الفنجان (حرب الهيبة)

هل للعودة طريق؟

الفصل الثالث عشر

اوقات كتير لما التاريخ يعيد نفسه بتبقي مهزله
اوقات تانيه تبقي حقيقه صادمه
و اوقات تبقي دين و لزم يترد

بدايه الفصل

صحيت بدري على غرام
غرام : علي يا علي اصحي الباب بيخبط
انا : قومي افتحي
غرام : افتح ايه انا بلبس النوم قوم انتا
انا : اللبسي و قومي افتحي
غرام : قوم انتا
انا : هيا صباحيه ملبن و باين عليها اموت و اعرف انهي كلب فيهم بيخبط الصبحيه كده

روحت لي الباب و انا ماشي مش شايف قدامي فتحت ملقتش حد قفلت تاني و رجت تاني انام
غرام : مين
انا؛. عيل رن الجرس و طلع يجري

محطتس في دماغي مين اللي خباط غير لما حسيت بفرك في السرير قولت تلقي غرام قامت كملت نوم عادي جدا بس حسيت ان في حد بيلعب في ودني فتحت عيني بصعوبه لقيت ابن الكلب قاعد على السرير و عمال يلعب
انا : انتا بتعمل ايه على الصبح
غرام : (قامت تشوف في ايه لقت يوسف) ده يوسف
انا : لا عمر
غرام : عمر مين بقولك يوسف
انا : جبتي التايه يعني عايز ايه
يوسف : (شاور على بوقه عايز ياكل)
انا : يابني انطق حرام عليك جعان
يوسف : (هز دماغه)
انا : طيب هقوم اكلك

بصيت في الساعه لقتها الساعه تمانيه الصبح غسلت وشي و اخدت يوسف و نزلنا تحت دخلت المطبخ عملت ليه بيض و جبنه و قعدت اكل انا و هو الواد ده رخم اوي اوي عملت كبايه قهوه و طلعت اكل من الثلاجه و روحت فتحت لي حورس قعد ياكل و قعدت انا و يوسف على جنب عمال يرخم عليا الرخم لحد ما دخل عليا تيمور
تيمور : صباح الفل يا عم الكل
انا : عايز ايه
تيمور : انا لالالا مكنتش العشم لا لالا
انا : (فضلت باصص ليه ببرود و هو ماسك في دور الشرف) خلصت
تيمور : ايوه
انا : عايز ايه
تيمور : يا حج نفسي تنفذ طلبي
انا : عايز تتجوز مين
تيمور : جواز ايه بلا قرف
انا : ولااا انا شاكك فيك
تيمور :. يا حج مش القصد بس انا مش بفكر في الجواز دلوقتي
انا : طيب عايز ايه و انجز علشان يوسف صحاني بدري و انا مصدع
تيمور : انا بس عايز اتكلم معاك بخصوص سامي
انا :ماله سامي فيه ايه
تيمور : مفهوش بس مش عجبني اليومين دول و خصوصاً امبارح كان زعلان جدا بسبب موضوع المطعم انا عارف انك خايف عليه بس السؤال من ايه مانا موجود و اخواته موجودين و الرجاله موجوده السلاح موجود الجحيم موجود يعني خايف من ايه
انا : زمان كنت شاب و كان معايا السلاح و المال و السلطه و السلطانه و الجحيم في ضهري و برده حصل اللي حصل بلاش نقول اصل كذا موجود لان الحياه مختلفتش عن زمان
تيمور : يا حج اسمع مني الواد نفسيته مدمره انا خايف عليه سامي حساس جدا
انا : اعمل ايه طيب يا تيمور مانا برده خايف عليه يعني اعزرني برده سامي معش حياتك وله اخد تدريبك علشان يقدر يدافع عن نفسه زيك و زي باقي اخواتك في الجحيم
تيمور : ادربهولك و اسلمك السوبر سولجر بس قول امين علشان خاطري وله انا مليش خاطر عندك
انا : تيمور انتا غالي عندي كفايه انك ابن امام و انته الاتنين غالين عندي بس مينفعش اقول ايوه
تيمور : طيب تمام انا الصراحه محوش شويه فلوس على جنب و ناوي اشارك سامي انا بالفلوس و هو بالمجهود
انا : اممممم (ولعت سجاره) انتا بتتحداني
تيمور : بص يا باشا براحتك و حضرتك حر في قرارك و انا حر في قراري بس مش عايز اعمل حاجه تزعلك مني
انا : استغفر الله العظيم يعني اقول ايه طيب
تيمور : قول امين و سبها على الله اللي خلقه مش ها ينساه ابدا و قول يا رب بارك
انا : (اخدت نفس عميق و طلعته) طيب يا تيمور شوف مين المالك و اشتريه منه بسعر عادل المنطقه هناك ممتازه و حيويه انتا كده كده عندك اكسس لي حسابات سامي في مصر
تيمور : تصدق انتا اجدع علي صمدي في التاريخ
انا؛. هو في غيري
يوسف : (نايم جنبي و رجله من نيحتي اول ما قولت كده قام نغزني برجله في جنبي)
انا : والله ها تطلع بتتكلم في الاخر و بتحور
تيمور : يتكلم مين ده لسه صغير بقولك ايه ها روح اتواصل مع الناس و بليل ابلغ سامي يله سلام

