السلام عليكم اعتذر عن القطعه الطويله و لكن ظروفي كانت أقوى مني على العموم هذا بارت سريع يرضيكم و الي ياي احلى ...
عند مهره و حامد بدايه يوم يديد الساعه 10 الصبح
نشت مهره من الرقاد و تغسلت و بدلت ثيابها و جهزت ريوق و واعت حامد .. نش حامد
مهره : صح النوم حبيبي
حامد : صح بدنج يا روح حبيبج انتي
مهره : يلا قوم غسل و بدل
حامد نش تغسل و بدا و طلع عندها عشان يتريقون قعدوا ياكلون
مهره : شو البلان اليوم ؟
حامد : والله مادري حبيبي شو تبينا نسوي ؟
مهره : نروح نقعد صوب البحر
حامد : تم يا قلبي
مهره : حامد
حامد : عيونه
مهره : احس ف خاطري نسافر
حامد : تم بس عقب عرس خالد اخوج
مهره : اوكيه وين بنروح ؟
حامد : فخاطرج مكان ولا اختار ع ذوقي
مهره : اختار ع ذوقك
حامد : خلاص بنسير ايسلاندا
مهره : اوكيه حبيبي
خلصوا اكل راحت مهره تبدل لبست هودي ابيض و بنطلون اسود لان الجو بارد و سوت ميكب خفيف و لبست شيلتها و شلت شنطه صغيره سوده و بعدين رشت عطر خفيف
مهره : خلصت
صدت صوب حامد شافته يالس يلعب ببجي
مهره : حححااااااامممممدددددد
حامد : عيوني
مهره : يلا قوووم خلص
حامد : دقيقه حبيبي مابا اخسر
مهره : عطني انا بلعب بدالك انت سير
حامد : ها يلا لعبي بسير بلبس و بي لا تموتين
دش حامد يبدل ما طول وايد طلع شاف مهره يالسه و هاده التلفون
حامد : مهروه خسرتيني
مهره : عادي بس مت ما استوا شيء
ركزت ف ملابسه كان لابس هودي ابيض و بنطلون اسود
مهره : قلاد
حامد ضحك لان عرف شو تقصد
مهره : يلا يلا
حامد : اوكي يلا
طلعوا من الفندق و راحوا البحر يلسوا و صورت مهره و قعدوا يسولفون
نرجع للعايله
احمد : اميه
ام احمد : هلا
احمد : انا ابا اخطب
ام احمد : منو ؟
احمد : اخت ربيعي اسمها عليا بنت *****
ام احمد : هيه اعرف اهلهم على خير ان شاء الله بخبر ابوك و يدك و يدتك و بنخطبها لك
احمد : ان شاء الله
نروح مكان لاول مره نروحه بيت خاله حامد تحديدا عند نوال و اختها سلمى
نوال : بيطلقها غصبا عنه
سلمى : كيف ؟
نوال : انا احب حامد و اباه
سلمى : انزين بس هو مستانس مع مهره
نوال : بسوي كل شيء عشان تنهدم سعادتهم
سلمى : ف شو تفكرين ؟
نوال : بسوي لهم سحر
كان هذا الكلام الي يدور بين نوال و سلمى و ما يعرفون عن الشخص الي يسمعهم برع و كان اخوهم سلطان سمع و عرف كل شيء و بحكم ان سلطان يحب ميره اخت مهره و ما يبا شيء يستوي يخلي زواجهم مستحيل ف راح و قال لانهم و ابوه عن كل شيء سمعه طبعا انه و ابوه عصبوا و كان صوتهم جدا عالي و نوال تمادت على اهلها بالكلام و لاول مره ابوها يضربها كف
نوال : مديت ايدك علي ؟؟
ابوها : لج عين تتكلمين بعد ؟
نوال : والله ما اخليكم
راحت غرفتها و مسكت تلفونها تتصل فشخص و هالشخص كان ....
عند حامد و مهره يضحكون و يسولفون
حامد : حبيبي مهاري
مهره : عيوني
حامد : شو رايج نسافر مكانين ؟
مهره : ما اقول لا
حامد : وين خاطرج نسير ؟
مهره : النمسا
حامد : خلاص تم بنسير اول ايسلندا و عقب النمسا
مهره : انزين يلا نرد الفندق نشل اغراضنا و نرد البيت
حامد : تمام
تتوقعون منو الشخص الي نوال تكلمه ؟؟
هل هالشخص يكره مهره و حامد ؟؟
شو بيستوي بين مهره و حامد بسبب مخططات نوال ؟؟
هل حبهم بيفوز ؟؟
احمد و عليا خطبتهم بتتم ولا في شيء بيخرب ؟؟
أنت تقرأ
لقيت الامان بحضنه
Romantikقصه رومنسيه خياليه و مب كل شيء ينكتب فيها حقيقي اغلب الروايه مستوحاه من وحي الخيال القصه تدور حول الشخصيات حامد و مهره و علاقتهم حامد و مهره عيال عم
