الفصل العاشر
في لحظات البني ادم بيعمل فيها حجات بيندم عليها كتير جدا يندم على كلمه قلها في حق حد و هو لا يستحق الكلمه دي و مش شرط تكون غلط لا ممكن تكون مدح ايوه يا عزيزي ممكن تندم انك قولت مدح في حق حد هو لا يستحقه نهائي يعني تخيل معايا تقول في واحد كلمه حلوه و هو مش حلو اساسا و كمان تندم على وقت ضيعته و انتا بعيد عن ابوك و امك مش بعد الغربه لا الغربه نار جبر على المسافر و أهله لكن اللي اقصده هو بعد بالقصد انتا بعيد عنهم و انتا قاصد لي مجرد اختلاف في وجهات النظر و كمان ندم على علاقه انهتها بطريقه غير محترمه كنت الشخص الحقير في العلاقه و الندم الاكبر بقي على انك كنت الطرف الضعيف في العلاقه
حجات كتير بنندم عليها كل يوم و كل لحظه بس تفتكر ان ده سبب لي الوقوف لا يا عزيزي مينفعش تقف خلاص الندم لزم يكون لي وقت و ليه اخر مينفعش تكمل فيه عمرك كله الانه بيستهلك بطريه البني ادم و على فكره انا برده عندي لحظات ندم كتير جدا في حياتي زي زيكم مش جي انصحكم و انا ملاك طاهر لا انا برده عدت ليا لحظه ندم على كلمه قلتها في وقت غضبي او اني مسمعتش كلمه قلها حد عن حد تاني و كانت حقيقه بس انا اخترت اسد وداني عنها او ندم علي علاقه كنت الشخص الضعيف فيها و ايوه يا صديقي القارء صديقك الكاتب الجامد عبدالرحمن محمد كان طرف ضعيف في علاقه و ندمت علي اللحظه دي و كمان بعدها لما كنت الطرف القوي او احب اسميها الغبي في العلاقه المتعجرف المغرور
الندم يا صديقي مش حاجه سهله وله ينفع يتكتب فيه كلمه وله اتنين او مشهد او اتنين لا الندم يتكتب فيه مجلدات و قصص و روايات و افلام و مسلسلات الندم مش ها يخلص ابدا و زي ما بحب اقول دايماً (كل شيء ذاهب لكن الندم باقي حتي تفنا يا صديقي) ممكن كتير منا يفتكر ان الندم شيء بسيط لا الندم مجرد شيء عادي جدا شعور زي اي شعور عندنا اتمني اني اتغير ابطل اندم او اعمل حجات اندم عليها اتمني
بدايه الفصل
مشهد خيالي
واقف وسط خضرا و جناين كتير جدا و عند شجره كبيره روحت ليها و لقيت هناك حاجه فقدتها من زمان جدا ده ابويا و امي
امي : (بصت ليا بندهاش) علي
ابويا : وصلت
انا :(نزلت على ركبتي قدامهم) انا وصلت
امي : ايوه شكلك وصلت انتا معانا
انا : اههههههه أخيراً وصلت ياااااااه
ابويا : (ابتسم ليا) انتا واحشني اوي يا علي اوي
انا : و انتا اكتر يا بابا
ابويا : اخواتك وصله قبلك
انا : (ابتسمت بفرحه) بجد
امي : ايوه يا حبيبي (بصت ليا بكل شغف) انتا واحشني جدا يا علي
انا : و انتي اكتر يا غاده
ابويا : ايه يا علي جي تاخد دلع امك مني وله ايه
امي : (بصت ليا بحب) هو انا عندي اغلا منه ده الصغير ابني حبيبي لزم ادلعه
انا : (حسيت ان قلبي انقبض و جسمي انتفض قدامهم كملت بخوف) هو في ايه
ابويا : (بص بعيد بحزن)
انا؛. بابا رد عليا يا بابا في ايه
امي : (هربت من عنيها دمعه مسحتها بسرعه) مفيش يا حبيبي مفيش بس من الواضح انه لسه مجاش معادك
انا : ازي لالا جيه معادي اكيد انا هنا يبقي جيه معادي
امي : لزم ترجع
انا : ليه لزم ارجع في ايه علشان ارجع ليه
امي : ده عمر و لزم يكمل
انا؛. مش عايز اسيبك
امي : قدر يابني قدر تعاله على رجلي تعاله ريح راسك
نمت على رجل امي زي الطفل الصغير و انا كهل عجوز و بكل رقه امومه و حنيه تملس على شعري و كل شويه قلبي ينقبض و جسمي ينتفض و انا ابكي مش عايز امشي لحد ما ابدأ اسمع اصوات بتقول (حقنه ادرنالين بسرعه احقنه اتنين ملي زياده اللحق يا دكتور احنا بنخسر المريض ازي نخسره مينفعش لزم يفوق)
انا : ها شوفكم تاني
ابويا : اكيد