مشي تيمور و انا قعدت مع يوسف بلعب معاه انا مش برضا اخلي اي حد فيهم يمسكه تلفون نهائى مش عايزه يتسحر بالتلفون من صغره و كل اللعابه تعتمد على تشغيل الدماغ اكتر منها لعبه

شويه و بدأ البيت كله يصحي و دخلت مع يوسف جوه و قعدت معاهم و حضره الفطار و قعدنا نفطر لقيت سامي بيفطر من غير نفس
انا : بقولك يا سيف
سيف : خير يا بابا
انا : عايزك بعد الغدا تاخد سامي و تنزل فندق الخديوي اللي قدام النيل تقعده في المطعم و تطلب من الويتر انك تقابل الشيف حميد
سيف : الشيف حميد (استغرب في الاول بس جماع الاسم) ياااااه هو لسه عايش ده من ايام مطعمنا القدسم
انا : ايوه لسه عايش
سيف : بس حميد كان مساعد مساعد شيف مش شيف خالص
انا : لا بقي شيف دلوقتي و اسمه كبر
سندي : ياااه الواد حميد بقي شيف الواحد شكله كبر و عجز
انا : لسه لحد دلوقتي انته الثلاثه اجمل ستات في الدنيا
سندي : (اتكسفت)
سلوي : (بصت في طبقها بكسوف)
غرام : (بصت بعيد من الكسوف)
فريده : ايوه يا حج علي يا جامد
انا : بس يا بت (كلمت سيف) اول ما تقابله قوله عندي عرض من بابا ابويا عايز يفتح مطعم من جديد تحب تيجي وله لا
سيف : مطعم ايه ده
انا : اسكت مانا امبارح شوفت مركب على النيل معمول مطعم في حته تحفه و المكان بيهش و ينش سأل الويتر عن السبب قالي اصل هما بيصفه استخسرت المصلحه تطير قولت ناخده و ننزل فيه الواد سامي بدل ما هو قاعد عوطلي كده
سيف : (ابتسم لانه فهمني) بس كده يا حج انتا تأمر
لميتا : بابا في حاجه كده عايزه اقولك عليها نسيت اقولك عليها امبارح
انا؛. ايه هيا..... مالك يا حببتي الدكتوره قالت حاجه
لميتا : لا
انا : البيبي كويس يعني
لميتا : اه الحمد لله كويس بس امبارح طنط نورا الرفاعي جت العياده عند الدكتوره و قعدت تتكلم معايا
انا : طيب مانا عارف انا امبارح كنت معاها و اتكلمنا و الصراحه يا لميتا مينفعش تدخليها في اي مشاكل يعني نورا الرفاعي ست طيبه جدا و محترمه جدا بلاش تاخديها مع عيالها في نفس الكفه
لميتا : انا معنديش مشكله خالص مع طنط نورا بالعكس طنط طول عمرها في صفي اكتر من صف جميل بس هيا طلبت انها تبقي تقابلني يعني بعدين حضرتك عندك مشكله في كده
انا : لا طبعا و بعدين يا لميتا براحتك يعني قبليها في الوقت اللي تحبي انتي حره في تقابلي مين و تقعدي مع مين انتي مش الطفله اللي كنت بشلها على دراعي انتي كبيره و عاقله و حره
سلوي : حره ازي لا طبعا لميتا خلي بالك انتي لسه على زمه راجل احترمي النقطه دي انتي متربيه و بنت اصول و الاصول بتقول احترام الزوج يعني خروج كتير مينفعش بدون سبب مينفعش برده
سندي : سلوي بتتكلم صح
غرام : مهمي كان احترامك لي جوزك جزء من احترام الناس ليكي يا لميتا
لميتا : انا فاهمه الكلام ده
انا : شاطر حبيبه بابا علي حضر نفسك علشان نزلين المجموعه نشوف الايام اللي فاتت ايه اللي حصل فيها
علي : تمام

