الفصل التاسع عشر
لزم يا صديقي تعمل حساب الدنيا لزم و غدرها اهم بكتير يعني غدر الدنيا ده صعب جدا و لما تغدر بيك اوي تخلي الضربه تيجي من القريب مش من الغريب بس نرجع و نقول اللي ربنا ساتره و كارمه بنعمه الستر بيعرف يطلع من غدر الدنيا بدون اي خدش مع العلم في ناس بتتعور و تتعور جامد بس دايما بتكون اقل من المفروض تتعوره بحسبه بسيطه يا عزيزي يدخل الستر يخفف البلاء و الستر دايما موجود طول ما الستار موجود
بدايه الفصل
في المكتب
انا : ردك ايه يا رودي
رودي : انتا عايز ايه
انا : عايز الحقيقه زي مانتي كمان عايزه حقك اللي بجره قلم صغيره تاخديه بس تفتكري ها تملكي و تحكمي وله تملكي بس دي مش نقطتنا انتي حبيتي سامي
رودي : (سكتت و معرفتش ترد اخدت نفس و الدموع نزله من عنيها) ايوه بس بس حقي لزم اخده
انا : (ابتسمت بستهزاء) بس كده تاخدي حقك بس لو شايفه حقك فعلاً
من وره الستاره كانت مستخبيه اميره اللي حطت المسدس على دماغ رودي
انا : (سحبت من رودي المسدس بكل هدوء) اقعدي يا رودي
رودي : (بصت وراها لي اميره)
انا : (مديت ايدي لي اميره)
اميره : (حطت المسدس في ايدي)
انا : اقعدي يا رودي اطمني لو عايزك ميته كان زمانك ميته من مده طويله انا مش عايز ازعل ابني اقعدي و انتي كمان يا اميره اقعده يا بنات
اميره سحبت رودي و قعدتها و هيا خايفه مرعوبه بمسدس اميره مسكته و طلعت الخزنه و رصاصه المسوره و حطيتهم في الدرج و سبت مسدس رودي قدامي
انا :كنت مستني اللحظه دي من وقت ما دخلتي البيت ده و مش هسألك جبتي مسدس منين في بيت تاجر سلاح دي شكليات
رودي : طول عمر الحرامي يخاف من الساعه اللي يقابل فيها غريمه
انا : حرامي هههههههه حرامي هههههه طب ازي
رودي : سرقت جدي كل ما يملك تبقي ايه غير حرامي
انا : انا مش حرامي يا رودي جدك هو اللي كان عايز يدمرني و انا لسه عيل اخضر زي سامي جوزك كده كنت في نفس سنه تقريباً و اللقيه باعت واحده ترمي بلاها عليا اني حاولت اتغرغر بيها ست سمعتها زباله كان عايزني اتجوزها علشان يوسخ اسم عيلتي يدمره علشان مجرد كرسي اسمه كرسي امبراطور الصعيد ياااااه انا علشان الكرسي ده دفعت كتير اوي جيه جدك و عايز ياخده
رودي : كداب كل كلامك كدب
انا : انا فيا صفات كتير و ايوه ظلمت ناس في حياتي منكرش ده بس جدك لا و اكذب برده لا سبحان الله الوسخ مش كامل وله الحلو كامل مفيش كامل ابدا في الدنيا
رودي : انا معايا الدليل اللي يثبت انك سرقت
انا : طلعيه و انا عندي اكبر دليل يثبت اني مسرقتش
رودي : فين هو
انا : كفايه انك لسه عايشه لحد دلوقتي و على فكره انا مش خايف من الموت نهائي طول عمري ابن موت مش جديد عليا و عمري مخفت منه (فتحت الدرج و لقيت رودي اتهزت جامد طلعت من الدرج ورقه صغيره و قلم كتبت عنوان) امسكي الورقه دي و روحي العنوان و عليكي امان الله اسألي عن جدك و انتي تعرفي الحكايه كلها امسكي الورقه
رودي : (مسكت الورقه و ايدها بتترعش)
باب المكتب اتفتح مره واحده و رودي اتخضت و دخلت سلوي
سلوي : علي انتا لسه صاحي
انا : ايوه يا حياتي
سلوي : و رودي و اميره بيعمله ايه هنا دلوقتي
انا : كنت بوصيهم على الولاد و انتي عرفه بقي دول بناتي دلوقتي مش هما اللي ولادي
سلوي : ومطلع مسدس ليه هو في ايه
انا : مسدس ايه يا سلوي دي الولاعه بتعتي ههههه (دوست علي الزناد في مسدس رودي و طلع نار ولاعه مش رصاصه الان رودي مش دخله تقتل) شوفتي
سلوي : ها تفضل طول عمرك كده يعني طيب مش يله ننام وله ايه
انا : انا طالع اهو يله يا بنات كل واحده على اوضه جوزها يله يا اميره خدي رودي و اطلعه
اميره : (قامت مسكت ايد رودي لقتها متلجه) يله يا رودي
اخدت رودي و طلعت بيها فوق وصلتها لحد اوضه نومها سابتها و دخلت هيا اوضتها علي مأبقاش على حيات رودي غير لي سبب بسيط خالص رودي مش بتاعت قتل دي نزله بولاعه علشان تهوشه رايحه تهوش تاجر سلاح عليا الطلاق تاجر سلاح بولاعه علي شكل مسدس تخيل يا عزيزي هههههه هيا طيبه و بتحب سامي بس كل الموضوع عندها انها عايزه تطلع كسبانه من كل نحيه يعني رجعت ورثها من ابوها و خلصت من عمها و كمان اخدت ورث جدها اللي اتاخد (و ازعل قوي قوي يا عزيزي لو متعرفش مين جدها و لو معرفتش انا ببلغك اني زعلان و بعدين ارجع لي السلسله الاوله و انتا تعرف بس احب اقولك ان الاهتمام ميطلبش و طبعا مش ها تقلق من الكلمه يا عزيزي الغير مهتم علشان انا مش اللل يله خليني ساكت)
بس اللي متعرفهوش رودي او مش قدره تفهمه ان كل حاجه و ليها تمن و هيا طلعه كسبانه كتير يعني كسبانه سامي و كسبانه انها زوجه سامي علي الصمدي وجودها في بيت الصمدي لوحده مكسب و اهل البيت كمان مكسب ليها و مش مادي لا معنوي يعني هيا وسط ناس مش طمعانه فيها يعني لو حبوها يبقي من قلبهم مش لي مصلحه ليهم عندها في لعبه الدنيا يا عزيزي مفيش مكسب كامل وله خساره كامله في مكسب نسبي و خساره نسبيه مش مطلقه الحسبه لا الحسبه نسبيه نسبه و تناسب فهمتني يا عزيزي
ولعت سجاره و قعدت في المكتب
فوق في اوضه سامي
بعد ما رودي دخلت بصت حوليها و عينها جت على الكمودينو لقت مسدس سامي مسكته و هيا متعصبه وجهت المسدس لي سامي بس مقدرتش تضربه بالنار وله قدرت حتي تأذية حطت مسدسها على الكمودينو و قعدت علي الكنبه تعيط يتحاول متطلعش صوت بس مش قدره جوها صراع صعب انه يتحسم دلوقتي بين ان حقها مش ها يرجع غير بالدم و هيا لا تقوي على الدم اصل الدم يا عزيزي مش زي اللي بتشوفه كل عيد اضحي لا الدم اكبر من كده بتكتيييير و مخيف جدا نظره الانسان لي الناس بعدها بتختلف تماما يعني طول عمرنا احنا كا رجاله بنقول اللي تعرف ديته اقتله بس مش بالكلام بالفعل يا عزيزي و صدقني الفعل صعب جدا
صحي سامي على صوت رودي قام منطور من علي السرير جري عليها
سامي : رودي مالك مالك يا رودي ايه اللي حصل
رودي : (منهاره من العياط) سامي انا سامي
سامي : مالك ايه اللي حصلك قوليلي حد دايقك حد زعلك قولي و انا اجبلك حقك
رودي : احضني يا سامي احضني
سامي : (اخدها في حضنه و هو خايف عليها) بس اهدي طيب اهدي
رودي : (طلعت الاه بقهر) اههههههه
سامي : بس خلاص بس اهدي اهدي يا حببتي اهدي
في اوضه نوم علي
صحي علي قلقان لقي اميره قاعده على السرير جنبه مركزه في الحيطه اميره كانت شايفه اللي محدش شايفه و اللي مينفعش حد يشوفه لحد ما ابتسمت
اميره : ايه ده انتا صاحي يا علي
علي : اه مالك قاعده كده ليه
اميره : مفيش قلقت بليل قومت بصيت على يوسف طلع نايم
علي : طيب مرجعتيش تكملي نوم ليه
اميره : قولت استنا الفجر (رن تلفون اميره بصوت الاذان) يله قوم اتوضا و صلي الفجر معايا
علي : حاضر
خلصت سجارتي و طلعت اوضه سلوي و نمت نمت مرتاح كمان طلوع رودي انا فهمه اصل ميفهمش الموتور غير اللي زيه و موتور يعني متوتر مزبذب و ميفهمش ده غير اللي زيه علشان كده نمت و انا متأكد ان رودي مستحيل تأذي سامي او تضر اي حد من البيت و إلا كانت سندي عملت كده زمان بعد ما عرفت حقيقه امها الصراحه انا كاكاتب ليا رأي تاني بعيد عن علي يمكن علشان الاصل غالب ايوه الاصل غالب اصل البني ادم مش بس بيتحدد بهو مين و ابن مين زي مثلا صحبنا علي لا يرجع لي التربيه هو اتربا ازي اتربا يسامح وله يشيل اتربا على ايه هو ده السر اللي يخلي ابن الاصول ابن اصول و يخلي العادي عادي و الجربوع جربوع حد فاهم حاجه وله انا يله نكمل
نمت رودي في حضن سامي و هيا حاسه بالامان ايوه حسه بالامان الانها لو حماها عايزها ميته كان زمنها ماتت من بدري بالعكس ده فتح ليها الباب رغم انه عرفها طول عمر بطلنا مقامر يحب يغامر يراهن على الفرس الكسبان في السباق و عمره ميطلع خسران و هيا الدنيا ايه غير سباق و كلنا فيها خيل بنجري
صحيت تاني يوم على سلوي
انا : صباح الخير يا سلوى
سلوي : انتا متعرفش تصحه لوحدك لزم اصحيك
انا : ايوه انتي صحيه من بدري
سلوي : ايوه
انا :. كويس ادخل الحمام انا بقي على ما تعملي الفطار عايز شويه فول
سبت سلوي و دخلت الحمام غسلت وشي و اخدت دش سخن و طلعت لبست بدلتي و نزلت تحت لقيت الكل متجمع
انا : صباح الخير
الكل : صباح النور
انا : فين سامي و رودي
غرام : لسه منزلوش
انا : طيب اطلعي بلغيهم ان الفطار جاهز يله
غرام : ماشي (طلعت غرام فوق)
سيف : اتفقنا يا محمود
محمود : طيب افهم السبب
انا : في ايه
سيف : بقوله انه ميرحش وكاله الغرابلي تاني بنفسه
انا : ماشي فين المشكله
محمود : ايوه ليه
انا : امبارح انا روحت مع ابوك طلبنا ايد منال الغرابلي ليك مش من الطبيعي انك ترح بعدها تباشر أعمالك معاهم لسبب بسيط مينفعش تبان في مظهر الملح حتي لو متكلمتش في حاجه ها تتفهم انك خفيف خليك تقيل
محمود : تمام يا جدي
انا : اعمله حسابكم بكره ها ننزل الصعيد علشان سبوع عهد هانم (بقرف) الملكي اعمله حسابكم يا علي جهز العجول اللي ها تدبح عايز كل بيت من بيوت المحافظه كلها يبقي فيه مش اقل من ٥ كيلو لحمه و ظبط مع الطباخين و الامور دي
لميتا : جميل كان عايز يجيب كم عجل
انا : عايز يدبح يدبح هنا مش هناك الليله دي انا قايم بيها من اولها لي آخرها
لميتا : ماشي يا حج ربنا يخليك ليا بس قولي كان في حركه نحيه الاسطبل امبارح بليل
انا : اه وصلتني فرسه جديده حلاوه ولاده القمر دي و سمتها عهد على اسمها
سندي : من امته و بتقبل هدايا يا علي
انا : دي مش من اي حد وله اي هديه دي من جدي عتمان و الفرس ده بالذات اهم فرسه في الاسطبل كله اتحط على رقبتها لي عتمان ٢ مليون دولار و رفض يبيع دي اخر فرسه في سلاله الخيل بتاعت العيله و وعدني بيها هديه وقت ما لميتا تولد
سندي : اه علشان كده
في اوضه سامي من نص ساعه
سامي صحي و قعد مستني رودي تصحي علشان يتكلم معاها و هيا صحيت
رودي : (بصه لي ترقب سامي بخوف خايفه يكون عرف)
سامي : (مبتسم) صباح الورد
رودي : (تنفست) صباح النور
سامي : (قام و قعد قدامها) ممكن اعرف مراتي حببتي كانت بتعيط ليه امبارح بصي انا مش بضغط عليكي بس شكلك امبارح كان زعلان جدا عايز اعرف مين زعلك علشان تبقي ليله اهله اسود من قرن الخروب (سكت شويه و اتكلم بصوت هادي) حد من اخواتي دايقك الرجاله او البنات
رودي : لا
سامي : طب بابا او حتي حد تاني ماما مثلاً طنط سندي او طنط سلوي
رودي : لا برده
سامي : يبقي يا سمر يا اميره مفيش غيرهم في البيت
رودي : لا
سامي : طيب ريحيني و قليلي
رودي : اصلي افتكرت بابا و ماما الله يرحمهم و معاها افتكرت لحظات في حياتي كنت محتاجه ليهم فيها
سامي : يا حببتي ربنا يرحمهم بس ممكن تعتبريني مكانهم. وله انا مش كويس معاكي
رودي : انتا انتا يا سامي مفيش منك اتنين و بيتكم كله انا مش فهمه تركيبه غريبه بس حلوه
سامي : مجانين شويه ههههه صفه متوارثه من المجنون الكبير بابا ههههه يا ستي انتي مراتي و بنتي و حببتي و اعتبري اهلي هما اهلك قبل ما يكونه اهلي متتعمليش معاهم انهم اهل جوزك لا هما اهلك و انا الغريب يا ستي علشان ترتاحي اكتر انا هنديكي رودي الصمدي هههههه