امي : في يوم من الايام ها يجي معادك يا علي و ها تلقينا في انتظارك كلنا انا و محمد و يسريه ام مصطفي عايزك تشوفها طيبه اوي يا علي و كمان مصطفي و محمود و ادم جاي كمان و ها جيب معايا حياه الصغيره (مسحت دموعها) ها تلقينا كلنا جنبك
دخلت في حضنهم جامد اوي متشبث بيهم مش هامشي و اسبهم يا اخدهم معايا يا اقعد معاهم بس تفتكر يا عزيزي هل يعقل ان الاموات يرجعه تاني لي الحياه او الحي يموت قبل معاده لا طبعا بلاش تتعب نفسك في التفكير اصل كل حاجه و ليها معاد مستحيل انتا تغيرها انتا تقدر تغير شكل الجبل من بره تقدر تنحت عليه بس في الاخر يفضل النحات نحات و الجبل جبل
المشهد الواقعي
اوضه مجهزه في ستديل و حوليا دكاتره كتير جدا و معاهم صقر وود اطمنه على استقرار الحاله و طلع من الاوضه
و بره بيتي كله متجمع في حاله خوف فظيعه
صقر :اطمنه يا جماعه قدرنا نحافظ علي الحاله ونسيطر عليها (بص لي سيف و محمود و علي و مروان و سامي) ايه يا رجاله اول مره ليكم وله ايه لا اتعوده ابوكم طول عمره بتاع مشاكل
سيف : معلش يا صقر بس هما لسه قلبهم خفيف
صقر : قلبهم خفيف ايه ده انتا مش قادر تصلب طولك يا سيف..... اطمن الحاله مستقره لحد دلوقتي
سندي : ها يفوق امته
صقر : ده على حسب هو عايز يفوق امته
غرام : و ده ازي
صقر : حاله علي غريبه شويه تدفق كبير من الطاقه عدا من جسمه مره واحده و هو مش مستعد ليه ده غير ان أعضائه الداخليه مش مستقره بسبب كميه الاورام اللي في جسمه الرئه و الكبد و المعدا و المخ و كمان العضم كل ده قدرنا بأعجوبه نسيطر عليه بس اللي منيمه دلوقتي سبب نفسي (سكت شويه و رد) الموضوع ها يطول بقدرته على السيطره على مشاعره
سامي : يعني قريب انا متأكد انه ها يفوق قريب اطمنه انا مطمن
سيف : يله يا جماعه كل واحد يروح اوضته ملهاش لزمه الوقفه هنا
جوه الغرفه المجهزه
شخص لبس بدله لونها كحلي و شكله مهندم جدا كان قاعد على الكرسي قدام سريري و قام اتمشي في الاوضه شويه و انا فوقت
انا : (فتحت عيني) انتا مين
شخص : ايه السؤال الغريب ده يا علي المفروض تقول انتا دخلت هنا ازي انتا في ستديل اكتر بقعه حصينه على الارض
انا : بطلت استغرب من دخول الناس عادي اي حد يقدر يدخل اي حته بس انتا مين
شخص : انا يا سيدي ابقي حارس مدينه الملوك و الملكات في ثوبي الجديد ايه رأيك شكلي محترم صح البدله دي غاليه على فكره ماركه عالميه
انا : ثواني بس انتا حارس النار
شخص : لالا انا حارس المدينه في الاول كنت ست بس دلوقتي راجل
انا : افندم
حارس : مهو بفضل غباء حضرتك انتا و المتخلف التاني دخلت انا و اخواتي شرنقه إعاده ولاده فيها بنتغير يعني الراجل ممكن يبقي ست و العكس او نفضل زي ماحنا بس اللي بدون شك طريقه تفكرنا و نظرتنا لي الامور بتتغير شويه
انا : يعني الحراس رجعه
حارس : الصراحه الفضل في رجوعنا هو انتا احنا لسه مش مكتملين بس كان لزم نرجع بدري علشان نشوف انتا بتهبب ايه و ايه اللي حصل
انا : و انا عملت ايه
حارس : لا مفيش كل ما في الموضوع ان حضرتك هددت محارب مخضرم كفائه يجيب رقبتك بسهوله و هو معرفش يعمل حاجه و كمان كان وسط حراسه من رجاله جزيره الأسياد اعتا المحاربين بس برده معرفوش يعمله حاجه من وهل الصدمه
انا : و ده انا اللي عملته
حارس : ايوه (قرب مني و حط صباعه على دماغي و شوفت كل اللي انا عملته لحد ما وقعت من طولي) بس
انا : و ازي ده كله حصل ايوه انا شوفت السيف و حسيت ان في حاجه بتنادم عليا علشان امسكه غريزة غريبه اتجاهه بس تجاهلته علشان محبتش العيال الصغيره تشوف حاجه زي دي..... بس ازي مش المفروض قوه السيف ده من ماجين و انا مقدرش استخدمه غير بأذن منه
