بعد ما وصلوا الفندق راحوا مهره و حامد الجناح الي محجوز لهم .. و هزاع و نوف راحوا الجناح المحجوز لهم
( جناح حامد و مهره حذال جناح هزاع و نوف )
اول ما دشوا هزاع و نوف
نوف : هزاع حبيبي انا بنام
هزاع : ما تبين تتعشين ؟
نوف : لا تعبانه بنام شوي و بنش
هزاع : تمام حبيبي بنتظرج عشان نطلع نتعشى عقب
نوف : تمام
راحت نوف تنام و هزاع قعد يشوف فلم
مهره و حامد
مهره : يلا يلا قوم بنطلع
حامد : تعبان اناا ابا ارقد اسكتي
مهره : مابااااا قوم يوعانه خ نطلع نتعشى
حامد : مابا
مهره : تبا تبا مب على كيفك
حامد : قلت لك مابا
مهره : حامد قووووممممممم
حامد : ما بقوم اسكتي
مهره شافت ان ما في امل ف انسدحت و نامت و يوم نامت حامد ابتسم و كمل نومه
ف الامارات تحديدا فبيت اليد
دانه : اشتقت حق مهاري و نوف
خالد : الحين بخليهم يردون
اليد : جب جب انته
دانه ضحكت
راح خالد فوق و الباقين تموا قاعدين يسولفون بعد 20 دقيقه تقريبا وصل لدانه مسج من خالد كان محتوى هالمسج
خالد : دانوهههه تعالي فوق
دانه : شو ؟
خالد : تعالي بكلمج
دانه : تمام
راحت دانه فوق دخلت غرفه خالد و ما لقت حد
دانه : خلوووددد وينك
ما لقت رد و كانت بتطلع من الغرفه بس لفت انتباهها صندوق صغير عند الباب شالته و فتحته لقت ورقه فتحت الورقه كان مكتوب
دانوتي اكيد انج تدوريني بس سوري بتتعبين شوي لين ما تلقيني تعالي برع
طلعت برع ف الحديقه لقت صندوق صغير فتحته و شافت ورقه ثانيه و كان مكتوب
البسي عباتج و اطلعي بتلقين سياره تنتظرج
لبست و طلعت راحت السياره
تحركت السياره و بعد نص ساعه تقريبا وقفت نزلت دانه و قعدت تكتشف المكان بعيونها مشت شوي و طاحت عينها على صندوق صغير فتحته و لقت مفتاح تجدمت شوي و لقت باب فتحته بالمفتاح شافت مكان يجنن كله ورد و بالنص طاوله عليها اكل و كرت صغير مكتوب فيه
كل عام و انتي بخير دانتي الحلوه و عقبال الميه عام يا قلبي
صدت تدوره بعيونها لين ما طاحت عليه شافته واقف مبتسم راحت عنده مسك ايدها و راحوا قعدوا ع الطاوله
خالد : اول شي كل عام و انتي بخير يا حياتي
دانه : و انته بخير
خالد : يلا الحين ساعتين بجابل ويهج قولي كل الي تبينه لا تستحين
دانه : تمام
نخليهم و نروح لفرنسا
مهره نشت من النوم و صرخت : حاممممددددددددددددد
حامد فز : ها شو فيج
مهره : قوم طاف الوقت و نحن ما طلعنا
حامد : مهره حبيبي نحن بنقعد هنيه شهر كامل بنلف باريس كلها ما عليج
مهره : مابا قوم يعني قوم
حامد : انزين انزين قمت
نخليهم و نروح عند برج ايفل
نوف : هزاع شوف يجنن
هزاع : هي حبيبي يجنن
نوف : لا تسلك
هزاع : ما اسلك
نوف : هزاع تعال نروح قريب من البرج
هزاع : يلا تعالي
مسك ايدها و قربوا من البرج و كل ما توضح ملامح البرج اكثر نوف تبتسم و تشدها ملامح البرج اكثر لان نوف كانت من النوع الي تحب تستكشف و تحب المناطق الاثريه و الي فيها اشياء صعب بنيانها بسهوله
هزاع : مستانسه حبيبي ؟
نوف : وايد مستانسه
سكتوا شوي و عقبها قطع الصمت صوت نوف
نوف : هزاع حبيبي
هزاع : ها حبيبي ؟
نوف : في متحف ف فرنسا ؟
هزاع : هيه في ليش ؟
نوف : عادي نروح ؟
هزاع : هيه عادي اهم شيء انتي تطلبين .. انتي اطلبي و طلباتج اوامر حبيبتي
