الفصل السادس عشر
ممكن في لحظه امور كتير تكون ماشيه عادي جدا و بسلاسه بس فجأة تتعقد طب ايه السبب الصراحه زي زيكم اتعرضت لي مواقف كتير جدا زي دي و تقدره تقوله اني فضولي لي ابعد الحدود علشان كده سألت كتير جدا ايه اللي يخلي حجات كتير ماشيه بسلاسه تقف في لحظه الرد جاني و كان غريب جدا كان ان مفيش توفيق من ربنا برده انا فضولي و سألت طب ليه انا الحاجه دي عايزها و حاببها و جاني الرد برده ان ربنا دايما بيعمل لينا الصالح و مش كل حاجه نشوفها حلوه في نظرنا تطلع حلوه فعلاً و طبعا قولت ده كلام الناس بتقوله علشان تصبر به نفسها و خلاص بس مع الوقت الحياه بتديني كل يوم درس جديد يكتشف فيه ان عدم توفيق ربنا ليا في مواقف كتير جدا انا شايفها خير ليا كان صح فعلا الحاجه دي مش خير ليا خالص يعني فعلاً الحاجه اللي كنت شايفها خير اتقلب ١٨٠ درجه (و لو علمتم الغيب لي اخترتم الجهل به) حقيقي مش دايما اللي بنشوفه خير بيطلع خير و ده درس اتعلمته بس بقسوه الايام
بدايه الفصل
سحب سامي رودي من ايدها و دخل بيها مطعمهم و راح عند تربيزه سحب الكرسي ليها
سامي : اتفضلي
رودي : (قعدت و هيا مستغربه) و ده ليه بقي
سامي : الصراحه انتي في الفساتين بتطلعي احلا و انتي النهارده لبسه فستان شيك
رودي : (اتكسفت شويه) اشمعنا
سامي : مش عارف بس شكلك بيطلع جميل في الفساتين غير السوتس اللي بتلبسيها
رودي : بس انا برتاح فيها اكتر
سامي : بس ده احلا عليكي ها يا ستي ها تعزميني على ايه على حسابك طبعا
رودي : مش ملاحظ انك ضيف غير مرغوب فيه
سامي : عارف بس انا عايز اقعد معاكي شويه
رودي : و انا مش عايزه
سامي : طيب قومي
رودي : ده مكاني انتا اللي تقوم
سامي : انا زبون و المكان فاضي يعني تقدري تقعدي في اي حته تانيه على فكره انا عايز اجرب الاكل عندكم (شاور لي الويتر جيه و اخد الطلب بتاعه و طلب كمان لي رودي) نشوف بقي المنافس بتاعي عامل ايه
نزل الاكل و كان بسرعه و دي اول حاجه لحظها سامي
سامي : الخدمه عندكم سريعه
رودي : علشان مينفعش نتأخر عن الناس احنا العملاء بتوعنا رجال اعمال و شخصيات مهمه هو مش فاضي للتأخير عايز ياكل و يمشي
سامي : و لو مش جاي علشان الاكل يعمل ايه
رودي : و ها يجي ليه مكان اسمه مطعم غير علشان ياكل
سامي : يمكن علشان يخلص صفقه
رودي : يقوم يجي مكان زحمه
سامي : عرفه سألت ابويا مره انتا ليه بتحب تنزل اماكن شعبيه كتير رد عليا و قالي سامي لما تحب تخلص شغل من تحت التربيزه تنزل مكان زحمه ليه يا بابا قالي علشان وسط الزحمه الكلام يتوه و محدش عارف حد لو حسيت انك متراقب تعرف تزوغ وسط الزحمه اللي محدش دريان فيها بحد ده كان رده و الصراحه رده عجبني خلي الشباب يأخره الاكل شويه على الشخصيات المهم الانه في الاغلب جي المطعم علشان يخلص شغل من تحت التربيزه
رودي : سامي مش كل حاجه من تحت التربيزه