حارس : و هو ده الغريب (قرب نحيه دلسوار كان محطوط عليه السيف و مشا ايده عليه براحه من بعيد من غير ما يلمسه) نوح
انا : اشمعنا
حارس : تعرف ايه عن نوح
انا : انا نوح
حارس : لا انتا اهبل مش نوح نوح حاجه تانيه خالص تعرف ايه عنها
انا : حد ميعرفش نفسه
حارس : برده
انا : خلاص فهمني انتا
حارس : زمان الاب اتخذ ليه ابنه دربها على اسلوب المحاربين القدامه و دي اول محارب في التاريخ لكن على الشق التاني كان نوح.... نوح هو ابنه التاني مش من نسله لا بس رباهم الاتنين نوح كان حاله استثنائيه من القوه و الذكاء و كمان الشر لدرجه ان في واحد من الشياطين لقب نفسه بنوح لحد ما صاحبنا نوح عرف من ساحر عن الشيطان ده سخره ليه و بدل ما يسخر الشيطان ليه اتسخر هو لي الشيطان لعنه هو افتكر انه يقدر يغلب شيطان بس ميعرفش ان الشيطان كان قوي اقوة منه بكتير لحد ما نوح مات و روحه اتلعنت اتربطت بالحجر البيضاوي و خاتم نوح و الجحيم نوح شيطان بيسكن جسم كل نوح جي لي الحشاشين بس
انا : و ايه علاقات ده باللي حصل
حارس : اللي حضرتك عملته انتا و المتخلف التاني اللي زمانه بيتروق دلوقتي ساعد الام انها تخرج امتصت الطاقه اللي طلعت منكم طاقه ختم نوح و طاقه ختم اسما المحاربه الاوله بس مسكت سيف اللعنه و طعنت به الوهج مع كميه الطاقه المهوله دي حصلت حاله اول مره تحصل اساسا انقسم السيف عن ماجين و خزن الطاقه المرعبه دي و اختفه نهائي بس دلوقتي لما قربت من السيف زمان كنت بحس بماجين لكن دلوقتي حاسس بكيان تاني خالص كأن السيف بقي ليه إراده و قدره و احتياج و طلبات و افكار ركزت شويه لحد ما شميت ريحه نوح
انا : نوح
حارس : ايوه نوح.... نوح قدر يكون كيان مستقل بنفسه دلوقتي جوه السيف ده و اي حد جي بعدك بقي سواء انتا او غيرك على كتفه هم انه يحارب شيطانه الخاص و يحارب شياطين الام و شياطين الانس و نوح كمان.... طول عمرك مليان مفاجأت يا علي كتير جدا معاك انا شوفت حجات غريبه محلصتش من قرن او اتنين
انا : يعني نوح ده شيطان و انا المفروض اني احاربه
حارس : شاطر..... بص يا علي كل بشري عنده شيطان صغير كده بيوزه انه يعمل الغلط دايما اسمه النفس الاماره بالسوء و كمان شيطان النار اولاد الملعون دول اخرهم يوسوسه مش اكتر لكن نيجي بقي لي نوح... نوح هو شيطانك النفس الاماره بالسوء اصل الشيطان اولاد الملعون ملهوش اي سلطه او قدره او مقدره اخرهم شويه وسوسه مش اكتر لكن شيطان الفعل هو الامار بالسوء و ده اللي ها تتعامل معاه و صدقني ده اوسخ بكتير من اولاد الملعون (قفل زرار بدلته) انتا زمان كنت بتحارب نفسك و هيا جواك يا علي لكن دلوقتي انتا مطلوب منك تحارب نفسك و هيا بره مش جوه نفسك الاماره بالسوء.... سلام يا علي و قوم بقي كفاياك دلع و رقده قوم وله حابب تعيش في دور الضاحية
تحت في صاله القصر
الكل قاعد و مهموم كذبت عليهم سرطان في منطقه واحده مش اربع مناطق و كلهم من مرحله متأخرة اصعب حاجه لما تكدب علشان تحمي حد من حقيقه و هو يزعل انك بتحمية
فجأه الباب الرئيسي اتفتح و هما مش عرفين مين جي في الوقت ده و اللي فتح الباب حد من الشغالين
و دخل جميل و معاه قمر
محمود :. جي ليه
جميل : محمود
سامي : رد على السؤال جي تعمل ايه هنا
جميل : خليك في حالك يا حبيبي يا محمود
محمود : رد على عمي كويس
علي : بس انتا و هو
جميل : علي افهم
علي : لا يا حبيبي احنا فاهمين كويس اوي جي تطمن اذا كان مات وله لا صح
جميل : اكيد لا
علي : اه يبقي اخوك باعتك تقول كلمتين تانين تكمله بيهم عليه مهو ناقص