رودي : (ابتسمت و هيا شايفه طيبه سامي قدامها حطت كفها على خده برقه) انتا طيب اوي
سامي : و انتي قمر لما بتصحي من النوم كده ما تيجي بوسه
رودي؛. لا
سامي : يا بت بوسه
الباب خبط
سامي : ثواني حد من اخواتي البنات هقوم اقتله و ارجع ليكي ثواني
قام فتح الباب لقي امه
سامي : ماما بنفسك يا ست الكل ميصحش
غرام : و انا عندي اغلا منك و من مراتك يا سمسم يله علشان نفطر سوا يله
سامي : حاضر يا ام سمسم اسبقي
غرام : ماشي
قفل الباب و رجع لي رودي
سامي : يله يا رودي قومي خدي شور علشان ننزل نفطر
رودي : هو ممكن يطلعه الفطار اصلي مكسله انزل يعني
سامي : لا انا مش عايز يتاخد عليكي غلطه يقوله مش عايزه تفطر معانا و ساحبه جوزها بتبعد الواد عنا و الجو ده يله يا قمر يله
قامت رودي بخوف دخلت غسلت وشها و طلعت لي سامي و نزله مع بعض و هيا خايفه
انا : صباح الخير يا ولاد ايه كل ده نوم
سامي : معلش بقي يا حج سهرت بليل كان معايا قرص اون لاين
انا : انتا بتبرر ليه يابني هههه خلاص سهرته شويه بليل يله يا ستات حضره الفطار بس النهارده بقي عايزين رودي تدخل المطبخ معاكم ايوه اي تسمم اي مطهر معوي معانا اتنين دكاتره في البيت يخلصه الدنيا بس لزم تتعلم الطبخ صح يا رودي
رودي : اللي حضرتك تشوفه
انا : اللي يريحك انتي معندناش اللي انا اشوفه عندنا اللي يريح تحبي تدخلي المطبخ تتعلمي وله لا
رودي : ماشي
غرام ؛ تعالي يا حببتي يله
اخدوها و دخله بيها المطبخ و بيعمله الفطار جهزوه لحد ما صحيت فريده و نزلت قعدنا علي السفره نفطر و بعد الفطار قعدنا في الصالون نشرب القهوه و جالي تلفون رديت
انا : الو..... ايوه انا علي الصمدي..... اهلا و سهلا..... شيك باسم بنتي أنا....... بكم..... كم...... ليه.... تمام ماشي تمام اه حوله على حسابي (قفلت التلفون) ايه يا فريده جايبه مكاتب محامين لي الشركه عندك بـ ٣٠٠ الف ليه
فريده : بالكراسي يا بابا
انا : يعني كده بقت غاليه يعني
فريده : و برده العدد و الخامات و كده
انا : تمام يا ستي فداكي بس حد يجبلي كبايه مايه نبلع بيها المبلغ ده (تلفوني رن تاني رديت) الو..... ايوه انا..... اهلا و سهلا...... اه اخبارك عامل ايه..... يا رب دايما.... فريده عدت عليك اختار عربيه..... طيب يا سيدي حولي الشيك..... هههه انتا عارف بقي خلص الورق و التراخيص و ابعتها على البيت.... تمام شكرا (قفلت و شرب كبايه مايه و انا دمي محروق)
مروان : كم المره دي
انا : (رفعت صباع برقم واحد)
مروان : ١٠٠
انا : و اختك تعرف الـ ١٠٠ برده مليون يابن النصحه
فريده : مش انته اللي قولته بلاش تركبي الريس او تاخدي عربياتنا اديني جبت عربيه
انا : فداكي يا حببتي فداكي (تلفوني رن تالت ردت) الو.... ايوه انا علي الصمدي..... اهلا و سهلا..... قدامك شيك لي بنتي..... بكم...... كم..... مش سامعك...... ليه..... اه المبني صح و الديكورات طبعاً..... طبعاً طبعاً اكيد..... لا يا راجل حول الشيك عليا اتفضل اتفضل (قفلت معاه و قومت) ليله امك سوده يابنت الكلب
فريده : (قلبت نفسها من ضهر الكنبه و طلعت تجري)
انا : يابت الكلب قرده يا رب مخلف قرده شنبنزي في بيتي خدي يابت
قعدت اجري وراها مانا ها جبها يعني اجبها ملهاش حل تاني يا اجبها يا اقتلها يا اموت نفسي و اخلص
فضلت تجري لحد ما قفشتها من وره ضهر امها
انا : (مسكها من قفاها) تعالي
فريده : اهده و صلي علي النبي ايه ها تمد ايدك على واحده ستات عيب
انا : ده انا ها عصرك انزل منك ستات صغيره يابنت الكلب
فريده : مالك بس يا حج اهدا مكنش مكتب
سيف : اهدا يا بابا في ايه ده مكتب
انا : مكتب
سندي : اه مكتب محموق ليه على البنت وله علشان هيا بنت يعني مش عايزها تشتغل و تشوف مصلحتها
انا : مش عايز اسمع شعارات الفمنست هنا في بيتي و بعدين مكتب ايه بنتك اشترت برج ١٥ دور
سندي : برج لا لا حقك تلقيك دافع مبلغ
علي : يا نهار اسود برج ليه ياللي اتخبطي في اخر برج في دماغك
سندي : علي وتش يور لونجوج اختك الصغيره و ابنك قاعد
علي : بلا عربي بلا انجليزي على الصبح يا نهار اسود برج ليه يا بنت المجانين
انا : (كان جنبي روحت مسكته من قفه و بصيت ليه)
علي : انا اسف بس لزم نعرف ايه موضوع البرج ده
انا : صح انتا ها ربيك بعدين نشوف دي اللي مشفتش دقيقه تربيه نفسي افهم امك ربتك
فريده : لا كانت بتعمل باشا مل هقهقهقهقهق
انا : (بفرك. حوليا ادور علي حاجه اضربها بيها)
فريده : اهدا و افهمك
انا : ٤٠ مليون على غيار الريق ليه يا روح امك فكراني بتاجر في الاثار وله بطبع فلوس
البيت كله بصلي
انا : ما علينا ليه بقي ليه ادفع ٤٠ مليون على غيار الريق ليه
فريده :افهمك بس اهدا اهدا بدل متقع من طولك افهمك ده برج كبير كل اللي عايزه اربع ادوار بس و الباقي مش عايزه
انا : اشتريته ليه
فريده : البرج فيه مدخلين مدخل لي باقي الادوار و مدخل لي المكتب و تحت منه في عشرين دكان ده مساحته كبيره ده لقطه الدكاكين تتأجر حلو تجيب ١٠٠ الف في الشهر لو قولنا إيجار ٥ الف جنيه و الشقق نصها يتباع يعمله بالميت كده ٥٠ مليون جنيه تدفع بقي ايه تشطيب في باقي الادوار اللي لسه مش متباعه و تتأجر ده استثمار يا ولدي
انا : (نزلت ايدي و اخد نفس)
علي : اختي حببتي
فريده : اجري يلاا عرفك عايز تنط على المصلحه واطي ابوك و امك الجنيه
علي : و خالي و عمي كمان المهم عايز نسبه
فريده : واطي زي اهلك
انا : (رجعت مسكت الاتنين تاني) انا لسه واقف هنا
فريده : هو اللي بدأ
علي : استنا بس نشوف اكل عيشنا نطلع بمصلحه ندفع مصاريف مدرسه الواد
انا : (لقيت تلفوني بيرن تاني روحت ماسك دماغ الاتنين مدخلها في بعضهم و رديت) الو.... ايوه انا علي الصمدي...... تمام..... سامي ابني
سامي : (نط من الكرسي و رايح يجري) و ربنا ما مضيت شيكات ابدا
انا : (مع التلفون) ايوه..... لالا مفيش مشكله حاضر ها يجي البنك النهارده...... تمام (قفلت)
سامي : ايه هروح البنك ليه ها تحبسني بشكات يا حج مكنش العشم يابا
انا : هديك بالجزمه اسكت تروح البنك علشان تجدد تفاصيل حسابك هنا رقم التلفون و البطاقه بتعتك دول مصدعني من امبارح
سامي : امان يعني
انا : اترزع اقعد (الباب خبط) يوووووه دي بقت شغلانه
روحت فتحت الباب لقيت راجل في وشي
راجل : صباح الخير علي بيه الصمدي
انا : ايوه انا
راجل : محصل المايه
انا : هيا الفاتوره نزلت
راجل : ايوه على حضرتك ٧٠ الف
انا : كم
راجل : ٧٠ الف يا استاذ
انا : حسبيا الله و نعم الوكيل
راجل : افندم
انا : مش فيك بس مبلغ
راجل :تلقي في حنفيه منقطه وله حاجه
انا : حنفيه ايه ده لو السد العالي بينقط مش ها يبقي كده ينفع ادفع اون لاين
راجل : اوي اوي مفيش مشكله ده رقم التحويل حضرتك اعمله علشان اطلع الفاتوره
انا : ماشي (طلعت تلفوني و فتحت اون لاين بانك و عملت التحويل)
راجل: (وصله التحويل علي المكنه و طبع الوصل) اتفضل
انا : (اديته الشاي بتاعه برده ده جي من اخر الدنيا علشان يعكر دمي بس ماشي) اتفضل شرفت
مشي و انا دخلت ليهم و ماسك فاتوره في طول نص متر
انا : اللي هشوفه مشغل حنفيه مايه ها غرقه انا دافع فاتوره ما يعلم بيها إلا ربنا
سيف : كم
انا : (وريته الفاتوره)
سيف : (بص لي الفاتوره اتصدم و بص لي سمر و سمر بصت في الارض)
انا : هببتي ايه يابت المستخبي
سيف : عرفه مشوفك بتعلبي في البانيو تمليه و تلعبي في المايه تاني هنفخك
انا : حسبيا الله و نعم الوكيل
جرس البيت رن روحت افتح تاني لقيت راجل غريب برده غير الاول
راجل : سلام عليكم
انا : و عليكم السلام. و رحمه الله و بركاته ايوه
راجل : محصل الغاز
انا : غاز
راجل :ايوه
انا : كم
راجل : ١٠ الف جنيه
انا : (فضل باصص ليه شويه و بشتم نفسي في سري) طيب هحول اون لاين
راجل : اتفضل ده الكود
حولت ليه الفلوس و طبع الوصل اخدته و دخلت تاني
انا : مشفش عين بتجاز ولعه سنه قدام
غرام : مش هعمل بسبوسه تاني خلاص
انا : وله ناكل اصلا
جرس الباب رن برقت
سامي : هههه افتح يا حلو ههههه
انا : ماشي يابن الظريفه
روحت افتح كان محصل الكهربا
راجل : الفاتوره ٢٠٠ الف حضرتك تحب تحول
انا : ٢٠٠ الف ليه ده احنا لو بنكهرب بعض مش ها ندفع المبلغ ده
راجل : والله انا معرفش حضرتك تدفع كاش وله تحول
انا : و حد شايل في بيته ٢٠٠ الف علي الصبح ليه تاجر اثار هحول
حولت ليه المبلغ اون لاين و دخلت تاني و انا مش قادر امشي
سندي : كهربا صح ههههههه
الباب خبط تاني
انا : ايه في فواتير تاني وله ايه
سندي : لا خلاص خلصنا اللي جي بعد كده مش تبعنا
انا : اشوف مين
طلعت بره و هما جوه سمعه كلمه كم و في لحظه سندي سلوي غرام و اميره اتبخره طلعه يجره
انا : ليه يابني
راجل : دي اردرات من امازون
انا : يعني من المكسيك يا خي مبلغ و بعدين الفاتوره باسم علي الصمدي انا عندي ابني اسمه علي
راجل : يا فندم دول اربع اردرات واحد لي حرم علي الصمدي و الباقي لي حرم علي الصمدي برده
انا : انا متجوز ثلاثه مش اربعه
راجل : معرفش يا فندم بس شوف
انا : تمام تمام كم بقي
راجل : ٣٠ الف
انا : عندكم تحويل وله كاش
راجل : في تحويل
حولت ليه الفلوس و اخدت شوال اردرات و دخلت
انا : هما فين
سيف : هربه
انا : (سمعت صوت الباب بيخبط) سيف هروح افتح و ادفع لو رجعت عايش و ربنا نجاني من الفاتوره دي تجيب امك و خالتك و مرات ابوك و اخوك في المكتب و تجيب الحزام ابو توكه و تقفل عليا و بعد ساعه تجيب المأذون امين
سيف : يا باشا امين بس ارجع عايش
روحت افتح الباب و عند كلمه كم فريده و سمر و مروان و مروه طلعه يجره
سامي : (كلم رودي) معلش يا حياتي دي فقره القط و الفار لو طلعت عايش ها تلقينا في برنامج المسامح كريم باي
طلع يجري و انا استلمت الاردرات و دخلتها خلعت حزام البدله و يله بينا بقي ايه نلعب ده انا هقلعلكم. ملط في البيت ده و ربنا لا انفخم اللي كنت بقابله الوشه مشوفتش قدامي حد نهائي لحد ما وقعت من طولي و قوموني قعدت على الكنبه متربع و قعدت اعدد و حاطت كيس لبخه فوق دماغي
انا : اهههه ياني اه ليه ليه ادفع ده كله علي الصبح ليه يا خبتك في عيالك يا علي اه ياني
سندي :خلاص يا علي مكنش كم اوردر على الصبح
انا : كم اوردر مفيش غيرها دي هيا اللي علمتكم الزفت اون لاين
اميره : ايه يا حج ادفع شويه ياما دفعت ابويا
انا : انا زي ابوكي بس مش ابوكي
علي : بابا اوعا تكون مدفعتش
انا : دفعت يا خيبه امك
علي : الحمد لله انا مش دافع
انا : اشتريتي ايه يا سندي انتي نقصك حاجه
سندي : مفيش شويه رفايع لي المطبخ
انا : لا و انتي بتعرفي تطبخي اوي و انتي يا سلوي
سلوي : شويه جزم
انا : هموت في جزمه منهم انا عارف غرام ليه يا ضنايا ليه ٢٠ الف جنيه ليه يا حجه
غرام : اشتريت مكوه شعر علشان بتعتي اتحرقت و كمان علبه كريم لي الشعر
انا : والله شكله ها يطلع اكستنشن
غرام : و اه قلم روج بس بينور في الضلمه
انا : هتحطيه لي مين يا ضنايا لي مين يا عنيا
غرام : ليك يا حبيبي
