الصبح فالويكند حامد و مهره يسولفون ف الصاله
حامد : مهاري
مهره : هلا
حامد : شو رايج نطلع نتغدا اليوم
حمده : انا بيي وياكم
حامد : لا انتي صغيره
حمده : ماما شوفي حامد ما يباني اروح معاه
ام حامد : انا بوديج
حامد : مهاري شو قلتي
مهره : عادي ما عندي مشكله
حامد : تمامم .. عمي اكيد موافق ؟
ابو خالد : هيه هيه ما عليك اهم شيء اعزمها ع مطعم هي تحبه
حامد : ما عليك
مهره : اقولكم ؟
الكل : قولي
مهره : وين نوف مختفيه ؟
الكل : مادري
خالد : حتى هزاع محد
دانه : بدق بشوف هم وين
دانه : هلا نوف وينج
نوف : طالعه مع هزاع ليش فيكم شيء
دانه : لا بس نتطمن
نوف : تمام بنرد عقب ساعتين بنتغدا برع
دانه : تمام
عند هزاع و نوف :
هزاع : منو داق ؟
نوف : دانه
هزاع : شو تقول ؟
نوف : تسأل نحن وين
هزاع : تمام
نوف : وين بنروح ؟
هزاع : اصبري و بتعرفين
سكتوا هم الاثنين و هزاع كان يسوق و نوف كانت ساكته لين ما قطع هالصمت هزاع
هزاع : نوف بسألج ؟
نوف : اسأل ؟
هزاع : انتي تحبيني ؟
نوف : ليش هالسؤال ؟
هزاع : نوف انتي تنعرفين و انا ادري انج تحبيني بس اسلوبج وياي متغير حتى نظراتج متغيره
نوف تمت ساكته
هزاع وقف السياره على جنب و صد صوبها : انتي تحبيني ؟
نوف بدت عيونها تدمع و تصيح
هزاع : نوف شو فيج ؟
نوف : هزاع انته وايد مضايقني
هزاع : شو سويت ؟
نوف : انا عرفت عن سالفه علياء ليش انته ما قلت لي ؟ ليش تخليني اعرف من حد غيرك ؟
هزاع : انا ابا اعرف منو قالج و بعدين انا اصلا كنت بقولج الحين يوم بنروح نتغدا ما كنت اباج تعرفين بهالطريقه
نوف : يعني كنت بتقول لي ؟
هزاع : هيه كنت بقول لج
نوف : هزاع انته بعدك تحبها صح ؟
هزاع : نوف انا احبج انتي .. علياء ماضي و ما احبها احبج انتي
نوف : عيل ليش هي كلمتني و قالت لي انك تحبها و قالت لي ان انا خربت عليكم حبكم
هزاع : انا و علياء انتهى كل الي بينا من 3 سنين
نوف : هزاع انا مابا اكون سبب ف حزن حد خصوصا انته
هزاع : نوف انتي ما زعلتي حد انا احبج انتي
نوف : تمت ساكته و تصيح
هزاع : نوف حبيبتي خلاص لا تصيحين و علياء انا بتفاهم وياها
نوف : لا مابا اسوي مشاكل
هزاع : خلاص ما بكلمها بس اهم شيء انتي ما تصيحين
نوف : تمام
تعريف سريع عن علياء .. علياء حبيبه هزاع السابقه صارت مشاكل بينها و بين هزاع و هالمشاكل فرقت بينهم و كان الغلط من علياء و علياء ما كانت تبا تشوف هزاع مستانس و مرتاح ف حياته ف عشان جي لما عرفت عن الي بين هزاع و نوف قررت تكلم نوف و تخرب بينهم
ف البيت بعد ما رجعوا نوف و هزاع
هزاع و نوف : السلام عليكم
الكل : عليكم السلام
اليد : تعالوا بكلمكم كلكم ف موضوع
راحوا كلهم و تجمعوا حول اليد
اليد : بما انكم كلكم هنيه فهاذا هو الوقت المناسب الي لازم ارمس فيه
تتوقعون شو الموضوع الي اليد بيرمس فيه ؟
الشيء بيكون يفرح ولا يزعل ؟
شو بيصير لابطالنا ؟
أنت تقرأ
لقيت الامان بحضنه
Romanceقصه رومنسيه خياليه و مب كل شيء ينكتب فيها حقيقي اغلب الروايه مستوحاه من وحي الخيال القصه تدور حول الشخصيات حامد و مهره و علاقتهم حامد و مهره عيال عم