جميل : يا جماعه افهمه
علي : نفهم ايه و بعدين جي لي الناس اللي اطردت من قدام بيتك ليه ملهاش معني تاني
قمر : احنا جايين للي لينا عندكم مرات اخويا لزم تيجي معانا علشان احنا بس اللي نعرف نحميها
علي : هههههههههه
لميتا : (وقف في وش جميل و قمر و وشها محمر من كتر العياط) خير ايوه انا هنا
جميل: (مسك ايد لميتا) لزم نرجع بتنا فورا
لميتا : (لسه مكانها سحبت ايدها من ايده بكل ادب) اسفه مش هاقدر
جميل : يعني
لميتا؛. زي ما سمعت مش هاقدر
جميل : لميتا مش وقت الكلام ده من امته و بتعصي امري
لميتا : مش وقته فعلاً بعد اذنك يا جميل ممكن تروح و بعدها نتكلم بعدين تكون هديت شويه
جميل : يعني ايه اهدا لا طبعا ها تمشي معايا فورا اسيبك ازي هنا لوحدك
لميتا : لوحدي اه تمام كده يبقي انتا عايزنا نتكلم بص يا جميل انا من يوم ما اتجوزتك و عمري ما كسرت كلمتك ابدا بس المره دي لزم اكسر كلمتك مش جايه معاك مكنتش احب ان احنا نتكلم قدام اخوتي تخيل انا مراعيه رجولتك قدام اخوتي (بصت ليه بستغرب) افتكر ان اخوك معملش كده صح
جميل : يا لميتا افهمي
لميتا : افهم ايه ها افهم انك جي لي مجرد اني حامل
جميل : انا مقولتش كده
لميتا : بس اخوك قال ملناش غير اللي في بطن بنتك
جميل : (سكت معرفش يرد اي رد ها يطلع منه يا يأكد كلام اخوه يا يكذبه و اخوه هو كبيره و مينفعش تصغر كبيرك ابدا)
لميتا : شوفت في وقت الاختيار سكت
جميل : دول اهلي
لميتا : انا اهلك انا مراتك انا ام عيالك اللي جاين في الطريق انا عيلتك الوحيده اللي حضرتك دلوقتي لا تملك الشجاعه انك تعترف بحقنا عليك انتا اخترت اهلك. و انا اختار ابويا يا جميل مش اخوك قال ملناش عندكم غير ابننا اللي في بطني و انا و عزه و جلال الله ما ها تشوف شعره منه غير بمزاجي و انا مش جيلي مزاج
مروان : و كلمتك مش نزله الارض يا اختي
قمر : لا ده انته مجانين بجد افهمه لميتا في خطر ممكن في اي لحظه حد يحاول يقتلها و ها يعده فوق جثثكم
في لحظه كان الصالون فيه عشر محاربين ظهره من العدم قمر و جميل اتصدمه دول مش تبعهم لكن في اقل من لحظه كان فصيل مالك اتنين قدام واحد منهم و سحبوهم بره في لمح البصر برده و فضل مالك و صوت ضرب نار اشتغل بكثافه كبيره خمس دقايق و الصوت وقف
مالك : (في الاسلكي) تقرير
شخص : تم التعامل مع الاهداف الارضيه بنجاح و تصفيه الدخلاء
مالك : عفارم يا رجاله (قفل الجهاز) علي حصلت محاوله لي اغتيالكم الرابعه من وقت ما رجعنا و قدرنا نتعامل معاها اي اوامر
علي : تسلم يا مالك
مالك : تحت امرك (خرج و هو باصص لي جميل و قمر بتقزز)
علي : اديكم شوفته يا ولاد الملكي نقدر نحمي ولادنا كويس
جميل : (بهستريا غضب) لا سعتها مش ها تبقي مشكلتكم معاهم بس لا و معايا كمان انا خارج بمراتي و ابني يعني خارج
فريده : و رحمت ترابك يا غاده يا عدوي لو جميل لمس مجرد لمسه لي اختي لا ادفنه (وقفت في وش الاتنين) انته متعرفوش احنا نقدر نعمل ايه فعلاً شكل ابويا كان طيب معاكم زياده عن الازم لا فوقه احنا مفيش حاجه تهتنا خالص
قمر : عندكم ابن الملكي
فريده : و انتي متعرفيش الصمدي يقدر يعمل ايه علشان خاطر اللي من نسله لا فوقي يا قمر انتي و اخوكي و اخوكي التاني و الكلام يوصله مني انا فريده علي الصمدي اللي فكر يرش بيتي بورده ارش بيت اهله بالدم و عندنا اللي يرشه
قمر : اسمعي يا فريده
فريده : اسمعي انتي لا يفرق عندي لا ملكي وله قطران اختي اهي واقفه الدكر يقرب منها
قومت من سريري و اتفرجت عليهم و شوفتهم و قررت ادخل
انا : هو في حد بيدي تهديدات هنا غيري وله ايه