انا : كان في و خلص يا عنيا سمر ايه
سمر : جبت طقم اون لاين
انا : طقم واحد
سمر : اربعه الصراحه
انا : فريده انتي من امته و بتشتري اون لاين
فريده : دي شويه هدوم سنيه كده و كلاسك علشان المحكمه و المكتب و اللزي منه
انا : مروه ايه يا مروه
مروه : يا جدو يا حبيبي انا جايبه طقم دوسات لي العربيه عليه بربي
انا : (بصيت في الفاتوره) ٢٠٠٠ جنيه ده انا كنت جبت بربي بنفسها اسهل ايه العدوه دخلت لي الرجاله وله ايه محمود
محمود : دي فرده كوتش لي العربيه
انا : طبعا لي عربيتك لزم فرده كوتش مروان ايه اول مره تبقي مسرف يا بابا فاتورتك معديه
مروان : اقولك
انا : قول يا حبيبي قول انا مش همد ايدي قول انتا زي ابني
مروان : جبت دراء علشان يساعدني ابطل التدخين
انا: ٦ الف جنيه لا يا حبيبي اشرب سجاير اسهل (بصيت لي سامي) ايه
سامي : دي مدليه يا حج
انا : (بصيت لي الفاتوره و قريت الرقم برقت) و ليه يابني بص اجبلك دوباره اربطها في رقبتك و علق فيها مفاتيحك (بصيت لي اميره) مصدر الوباء ايه
اميره : دي نضاره في ار واقع افتراضي
انا : مانا عارف يختي يعني ايه في ار عارف بس ليه يا ضنايا عيشي في الواقع بتعنا
اميره : ربنا يخليك لينا يا حمايا
انا : انا ربنا ياخدني معنديش غير كارما حببتي ربنا يخليها ليا نايمه زي الملائكه و لميتا عنيا
لميتا : دول عالم تفهه (كلمت غرام) بقولك يا غرام قلم الروج اللي بينور ده الشركه بتعته اتنين صح
غرام : (فتحت الكيس) ايوه اتنين بتاع مين التاني
لميتا : بتاعي خليه على جنب
انا : يا خبتك في عيالك يا علي هيا كارما
نزلت كارما من فوق و لسه صاحيه من النوم
كارما : صباح الخير يا جماعه
انا : صباح النور
كارما : (جيه عندي جري) مالك يا بابا انتا كويس مالك
انا : مالي ايه ده مالي اوي مالي جدا مالي خالص
كارما :(سابتني و طلعت تجري و رحت عند الاردرات) ايه ده شركه الشحن جابت الاوردرات جابه دسته دفاتر ٢٤ لون وله نسيوها
انا : انتي طلبه اون لاين
كارما : عادي يا بابا دول ٦ الف جنيه يعني
انا : يا خبتك في عيالك يا علي يابن غاده و محمد
فريده : خلاص بقي يا علي مكنش كم مليون دفعتهم على الصبح
انا : حد يجيب حاجه ابطحها بيها بنت المبطوحه دي
كارما : (جايه عليا و بتدلع) بابي يا بنداري
انا : عايزه ايه يا اخر صبري
كارما : بص افهمك بس تسمع
انا : عايزه ايه يا بنت المستخبي
كارما : بص يا سيدي الموضوع و ما فيه ان الحياه بقت صعبه اوي اوي اوي و الضغوط الاقتصاديه اللي بتحصل في العالم مؤثره بشكل جزري على الواقع المصري الازمه الاقتصاديه علي الابواب
انا : قوله لي نفسكم عملين نصرف لالا مش خساره فيكي دسته الدفاتر
كارما : فلزم نتخذ مجموعه من الإجراءات الاقتصاديه
سلوي : يا عيني يا عيني بنتي حببتي بتعرف تتكلم
كارما : و ما هيا إلا حزمه صغيره جدا من الإجراءات الاقتصاديه التعسوفيه و تتلخص في بند واحد بس
انا : ايه هو
كارما : تزود مصروفي
انا : (هنزل على وش امها بالقلم)
كارما : (حضنتني) بابي حبيبي
انا : (حضنتها) ماشي يا كارما ماشي
سلوي : هيا دي الإجراءات التعسوفيه يا بنت المفكوكة
كارما :ايوه
انا : خلاص يا سلوي سبيها (طبطبت على كارما) حاضر يا عنيا من عنيا ازود مصروفك
يوسف : (جيه عندي و هو مبتسم) اوث
انا : (اديته الفواتير) اتفضل اتفضل يا حبيبي يله اروح اشوف اكل عيشي بدل الخساير دي كلها عماله تنزل على دماغ الواحد انا قايم
سبتهم و نزلت ركبت مع سامح و اتحركنا لي المجموعه
و كلهم بدأه يتحركه اللي قامت تشوف شغلها و اللي نزل يشوف شغله
طلعت رودي لبست هيا و سامي و نزله ركبت معاه عربيته وصلها لحد شركتها هيا دخلت و طلبت من السكرتيره بتعتها تحضر ليها عربيه سياحي (شريكات السياحه الكبيره بيكون عندها عربيتها الخاصه من مركات مختلفه و على حسب العميل نازل رحله وضعها ايه يعني رحله اقتصاديه مش ها يصرف كتير و يطلب عربيه بياخد موديل محدد مش قديم لا جديد بس عربيه اقتصاديه لو واحد نازل رحله من فئه الخمس نجوم ده ليه عربيه محدده لكن لو نازل سياحي فاخر بياخد عربيه فارهه) حضره العربيه و ركنوها قدام باب الشركه نزلت رودي اخدتها و اتحركت لي العنوان اللي انا كتبته لقت نفسها في مغسله كبيره بتعمل من اول الهدوم لحد العربيات دخلت و ركنت نزلت من عربيتها
رودي : لو سمحت
عامل : ايوه يا فندم
رودي : (قرت من الورقه) عايزه شايب
عامل : افندم
رودي : عندي سجاده عايزه تتغسل اربعه في سته
عامل : اه تمام اتفضلي اوصل حضرتك لي الانتظار اتفضلي يا هانم
وصلها لي مكتب فتح ليها الباب و دخلت لقيت على المكتب راجل عجوز شعره ابيض بس رياضي
عامل : الهانم عندها سجاده عايزه تغسلها اربعه في سته
الشايب : اتفضلي يا هانم
رودي : (قعدت)
الشايب : تشربي ايه
رودي : ممكن قهوه
الشايب : اتنين قهوه و خد الباب ورك
عامل : حصل يا رايس
طلع و قفل الباب وره
رودي : الصراحه انا مش جايه اغسل سجاده
الشايب : يبقي العربيه صح
رودي : لا وله العربيه
الشايب : عندنا خدمه تنظيف المنازل خدمه مضمونه جدا و موثقه في وزاره الداخليه اداره قسم المباحث يعني امنه بشكل كبير و تقدري حضرتك تسألي عنا في وزاره الداخليه و عندنا كمان عروض مختلفه (بيطلع كتالوج)
رودي : معلش ثواني بس ثواني انا مش جايه لي اي حاجه من دي و بعدين حضرتك ليه بتتعامل معايا بالطريقه دي انا كنت فكره اني هاجي أسأل سؤالي اخد اجبتي و امشي
الشايب : (ابتسم) سؤالك ماشي لكن اجباتك لا
رودي : يعني ايه
الشايب : يعني انتي ليكي حق تسألي و انا ليا الحق اني اجاوب علشان الاجابه لا تعود ليكي اصلا
رودي : يعني ايه مش سؤالي ليه إجابه عندك يبقي الاجابه بتعتي
الشايب : برده لا ليكي حق تسألي و ليا حق ارفض الاجابه تبقي بتعتك منين دي نقطه النقطه التانيه الماضي مش ملك اي حد غير اللي عشوه مش شويه عيال لسه طلعه في بوقها معلقه دهب تسأل عن الماضي الدموي و الفتره الاوله
رودي : فسر كلامك
الشايب : يعني مينفعش عيل زي سامي مهما كان هو مين برده عيل يجي يسأل عن تاريخ ابوه وله ينفع عيله زيك تيجي تسأل برده عن ماضي تاريخ علي او نقطه فيه و اسمها الفتره الاوله و حياه صحابنا مقسمه لي فترات
رودي : جوزي مش عيل
الشايب : عندك حق بس انته شوفته ايه علشان تيجه تسأله اساسا هو يسأل ابويا بدأ ازي و انتي تسألي تاريخه ايه
رودي : و انتا شوفت ايه علشان تتكلم معايا كده اساسا
الشايب : ههههههه انا الشايب انا الحاضر على الحكايه كلها من اولها لي اخرها انا اللي عنده التاريخ عايزه تعرفي التاريخ
رودي : ده حقي
الشايب : مانا قولت مفيش حاجه اسمها حقك انتي ملكيش حق في الامور دي بس صاحب الامر امر يبقي ليكي انك تعرفي الحقيقه
رودي : ايه الحقيقه
الشايب : مش فاهم السؤال اسألي صح تاخد اجابه صح
رودي : ليا حق
الشايب : لا
رودي : و ارض جدي اللي اتاخدت مليش حق فيها ازي
الشايب : سألتي جوبت و سؤالك ليا حق و الحقيقه انه لا اسألي صح
رودي : ارض جدي اخدها علي الصمدي بالقوه
الشايب : مش بس الارض و المحاجر كمان
رودي : يبقي ليا حق
الشايب : لا
رودي : انتا مش عايز تخالف تعليمات ولي نعمتك
الشايب : اسألي صح تاخدي اجابه صح
رودي : (فكرت شويه و سألت) ايه اللي حصل بين جدي و علي
الشايب : (ابتسم) طيب الحكايه بدأت من عند جدك انتي جدك كان عايز يبقي عمده خان الصمدي و ده مستحيل
رودي : ليه
الشايب : علشان اسمه خان الصمدي اتبنا بأيد عيله الصمدي و هما اللي لزم يبقه كبار الخان
رودي : اشمعنا في ناس تانيه عايشه معاهم
الشايب : علشان عيله الصمدي ايدها تقيله و الخان هو باب الصعيد اول قريه على خط الصعيد كله هيا الخان و علشان تحمي الصعيد لزم اللي يقعد علي كرسي الخان عيله الصمدي
رودي : يحمي الصعيد من ايه يعني هو الصعيد محتاج حمايه اساسا
الشايب : لا من حجات كتير اوي و كل فتره بتظهر تحديات جديده مش ها كلمك عن التاريخ من الاف السنين و وقفه لي الفرنسين و له الانجليز وله حتي هحكي عن فتره العدوان الثلاثي و سته اكتوبر و كل دي احداث عيله الصمدي قدرت تحمي الصعيد فيها احكي عن فتره التسعينات الفتره اللي انتشر فيها الارهاب كانه يضربه السياحة و يستخبه في الصعيد و الصعايده زي اي بشر فيهم ناس ممكن تتأثر بالتطرف الفكري اللي حما الصعيد منهم كان عيله الصمدي سلمه المتطرفين لي الحكومه دي نقطه و بعدها ندخل على بدايه الالفيه حمه الصعيد من موجه المخدرات اللي ضربت مصر اللي لو كانا وصلت لي الصعيد كان زمان البلد دي وقعت و احكي كمان عن فتره ثوره يناير حرق الأقسام و المديريات عيله الصمدي وقفت ده و منعت ده و فتره يونيو الثوره على تجار الدين و بره حمه الاقسام و المديريات و المحاكم مع ان الدوله لسه مصدره حكم ضد ابنهم علي حماكي دور عيله الصمدي اكبر مما تتخيلي
رودي : يعني جدي مكنش يعرف يعمل ده كله يعني وله مين بيحدد صاحب الجداره
الشايب : جدك مستحيل يعرف يعمل كده اسألك عن حاجه تخيلي دلوقتي انك كبير الصعيد و مش من عيله الصمدي خالص عيله تانيه اي عيله و الحكومه اصدرت حكم ضد ابنك الصغير انه يتحبس و يتحاكم عن حاجه هو مظلوم فيها تعملي ايه تدافعي عن المؤسسات اللي في دايره قوتك و سلطتك وله ترفعي ايدك عنها او تساومي
رودي : اساوم
الشايب : رفضه و تمسكه بقرارهم
رودي : خلاص ارفع ايدي
الشايب : عيله الصمدي لا عملت ده وله ده تمسكت بدورها الانهم عرفين لو رفعه ايدهم عن الحكومه الصعيد ها يطالب باستقلاله عن الدوله مكان مطل على البحر عنده النيل و السد العالي و رأس مال و مدن سياحيه على البحر مساحات زراعيه و كمان محافظات اثاريه تفضل ليه تحت ايد الدوله ما تعمل دوله لوحدها عادي شوفتي الفرق بينك و بين جدك و بين عيله الصمدي علشان كده لزم عيله الصمدي عرفه عيله الصمدي منعه تجاره المخدرات و الاعضاء و كمان الرقيق الابيض
رودي : طيب و بعدين
الشايب :بعدين جدك قعد يدور ايه المميز في عيله الصمدي ده تفكير منطقي
رودي : جدا يعني هو حاول يحسن من نفسه
الشايب؛ لا
رودي : ازي
الباب خبط و دخل البوفيه بالقهوه حطها و طلع
الشايب : اتفضلي اشربي قهوتك (ولع سجاره) بصي يا ستي مقومات عيله الصمدي و المميز فيها ايه هو قانون اتحط على رقاب العيله كلها و الأهم الشباب الصغير اللي لسه طلعين لي الدنيا دول اهم من الكبار بكتير القانون بيقول لا خمره وله مخدرات وله علاقه خارج إطار شرعي
رودي : يعني ايه
الشايب : يعني مفيش علاقه بين راجل و ست غير لما يكونه متجوزين حتي لو في السر
رودي : يعني عرفي عادي
الشايب : الصعيد مش بيعترف بالعقد العرفي يعترف بالعقد اللي عند المأذون علشان كده حماكي كان ها يتجلط وقت ما عرف ان ابنه اتجوز في السر بس لو مكنش جواز كان زمان سامي متقطع حتت و مدفون ده إذا مكانش علي مات قبلها من وهل الصدمه المهم القانون ده هو اللي ميز الشباب بتوع العيله خلاهم في اكبر المناصب السياديه في البلد علشان سجلهم نضيف و كمان كبرهم في عين الناس لما حد يتكلم عنهم واحش التاني يرد عليه يقوله بس لا بتوع كاس وله سجاره وله واحده ده السر