سامي : و هيا الدنيا ماشيه ازي غير بكده انتي فكره انا اخدت المطعم ازي من تحت التربيزه
رودي : انتا معترف
سامي؛ مقدرش انكر بس تفتكري مين ها يحاسبني
رودي؛. الدوله
سامي : ههههه الدوله ههههه انتي عرفه الدوله احنا بنضخ فيها استثمارات بكم في الشهر مش السنة لا الشهر بس مبلغ ضخم ها يضحه بده مقابل صفقه صغيره من تحت التربيزه
رودي : بس دي مش صفقه واحده
سامي : عندك حق بس انا اشتريت بنك سعره ١٢٠ مليون دفعنا الضريبه كم ١٠ مليون اتنقل المطعم من ملكيه البنك بتاعي لي ملكيتي دفعت عليه ضريبه برده
رودي : و ده ازي
سامي : ببساطه اي بزنس مان في العالم بيعمل ايه يعني المليارديرات بيعمله ايه بيجمده فلوسهم في اسهم شريكاتهم يعني فعلياً واحد زي إلون ماسك فقير و معدم كمان بس عنده اسهم شريكاته اللي تقدر بمليارات بس دي اسهم و مش بيدفع عليها ضريبه صح
رودي :صح
سامي : لما يحب يشتري بيت او عربيه او طياره خاصه او شركه بيعمل ايه
رودي : يبيع الاسهم
سامي : غلط لو باع ها يتفرض عليه ضريبه يجي هنا دور البنك يروح يقدم على قرض بضمان اسهمه او جزء منها و الاسهم اربحها تسدد القرض و فلوس القروض معلهاش ضرايب احنا نقدر نعمل كده زي اغلب مستثمرين العالم بس بيعمل ايه بنسيب مبلغ في صوره سيوله ودائع بنكيه سندات شهادات ادخار كل ده يخضع لي قانون الضرائب و كمان عموله البنك يبقي الدوله او اي دوله في العالم تغمض عنيها عنا وله تفتح و تبص لينا من الاخر احنا بناكل عيش بس مش بنتعدا الحدود و كمان نقسم جزء من اللقمه مع الدوله بالحسبه الصغيره دي يا رودي اتعمل علي الصمدي
رودي : يعني الضرايب هيا اللي عملت ابوك
سامي : لا مش بس الضرايب بابا بيعرف يختار الشخص اللي يتكلم معاه في الحاجه اللي هو عايزها يعني عايز البنك البنك علشان يتنقل لينا لزم خطابات و اعتمادات و ترشيحات من البنك الدولي و البنك المركزي كل ده خلص في ليله يعني حسبه ست او سبع سعات كل ده ازي هل هو اتكلم مع مديرين المنشأت دي
رودي : هو يعرفهم
سامي : ايوه معرفه شخصيه كمان
رودي : يبقي كلمهم
سامي : لا الانهم مش ها يوافقه فيعمل ايه يتكلم مع الناس اللي هو عارف انهم ها يوافقه بيعرف يختار يتكلم مع مين
رودي : و انتا بقي بتعمل زيه
سامي : بحاول اتعلم بس الله يرحمها جدتي كانت اول مره انزل الصعيد وسط اهلي و ساعت فرح فا جيه ناس كتير جدا تبارك من اهل الصعيد و رايح انا و اخواتي لي المضيفه علشان نستقبل الضيوف قالتلي نصيحه مهمه جدا
رودي : ايه هيا
سامي : قالتلي واد يا سامي انتا داخل على ناس تقيله كبار لزم تعرف امته تتكلم و امته تسكت امته تتكلم مع مين و فين و في انهي وقت لزم تعرف ان الكلمه الصغيره محسوبه عليك الهمسه زي الكلمه اتعلمت الدرس ده و فهمته بدأت اطبقه في حياتي و لما رجع بابا لحظت هو بيتعامل ازي مع الناس و عرفت ان نصحيه جدتي ليا مكنتش من فراغ