علي : انتا ايه اللي قومك من سريرك
انا : انا لسه بصحتي (بصيت لي ولادي) ايه موقفين الضيوف على الباب ليه (بصيت لي قمر و جميل) خير
جميل : علي انا هاخد لميتا و امشي
انا : ليه
جميل : مراتي و في مشاكل و لزم احميها هيا و اللي في بطنها
انا : شايفني هافيه صح عندك حق (بتكلم و انا بلف حوليه) حقيقي هافيه مهو لما تقعد مع علي الصمدي تضحك و تهزر و تلعب و تتجوز بنته يبقي كده شوفته ضعيف غبائك و غرورك و تسرعك انتا و اخواتك بيخليك تتخيل ان علي الصمدي ميقدرش يحمي بنته وله انتا مش همك البنت و همك الجنين
جميل : انتا بتعمل كده ليه انتا و هوا
انا : انا لا يا حبيبي انا مش بعمل حاجه انته اللي عملته و العشم معاكم زايد و قالب بغشم لدرجه انكم جايين دلوقتي و معداش ساعتين متخيلين انكم ها تشوفه أحضان و بوس و مقابله حسنه لالالا
قمر : علي عايزن نلم الموضوع يعني ها تخلصها على ايه طلاق خلاص و بعدين بنتك بقت مطلقها ترضا ان بنتك تاخد لقب مطلقه (اتكلمت بخبث) مش حلو ان بنتك تاخد لقب زي ده
انا : فريال معرفتش تربي نهائي بصي يا شاطره لو في البلد دي دكر امه جيابه دكر يقول كلمه على بنتي و بعدين ولاد عمها موجودين مش عايزه تتجوز منهم خلاص تقعد لما ما يجي اللي يقدرها صح بما انكم افتكرته انكم كاسرين عنا وله حاجه (وقفت قدامهم بجنبي)
جميل : ده انا (لسه ها يهدد)
انا؛. (وريته عين مش ها يحب انه يشوفها وقف ساكت) عايز تهدد خلي بالك انا كنت في بيتكم و اتعمل معايا الغلط و دي تمنها غالي عندنا متفكرش انك في بيتي و يحرم عليا قتلك قدام الكل لالالا غلطان (برجلي رسمت خط في الارض وهمي و بصيت في الارض شويه و اتكلمت) وصله كلامي لي اهلكم نفر نفر (بصيت ليهم بقوه) عايزن تلعبه اللعبه و اتنطته و اعمل شويه البهلونات بتاعتكم اخركم الخط ده ها تعدوه هاسحقكم اللعب بقانوني
قمر : مش بنلعب بقانون حد
انا : اسكتي يا قمر وله اجبلك بنبوني اللعب بقانوني انا قانون الصمدي و صدقوني قانون الصمدي ناشف اوي عليكم وصله الكلام متخيلين ان اللعبه بدأت تطلع من تحت ايدي و اني ضعفت و كبرت و خرفت و من ورايا عيالي لا غلطته جامد انا مش واحد ماسك لعبه لالا انا علي محمد راضي الصمدي انا اللي عملت اللعبه و حطيت قوانينها اللي انته و اللي معاكم بيلعبه بيها (اتحركت خطوه لي الجنب و وقفت في النص بنهم و بين لميتا) و بنتي اهي بس اشوف دكر فعلاً يعدي الخط و روح عندها (وقف جميل ساكت) شرفتم
سبتهم و قعدت على كرسي في وشهم و قمر سحبت جميل بالعافيه و طلعت به
انا : (كلمت الكل) مش عايز اسمع لا نواح وله عياط وله بكاء وله دمعه واحده الغلط غلطي انا محدش فيكم غلطان غيري انا اللي اديت المساحه دي ليهم مش انته بس الوضع ها يتصلح (كلمت لميتا) و انتي عايزه ترجعي اي جوزك
لميتا : انا قولت كلمتي
انا : و انا نفسي تخلفيها
لميتا : (قعدت قدامي على الارض و هيا بتبكي) حقك عليا عرفه ان اللي حصل كتير عليك
انا : (ابتسمت بسخريه) كتير لا مش كتير دي أقل حاجه الواحد اتعرض ليها في حياته بس ارجع و اقول ان انا السبب (كلمت الكل) اسمعه مني الكلمه دي و افهموها من اللحظه دي عقارب الساعه ها تقف لحد ما البيت ده يسترد مكانته فعلاً المكانه اللي يستحقها بجد اللي انا بنتها و اللي ضيعتها كمان علي
علي : ايوه يا بابا
انا : مخازن الاثار بتعتنا مش عايز حته تطلع منها ابدا و بلغ مالك يشدد الحراسه عليها اي حد يطلب منه قطعه معاينه ارفض شغلنا من هنا لي المتاحف و خلاص
علي : اعتبره حصل
انا : سيف
سيف : ايوه يا ابويا