رودي : علشان كده بابا اتعلم انه لا يشرب مخدرات او خمور او يدخل في علاقه غير شرعيه يعني جدي حاول
الشايب : لا جدك محولش نهائي
رودي : بس بابا دليل
الشايب : و عمك شاهين دليل عمك خمورجي يا رودي و انتي عرفه كده كويس افتكر انه عنده تليف في الكبد علشان الكحول
رودي : مش لزم دايما يطلع مثالي يعني بابا كان كويس و عمي لا
الشايب : انا معرفش ولدك الصراحه بس التحريات اللي اتعملت عنه بتقول انه شخص محترم جدا
رودي : اهو انتا بترد علي نفسك
الشايب : لا بس البني ادم هو اللي بيختار يكون جيد او سيء تقدري تختار تشربي عصير و تختار تشربي خمره تشربي سجاره و تشربي حشيش تتجوزي و حجات تانيه هنا اختيار عمك اختار و ابوكي كمان اختار بس شباب عيله الصمدي معندهمش اختيار اساسا الموت وراهم ابوك عنده استعداد يقتلك وله تعمل حاجه من الحجات دي
رودي : نرجع لي موضوعنا
الشايب : براحتك وقتها كان شباب عيله الصمدي مترابطين على نفس الخط مكنش فيهم حد غريب غير حماكي ايوه ماشي على القانون و مش بيفوت فرض و كمان يطلع زكه ماله من شغله كان الحلقه الاضعف الانه كان ليه سر و سره سر عادي يعني سر بسيط بينزل يشتغل في ارض زراعيه أجرى زيه زي الغريب
رودي : و ده سر
الشايب : ايوه انك تشتغل في ارضك و ارض ناس بالأجره لزم تبقي سر في الصعيد و ده كان سره كان بعيد عن شباب العيله شاب مثير لي الريبه بشكل كبير يعني مش بتاع منظره شاب بسيط جدك قال بس هو ده اللي انا عايزه اسم كبير في عيله الصمدي اسم ضخم ابن صاحب العصر الذهبي لي العيله محمد الصمدي كبر العيله اكتر و اكتر ابن شخص مهم شاب محبوب بس بعيد و ليه اسرار خلاص نقول على حاجه انه بيعملها هو مش بيعملها بس محدش ها يكذب الانه مش متفاخر زي باقي اهله و صعب تعرف عنه حاجه يعني لو انكر مستحيل حد يأيد كلامه
رودي : يعني ايه
الشايب : يعني علي لما كان يمشي في الشارع يمشي جنب الحيط باقي اهله يمشه في نص الطريق حرفياً العربيات تزمر تتحرق محدش يقدر يتكلم علشان ده من بيت الصمدي يبقي معروف خط سير الشخص ده نازل الغيط نازل القهوه رايح لي اصحابه معروف لكن علي لا مكنش معروف عنه اي حاجه يعني من الاخر باقي الشباب كانه ترند و يعرفه يبقه ترند لكن علي لا مكنش يحب يبقي ترند
رودي : كمل
الشايب: جدك اتفق مع واحد انه يساعده يخلص من سمعه عيله الصمدي خطط و نفز عرف ان علي بيروح لي ست ارمله و عندها ابن بيشتغل و يبعت ليها فلوس من باب الصدقه اتفقه مع الست انها ترمي بلاها عليه و تقول انه تعرض ليها و قد كان وقتها يحصل ايه يتجمع كبار الخان يشمه خبر من الهوا عن اللي حصل ازي و امته و فين محدش يعرف بس عرفه و لزم وقتها عيله الصمدي تاكل نفسها قبل ما حد يجي ياكلها لزم يقطعه ايدهم اللي بتتلوي
رودي: حاوله يقتلوه
الشايب : اولا حكمه انه يتجوزها و بعد جوازه منها ها يتبره منه بس بعدها و بعدها يديقه لحد ما يتنازل عن اسمه و نسبه و يعترف انه كان عار على العيله كرثه بكل المقاييس تدخل على شاب في سن العشرين او الواحد و العشرين تجوزه واحده اكبر منه في السن تصحيح غلطه هو معملهاش ست مخلفه عيل و بعدها تتبرا منه و ترميه اهلك ها يرموك و بعدها يديقه عليك الخناق لحد ما تعترف انك عار على العيله اللي ابوك كان صاحب الفتره الذهبية فيها
رودي: ده اصعب من القتل بكتير علشان كده علي عايش في القاهره
الشايب: لا علي عايش في القاهره من قبل ده بكتير علي بطبعه نمرود ثائر على كل حاجه مختلف عن اي حد
رودي : طيب ايه اللي حصل
الشايب : مفيش علي عمل الحاجه اللي عمرها ماحصلت
رودي : عمل ايه
الشايب : ثار على الحكم اللي اتاخد ضده رفضه و طلبني انا الشايب خبير التنضيف انا كانت تجمعني به معرفه من قبلها و انا الوحيد اللي ها تحرك معاه غير باقي اهله
رودي : كنته اصحاب
الشايب: وقتها لا كان اللي بيحركني هيا الفلوس و المصلحه انا هقدم خدمه اخد المقابل بتعها و وقتها علي كان شخصيه بارزه جدا ادعمه و ابراء اسمه ده يفدني الان علي كان باين انه ها يكون في يوم من الايام هو كبير عائله الصمدي
رودي : طيب و بعدين عملت ايه
الشايب : مفيش وصلت قبل يومين من كتب الكتاب و قعدت مع علي اتكلمنا بكل صراحه و هو اعترف ليا انه معملش حاجه جبنا الست و قعدنا اتكلمنا معاها بشكل حضاري لحد ما اعترفت عن اللي اتفق معاها
رودي : كان جدي صح
الشايب: جدك كان غبي انه يجي على الفرد ده من العيله دي بس مش لدرجه انه يعملها بنفسه الانه مينفعش يعملها بنفسه
رودي : اشمعنا
الشايب: علشان هو بعدها ها يسوق نفسه بصوره الشريف العفيف الطاهر اللي بيحافظ على عرض الولايا مينفعش يغامر ان حد يشوفه كان لزم تتلعب من حد بعيد جبنا الحد البعيد و اتكلمنا معاه بشكل حضاري محترم لحد ما اعرف على جدك وقتها علي ثار بالحرف علي اتاخد في الرجلين في حرب هو ملهوش دعوه بيها
رودي: ازي انتا مش بتقول انه كان ها يبقي في يوم من الايام كبير عيله الصمدي ازي ملهوش دعوه بيها
الشايب : علي مكنش في دماغه وله تفرق بالنسبه ليه و كبير عيله الصمدي مش لزم يقعد على الكرسي ممكن يقعد حد و هو يحكم من وره بخبرته و ذكائه و الفايده اللي ها يقدمها وقتها يبقي حاكم من غير ما يحكم زي ابوه كان حاكم من غير ما يحكم
رودي : و بعدين كمل ايه اللي حصل
الشايب : اللي حصل وقتها ان علي فضل مساير الناس و هو عارف الحقيقه جيه يوم كتب الكتاب بتاعه و عزم الصعيد كله كبار الصعيد تماً بلا استثناء ساعتها بقت فضحته بجلاجل في عين الكل و وقف وسط الناس و كشف الحقيقه و بالدليل القاطع و اعترافات كمان عرفه ساعتها الصعيد كله حكم على جدك بأيه
رودي : ايه
الشايب : الموت بس علي كان ليه رأي تاني خالص
رودي: طبعا علي كان علي الحصان الابيض الفارس النبيل عفا عنه
الشايب : لا علي مكنش الفارس النبيل علي عمل الحاجه اللي مستحيل اي صعيدي يتحملها
رودي : عمل ايه
الشايب : اخد ارضه كلها و طرده من البلد رمه في الشارع
رودي: لحد ما مات بحصرته صح
الشايب؛ لا لحد ما اتقتل
رودي : هو قتله
الشايب : مش هو اللي قتله
رودي : لا كمل ايه اللي حصل بعدها
الشايب : اللي حصل بعدها كان غريب جدا تعرفي ان سيف ابنه مش ابنه
رودي : عرفه انه بالتبني
الشايب : صح سيف كان حوليه مشاكل كتير اهله عايزين يقتله طفل صغير علشان يورثوه
رودي : و انا مالي
الشايب : لا مالك طبعاً كلها منفده على بعض علي شاف سيف في الشارع تبنه و هو ميعرفش مين سيف ساعده في وقت علي كان مدمر نفسياً بعد اللي حصل علي علشان يخرج من مشكله جدك خسر اهم حاجه
رودي: ايه هيا
الشايب : رجولته قدام نفسه
رودي : (بصت لي الشايب بستغراب شديد) ازي
الشايب : علي علشان يخلي الست تعترف عذبها و مد ايده عليها و علي عمره ما مد ايده على واحده ست غير المره دي و مكررهاش تاني علي بطبعه انسان بسيط خالص عنده ضوابط و قوانين انسان حساس جدا نفسيته هشه
رودي: و قلبه قلب خسايه صح
الشايب : لا بس مفيش راجل حر يقبل ان حد يصرف على بيته او مراته تصرف عليه او يمد ايده على واحده ست علي احتضن سيف و دافع عنه بس سيف اتخطف منه و كان التمن علشان يعيش سيف مش يرجع لا يعيش بس علي يرجع حاجه جدك و ينفذ حاجه تانيه
رودي : ايه الحاجه التانيه و جدي دخله ايه بالناس دي
الشايب : الحاجه التانيه مش حكايتك علشان تعرفيها و الناس التانيه دول ادخله علشان كل الطرق تأدي إلي روما هما عايزين حاجه من علي و جدك عايز حاجته من علي عايز يرجع شرفه اتفقه و كان الهدف هو علي و علي طلبني تاني و رجعنا سيف
رودي : و قتلته جدي
الشايب: لا انا معملتهاش وله علي كمان جدك اتاخد في الرجلين مع الناس اللي اتفق معاهم الناس دي اتقتلت و جدك معاهم
رودي : و مين اللي قتلهم
الشايب :ناس
رودي : يعني ايه ناس
الشايب : ناس و اسماء كانت كبيره وقتها ناس في مراكز ضخمه وقتها ناس لحد دلوقتي نخاف نقول اسمها وقتها الناس دي زعلت من فكره خطف سيف العمري و محاوله قتله و زعله من محاوله تدمير سمعه عائله الصمدي و رفعها من مكنها و كان لزم يكون في ردع و التمن كان الموت
رودي : ايوه مين يعني الناس دي
الشايب : اللي طول عمر عيله الصمدي بتحافظ على نفوزهم في الصعيد
رودي : القياده الساسيه وقتها
الشايب : بدأتي تشغلي دماغك
رودي : يعني وقتها الناس دي كانت مصلحتها ان علي و سيف يخرجه عايشين و لسه على وضعهم بس اي حد تاني لا
الشايب : بالظبط مكنش ينفع يحصل غير ده لزم عيله الصمدي ترجع لي مجدها تاني علشان تحافظ على جزء كبير جدا من الدوله و لزم سيف العمري يطلع عايش و يتربا تربيه سليمه
رودي: بس القياده السياسية اتشالت
الشايب : و مين بيحرك القياده السياسيه
رودي : معرفش
الشايب : دول ناس مش بتتغير وله بتتشال دول اسمهم دوله حطه النظام و القياده و بيحطه اي قياده في فتره قلبه على علي
رودي : قلبه ازي دول ناس من اللي بتقوله كده جامده يعني مستحيل علي الصمدي مهما كان يقف قدامهم
الشايب : وقف و صفاهم كلهم كسر تروس العجله علشان قلبه عليها و بعدها عمل عجله جديده بقي هو الشخص اللي بيحدد علشان كده في اول كلامي قولت علي طفره ثائر ثار على عجله نظام محطوطه من ايام جمال عبدالناصر هدها و قطع ايدها و بعدها عمل العجله بتعته بقوانينه عرفتي ليه بقولك انك ملكيش اي حق عند علي يوم ما عمل اللي عمله كان عقاب و يوم ما جدك مات مقتول و افتكر انك متعرفيش انه اتقتل لا اتقتل مكنش على ايده
رودي : (سرحت بس فاقت) لالالا مستحيل مستحيل حاجه صغيره زي دي تعمل كل ده
الشايب : الحاجه الصغيره دي و اللي عملته كمان كان مجرد جزء صغير من حياه علي مش الجزء الكبير كمان بس كانت البدايه و زي ما بيقوله كده تأثير الفراشه تبدأ بحاجه صغيره و تنتهي بالكبيره رودي انا مليش اقولك تعملي ايه و متعمليش ايه دي حياتك و قرارك بس اللي اقدر اقوله ليكي انسي الماضي ايه يعني ضاع كم فدان او محجر يعني وله حاجه بالنسبه لي وضعك الحالي علشان كده بقولك انته مجرد اطفال في بوقها معلقه دهب محضرتوش حاجه اساسا علشان تطلبه بيها دلوقتي و بعدين انتي بتحبي سامي عيشي حياتك معاه
رودي : اعيش حياتي مع ابن الراجل اللي دمر حياه ابويا
الشايب : (بص لي رودي شويه) و جدك عمل ايه في ابوه جدك كان ها يدمره برده بس عندي ليكي سؤال صغير تسمحي ليا
رودي : اتفضل
الشايب : على ما اعتقد كده عمك اتخانق معاكي و خنقك و كان ها يقتلك مش علشان علاقتك بسامي صح
رودي : (توترت بس خفت توترها) علشان ايه يعني
الشايب : علشان رفضتي تحطي سم لي سامي في العصير و تقتليه بلاش تستغربي احنا كنا عرفين و محضرين نفسنا بطاقم طبي كبير و خبراء في السموم و الترايق و حطينا توقعات لي انواع السموم اللي ممكن تستخدم و حضرنا ليها عقاقير ترياق كمان
رودي : لا مستحيل
الشايب : رودي يا ماما علي الصمدي مش بيدفع ١٠٠ مليون دولار شهرياً لي حمايه اولاده من فراغ احنا بنعرف كل حاجه بس الغريب انك معملتيش كده السم مدخلش جسم سامي و كمل حياته عادي
