لقيت الامان بحضنه

الجزء السادس عشر

بعد مرور يومين طلعت مهره من المستشفى و ردوا البيت هي و حامد و اول ما دخلوا استقبلوهم الاهل بالاحضان و بعدها مهره راحت فوق عشان ترتاح و راح معاها حامد و قعدوا العايله يسولفون طبعا الكبار بروحهم يسولفون يعني الامهات و اليد و اليده و الابهات بروحهم و احفاد اليد بروحهم يسولفون

عند الاحفاد من بين السوالف و الضحك
ميره اخت مهره : مهره فيها شي و حامد ما قال لنا
نوف : حسيت بس خلاص يمكن شيء خاص و ما يبون حد يعرفه
خالد : صح لا تستوون ملاقيف
ميره : ترا مهره مو طبيعيه في شيء مضايقنها
نوف : في شي صح بس مو حامد الي مزعلنها لانها تسولف معاه و ها عادي و يمكن حتى هو ما يعرف الشيء الي مضايقنها
احمد : خلاص جب اسكتوا شديتوا فحياتهم الخاصه خلوهم بيتفاهمون بروحهم و لو يبونا نعرف بيقولون لنا بس هم ما يبون ف خلاص اسكتوا

عند حامد و مهره

حامد : مهره
مهره : ها عيوني
حامد : تعالي بكلمج
مهره راحت تقعد عند حامد و مسك ايدها
حامد : وين الي تاخذينهم ؟
مهره : ف السده
قام حامد و طلع الادويه و عقهم ف الزباله
حامد : شو الشيء الي ما يخليج تنامين تفكرين ف شو خبريني
مهره : افكر فيك انت
حامد : انا ؟؟!
مهره : تذكر يوم كنا بفرنسا
حامد : لا تقولين عشان الي صار هناك
مهره بدت تصيح : هي
حامد حضنها : شو فيج حبيبتي انتي ما بيصير شيء
مهره : حامد كل يوم اتيني افكار اني بخسرك انا مابا مابااا مابا
حامد : ما في شيء لا تحاتين و ها سلطان و ربعه خبرنا عليهم الشرطه و هم بيتصرفون لا تخافين
مهره حضنت حامد : انزين

بعد 3 ساعات

نشت مهره من النوم و شافت نفسها فحضن حامد
مهره : شو فيك ؟
حامد : ماشي
مهره : انت نمت ؟
حامد : لا ،، اصلا منو ينام الظهر غيرج ؟
مهره ضحكت
حامد : قومي يلا غسلي ويهج و البسي بننزل تحت يايينا ضيوف
مهره : منو هالضيوف
حامد : اهل امي
مهره : ما شفتهم الا مره وحده فعرسنا
حامد : حتى انا ما اشوفهم دوم بس يلا يلا نشي
قامت مهره غسلت ويهها و لبست مخوره و شيله بيت و تعطرت و سوت ميكب خفيف و حمد لبس كندوره و فتره و تعطر و نزلوا تحت
و هم نازلين ماسكين ايد بعض شافوهم اهل ام حامد و سلموا عليهم و قعدوا معاهم شوي يت بنت من بنات خاله حامد
قالت حق مهره : ممكن اتين شوي
مهره راحت معاها
مهره : هلا حبيبتي
البنت : انتي مهره صح
مهره : هيه ،، اسفه حبيبتي بس انتي منو
البنت : انا نوال بنت خاله حامد
مهره : هيه تمام ،. امريني بغيتي شيء
نوال : اكرهجججج
مهره ضحكت : ليش كلت شيء من حلال ابوج ؟
نوال : لا بس خذتي حامد و انا احبه و صدقيني بيي اليوم الي بيهدج فيه عشاني
مهره : اوكيه بس بقولج معلومه
نوال : قولي
مهره : انا ما خذت حامد هو خذاني و خطبني
و راحت مهره عنها و قعدت عند حامد و مهره كانت معصبه و متضايقه لاحظ حامد عصبيتها و ضيقتها بس ما قال شيء و بعد عشر دقايق ما قدر يمسك نفسه اكثر و يسكت
حامد : مهره البسي بنطلع
مهره راحت فوق تلبس عباتها
ام حامد : وين بتروحون ؟
ام مهره : هيه ليش بتروحون في ضيوف ؟
هالكلام جدام كل الي موجودين و كل حد يسمعهم
حامد : امس مهره كانت ف المستشفى صح ؟
ام حامد و ام مهره : صح
حامد : انا كنت معاها صح ؟
ام حامد و ام مهره : صح
حامد : الدكتوره قالت لي ان لازم تغير جو كل يوم و نحاول نغير نفسيتها
ام حامد : هيه مب مشكله حبيبي روحوا الله يحفظكم
نزلت مهره من فوق
ام حامد : مهره حبيبتي انتي بخير ؟
مهره : هيه خالوه
اليده : تعالي شوي مهروه
راحت مهره عندها
اليده بصوت خفيف محد يسمعه غير مهره : تبيني اضربها هاي نوال .. تراني سمعت كل شيء و ادري هي الي ضايقتج بس تاكل هوا لا تهتمين و اطلعي الحين مع ريلج و استانسي
مهره ضحكت : ان شاء الله يدوه
و راحت مع حامد