انا : اقطع امداد السلاح في التجاره مع بيت الملكي كله و كمان سليم العطار
سيف : و هو سليم ماله
انا : 10% من اللي بيطلبه سليم ليه و الباقي بياخدوه هما عاملينه كوبري ابن الاهبل
سيف : اعتبره حصل
انا : علي اتكلم مع ايهاب بلغه يقفل الحدود عليهم اي شغل عايزنه يبقي عن طريق وسطاء و كمان يدفعه بسعر تذكره المرر العاديه
علي : ما نقفلها و خلاص
انا : لا التجاره حاجه و الشغل حاجه تانيه طلع ايهاب بره المعادله دي و بعدين ها نعلمهم زي الغرب مرواااااان
مروان : ايه
انا : فوق معايا جو العيل المجروح اللي انتا عايش فيه ده اطلع منه بمزاجك او غصب عنك اطلعك بالجزمه فوق معايا
مروان : تحت امرك
انا؛. تدور على مهندسين يمسكه شغل الجناين و المزارع
مروان : مفيش حد زي سيف
انا : تبقي عبيط مفيش حد زيه علشان مكنش في حد في الصوره ابعت لي ابن عمتك إحسان يجي مهندس شاطر و اشطر من سيف كمان مصنع الورق (لقيت لميتا بصت في الارض و هيا حزينه و دموعها على خدها) فضه التعاقد معاه مش عايز اتعامل مع حد منهم نهائي فاهمين اتفضله على اوضكم مش عايز حد معايا
طلعه كلهم. من سكات و انا قعدت مكاني و قدامي لقيت نوح بس المره دي في شكله الحقيقي اللي شافوه هما بس انا مكنتش شوفته
انا : (بصيت ليه ببرود) انتا طلعت شيطان بجد
نوح : بقولك ايه
انا؛. قول
نوح : تعاله نطلع فوق نشد السيف و نعمله زياره صغيره في نص الليل
انا : (بحماس) و بعدين
نوح : اقولك نعوره تعويره صغيره خالص سمتي في وشه علشان يفضل فاكر مكانه انه تحت منك و اقل منك بكتير
انا : (هزيت راسي بيأس و ولعت سجاره) كان عنده حق لما قال انك احقر من شيطان الجن
نوح : ليه ده حقنا
انا : لا يا عسل مش حقنا حقنا ناخده كده بالشكل ده لكن ابعد من كده يبقي انا تفينا في صحن العيش و الملح نبقى زايهم لكن كده احنا احسن منهم
نوح : صبر نفسك بالكلمتين الخايبين دول ده اخرك فاضي
انا؛. ههههههه مش بسحخن على فكره و بعدين انا لو هاعمل حاجه في بيته عندي السبب اللي يمنعني ليث و نورا و لو ها عديهم يبقي مش في نفس اليوم
نوح : ازي
انا : سيب عدوك يشم نفسه و يشوف نفسة عليك يروح و يجي و يتحرك بحريه لحد ما تيجي اللحظه المناسبه و تضرب ضربتك في العادي عند الكل السكوت عن الحق ضعف لكن انا لا السكوت ده ترتيب لي قصص و حكايات تانيه هو دلوقتي مستني الزياره اللي انتا عايز تعملها ها تقابل جيش علشان كده جيه بحراس الجزيره علشان هو جاي و مقرر ها يعمل ايه من قبلها و عامل حسابه
نوح : طيب و سابك تمشي ليه
انا : انتا..... انتا مكنتش في حساباته نهائي مكنتش موجود و ده درس لزم تتعلمه اديك مكنتش موجود في المعادله و في لحظه قلبت الموازين بتعتها عنصر مهم جداً كل المعادلات بتنكر وجوده عنصر المفاجأة
نوح : خلصت كلام..... برده انتا جبان
انا : قولي صحيح ايه خلاك تظهر
نوح : كلامه عصبني
انا : يعني مش علشان اتعصبت لما مد ايده على ليث
نوح : (سهم مره واحده)
انا : ايه مالك احنا لسه بنتكلم
نوح : لا
انا : نفسي مره واحده في حياتي تعترف انك اتغلبت مره واحده تقول فيها ايوه انا اتغلبت مش شويه عيال صغيره قد ركبتي بس انتا مش بتاع كده انتا مغرور زي انا بس دي الحقيقه اللي انا و انتا بننكرها و برده كنا عرفين ان اليوم ده ها يجي في وقت من الاوقات بس انكرنا ده بغرورنا و تكبرنا صدقني احنا عرفين حجات كتير و رسمين سيناريوهات كتير جدا لي مواقف كتير جدا بس برده بننكر وجودها و نتصدم انا طالع انام
سابتهم و طلعت دخلت اوضه سلوي و نمت في سريري و لقيت سلوي قربت مني جامد و حضنتني و دموعها على خدها مسكت ايدها و بوستها و حضنتها جامد و نمت