رودي : علشان مكنش في سم
الشايب : (ابتسم لي رودي و داس علي زرار في الكيبورد شغل ريكورد من شقه رودي و هيا بتتفق مع عمها) هو كان في سم بس كان في كمان قلب حب و اتعلق او على الاقل رفض انه يقتل و على فكره علي ميعرفش بموضوع التسجيل موضوع ملهوش لزمه و (دس على زرار و استغرب جدا) يا نهار اسود مسحت التسجيل بدون قصد ده ابني ها يتخانق و يعمل حورات بقي (كلم رودي و لسه ايده على زراير الجهاز) معلش اصل ابني بيشتغل معايا (بص لي الجهاز تاني و استغرب اكتر) ايه ده ملفك كله اتمسح من عندي ياااااه ده تقرير كان رايح لي صاحب الشغل يله (بص لي رودي بتسغراب) ها يا هانم تحبي تعملي معانا تعاقد لي تنظيف بيت حضرتك وله تسألي عنا في وزاره الداخليه
رودي :(هربت منها الدموع لما عرفت بالتسجيل و انه ممكن يروح لي سامي و تخسره بس تصرف الشايب دهشها مسحت دمعتها) لا انا هكتفي بغسيل عربيتي بس
الشايب : عربيه حضرتك خلصت شرفتي المغسله يا رودي هانم
رودي : شكراً
الشايب : لا شكر على واجب شرفتي
طلعت رودي من المكتب ركبت العربيه لقتها مغسوله دورت و مشيت
دخل علي الشايب ابنه منصور
منصور : لا يا حج اللي عملته كان غلط ازي تمسح تقرير زي ده انتا كده بتبوظ شغلي
الشايب : اهبل
منصور : بابا انتا كبرت على الشغل خلاص بعد اذنك تتفضل تطلع على مزرعه الاسماعيليه تقضي باقي حياتك هناك و انا هشوف ارجع الملف ده ازي
الشايب : (بص لي ابنه ببرود) مريم
منصور: مريم مين
الشايب: مريم حنا كيراس البارودي البنت اللي انتا لبد في مطعم سامي علشانها اللي شغاله هناك
منصور : (اندهش)
الشايب : (ابتسم بستهزاء) انا مكبرتش على الشغل يا منصور وله خرفت انا سايبك تلعب و مفهمك انك انتا اللي شغال لكن انتا لسه صغير على اللعبه اللي بلعبها و تاني مره لما تتكلم مع ابوك اتكلم بأدب و ها يا سيدي تحب نزور اهل مريم امته علشان تطلبها و نعمل جبانيوت و نص اكليل و بعدها اكليل انا شايف تاخد معاد بسرعه و ناخد عمك مجدي و عمك علي و نطلب ايدها ها
منصور : (ساكت و مش عارف يرد اصل يرد يقول ايه ابوه كاشفه)
الشايب: خلاص يا حبيبي خد وقتك و فكر براحتك و لو مش ها تنفع قول انتا عارف معندناش طلاق يله اسيبك تلعب سلام
قام و سابه زي الكتكوت المبلول اللي مكشوف عنه تفكيره و الشايب يا عزيزي ينطبق عليه (اولض بط جولد فخامه كده)
مشيت رودي سايقه عربيتها و سرحانه لدرجه انها كانت ها تعمل حدثه بس ربنا سترها بس اديها خدتها لي مجموعه الصمدي لقت نفسها قدام مبني الشركه ركنت و فضلت في العربيه ولعت سجاره و قعدت تفكر في كل حاجه حصلت و بتحصل في حياتها و هيا كانت فين و راحت فين و وصلت لي فين و المسار كان عامل ازي الانسان في حياته رحله مش مهم مدتها قد ايه طويله قصيره مش مهم وله حتي مهم نقطه الانطلاق وله حتي الوجهه وله النتيجه الاهم هو المسار التراك اللي مشي عليه الخط و اللي شافه فيه الطريق اهم بكتير من اي تفاصيل تانيه قدامها اسم الصمدي على وجهه الشركه اسم كبير هيا تعتز بأسمها و عيلتها ابوها علمها كده علمها تحترم اهلها و أصلها و نسبها و عرقها لكن هيا قدام اسم كبير بيلمع بس الخوف من ان الاسم ده يجي في يوم من الايام و يقيد حريتها الخوف يا عزيزي الخوف من المجهول بيضيع علينا اجمل لحظات حياتنا شبابنا طفولتنا مستقبلنا حتي لحظه الانتصار و الوصول برده يدمره و يخوفنا من ماذا بعد هذه المرحله
بتاخد رودي خطوه جريئة و تنزل من عربيتها و دخلت مبني الشركه و طلعت لي الدور الاخير تقابل سامح في وشها
سامح : رودي هانم خير يا هانم
رودي : مفيش كنت قريبه قولت اعدي على عمي
سامح : حضرتك منوره اتفضلي
رودي : شكرا
وصلها سامح لحد مكتبي و دخلها المكتب
دخلت رودي و لقتني قاعد لبس نظاره و فاتح ورق بدرسه
انا : رودي بتعملي ايه هنا
رودي : كنت قريبه قولت اعدي عليك
انا : اقعدي وقفه ليه
قومت و قعدت في الانتريه و هيا قعدت و كان باين عليها متوتره فتحت علبه القهوه و عملت فنجانين واحد ليا و واحد ليها
انا : اتفضلي
رودي : شكراً
انا : مالك يا ستي شكلك في حاجه شاغله تفكيرك
رودي : (سكتت تفكر و ردت) ليه
انا : ليه ايه بالظبط اصل ايه ليها الف معني و تصنيف قولي ليه ايه
رودي : ليه كل ده انا روحت لي الشايب و هو حكالي كل حاجه بس برده ليه
انا : ليه انا وله ليه جدك برده وضحي
رودي : ليه جدي
انا : طموح و الطموح مش واحش نهائي الطموح عمل كتير عمل ناس كتير بس قتل كتير برده
رودي : يعني هو كان غلط
انا : (بكل هدوء رديت) لا
رودي : (استغربت) لا
انا: ايوه هو مش غلط هو حاول و عمل اللي عليه احنا ملناش نحكم عليه و نقول اذا كان صح او غلط اصل لانا وله انتي عشنا حياته علشان نفهمها وله لينا الحق نحكم عليه اصلا
رودي : بعد كل اللي عمله معاك
انا : (ولعت سجاره و بصيت لي قزاز المكتب سكت بفكر ارد اقول ايه لحد ما عرفت) عرفه زمان لو كنتي سألتيني من ٣٠ سنه كنت قولت لا ده راجل ابن كلب زباله و يستاهل كل حاجه و ملهوش حق كمان
رودي : و ايه اللي اتغير بعد ٣٠ سنه
انا: كل حاجه اتغيرت كلنا اتغيرنا انا مش شايف جدك شخص سيء وله جيد لا انا شايفه مرحله في حياتي اتعلمت فيها كتير اوي اتعلمت ابص هناك خالص بعيد و اشوف افهم علشان اعرف احكم طول مانا مش شايف يبقي محكمش
رودي : و دلوقتي شايف
انا : لا كبرت تعرفي انا عندي استعداد دلوقتي اعمل اللي عمله جدك الف مره مع اي حد علشان احمي نفسي و اكبر من نفسي في طريقي و سعيي لي المستقبل اللي بنيته عملت كتير اوي يخلي اللي عمله جدك مجرد لعب عيال طحت في الكل خبطت في كل حاجه دمرت الدنيا كلها علشان بس اوصل و بعد ما وصلت اكتشفت ان الهدف سراب مجرد مصير مزعوم وله ليه اي فايده و البدايه كانت مجرد سقطه لي ملاك عرفه الكنز فين
رودي: فين
انا : في الفنجان اللي شربته و استمتعت به و فرحت به المتعه في الفنجان مش في المصير المزعوم وله حربي لي الهيبة لا الفنجان كله من اول المقادير لي التحضير لحد اخر شفطه فيه اتعلمت ان الاهم هيا المتعه الوقت اللي ضاع مني و كان المفروض استمتع به فهمتي و زي ما قولتلك قبل كده مفيش نهايه سعيدة مطلقه وله نهايه حزينة مطلقه وله فساد مطلق وله صلاح مطلق وله ابيض مطلق وله اسود مطلق في رمادي الاتنين مكس لزم تاخده برميل كبير على الوش كريمه و في القعر حنضل مينفعش تحف و تجري و مينفعش تغرف من الوش لا لزم تاخدهم مع بعض على فكره انا مش باعتك لي الشايب علشان يحسن من صورتي ليكي علشان تكملي مع سامي بالعكس انا بعتك هناك علشان تعرفي حكايه مجرد حكايه صغيره اوي من حكايات كتيييير اوي و منها تحكمي
رودي : احكم على ايه عليك وله على جدي
انا : تحكمي اذا كنتي ها تقدري تتقبلي تشوفي وشي كل يوم الصبح وله تسيبي جوزك اللي بيحبك و انتي بتحبيه وله تاخديه و تبعده عرفه انا انا كنت بعيد بعيد جدا عنهم و رجعت علشان اقضي اخر ايامي وسطيهم العمر مش طويل مهما كان قرارك ايه سواء تبعدي عنه و تكسري قلبه و قلبك او تفضلي معاه و تتقبلي الخلقه دي اللي باقي من عمره او تاخديه و تبعدي انا متقبل منهم اتنين اذا كان بعده او قربتك انا لزم اتعامل مع أخطائي كويس و اتعايش معاها لكن انا بطلب منك رصاصه الرحمه بلاش تكسري قلب ابني كسره القلب تخلي الخجول جاحد و الطيب جبار و الابيض اسود كاتم بلاش تكسري قلبه اي حاجه تانيه سهله انا اقدر اتعامل معاها لكن دي مش هقدر الانه ببساطه مبقاش عندي طاقه علشان امشي المشوار ده مع حد تاني من عيالي فكري و قرري (بصيت في الساعه اكتشفت اني لطع رأيس وزراء انجلترا على الفيديو كنفرنس) الكلام خدنا معلش عندي شغل خليكي نروح مع بعض ادخل بس اجتماع و ارجع ليكي
قومت و سبتها و هيا بتفكر هيا ادرا بمصلحتها و عرفه هيا عايزه ايه كويس بدماغها بقي
خلصت اجتماعي و طلعت لي مكتبي لقتها لسه مستنبه عرفت اجابتها ايه اخدتها معايا و انا مروح لي القصر وصلنا و دخلنا اتغدينا و حضرنا شنطنا و اتفقنا ان رودي مرات سامي عادي كتبين الكتاب و متجوزين بس مأعلناش عن الجوازه دلوقتي
اتحركنا لي الصعيد و انا ظبط مع مالك تأمين الخان و الامور دي
وصلنا الخان و دخلنا لي بيت ابويا و امي
قابلت ولاد اخواتي و قعدنا عرفناهم على رودي و اي سؤال في الموضوع ده كان سامي هو اللي بيرد محضر اجابات و عارف الاسئله كويس شاطر سامي و طلعنا ننام دخلت اوضه سلوي الانه كان يومها و احنا خلاص ها ننام حسينا ان في حد علي السرير قومنا لقيت مروان
انا :مروان بتعمل ايه هنا و ازي تدخل علينا اوضه النوم من غير ما تخبط مش عيب
مروان : يعني انتا مع حد غريب دي امي و انتا ابويا
انا :(ضربته علي خده بالقلم بس مش قلم قلم يعني حاجه تفرقع بس متعلمش) و لما هيا امك و انا ابوك يعني مش شاقطها من شارع جامعه الدوله داخل علينا ليه
مروان : يا حج يا حج عايز اتكلم معاك افهمي
انا : (قلم شبه اخوه) افهم ها افهم ايه
مروان : مش عارف اتكلم معاك طيب في موضوعي
انا : (بصيت في الساعه الحيط و قلم تالت شبه اخواته) موضعك الساعه واحده بليل ليه موضوع الامير اتشارليز يا خي
مروان : بص افهمك و اسمعني
بدون مقدمان سلوي برجليها قلبتنا من علي السرير في الارض جنب كرامتي كده
انا : اههههه يابت المفتريه
سلوي : علي مروان لو سمعت صوتكم هقوم اقتلكم و اسلم نفسي عايزه انام لو سمعت صوت في الاوضه هنفخكم
قومت مره واحده و عيني بتطق شرار بصيت لي سلوي و هيا برقت ليا قومت واخد مروان في ايدي من سكات و بكرامتنا دخلنا البلكونه و قفلنا على نفسنا بكل هدوء و قعدنا
انا : خير يا اخر صبري يا غلطه
مروان : غلطه
انا: و انا و امك ندمانين عليها انجز
مروان: ماشي يا عم بص الغلطه عايز يتجوز
انا : اطلع بره
مروان: لا انا مطردش ادخل جوه اعلي صوتي و اصحي ماما تمام ماما مراتك و اطلع اجري و اسيبك تلبس براحتك فيها ها قولت ايه
انا : مش بقولك غلطه عايز تتجوز مين انجز
مروان : نوال
انا: لا
مروان : الله يبارك فيك يا ولدي
انا: انتا عبيط
مروان : ليه بس
انا : انا قولت لا
مروان: لا انا عايز افهم
انا : بص مش ها تنفعه مع بعض
مروان : طيب اعمل ايه اشوفلي كلبه يعني يا بابا حرام عليك كده كل حاجه متنفعش معايا
انا : انتا لسه جرحك اخضر و بينزف مش عايزك تتجرح تاني تضيع فيها مني انتا ابني و انا بعمل لي مصلحتك عندي ليك عروسه حلوه اوي اوي كمان اسمها شمس تبقي بنت ابن عمي من اصلنا و فصلنا
مروان : شمس دي لسه بتقولي يا ابيه مالك يا بابا هيا جت عليا و قفلت اخواتي كلهم اختاره عايز تختار ليا اش
انا : (حطيت ايدي علي بوقه قبل ما يكمل) مش بحبها الكلمه دي (شلت ايدي)
مروان : يا بابا يا حبيبي انا عايز الست اللي هرتاح معاها انا بحبها و هيا بتحبني بنت حياتنا كلها بالنسبه ليها فيلم سهره هيا عايشه في اوسخ من ده يعني مش هتعب معاها
انا : يابني افهمني انا عايزلك انتا واحده من اهلك واحده تربطنا بالعيله احنا بنبعد