رودي : تفتكر حاجه زي دي هيا اللي عملت علي الصمدي ابوك
سامي : بتسألي ليه
رودي : يعني انا شايفه شخص ناجح في حياته بزنس مان قوي جدا ناجح لي ابعد الحدود استثماراته في كل حته في العالم غير كده شيك اوي هههه
سامي : اوبا ده الحج بيتعاكس
رودي : اكذب عليك هو الصراحه امور
سامي : لا ده امي و سندي و سلوي لو سمعوكي ها يزعلوكي اوي بس تعرفي بيقوله اني شبه بابا و هو شاب صغير
رودي :(قلبت وشها) خلاص كرهته
سامي : لا يا شيخ
رودي : (ابتسمت)
سامي : انتي بقي يا رودي يعني ولدك مين ولدتك مين
رودي : بتسأل ليه
سامي : يعني عايز اعرف عنك اكتر
رودي : طيب يا سيدي ولدي انا راجل عصامي بنا نفسه بنفسه من الصفر اسمه احمد سافر بره مصر و لف العالم كله علشان لقمه العيش كان رغم كل ده راجل بسيط جدا قابل ولدتي بره مصر كانت بريطانيه سيده اعمل شيك و جميله اوي صورها كلها بتقول كده حبه بعض و اتجوزه و بابا بدا يوسع شغله اكتر كان عنده مطعم صغير خالص مع مساعده ماما كبره المطعم لي سلسله مطاعم حول العالم و رجع مصر بدأ يستثمر فيها و وقتها اخد عمي تحت دراعه ساعده و كبره و لما توفي انا بقيت في وصايه عمي رجعت من انجلترا مع الناني بتعتي و عشنا في مصر من وقتها و عمي هو المسؤول عن شغلي و عن كل حاجه تخصني بس
سامي : يعني بعد اللي عمله عمك ده كله و وجع الدماغ و طلع في الاخر موظف
رودي : هو المدير المسؤول
سامي : انا دلوقتي بس عرفت انتي طلعه حلوه لي مين لي ولدتك
رودي : (رفعت حجبها) و دي بقي معاكسه
سامي : لا ده تحرش لفظي
رودي : (ابتسمت بكسوف) على فكره الاكل خلص مش ها تمشي
سامي : عارف بس حابب اسمعك
رودي : اشمعنا
سامي : يعني مش عارف بس عندي فضول من نحيتك شويه ممكن اسأل سؤال تاني
رودي : اتفضل
سامي : ايه حكايه الارض بتاعت الخان دي
رودي : مفيش جدي كان عنده ارض كتير و كان صاحب املاك كتير بس واحد بقي ابن حرام اخد كل حاجه منه و طرده و بابا وقتها كان لسه شاب صغير و عمي كان كبير عمي اختار انه يقعد و يحاول يرجع املاكنا بصوره قانونيه لكن بابا قال مش ها ينفع و سافر بره يشتغل عمي بيقول كان عندنا ارض تسد عين الشمس و محاجر العمال فيها مكنتش بتكسر صخور لا كانه بيكسره دهب بس واحد حرامي سرقهم من جدك
سامي : و انته بتدوره عليها دلوقتي اشمعنا
رودي : سامي الموضوع كرامه زي ما قولت قبل كده و عمي حالف ما يموت غير و الارض و المحجر في حيازتي انا و جابر ابن عمي حقه
سامي : اممممم طيب نطلب القهوه
رودي : قصدك الحلو عندنا انوع ديزرت تحفه
سامي :حلو و انتي موجوده ده حتي تبقي عيبه في حقك
رودي : اممممم لا الجو ده مش بحبه بحس انه ملزق كده
سامي : خلاص نطلب الحلو و بعده القهوه
أنت تقرأ
الفنجان (حرب الهيبة)
Actionلن ترا عندي إلا كل مكر و حزن و فراق فان كنت من اصحاب القلوب الضعيفه لا انصحك بالتكملة قد تكون البداية بسيطه و لكن النهاية قاسيه كا قسوه الحياة