لحد تاني يوم صحيت لقيت نفسي لوحدي في الاوضه قومت دخلت الحمام اخدت دش و غيرت هدومي لبست بدله و نزلت تحت لقيت البيت كله متجمع و معاهم نور السوري قاعده معاهم
انا : صباح الخير ايه ده دكتوره نور عندنا ده يومنا ها يبقي زي العسل صباح الفل
نور : صباح النور يا علي عامل ايه دلوقتي
انا :زي الفل فين الفطار يا جماعه عندي شغل كتير النهارده
سندي : الفطار جاهز احنا منتظرينك
انا : طب يله فين الواد يوسف حبيب جدو
اخدت يوسف من اميره و روحنا قعدنا علي السفره و بدأنا نفطر و خلصنا فطارنا في سكوت تام و قومنا غرام عملت القهوه
انا : فين سامي و نوال و مروه و محمود و مروان فين العيال
غرام : فطره بدري و نزله الجامعه مع بعض
سلوي : مروان نزل الشغل
انا : راح المجموعه وله
سلوي : مجموعه الديب
انا : ممتاز بس نازل بدري
سلوي :جاله خبر الفجر عن عطل في خط من خطوط الانتاج حالف لي قسم مراقبه الانتاج لا ينفخهم طالبهم من الساعه سته الصبح و مكدرهم مش بيطلع برطمان مربا غير لما يراجعه عليه
انا : احسن خليه يفش غله في الشغل خير يا نور جايه تفطري و خلاص ايه الثلاجه عندكم فاضيه وله ايه
نور :ههههه بتلف عليا يابن امبارح انتا عارف انا جيه لي ايه
انا : ايه
نور : (بصت نحيه لميتا و بصت ليا تاني) نتكلم لوحدنا احسن
انا : مكسوفه ليه احنا عيله ديمقراطية مش بنخبي اسرار خير
نور : عايزن نشوف حل لي موضوع لميتا و جميل
انا : الاسف معنديش حل هيا مش عايزه
نور : بس هو عايزها
انا : و انا مع بنتي لحد اخر يوم في عمري و عمري مش طويل ايوه بس ممكن اعمل فيه حجات كتير
نور : بلاش تخسر الكل يا علي انا ضد الموضوع ده مينفعش
انا : انا اللي مجمع الكل يا دكتوره انا اللي لميت الكل حوليا و الكل يوم ما اتزنق هطر كرامه اهلي طب و عليا بأيه تؤ قصه خسرانه كل واحد في حاله بصي انتي رايك على عيني و راسي بس اعدي الموضوع ده لا
نور : واخد بنتك سكه علشان تصفي حسابك
انا : اهي قدامك اساليها و لو قالت عايزها شنطه هدومها ها حضرها بنفسي و اوصلها لحد باب بيت جوزها و اتمني ليها السعاده الابديه مع جوزها كمان
نور : (بصت لي لميتا) لميتا يا بنتي خليكي عاقله بلاش تخربي بيتك بأيدك
لميتا : اخرب بيتي لا يا طنط انا مش بخرب بيتي هو اللي بيخبر ده انا وقفت قدامه و خاف ياخدني من قدام عينه في كل مره بفتكر ان جميل اتغير و بقي اجمد من الاول بس كل مره يثبت ليا انه لسه العيال ابن امبارح
انا : لميتا عيب
نور : يا علي
انا : نور اديكي شايفه مش بأيدي حاجه
نور : يا لميتا حماتك مقهوره من امبارح و انتي عرفه نورا عمرها مكانت واحشه معاكي بلاش تكسري بخاطرها
لميتا : طنط نورا على عيني و راسي بس اللي حصل امبارح حضرتك كنتي موجوده و حضرتي اللي حصل يعني لا حد حكالك وله الكلام وصلك شوفتي بعينك و سمعتي كلمتهم ملناش عندكم غير ابننا اللي بطن بنتكم كده طيب يبقي وريني سيف البلاص وله اخوه وله دكر في العيله دي يقرب و ياخد ابني مني و انا و رحمت غاده لا اوريه النجوم في عز الضهر هو و اهله بالنفر (قامت و هيا متعصبه جامد)
سندي : معلش يا نور اديها شويه وقت و قللهم يصبره شويه يعني الدنيا مش ها تطير يعني البنت و في بيت ابوها مش قادرين يصبره شويه يعني
نور : انتي عرفه نورا الرفاعي عمله ازي
سندي : يعني ايه يعني عمله ازي ايه عمرها ما اتغبنت في بيت اهلها يعني
نور : يا سندي انتي عرفه ان لميتا غاليه اوي عند نورا
سندي : و لو حصل مع بنتها هيا ها تولع الدنيا سبينا بقي نارنا تهدا و بعدها نتكلم