مروان : و ربطك للعيله ميبقاش على حسابي ده مش ها يريحني وله اراضيك و بعدها اطلقها ها تنبسط لما ابقي متعذب في حياتي. و ربنا لو رزقني بعيل يتبهدل بيني و بنها ليه ما ناخد حاجه تريحني و برده تشرفنا
انا : (تنهدت بشقاء) يا مروان ربنا وحده اللي يعلم انا مش عايز ليكم غير الخير بس
مروان : (مسك ايدي باسها بستعطاف) اول طلب اطلبه منك في حياتي بلاس تردني
انا : طيب بكره نشوف
مروان : مفيش نشوف لا ننجز عايزن نطلع الضفه نطلبها
انا : طيب يا مروان موافق سبني انام بقى
مروان : ماشي يا عسل يله تصبح علي خير بس نطلع ازي من البلكونه
انا : نطلع عادي يعني بس متعملش صوت امك تعبانه و عايزه تنام يله
طلعنا و احنا على اطراف رجلينا و بصين لي سلوي لحسن تصحي و انا كبرت علي البهدله مروان ابن الاهبل خبط في السرير و وقع هيا صحيت هو طلع يجري و انا اطردت بره الاوضه لقيت غرام راجعه من تحت و في ايدها كبايه مايه
غرام : ايه ده علي واقف كده ليه
انا: ها لالا مفيش اصلي قفلت على المفتاح جوه
غرام : هههههههههه طيب تعاله بات عندي النهارده
انا : روحي يا غرام يابت اشكول ربنا يسترك زي ما سترتيني
غرام : ماشي يله
روحت انا و هيا لي باب الاوضه لقيت باب اوضه سلوي اتفتح اتسمرت مكاني و نطقت الشهاده
سلوي : علييييي
انا: ايوه يا حياتي يا عشقي الابدي انا جي اهو
سلوي : متعتبش الاوضه
انا : حاضر مش جي
سلوي : و تعوضني النهارده يومي
انا : انتي طرداني
سلوي : مليش دعوه تعوضني بكره
في النص اوضه نوم سندي فتحتها و طلعت سندي و شعرها منكوش و تحت عنيها اسود و عنيها حمرا
سندي : (بنعاس) اللي هسمع صوته هدخل اجيب الخرزانه و اطلع اديله على دماغه كبير او صغير امين
انا : امين يا معلمه
دخلت سندي زي ما طلعت
انا : حاضر يا سلوى بكره يومك حاضر
سلوي : جدع اتكل بقي يله
دخلت سلوي و انا قعدت ادور على كرامتي في الارض تأكدت انها اتنسفت قولت يله ما نقص مالاً من صدقه
و اخدتها من قاصرها و دخلت نمت لحد الصبح صحيت على صوت عالي جدا تحت قومت مفزوع و نزلت جري لقيت ابن الكلب سامر واقف و مثبت البيت كله
سامر : ها تجوزها يعني هتجوزها و مفيش سنه خطوبه
وعد : يابني اهدا
سامر : معنديش اهدا انا بقولكم اهو
سيف : نزل اللي في ايدك ده يا متخلف
سامر: بتشتم يا حمايا طب براحتك براحتك اوي و ربنا اهو بص (كان ماسك في ايده رمانه قنبله يدويه و بيهدد يشد الفتيل) شوفتي ابوكي يا مروه اهو بيغلط
حسام : يابن الكلب سيب اللي في ايدك جدك علي نايم و لو صحي ها يطين عشتنا
سامر : لاااااا هو لو علي الصمدي فانا سامر حسام الصمدي انا باد بوي اوي
مروه : يا سامر سيب اللي في ايدك و نتكلم طيب براحه
سامر: تجيبه واحد مأذون نكتب الكتاب و اسيب اللي في ايدي عادي بعدها
علي : ياض والنعمه هنفخك في عيال في البيت و اللي في ايدك دي مش لعبه
سامر : لا لعبه ايوه ده انا باد بوي اوي (كلم مروه) مش كنتي عايزه باد بوي زي جدو انا اهو باد بوي يله
سمر : يقطع النت اللي بهدل الشباب
سامي: سامر يا حبيبي بابا نايم و ربنا لو صحي ها ينفخنا فعلاً و بعدين جبت قنبله منين اساسا
سامر: لا مانا باد بوي اجيب اي حاجه
فريده : انتا حافظ مش فاهم يعني وله ايه
سامر: ها فجركم اهو افجركم كلكم
كارما؛ سامر بعد اذنك سيب اللي في ايدك
مروان: و رحمت الغاليه لو مسبت اللي في ايدك ها نفخك انتا و ابوك
حسام: يجدع بس بقي احترمني شويه
عماد : ولاا سيب في اللي فأيدك ده و بطلع عبط
نزلت على السلم و انا بسب و اللعن في ابوهم كلهم و مسكت ابن الغبيه ده من قفه انا نازل من ضهره
انا : انتا ايه يا عنيا
سامر : (بسيطره) باد بوي و ها فجركم
انا : بقولك ايه انا صاحي مقريف فجرنا
سامر : ها فجركم
انا: (بعدت ايده الاتنين عن بعض اتسحب الفتيل من القنبله) انتا لسه ها تحكي
سامر : (اتفزع) اععععععع ها نموت
انا: اوعا ترفع ايدك من على القنبله يله روح اديها لي ابوك يقفلها يله يا شاطر سندي اعمليلي فطار
سندي : حاضر (قامت دخلت المطبخ)
روان : يا لهوي الواد ها يموت
سامر : (طلع يجري لي ابوه) اقفلها يا بابا و النبي اقفلها
حسام: اقفلها ازي دي يابن الكلب معرفش
انا: خد تعاله
سامر: (جيه عندي) اقفلها يا جدي
انا: (قعدت و ولعت سجاره) طول ما ايدك على القنبله كويس مش ها تنفجر بس مش ها عرف اقفلها ادينا قاعدين لحد ما اربيك
سامر : و ربنا اتربيت
انا : جبتها منين
سامر: من عربيتك
انا : تمام و عامل الدكن ده كله ليه
سامر : علشان مروه امبارح قالت انها نفسها تتجوز واحد باد بوي زيك
انا : طيب انا عندي استعداد افضل مسكها شهر كده عادي بس ورينا بقي ها تتصرف انتا ازي مش انتا باد بوي زي خليك بقي مش ها قولك شهر لحد ما اخلص السجاره
روان : يا لهوي ابني ها يروح مني
انا : متخفيش اوي عليه سبيه يتربا تربيه خرعه عيال طريه عماد الناس وصلت
عماد: الطباخين شغالين و الفراشه منصوبه
انا : طيب كويس هات بقي الطوله نلعب دورين
عماد : طب ما تحل الواد ده و نلعب
انا : سيبه مربوط
مروه : جدو بعد اذنك يا جدو سامر كده ها يموت و ممكن ايده تفلت
انا : يا حناينه و بعدين مين قال انها بتتقفل اساسا
سامر: (قعد يتنطط و يصرخ) اععععع يا لهوي يا لهوي يا لهويييييييي
انا : ههههههه تعاله يا خايب يابن الخايب تعاله
سامر : (جيه عندي و خلاص ها يعيط)
انا : هات (مسكتها من ايده نفس المسكه و لسه محافظ على الفيوز بتعها حطيت الدبوس في نفس الفتحه تاني و رفعت ايدي و مسكت سامر من قفه) كل ده ليه يابن الاهبل
سامر : عمي سيف عايز يأجل كتب الكتاب
عماد: (خلع الشبشب بتاعه) بهزار يابن المجانين بهزار
حسن : (ماسك عماد) اهدا يا عماد اهدا
عماد : اهدا ايه كان ها يموتنا
انا : يعني انتا عامل كل ده علشان كتب الكتاب يا روح امك
سامر : ايوه
انا : ده انا ها ولع فيكم انته الاتنين و ارتاح منكم (طلعت تلفوني و كلمت سامح) الو
سامح : صباح الفل
انا : صباحك زفت
سامح : تسلم يا غالي خير
انا : عايز مأذون دلوقتي
سامح : دلوقتي صعب خليها كمان شويه
انا : ياعم اخطف اي ماذون و السلام
سامح : المأذون اللي بنخطفه دايما في القاهره اصبر نبعت نجيبه و نيجي
انا : طيب (قفلت مع سامح و شديت الكلب ده عليا) تغطس و تقب معاك قايمه يله اتفضل
سامر: ايه القايمه دي
انا؛ عقد قايمه يا اذكا اخواتك
سامر: طب افطر
انا : الباد بوي مش بيفطر سامي مروان محمود ارمه الواد ده بره يله
سامي : تعاله
سامر. :استنا بس افهم
محمود : تعاله ده انا هجوزك هنومه تعاله
مروان : لسه ها نحكي ارفع
رفعوه و فتحه الباب طلعوه و قفله
سامي: تمت العمليه بنجاح يا حج
انا : جدعان عارف يا حسام انا نفسي اعمل فيك و في ابنك ايه
حسام: عارف بس بلاش تقول علشان الرقابه و كده
انا: كويس انك فاهم يله نفطر
روان: و الواد
حسام : يا ستي سبيه عضمه ينشف يله نفطر
قامنا و انا مسكت مروه من قفها قعدتها علي السفره
مروه : تسلم يا جدي على التوصيله
انا: اترزعي
رودي : (بصه لي البيت بستغراب ميلت علي سامي) سامي
سامي : ايه
رودي : هما فين
سامي : هما مين
رودي : البهايم و البط و الفراخ المعيز البيوت المبنيه بالطين فين
سامي : رودي اسكتي يا عنيا مفيش الكلام ده
رودي : مش ده صعيد
سامي : ايوه
رودي : فين بقي
سامي: و ربنا اجيب من بابا القنبله و ننفرج كلنا و ارتاح كفايه مخلتنيش اعرف انام صاحيه تسالي عن النموس
رودي : ايوه فين الاجواء الريفيه فين
سامي : (حط البيضه في بوقها) اتفضلي بيضه طازه جايه من من تحت الفرخه مسلوقه و جاهزه
رودي : ايه ده بجد في فراخ تبيض بيض مسلوق
سامي : يا رب يا رب ارحمني
انا : بتقول حاجه يا سامي
سامي : لا يا حج مفيش تسلم ايد اللي خبز الفطير
انا : ده دلفري
وعد :لالا ده انا خبزاه بأيدي
انا : ادي حماتك اهي قاعده جيهان الفطير ده اتخبز
جيهان : وله شاف الخبيز يا علي والله
انا : شوفتي مش مخبوز
وعد : لا مخبوز بس بالزيت و دقيق الشوفان علشان يبقي خفيف
جيهان: و هو الفطير ينفع غير لما يتخبز بالسمنه البلدي و الزبده و الدقيق الابيض
وعد : و نرجع لي تصلب الشرايين و دهون ثلاثيه صح
جيهان : انا بحب الدهون الثلاثيه ملكيش دعوه
وعد: منور يا سامي منور يا حبيبي
سامي: بنورك يا طنط
عماد : (نغزه)
سامي : يا مرات عمي
عماد: (نغزه تاني)
سامي : يا مرات اخويا
عماد : (نغزه تالت)
سامي : لا ابعد من كده اقولها يا ماما
وعد: ههههههه والله انتا عسل و سكر
رودي : (رفعت حجبها بغيره و قرصت سامي)
سامي: لا مانا مش. جي اتقرص هنا
عماد: انا جيت جنبك
سامي؛ لا ده النموس كولي يا رودي انتي مكسوفه
قعدنا نفطر و الفطار مليان منغشات بين كل واحده و جوزها و الصراحه انا فرحان بيهم اوي اوي خلصنا الفطار و كل واحد طلع اوضه نومه غير هدومه لبسنا طقم جلاليب فلاحي و طقم عبايات صعيدي و طقم عمم ابيض و نزلنا تحت
رودي : (بصت لي سامي) ايه الشياكه دي
سامي: اقل حاجه عندي
اميره: (بتعدل العبايه لي علي) يا اخواتي عليه يا اخواتي
علي : ايه رأيك انفع عمده
اميره : عمده ايه قول شيخ غفر
علي: كده طيب لبسي يوسف و ابعتيه المضيفه حضرت ليه الجلابيه بتعته
اميره : (اتكلمت فلاحي بدلع) انتا تأمر يا كبير
سمر : ايه يا سيفو بقالي كتير مشفتكش لبس جلابيه
سيف : حلوه عليا
سمر: طول عمرك قمر يا قلبي
سيف: اخراشي
محمود : يا حج عيب
سيف : اقعد ياض
نوال : (بصه لي مروان بكسوف)
مروان : (هز كتفه بوقار بالعبايه بتعته) احم
انا : اخلص يا طقم روميو و جوليت عندنا ضيوف يله
كارما : هو اللي ملقاش حد يدلعه يقفش كده (اخدتني بالحضن)
انا؛. و الله يا كارما انتي احلا حاجه في حياتي مش العيال دي كلها انتا يا قمر بس عندنا ضيوف
كارما : ماشي يا عسل
انا؛. يله يا ولاد
اخدتهم و طلعنا بره الناس قاعده على التربيزات بينزل ليهم الاكل و الشباب وقفين معاهم يقعدوهم و ينزله الاطباق ليهم و الحرس في مواقعهم بس سامح مش موجود قولت بس هو راح يخطف المأذون و يرجع بس مالك و تيمور قايمين بالواجب مع الحرس و بياخده التمام منهم
اتحركنا لي المضيفه و الناس في الطريق تبارك و تهني و تسلم دخلنا المضيفه و الضيوف موجوده و عماد و حسن و حسام معاهم قاعدين يستقبلوهم
الكل سكت و قام يبارك و يسلم و انا لمحت جميل قاعد شاورت ليه بعيني و هو فهم انه يغير مكانه و يدخل قدام في الصفوف الاوله عيب برده الناس دي جايه تجامله برده و هو يقعد في الصف التاني ياخي تباً لي مستوي تفكيره
قعدت على الدكه في الوش
انا: منورين مضيفه الصمدي اتفضله ارتاحه يا أهلي و ناسي اتفضله مجيتكم فوق راسي و تقديركم يتقل كتافي اتفضله يا اشراف
قعد الكل
انا : بسم الله و بعد ذكر الله نذكر نبينا محمد ابن عبدالله صلا الله عليه و سلم اشرف المرسيل صله على النبي و من ليه نبي يصلي عليه منورين يا جماعه و جمعتنا خير و ربنا ما يجمعنا إلا في الخير من اسبوع ربنا رزقنا بهديه هديه غاليه و كبيره حفيدتي و اصغر احفادي عهد جميل عبدالرحمن مهران الملكي الف مبروك يا جميل يابني الف مبروك ربنا يجعلها عهد خير عليك و على بنتي