خلصنا الفطار و قام الشباب راحه الجامعات بتعتهم كارما جامعه القاهره و مروه و محمود و سامي و مروان و نوال مع بعض و اخدت علي و سيف في ايدي و انا طالع سيف راح المجموعه و انا و علي روحنا المجموعه دخلنا جوه
لقيت المكان مربوك جامد طلعنا المكتب جري نفيهم في ايه
انا : مرام في ايه
مرام : علي مصيبه يا علي مصيبه
انا : انطقي في ايه
مرام : اسعار الحديد اتضربت في الارض
انا : طيب اعملي القهوه بتعتي و حصليني على المكتب
مرام : قهوه ايه بقولك الاسعار
انا : مرااام حضري القهوه و اهدي شويه اول مصيبه و له اخر مصيبه يله القهوه و بسرعه و تمالكي اعصابك شويه

سبتها و دخلت المكتب قعدت و علي فتح تلفونه يتابع الاخبار عايز يعرف ايه سبب المشاكل دي كلها فتح يجيب اسعار الحديد لقي ان في مصنع شغال بيع بنص السعر
دخلت مرام و في ايدها القهوه
انا : ( ولعت سجاره) خير يا ست مرام
مرام : اسعار الحديد نزلت الارض بغباء
انا؛ بس كده طيب ايه الأسباب
مرام : جميل
انا؛. نزل كم في سعر الطن
مرام : نزل سعر الطن لي النص
انا : (باعجاب) جريء الواد ده
مرام : منتج مصانعه احتل السوق كل الطلبيات اللي اطلبت اتلغت كلها و المشكله ان السنتين دول هما سنتين افراج المباني
انا : طيب و ها يلاحق على كل ده منين
مرام : اشتري كل الخامات اللي في السوق لي مده سنه قدام
انا : هههههههه
علي : يا بابا ده مش وقت ضحك الواد ده كان لزم يتأدب من اول مره
انا : و هو احنا مش ها نأدبه وله ايه اصبر بس اصبر مرام سعر الحديد دلوقتي عامل كم
مرام : سعر الحديد دلوقتي عامل الفين و نص
انا : طيب و انته شايفين لو ها ننافس نقول كم
مرام : من اقل من الف و نص
علي : اتنين علي الاقل
انا : (رفعت ايدي و فتحت كف ايدي علي رقم خمسه)
مرام : يعني كم يعني
انا : خمسه
مرام : في عين العدو يا علي ياخويا بس خمسه ايه معلش
انا : ٥٠٠ جنيه لي الطن
مرام : دي خسائر بالملاين دي
انا : ههههههه طيب اسمعي الحديد ميروحش لي مورد يا مرام انا عندي اراضي من اول الدلتا لحد السوان تحت موظفين من عندنا ينزله يبيعه الحديد لي الناس عادي و اوعه يتعامله مع تجاره لا من المصنع لي ايد الناس عدل
علي: و معنها ايه الحركه دي
انا : الحركه دي يا علي اسمها لو راجل انزلي جوله مرام المحاجر و المناجم اللي لغت تعاقد معانا دول و خلفه الاتفاقيات
مرام : اخد اجراء قانوني
انا : تؤ مش دلوقتي بعدين بس اوعي تتواصلي معاهم و تطلبي خامات اشتغلي بالموجود
مرام : كده ها ندخل على الاحتياطي بتاعنا
انا : بصي عايز المخازن تفضي كلها كل حاجه الخامات و المنتجات هما يخلصه في قد ايه
مرام : على الحال ده و السعر ده نقول شهر
انا : حلو و ماله لو تعرفه تخلصه قبلها خلصه
مرام :  لو اني مش فهمه بس انتا مش بتقبل بالخساره ابدا بس خلينا وراك