نور : براحتكم بس خله بالكم كويس اوي لو نورا ها تصبر الباقي مش ها يصبر و ابنهم بره حضنهم
انا : (قومت مره واحده) و بلغتي كلمه عبدالرحمن كمان يا نور اول مره اعرف انك عصفوره كلام لي الناس تمام تهديده وصلني و انا هاعرف ارد عليه تعالي اوصلك
نور : بتطردني
انا : ياستي انا ماشي تعالي نكمل كلامنا في العربيه بطردك قال يله يا نور يله
اخدت نور و طلعنا بره ركبت مع سامح و الحرس و هيا ركبت معايا العربيه
نور : و بعدين يا علي قولي اخرها ايه و متكذبش و تقول انك فرحان بوضع بنتك كده
انا : مش فرحان يا نور بس اعمل ايه لو عليا انا ده انا استحملت كتير جدا من ناس كتير مش اول مره و انتي عرفه كويس اوي كل اللي اتعرضت ليه سواء هنا او بره عندكم زمان يا نور انا شوفت كتير اللي حصل ده يجي شعره في اللي راح بس لميتا دماغها ناشفه طلعه لي امها اعمل ايه اقتلها اغصب عليها
نور : لا بس تعقلها
انا؛. اعقلها ازي
نور : انتا عارف ازي علي الكلام اللي قولت امبارح وصل لي سيف و وصلني انا كمان
انا : و المفروض اني اقلق من كلامك ده انه وصله كل حرف انا قولت صح
نور : انتا تظن فيا كده برده تمام يا علي
انا : يا نور معلش بس انتي اليومين دول مش فهمه اللي بيحصل
نور : عرفه بس قصد كلامي انك فعلاً مش ضعيف و مش قليل بالعكس انتا عندك كتير و مكشفتش عنه انتا ايوه مصادرك كتير و حيلك اكتر و ده اللي مخوفني ها ندبح بعض
انا : نور لو في نيتي حاجه انتي مش ها تعرفي تبعديني عنها بس ده لو في بصي يا نور قبل ما مهران يتوفا انا كنت حاطت حد كده بيني و بينه خط فاصل بس بعد موته حسيت ان سيف محتاج حد معاه في الوقت ده
نور : و اديت دورك على اكمل وجهه معاه
انا : حصل و مسحت الخط ده تصدقي و انا راسم الخط ده كنت مرتاح اكتر كل اللي ها عمله ان الخط ده ها يرجع يترسم تاني خط احمر لا يعديه وله اعديه الكلام ده فيه غلط
نور : لا كده عداك العيب
انا : و انتي عرفه انا بلتزم بكلمتي و بحب ارسم الخط لي نفسي و اكون عادل فيه علشان مش بحب حد يرسمه ليا فا بعد اذنك وصلي الكلام ده بالنص انا مش ها عدي الخط مش خوف منه بس انا بالتزم بكلمتي اتمني يطلع هو راجل و يلتزم مره واحده بكلمته
نور : يابني الشغل بتاعك ها يقف
انا : نور قصه سيف و عيله الملكي لحد عندي و خلصت لو على الشغل انتي لسه قايلها كلمه انا مش بغلب نهائي و لو ديتها فلوس في داهيه الفلوس تحت جزمتي انتي عرفه انا بشتغل علشان عايز اشتغل مش علشان عايز فلوس بس اللي ها يدوس على ظلي هافرمه ماشي
نور : ماشي يا علي
قعدنا ساكتين لحد ما وصلت نور لي باب الجمعية و اتحركت انا لي مبني مجموعه الصمدي طلعت لي الدور الاخير المكتب بتاعي و دخلت المكتب اتوضب و اتفرش كويس و دخلت عليا مرام
مرام : علي انتا ها تروح الكيان
انا : انا مليش حاجه في الكيان يا مرام علشان اروحه
مرام : ازي يعني مش في عقود و اتفاقيات و اجتماعات مجلس اداره و دنيا
انا : مرام كبري دماغك من القصص الهبله دي و اشرفي على خروج المجموعه هناك
مرام : و انا هاعرف
انا : بقولك ايه بلاش الجو ده انتي اخر اجتماع دخلتيه معايا الراجل كان ها يبيع خام الحديد بربع جنيه ده انتي لو ماسك وزاره الاقتصاد كان زمان البلد دي في حته تانيه اكتر من كده فكك و بلاش جو السكرتيره الغلبانه ده يله شدي و مدي و معاكي تيم حراسه علشان لو ها تنقلي فايلات وله حاجه
مرام : ماشي يا علي خد الملف ده بص عليه
أنت تقرأ
الفنجان (حرب الهيبة)
Acciónلن ترا عندي إلا كل مكر و حزن و فراق فان كنت من اصحاب القلوب الضعيفه لا انصحك بالتكملة قد تكون البداية بسيطه و لكن النهاية قاسيه كا قسوه الحياة