جميل : الله يبارك فيك يا حمايا
انا : و زي ما اتعودنا في جمعتنا الخير نقعد مع الناس و نحل مشاكلها و نسمعهم و نطمنهم ان لسه في كبير و لسه في كبار ياخده حق المظلوم و يرده المظالم و اللي فاكر نفسه جبار و قوي ربنا رزقني و علاني علشان انزل راسه و اعلمه اصول الدنيا لا هيا فتونه وله هيا قوه بس ربنا لما يبتلي عبد يسلط عليه عبد من عباده و انا عبد الله علي ابن محمد ابنكم و اخوكم و ابوكم و قبل ما نبدأ نتأسف بس لي العريس ايهاب ابن اخويا مجدي المحمدي معلش يا ولدي نزلنك من بيتك و انتا ليه عريس
ايهاب : اللي في مكانا يا كبير ملهوش راحه راحته لما ربنا يرد امانته
انا : و نعم بالله اول مشاكلنا التار و التار يتحل يا الحق يرجع يا يجي بعدها كلام الرصاص بس جمعتنا في خير و انا معيزش رصاص كتير النهارده نتكلم الاول و نشوف الناس حليم صادق الشرابي قوم يا ولدي
حليم : امرك يا كبير
انا : قرب يا غالي يابن الغالي صادق جعفر ابو مسعد
صادق : (قام و فارد نفسه زي الطاووس) ايوه
انا : خليك بعيد (ولعت سجارتي و قعدت ساكت لقيته ها يقعد) انا مأمرتش انك تقعد مفيش احترام
صادق : يا كبير انتا موقفني و انا منيش صغير على وقفه التزنيب
انا : انتا
صادق : سامحني يا خاني الكلام حضرتك
انا : حضرت اللي طلبته
صادق : يا كبير اسمعني الاول
انا: سامع بس بزهق بسرعه
صادق : دلوقتي المشكله كلها على بهيمه كانت بتاكل في ارضهم اللي مراعي الارض شد و مشاها جيه واد عمي اتكلم معاه بالزوق و الادب اتلم ولاده و ولاد اخواته و الناس كلمه من هنا على كلمه من هنا الراعي هدد بالسلاح و حضرتك عارف اللي يهدد بالسلاح و مينفزش يبقي
انا : عاقل و كسر الشر بس اهلك اسفزوه و عيروه انه مقادرش قام عيارع فلت و رفع سلاحه قومته قتلتوه
صادق: يا كبير يا كبير الموضوع مهواش
انا : حضرت اللي طلبته
صادق : لا يا كبير بس اموت قبل ما اشيل اهلي العار
انا : تقوم مشيله لي حليم كبير ناسه
صادق :رقبتي ليك و لي اخويا حليم يدبح بس اشيل كفن لا سامحني يا كبير بس احنا اتربينا على العزه و الكرامه و شرفنا شرف و شرف الكلمه عندنا كبير اشيل كفن و اتزل بعديها لي الناس لا الموت اهون ليا من الكفن و انا قابل بحكمك
حليم : و انا موكلك بعد ربنا في حقي يا كبير
انا : ها تسامح يا حليم
حليم : مقدرش يا كبير
انا : ترضا بحكمي
حليم : وكلتك بعد ربنا
انا : ابعته لي مأذون البلد يجي و الدم زي مسال يسيل مكانه دم صادق طالب يد اختك لي حليم ولدي مبارك
صادق : (بص في الارض اصل دي برده مشكله اخته ها تطلع ابيض يعني لا قايمه وله مهر وله مؤاخر و مش ها تتزف لي بيت جوزها اخوها ياخدها من ايدها بشنطه هدومها لي بيت جوزها لقت حصيره و قله تشرب منها و تنام عليها ملهاش تمن) يا كبير
انا : مبارك لي كبيرك
صادق : (وطا راسه في الارض) مبارك
حليم : استسمحك يا كبير اقول حاجه
انا : قول
حليم : يا جماعه انته معزومين على فرحي بكره النهارده نكتب الكتاب و ليلتنا بكره بإذن الله في دوار بيتي على اخت الحج صادق من ولاد ابو مسعد
انا : (فهمت حليم علشان هو راجل على اربع بنات مش عايزها تترد ليه في اخواته البنات) الف مبروك يا صادق الف مبروك يا حليم اقعده
قعد الاتنين و الرضا على وشهم بعد ما كل واحد كرامته رجعت بأيد التاني اللي عفا و صفح هو اللي طالع كسبان قعدت احل مشاكل الناس لحد ما خلصت خلاص و جيه دور علام تعاله يا حبيب قلبي
انا : و اخر حاجه معانا النهارده علشان نقوم بس الاول اقول ان الباش مهندس سيف الملكي منورني في المضيفه مجيتك غاليه علينا و ابنكم غلط و مش محتاج اوضح ليك ان الغلطه عندنا بحساب و انتا السيد العرفين
سيف الملكي : العرف و القانون واحد و النظام محطوط علشان متبقاش فوضي اللي محدش يسمح بيها ابدا
انا. : عداك العيب و اذح كمان ابنكم يستلم حاجه (بصيت لي مالك) خلي الراجله تدخل الحاجه (طلع مالك) ياخد حاجه و يدفع تأديب ليه
علام : لو الجرح في فلوس سهله يدفع اللي ديتها فلوس ملهاش سعر
انا: عداك العيب يا زين عيلتك
دخل مالك و الرجاله دخلت التماثيل و كلها كانت تماثيل صغيره اساسا و رصها على الارض تحت رجلي
انا : دي حاجتك و ادب ليك ها تدفع التمن (شاورت لي مالك يشيل تمثال) ده نقطه حفيدتي (شاورت ليه ياخد واحد تاني) و ده نقطه لي جميل الملكي جوز بتي (شاورت ليه يشيل واحد تالت) و ده ادبك
علام: و يفضلي اه
انا : ٢٠ تمثال دهب حلال عليك بس لو عرفت انك حاولت تبيعهم في وقت البيع و اقف فيه ممكن يتاخده منك تاني و الله اعلم يروحه لي مين اصل في الوقت اللي البيع فيه واقف انا بربط رجالتي و اسيب الملعب لي النصابين اصل المعاد مش محطوط كده و خلاص يا علام يا اخويا
علام : اللي اخدتهم دول لزم يرجعه
انا : ياعم انا مسامح في النقطه بتعتي رجعها يا مالك مش عايز نقطه من حد بخيل
علام : و الباقي
انا؛. لا الباقي ده عندك انتا كلم ابو عهد اهو من اهلك و قوله سيب النقطه بتعتك اما الادب فده شرعي نسبتي عند الحكومه ٢٠ ٪ ياخدها اللي يلاقي الحاجه المسروقه و لو مش عجبك هات الحكومه تطلعلي نسبتي
علام : (قام) خليهم ليك و انا حقي اعرف ارجعه
رايحه نحيه الباب يمشي
انا: (بصوت جهور و غاضب) علام
علام: (وقف و لف ليا)
انا: (بهدوء) ها تمشي من غير ما تتغدا يا جدع عيب بس متقلقش انا بعت لي بيتك ٥ كليو لحم من بيت اللوحه منقيهم بدي بالهنا والشفا عليك مطرح ما يسري يمري و حته حلالي بالهنا (الحلالي دي يا عزيزي حته كده في الطور اسمها حالي انا مقدرش اقولك هيا ايه بس اسأل جزار)
طلع علام بعد ما اتهان كرامه امه اصلي كده انا باعت ليك صدقه و صدقه دي يعني انتا محتاج و مش لقي توكل. بيتك لدرجه انك بتاكل في المواجب و من المواجب و دي الصراحه عندنا يا عزيزي مع الكبار إهانه ما بعدها إهانه (و هو رفض ياخد الـ ٢٠ تمثال غير لما يكونه كملين الان ببساطه كل قطعه منهم بتحكي عن فصل في حياه الميت صاحب المقبره اي حاجه ناقصه يبقي الحكايه ناقصه و اللي شاري شاري علشان الحكايه مش علشان خامه التمثال مهما كانت ايه المهم هيا الحكايه التاريخ)
انا : شكله زعل
ايهاب : ٥ كليو قليل برده
انا: ههههه عندك حق كان المفروض ابعت اكتر بس اها دي حاجه لله
دخل سامح و هو شايل شوال خيش نزله قدامي و فتحه طلع منه شاب كده صغير
انا : مين ده
سامح : ده المأذون
انا : مأذون مين ده عيل
المأذون : يا جدي علي حرام عليك انتا كل كتب كتاب تبعت تجبني يانا يا ابويا يا جدي في شوال حرام
انا : و ابوك مجاش ليه
المأذون : كبر على الشوال
كل الناس ضحت
انا؛ هههههه كبر وله تخن
المأذون : الصراحه تخن ايدك يا عمي سامح اقوم كده الله يسترك
سامح : (قومه)
انا : فين دفترك
المأذون : الدفتر يا عم سامح و الطقيه الحمرة مع ان دي موضه بطلت بس جدي علي بيحبها هات
سامح : (لبسه الطقيه و اده الدفتر) اهو مأذون
المأذون : ممكن بقي يا جدي لما تحتاجني ترن عليا بلاش تتعب عم سامح الراجل تعبان معانا من زمان و لو معكش رصيد ابعتلي علي الوتساب
انا : اقعد
المأذون: حاضر اين العريس
انا : جي في السكه اصبر
دخل الواد سامر و هو لبس جلابيه شيك و العبايه و العمه متشيك و متأنتك في نفسه و ماشي بكل ثقه جيه عندي مسك ايدي و باسها
انا : ربنا يراضيك يابني (كلمت الناس) النهارده كتب كتاب اتنين من احفادي سامر ابن حسام ابن اخويا الله يرحمه محمود على حفيدتي كريمه سيف الصمدي ابني الكبير اشهده عليها و كمله الفرحه فرحتين
فتح المأذون الدفتر و اخد بيانات سامر و مروه و سيف حط ايده في ايد حسام و سامي اخد الدفتر علشان يبصم مروه و يمضيها و رجع به تممه الجوازه في حضوري و الصراحه انا كنت هعيط من الفرحه بس تماسكت و تمالك اعصابي و كتبه كتاب حليم على اخت صادق و مشيه كلهم و انا طلعت و حسام و عماد و حسن اخده عبدالرحمن و سيف و ولاده و جميل و جم بيهم قعدنا في منظله و جيه عتمان
عتمان : الله اكبر متجمعين في الخير يا ولاد (جيه قعد جنبي) مبارك بقيت جد
انا : مش اول مره قولها لما احضر ولاده عهد غير كده شكليات
عتمان : ها تحضر
انا : ايه نويت تنزلي الشوط التاني مكانك
عتمان : ههههه ياض الملافظ سعد و بعدين انا لسه شباب
انا : لسه شباب و عايز تكمل نص دينك طبعا مانا قلبت خطبه
مجدي : هههههه خلاص يا علي قلبك ابيض مكنتش كلمه قالها
دخلت علينا لميتا و هيا شايله عهد ادتها لي جميل
جميل : (شالها) ايه يا قلبي ايه يا عنيا ايه الحلاوه دي و الشياكه دي
انا : ايه اللي طلعك بيها في البرد
لميتا : قولت اللحقها من عمتها و خالتها عايزين يدقه الهون
انا :طيب ما يدقه الهون عادي
جيه يوسف و هو لسه لبس الجلابيه راح عن عهد باسها و بص لي جميل و طلع لسانه يغيظه
جميل: ايه الطفل ده
يوسف : اوستي
لميتا : خلاص ها جوزهالك
جميل: على جثتي دي بتاعت جميل و بس يا خلاثي
عهد : (عيطت)
لميتا : شوفت
يوسف : (نغز جميل في كتفه) اوستي
عهد : (هنا سأسكتو قليلاً)
عبدالرحمن : انته متفقين وله ايه
يوسف: اوستي (طلع لسانه لي جميل تاني) اوستي
جميل : ده انتا رخم خد الواد ده يا علي
علي : تعاله يا يوسف تعاله
ايهاب : اعمل اللي يعجبك ياض حبيب خالك اجوزهالك حاضر
جميل: ايه هيا لعبه
ايهاب: ابن اختي يعمل اللي يعجبه ايوه انا بقولك اهو
ليث : لا بنت عمي متتجوزش من بره العيله انا بقولكم اهو ده احنا مصدقنا عمي اتجوز واحده حلوه و نحسن النسل
لميتا : هههههه انتا لسه فيك الخصله دي
ليث : ثابت على المبدا يا عسل
جميل : سيف علي لمه عيالكم بقي بدل ما ازعلهم انا بقولكم اهو
طلع البيت كله و اولهم فريده شايله هون و الحريم وراها و عمله دايره و اسمع كلام امك و متسمعش كلام ابوك و جو غريب و انا سحبت نفسي براحه علشان لو فضلت قاعد ها عيط و انا مش ناقص بس الدوشه ازعجك عهد و عبدالرحمن قفش على الكل و اخد عهد في حضنه و قعد يهديها و سابهم و قعد علي كرسي بعيد و فاتح عبايته علشان يغطيها من الهوا
عبدالرحمن : بس يا عسل بس يا قمر بس يا قلبي ايه بتعيطي ليه بس دايقوكي الوحشين دول بس خلاص عرفه يابت يا عهد انتي شبه مين شبه جدك حياه الله يرحمها كانت قمر زيك كده و بريئه زيك لسه جيالي في الحلم النهارده و قالتلي عبدالرحمن لما تشيل عهد ابقي بوسها و قلها دي من جدتك حياه (وطا على عهد باس دماغها) و دي بقي من جده عبدالرحمن يا قمر (باسها من دماغها) بس موضوع الحلم ده سر بنا ماشي خليكي شاطره كده
نورا الرفاعي : (راحت ليه) ايه يا عبدو قاعد مع عهد لوحدكم لحقت تخطفك مني
عبدالرحمن : و هو في حد يقدر يخطفني منك انتي يا ام سيف يا اول حب في حياتي ده انتي خطفاني من و انا عيل
نورا : (بنت سيف) يا سيدي يا سيدي ايه الحلويات دي يا حج عبدو لا اتنين قمر يخطفوك مني وله ايه
عبدالرحمن : (باسها من دماغها) حد يقدر يخطفني منك يا قمر
قمر : سمعتكم بتجيبه في سيرتي
عبدالرحمن : بنت امها القمر
