منو
نوف : وحده
هزاع : هيه تمام ... المهم جاهزه
نوف : حق شو
هزاع : بنطلع مع مهره و حامد
نوف : هيه جاهزه
هزاع : تمام انا ببدل و بيي
نخليهم و نروح الإمارات ...
احمد : خالد
خالد : هلا
احمد : عطني رقم هزاع بدق له
خالد : تمام
خالد عطى احمد رقم هزاع ...
نروح باريس كانوا جاهزين الاربعه كلهم حامد و مهره و هزاع و نوف ... رن تلفون هزاع
شاف تلفونه و قال : رقم غريب
نوف : لا ترد
هزاع : رقم الامارات
حامد : رد يمكن حد من ربعك ولا حد من الاهل و مغير رقمه
هزاع : تمام ... الو
احمد : هلا والله شحالك ؟
هزاع : بخير ،، منو انته
احمد : افا هزاع ما عرفتني
هزاع : احمد ؟
احمد : هيه احمد ... والله مشتاق لك
هزاع : حي هالصوت انا اكثر
احمد : ها مرتاح ؟
هزاع : هيه مرتاح
احمد : متى ناوي ترد
هزاع : المفروض عقب اسبوعين لكن يمكن نجدم الرده شوي
احمد : زين زين يلا عيل انتبه على عمرك و على نوف و على حامد و مهره
هزاع : ف عيوني لا تحاتي
احمد : يلا فمان الله
هزاع : فمان الكريم
سكر هزاع و حامد تكلم : احمد ؟
هزاع : هيه
حامد : والله اني مشتاق له
هزاع : هيه حتى انا ... و مشتاق لخالد بعد
حامد : هيه والله خويلد المهم يلا نروح نتمشى ؟
هزاع و نوف و مهره : هيه يلا

تتوقعون بيقربون ردتهم للامارات ؟
شو بتكون رده فعل خالد يوم بيعرف ان عرسه بيتأجل ؟