نوف : احبك
هزاع : و انا اموت فيج حبيبتي
نوف : انزين تعال
هزاع : وين اي
نوف : ليش مبعد عني
هزاع : مب مبعد عنج ها تراني ماسك ايدج
خل اقولكم كيف كانوا يمشون هزاع ماسك ايد نوف و بينهم مسافه كبيره لان هزاع يمشي اسرع من نوف بشوي ف كانت اياديهم ممدوده و متشبكه ف بعض و هزاع يمشي قدام و نوف وراه بخطواتها الهاديه
نوف : تراك بعيد
هزاع ضحك : ويا عندها و حاوطها بيده يعني حط ايده على كتفها و قربها منه و تموا يتمشون ع هالوضعيه
بعد مشي صوب برج ايفل و تصوير نوف الي ما خلص و تصور كل شيء و توثقه راحوا ع الشارع و وقفوا تكسي
( الحوار بالانجليزي )
هزاع : في متحف قريب من هنيه
الريال : هيه في متاحف كثيره
هزاع : ودني اكبر متحف قريب
الريال : تمام اركبوا
ركبوا و نخليهم لين يوصلون و نروح عند اليهال الي كله يتضاربون مهره و حامد
واقفين جدام بوابه دزني لاند
حامد : انا بدخل اول
مهره : قلت لك انا اول
حامد : لا لا انا الريال انا بدش من البوابه اول
مهره : حامد
حامد : جب
مهره بنظره طفوليه كلها ترجي و على امل ان يوفق هي تدخل اول : حبيبييي
حامد : يلا انزين دشي
( البوابه كبيره بس مادري ليش هم يتضاربون منو يدخل اول و هم يقدرون يدخلون مع بعض )
اول ما دخلوا
مهره : حامددددددددددددد حامد حامد حامد
حامد : ها يا مهره ها
مهره : بلعب كل الالعاب
حامد : يلا انزين العبي
مهره : العب وياي
حامد : مابا
مهره : حامد حبيبي يلا العب وياي
حامد : يلا ماقدر اقولج لا
نخليهم يلعبون و نروح لهزاع و نوف عند مدخل المتحف
نوف : هزاع المكان يجنن و قديم اكيد فيه اثار قديمه وايد
هزاع : هيه حبيبي المكان يجنن يلا ندش ؟
نوف : هزاع لا تسلك لي
هزاع : نوف حبيبي ابوي انتي انا ما اسلك لج بس هالاماكن ما تحتويني و ما افهم فيها ولا اهتم بهالاشياء بس ياي عشانج عشان تستانسين عشان اشوف ابتسامتج و اسمع صوت ضحكاتج الحلوه الي الله لا يحرمني منها
نوف : ولا يحرمني منك
قربت من هزاع و هو شدها صوبه و قعدوا يتمشون و يستكشفون المكان اكثر و نوف كانت مستانسه و هزاع مل بس كان كل ما يشوف ضحكتها و ابتسامتها و سعادتها و حماسها ينسى الملل
بعد اربع ساعات من استكشاف المتحف و نوف كانت ف قمه سعادتها و هزاع كان يتأمل ابتسامتها
هزاع : ها حبيبي شفتي كل الي ف المتحف في شيء بعد تبين تشوفينه ؟
نوف كان ودها تقعد اكثر بس هي عارفه ان هزاع مل ف قالت : لا حبيبي وين تبانا نروح الحين
هزاع : انتي اختاري
نوف : نتعشى ؟
هزاع : اوكيه اي مطعم حبيبي ؟
نوف : انته اختار حبيبي على ذوقك
هزاع : نوف حبيبي نحن مسافرين شهر عسل يعني شهر كامل حقج انتي المفروض ادلعج و اي شي تبينه يصير
نوف : انزين شو فيها لو انته اخترت المطعم عادي ترا
هزاع : خلاص حبيبي تبين ع ذوفي ع ذوقي
و راحوا للمطعم
مهره و حامد شو صار عليهم ؟
هزاع و نوف ف اي مطعم بيتعشون ؟
دانه و خالد شو صار عليهم ف يوم ميلاد دانه ؟ كيف احتفلوا فيه ؟
أنت تقرأ
لقيت الامان بحضنه
Romanceقصه رومنسيه خياليه و مب كل شيء ينكتب فيها حقيقي اغلب الروايه مستوحاه من وحي الخيال القصه تدور حول الشخصيات حامد و مهره و علاقتهم حامد و مهره عيال عم