و اتلم حولين عبدالرحمن اولاده و بناته و أحفاده و الولاد قاله يسبوهم براحتهم لحظه عائليه بنهم و بين بعض
عبدالرحمن: عرفين يا ولاد انا عمري ما حسيت ان نعمه ربنا كبيره عليا اوي غير لما رزقني بيكم كنت شاب و فرحان بنفسي و شلت مسؤليه الزوجه و فضلت برده طايش لحد ما نورته حياتي كلكم كنت عايش حياتي بالطول و العرض مكنتش بفكر في اللي بعمله نهائي بس لما ربنا بعتكم ليا في دنيتي فرحت بس عقلت قولت يا واد اتلم بدل ما تترد فيكم و فرحت اكتر لما شوفت ولادكم و شفت كل واحد في بيته مبسوط مع مراته و اللي مع جوزها و نورته عنيا بأحفادي و ادي اخو صبري عملها اتجوز و خلف القمر ده (وطا راسه و باسها من دماغها و بص لي جميل) اسمع يابني انا في حياتي غلط كتير اوي غلطت في طريقه التربيه و طريقه الحياه كمان مش عايزك تبقي زي اوعا اقولك كلمه تنفذها عمياني خصوصاً لو تخص ولادك و بناتك لو لقتني في يوم بمد ايدي عليهم اقطعها و انا راضي
جميل : تتقطع ايدي قبل معملها يا بابا
عبدالرحمن : اسمع كلامي و اوعا تقبل ان حد يكسر هيبتك قدام مراتك و عيالك اوعا تقبل علي نفسك كلمه انتا مش راضي عنها و تقول يعني الكلام ها يلزق اوعا عيش لي مراتك و ولادك عيشه حياتكم ليكم لا اهلك وله اهلها انا بنصحك زي ما نصحت اخواتك من قبلك اوعا في يوم تدخل عليهم قرش حرام او تنام و عليم قرش لي حد او ظالم حد و تقول اصلي شايف نفسي صح اوعا في يوم تبات ظالم او واكل حق حد و تخلي بالك من ظنك لحسن تظلم به حد احسن الظن دايما تخلي في عقلك ميزان و في لسانك ميزان توزن كل كلمه و كل فعل انتا دلوقتي اب و عليك مسؤوليه (ادله عهد) شيل مسؤوليتك يابني
جميل : (اخد عهد و حضن عبدالرحمن) يسلم لسانك و يدوم حسك في الدنيا يا ابويا
ليث : (حضن عبدالرحمن) انا بحب اوي يا جدي
عبدالرحمن : (زقه بديق) اوعا كده ها تفطسني و انتا بقيت شبه الضرفه بتحضني ياهبل (مد ايده ليه) ده كلام الرجاله
ليث: (حضنه برده)
عبدالرحمن : (طبطب عليه) حبيبي يا ليث (بص في ساعته) مش يله وله ايه (كلم جميل) رجع بنتك لي امها لحد ما تروح تاخد الاتنين من حماك زي ما الاصول بتقول يله
رجع جميل لي لميتا ادها عهد و حضنها
جميل : ليه مينفعش تمشي معايا
لميتا : علشان شكلك قدام الناس يا حبيبي ميقولوش حماه هو اللي عمل السبوع علشان ابوها مش عايز
جميل : مش مهم الناس
لميتا : مهم شكلك يا جميل
جميل: (باس دماغها) ماشي
لميتا : يومين كده و عدي على بابا علشان عايزك في كلمين كده
جميل : (ابتسم بفرحه) ماشي
دخلنا احنا و هما اتحركه مسكه طرقهم
انا : (ملقح على الكرسي مهدود) اهههههه يوم طويييييل اوي
غرام : معلش بقي هو الجد كده
انا :عندك حق
فجأه قامت اميره طلعت تجري زي الممسوسه و دخلت على الحمام
انا: ملها المجنونه دي
علي : (بقلق) مش عارف
رودي : اليوم كان متعب اوي تلقيها قامت تدخل ال (و قامت طلعت تجري هيا كمان)
و الاتنين دخله الحمام و قعده يرجعه و فجأه الاتنين بصه اي بعض
اميره و رودي في صوت واحد : يا لهوي
رودي : لا مش دلوقتي
اميره : هو انا لحقت اخلص من يوسف دي ليله زرقه
رودي : انا لسه صغيره على ده
اميره : طب ايه نتأكد ازي
رودي: هو في غيرها
اميره : ابعت علي
رودي: اعملي حسابي في واحد
طلعت رودي و دخلت حمام تاني و قفلت على نفسها
اميره: علي يا علي يا علي اللي متجوزني تعاله بسرعه
علي: (قام جري) في ايه يابت المجنونه مالك
اميره: اطلع على اقرب صيدليه
علي : تعبانه وله ايه
اميره : اسمع كلامي و حيات امك بدون نقاش هبعت ليك على الوتساب تجيب حاجه و تيجي
علي : ماشي طيب
راح علي
سندي : في ايه
علي: تلقيها اكلت كتير و عايزه مطهر معوي مش عارف انا الاكل ده كله بيروح فين
انا : انتا لسه واقف روح جيب ليها مطهر معوي بسرعه
قام سامي و راح لي رودي خبط عليها
رودي: مين
سامي : انا مالك جربتي كده ليه
رودي : مفيش يا حبيبي كنت عايزه الحمام
سامي : و قومتي ليه فجأه يعني
رودي: خلاص يا سامي مفيش عايزه الحمام بس بعد اذنك ارجع ليهم دلوقتي
رجع سامي
انا: ايه
سامي : مفيش بتقول عايزه الحمام و سمعتها بترجع
انا : الاتنين مع بعض لا كده في حاجه مش مظبوطه حد بطنه وجعه تاني عايز يرجع عايز يدخل الحمام
الكل: لا
انا : كده في حاجه غلط دي مش حاله عامله
سامي : خلاص نكلم الدكتور حالا يجي
سمر : ثواني طيب
راحت سمر ليهم غابت شويه و رجعت
سيف: ايه
سمر : لالا مفيش هو علي يجيب المطهر بس و خلاص خمس دقايق
سامي : خمس دقايق ازي بس
سمر: لا اصبر ها اصبر كده و قول صبرت
سيف : هو في ايه يا سمر
سمر: (بصت لي سيف)
سيف : (استغرب) تمام يرجع علي ياخده المطهر اكيد مفيش حاجه تقلق وإلا مكنتش سمر قعدت كده
خمس دقايق و رجع علي و راح لي اميره ادها الكيس و هيا قفلت في وشه هو مشي و بعدها طلعت اميره ادت التاني لي رودي و رجعت تاني الحمام عشر دقايق عده علينا و انا بدأ الفار يلعب في عبي يلعب ايه ده لعب و جاب اصحابه يلعبه معاه ده مش تأخير مطهر معوي ده تأخير حاجه تانيه كده يبقي في مصيبه طلعت تلفوني علشان اكلم سامح يجيب الطباخ ابن الكلب ده من تحت الارض هو و الطقم اللي معاه بس رجع الاتنين و الاتنين على وشهم سهم الله قعد الاتنين كل واحده جنب جوزها
سلوي: في ايه يا ولاد قلقتونا
رودي: في خبر كده غريب شويه
اميره : شكله ها يبقي مرار طافح ارمي بياضك يا شبا
رودي: (رمت بتاعه بلاستك على التربيزه)
اميره : (رمت برده بتاعه بلاستك شبه بتاعت رودي) اتفضله بالهنا والشفا
علي : و نفهم ايه احنا دلوقتي
سامي : ايه الهبل ده يعني ده كشف لي السموم يعني وله ايه
علي : في ايه يا اميره انطقي
اميره: امك تفهمك فهميه يا حماتي
سندي: (مسكت البتاعه دي بصت فيها و اخدت اميره بالحضن) يا حببتي يا حببتي
سامي: ايه الهبل ده حد يفهمني هو انا عيل هنا
رودي : فهميه يا طنط غرام لحسن انا يعني مش هعرف
غرام : (بصت لي بتاعت رودي و بصت ليا) ابوه يفهمه
انا: هو انا فاهم حاجه
غرام : يعني انتا متجوز ثلاث ستات و مخلف ست شباب و مش عارف ايه ده
وعد : يعني كرستينا متأبيه يا عمي
انا : كرستينا مين واد يا عماد حوش مراتك عني مش ناقصه
وعد : لا ده انتة مستوي الذكاء في عيلتكم منحدر خالص
انا : يا جدعان حد ينطق انا قلقت
سلوي: (ميلت عليا وشوشتني في ودني) الاتنين حوامل يا اذكا اخواتك
انا : (سمعت و سكت) يا ليله بيضه اوي زياده عن اللزم كمان سامي الف مبروك علي الف مبروك حرمكم حوامل
سامي اتصدم لما سمع الخبر و علي سورق مكانه و اغمه عليه و انا قعدت اهز بوزي يمين و شمال يا نهار ازرق و انا عارف اصرف على دول او احمي دول او اربي دول علشان يجيبه عيال يا نهار اسود ده وله واحد فيهم متربي علشان يربي اساسا
فوقه علي و قعد يعدد
علي : يا لهوي تاني يا نهار ازرق هو انا عارف اربي ده لما اربي اللي بعده يا لهوي ياني
سامي : هو انا لحقت علشان اخلف هو انا شوفت شباب اصلا و ده لما يجي العبه وله اللعب معاه يا نهار ازرق اب ده انا تافه
علي : و انا اتفه منك
عماد : افرح يابني انتا و هو ايه مالكم
انا : طب دلوقتي ها تخلفه يعني سؤال بس يا علي انتا مقتنع بنفسك اب
علي : وله ام ده يوسف جيه كده
انا : و انتا يا سامي يعني شايف نفسك مؤهل نفسياً وله ايه
سامي : وله نفسياً وله عصبيا
انا : طب بتخلفه ليه اساسا
سامي :و انا اعرف منين اني هخلف و انا صغير
اميره : يا حزن الخزن عيل تاني
رودي : انا مش مستعده لي ده
لميتا : ملكم بس ده حتي البصه في عين الولاد بعد الخلفه بالدنيا
رودي : (بأمل) بجد
لميتا: ايوه
اميره : و الم الولاده جي معاكي في ايه
لميتا : ادي دقني لو عملتها تاني هيا مره
اميره : يبقي تسكتي
رودي : يا لهوي (بصت لي سامي بخوف) انا خايفه
سامي :و انا كمان
انا : اسمع يابني انتا و هو انته كده كده مش ها تربه وله تعرفه تربه فرخه اساسا امهتكم هما اللي ها يربه اولده بس و ربنا يقومكم بالسلامه الف مبروك يا ولاد
اميره كانت قاعده مرعوبه من انها تخوض التجربه دي تاني انها تخلف تاني تخلف طفل و ممكن يروح منها تاني زي بنتها اللي توفت و هيا بتتولد و علي كمان مكنش عايز يجرب الاحساس ده ابدا ابنك ضناك اللي بتترجه من الدنيا ربنا يسترده تاني لحظه صعبه و موضوع كبير مش سهل وله احساسه بسيط خالص بالعكس ده شعور مدمر جدا
سامي بقي و رودي دول لوحدهم فجأة لقه نفسهم متجوزين في عز شبابهم و فجأه يخلفه و رودي اساسا لسه مش متعوده على فرك سامي في السرير بليل وله عليه انه جوزها لدرجه انها لسه بتتكسف منه و سامي مش قادر يتخيل حجم المسؤوليه اللي عليه يوم ما اتجوز رودي و حس انه كبر بقي راجل مش شاب وله عيل الجواز المبكر يا عزيزي يخلي الشاب راجل في لحظه قبل اوانه الانه لسه ممرش بالتحارب الكافيه في حياته و التجارب دي مش القصد منها تجارب مع الجنس الاخر لا تجارب يعني مواقف و افعال تتعلم منها الصح من الغلط اللاسف يا عزيزي الحسبه كبيره اوي اوي على سامي و رودي و علي و اميره
انا : (بصت لي رودي بكل هدوء و وقار) الف مبروك يا رودي مبروك مجالك و اللي ها تجبيه ليا (حطيت ايدي علي ضهر علي بطمنه و هو بص ليا) بارك لي مراتك ده عوض من ربنا ليك ايه مفيش صوت فرح صوت زغاريت جيالنا اشبال مش فرحانين ليه بت يا وعد تعرفي تغني
وعد : اعرف اطبل
انا : طبلي
وعد : والله يا عمي علي ما في منك اتنين ابدا ده انتا خساره في العيله دي ده انتا احلا حاجه في العيله دي ده انتا عارف انا نفسي اجيب عيل كده و اسميه علي على اسمك انتا عارف انا متجوزتش عماد غير علشان هو ابن اخوك
انا : فين الطبله
وعد : مهي شغاله اهي
رحيل : مش دي التانيه
وعد : دي الطبله اللي اعرفها احمد موسي بس
ضحنا كلنا
وعد : ايوه كده اضحكه ده العيال بيجي برزقه دايماً دي دوره حياه ربنا بيرزق العبد بالنعمه في ناس مش لقيه ضفر عيل من عيالنا الحمد لله على نعمتهم و هيا الدنيا تسوا حاجه جنب بصه في وشهم
سندي : عندك حق يا وعد دول الونس و الضحكه الصافيه و الفرحه اللي بجد
سلوي : حياتنا تبدا بيهم دايما مش قبلهم
غرام : من غيرهم ملناش لزمه وله عازه ارض بايره مستنيه ربنا يرزقها بالنبته الصالحه الاطفال دول نعمه في حياتنا ربنا يدمهم يا رب
تلفوني رن استقبلت خبر وفه عبدالرحمن و منتصر الملكي حزنت بس كتمت في سري عبدالرحمن مات طب ازي ده لسه سايبنا مكملش كم ساعه مات ده كان طاير من الفرحه بعهد وله كأنه ابن ١٠ سنين مش كهل عبدالرحمن اللي لسه كانت ضحكته من الودن لي الودن مات ده لسه اهو لسه قايم من جنبي ياااااااه هو احنا قريبين للدرجه دي من كف الرحمان وله انا اللي لسه واخد بالي دلوقتي ياه على الدنيا ياه عليها فانيه في غمضه عين تسبنا و تمشي الله يرحمك يا عبدالرحمن انتا و منتصر كنته زينه الاباء بس بطرقتكم مهي مذاهب يا عزيزي
يتبع........
أنت تقرأ
الفنجان (حرب الهيبة)
Actionلن ترا عندي إلا كل مكر و حزن و فراق فان كنت من اصحاب القلوب الضعيفه لا انصحك بالتكملة قد تكون البداية بسيطه و لكن النهاية قاسيه كا قسوه الحياة