طلعت مرام و انا قعدت اضحك مكاني من الغباء
علي : هو سيف الكلب
انا : و رحمت امي لو سيف اللي عملها لا اشقه مش علشان حركه ممكن تأذيني لا علشان حركه غبيه زي دي دي تطلع من جميل و طبعا كريم اخوه دعم رأيه الاتنين اغبيه زي بعض بس سيف لا سيف اذكي من كده بكتير يا علي بأكتر مما تتصور سيف ده لو سيف اللي عملها كان لعبها في موردين الخامات مش المنتج يا عبيط
علي : طيب و ليه نزلت السعر بالشكل ده دي خساره كبيره
انا : مصانع جميل في مصر بس اربع مصانع في مصر مفيش اي مصنع تاني في العالم كله سيبه يلعب في مصر و حافظ على السعر بره مصر تعوض الخساره
علي : طيب و المكاسب بابا احنا بنتكلم عن مخازن خامات و منتج طالعه من عشرين مصنع في مصر يعني كتير
انا : تؤ مش كتير و لو على المكسب انا اكسبك و انتا قاعد حاطت رجل على رجل
علي : ازي
انا؛. هححح انتا لو كنت دخلت اداره اعمال مكناش بقينا في كل ده افهمك علشان ممكن يطلقلك عرق بص يا عسل كل ما في الموضوع جميل مهما عمل مش ها يقدر يوفي كل الطلبيات دي و لو كل شريكات الملكي اشتغلت في تصنيع الحديد ياض ده الايام اللي بتفتح فيه الدوله المباني احنا بنطلب نجيب حديد من مصنعنا في ليبيا و كمان مش بيكفي و الايام دي المباني مفتوحه و السوق جعان و المعمار شغال شون الحديد اشترت من جميل فوق طلقتها خلصه نص الكميات دي في اسبوع او اتنين قم عمل ايه الباشا اتفق مع موردين خامات و اخد سوق الخامات كله في بطنه علشان يصنع تاني صنع و الشواني كلها اخدت زياده برده عن طاقتها احنا بقي ها نعمل ايه ها ننزل الحديد بالسعر ده الناس قدمها حل من اتنين يا تشتري من الشواني بالسعر ده يا تشتري منا احنا
علي : اكيد الشواني اصل بالسعر ده يبقي حديد بايظ
انا :لا يا عسل حددنا مركه مسجله غير كده قسم التسويق ها ينزلها تحت شعار وداعاً لي غلاء الاسعار فهمت و بعدين ده ايام مكنت مسؤول عن مصانع جميل كان الصمدي شغال و هو لا كنت بنزل الحديد بتاعه باسم الصمدي علشان يتباع غير كده المهندسين المعمارين عرفين شغلنا كويس و ها يشتره منا
علي : و بعدين
انا : بعدين بقي الشواني ها ترجع الحديد الان مفيش شونيه حديد في بر مصر تماً بتشتري و تدفع كاش كله بيسيب فلوس تحت اي مرتجعات ها يرجعه الحديد لي جميل او و ده الاهم او نص الكميه بقدر الفلوس اللي باقيه وقتها يا سيدي تبقي الخساره على الاتنين الشواني اللي بعونا و الناس اللي بنا تعاقدات و فسخوها و جميل اللي لبس الحديد و كمان خامات التصنيع احنا اول ما نخلص و نفضي مخازنا نعمل ايه نرفع قضايا قدام المحاجر و المناجم و الموردين شروط جزائيه فسخته تعاقدات قبل انتهائها ادفعه و ها نعمل معاكم تعاقدات جديده بأسعار جديده اقل و شروط اكبر محنا بس اللي شغالين
علي : طيب و الضربه دي يفوق منها امته
انا : لما يدخل سيف اخوه وقتها ها يعرضه علينا نشتري الحديد و الخامات ها نموت سعرها يا يبيعه بره و ده بيع و شرا و كل واحد حر
علي : طيب ما ممكن يبعوها تهريب
انا : بس كده يعده الحدود براحتهم خالص الحدود ليها سعر و السعر مش قليل اصلها دلوقتي مش من سيف لي ايهاب دي من سيف لي اكتر من ايهاب
علي : ممكن يعدوها عافيه من الحدود غصب عن ايهاب
انا : علي انتا فاكر ايهاب برياله وله حاجه لا ايهاب واحش جدا ايهاب صعب ايهاب غضبه واحش جدا علشان كده هو حارس الحدود و ايد حارس الحدود رخوه على واحد تبقي علي الكل و ايهاب عارف معني كلمه ايد حارس الحدود الطريه علي ميعرفش يعديها عافيه من على الحدود
علي : انا قلقان
انا : اطمن في كل الحالات كسبانين هو اللي خسران علشان غبي
علي : طيب بس القصه دي تخلص امته علشان انا بدأت ازهق
انا : القصه دي تخلص بعد ست شهور اختك تولد بس و بعدها نقعد و نتكلم