راح احجي الكم قصة صغيرة
بزمن من الازمنة چان اكو مرة عمرها بألاربعينات
چانت هل مرية تمتلك بيت قديم وتعبان وهل البيت كل يوم چان يطلع اله كل يوم مشكلة شكل والمرية تبقى بحالة قلق و توتر وتعب وهي تحاول تصلح هل المشاكل الي تطلع بالبيت ، مرة البواري يطكون بالبيت وميبقى مي ، مرة السقف قديم كلش ويحتاج ترميم ، مرة الارضية تحتاج تجديد ، مرة الحياطين تتشقق وهكذا كل يوم وكل فترا مشكلة شكل
بهل البيت القديمة وصاحبة هل البيت كلش عنيدة ومتمسكة بهل البيت التعبان وكل ما تصلح بيه شيء يطلع الها مشكلة جديدة .. اقارب واصحابها هاي المرية كل يوم ينصحوها ما دام عدها امكانية تبدل هل البيت القديم بواحد جديد وهي تبقى ترفض وتتمسك بهل البيت بكل قوتها لانو بهل البيت عدها جم ذكرى حلوة .. وتستمر الحكاية ويوصل عمر هل مرية للستينات وتبدي تمرض و تتعب و بعد ما يبقى الها حيل حتى تعين نفسها و تصلح بهل البيت التعبان و تشاء الاقدار انو تتعب كلش وواحد من أقاربها يشفق عليها و ياخذها لبيته حتى تعيش يمه هل جم سنين الباقية الها الى ان تتوكل ،، ومن تبدي تعيش ببيت قريبها الجديد تبدي شوية شوية تستوعب اغلاطها و انو تمسكها بجم ذكرى خلاها تفني عمرها ببيت قديم ، تعبان ، مليان مشاكل و بنهاية هل البيت القديم بقى على حاله ونفس ما هو ..بس هي الي تعبت ولو ماخذه قرار انو تبيع هل البيت وتشتري بيت جديد بمواصفات احسن جانت هسه عايشة براحة اكبر بدال ما تفني عمرها تبني بيت تعبان مراح يتصلح .....
اعتبروا هاي البيت القديم التعبان المليان مشاكل والي كل ما تصلحون بيه شيء يطلع مشكلة جديدة الكم هو العلاقة السامة او العلاقه التعبانة او العلاقة الي بس مشاكل الي انتو عايشينها او عايشين بيها
واعتبروا المرية العنيدة هو انتم
واسالو نفسكم اني ليش باقية ابني بيت قديم مراح ينبني اساساً ؟
ليش اتعب نفسي واصرف طاقة و وقت واهتمام على شيء بنهاية مراح يتغير بس بنهاية اني الي راح اتعب واتدمر !!!
واسالو نفسكم هل اني استحق او استاهل ابقى بهل البيت القديم
لو لازم اترك هل البيت علمود راحتي وابدي ادور على بيت جديد بمواصفات تناسبني حتى ارتاح وما اتعب !!
الي دا يعيش علاقة سامة ياريت يجاوبني على هل الاسئلة الي فوك ويكتب بالتعليق جوابة
والاقوياء الي مروا بعلاقات سامة ومتعبة وتجاوزوها و لكو بيت حلو ومريح بمواصفات همه يستاهلوها خلي يكتبولي اهنا عن شعورهم واحساسهم بالامان والاحتواء والاستحقاق ..
و كل الي يتابعوني خلي يكتبون تجاربهم بالعلاقات المتعبة والسامة مو شرط فقط حب حتى الاهل والاصدقاء الكل يكتبلي ويجاوب على الاسئلة والكل يقرا الردود هم الي عنده الوقت خلي يقرا ويتابع الردود
عسى ولعلى نكدر نساعد بيها اكبر قدر ممكن من الناس حتى يوعون وميدمرون نفسهم بعلاقات سامة
وراح اقرا كل اجوبتكم واشارككم هم ❤️🙏🏻
هاي اول شيء اتمنى تشاركون بيه وياي ونبدي على الاقل اول خطوة حتى نغير بيها وندور على استحقاقنا
و شغلة الثانية رواية ليلاس راح تنزل عن قريب كلش كلش و هسه التحضيرات كاملة للنهاية وسبق وان نوهت النهاية حتكون نهاية يستاهلوها كل الابطال وبطريقة واقعية شوية واني كلش احبكم وومتنة كلش لصبركم عليا بس نرجع ونكول حياتنا الي بالواقع تحتاج منا الوقت الاكبر والاهتمام الاكثر احبكم كلش ...❤️❤️
والي يكولون بين نهايته محلوة و لازم ارجعه يعيش ترا بين اخذ نهاية يستحقها .. صح احنا البشر نصنع الوحوش بس الوحوش يكون الهم حق الاختيار يا اما يكونون وحوش على حسب الي عاشوه يا اما يتغيرون وياخذون دروس من الي عاشوه ... و بين اختار يبقى وحش وبنهاية هو قاتل هم ف شفتها نهايه يستحقها 🖤
و
جاوبوني
على
كل
الاسئلة الي فوك
لا تنسون واني احبكم بباي الى ان تنزل نهاية الرواية ❤️❤️❤️
وهاي صفحتي على انستا zaalli9 اذا تحبون تتواصلون وياي💋
أنت تقرأ
ليلاس (عشق الشيطان)
Romanceيقف أمامها السواد يغطي عينيه يراها نائمة بسلام تقدم منها واصبح وجهه يقابل وجهها قبل شفتيها بهدوء وجسده يخونه كالعاده ويرفع رايته البيضاء أمامها رغبته بها وهوسه بها يتعبه ياخذ من طاقته الى الان لم يعترف لنفسه انه يحبها بل يعشقها فقط يصف ما يشعر به...
