الفنجان (حرب الهيبة)

النهايه 2 (السلطانه👸👸🏻👸🏼)

الفصل الرابع عشر

و النهايه باقيه عزيزي القارء الجميل شكرا جدا على دعمك الغير ملموس نهائي والله يا جماعه حرام مجهودي اللي بيترمي على الارض بدون اي دعم اتمني لو في اي مشكله في المجلد او البارت ده تتواصله معايا و تبلغوني بيها انا بتقبل النقد على فكره و براحتكم

المقدمه
لا يوجد ما يقال فكل ما يجب ان يقال قد قيل

بدايه الفصل

الليل دخل عليهم و الحنه شغاله و الكل مبسوط و سامي لقا ترحيب كبير جدا به من اهل البلد و محبه و كمان نفاق (نفاق يا عزيزي نفاااااااق لعنه الانسان هيا النفاق) اليوم خلص و طلعه ينامه علشان الفرح الصبح دخل على اوضه نومه لقي اميره مقعده يوسف على الكرسي الذهبي (كرسي المساج يا عزيزي) و هو بيضحك جامد و هيا بتضحك عليه
اميره : بص و النبي الواد بيترج زي الجيلي ازي هههههه
علي : (بص ليها و بص لي يوسف و ضحك على عبطها) والله يا اميره خفه دمك دي نعمه في حياتي
اميره : (خدودها احمرت من الكسوف) بقولك ايه يا هندسه
علي : عيون الهندسه يا هندسه
اميره : ما تيجي ننزل نتمشا في الجو الجميل ده
علي : نتمشا بس كده ده انا افضي كورنيش المنيا كله علشان خاطر القمر يله اللبسي و لبسي يوسف بدل ما هو بلبوص كده
اميره : ماشي

قامت اميره بسرعه غيرت هدومها و لبست يوسف لبسه و لفوه في بطانيه علشان الجو ممكن يبارد عليه و اميره لبست بنطلون و بلوزا و علي لسه بالجلابيه و العبايه اخدها و نزله ركبه العربيه و اتحركه على بندر المنيا ركنه العربيه و نزله يتماشه على النيل جنب الكورنيش و هو شايل يوسف عندها و هيا مسكه في ايده و نايمه على كتفه مبسوطه و هو كمان مبسوط بيها و سعداء بوجودهم مع بعض (بس تفتكر يا عزيزي السعاده دي ها تطول وله لا اصلها مش دايما بتكمل لحد الاخر و اوعا تحزن او تغضب الان وقوف مراكب سايره ليه حكمه من عند ربنا احنا مش عرفنها و يمكن يكون سلف و دين من الاساس محدش عارف) فضله يتماشه لحد الفجر و رجعه لي العربيه ركبه و رجعه لي البيت وصله طلعه نامه علشان كلها كم ساعه و ها يصحه

الساعه ١٢ الضهر و الكل صحي علشان يفطر و سيف الملكي جيه من الاستراحه بتعته في الخان و هدي و ادم جم من استراحه الصمدي جنب القصر و اتجماعه يفطره
ليث : (مسك بيضه ياكلها) عمو علي
علي : ايوه يا ليث
ليث : (بعمق) هو مين جيه الاول البيضه وله الفرخه
سيف الملكي : (عدل وش ابنه بص في عينه النعسانه) ولاا انتا لسه نايم
ليث : مش عارف
علي : نام يا ليث نام يا حبيبي و حقك جاي
ليث : ماشي

كمله فطار عادي و بعدها وصل مجدي و ايهاب و اصول طلع مجدي و مصطفي و محمود بره الجنينه علشان الحلاق وصل و طلع الشباب الشباب اوضه علشان يحلقه و الرجاله طلعت اوضه تانيه
عند الستات اصول قاعده مكشره
اميره؛. يا ماما
اصول : انا زعلانه منك بجد يا اميره
اميره : ليه بس
اصول؛ اسلوبك مع علي مش كويس خالص خلي بالك يبص بره ساعتها ها تندمي
امل : طنط اصول عندها حق يا اميره
اميره : يا جماعه افهمه انا و علي حاله خاصه جدا من الاخر كده مش ها يبص بره ابدا انا واثقه في جوزي و واثقه في نفسي
اصول : والله انا حذرتك و انتي بقي عقلك في راسك تعرفي خلاصك
سندي : يا اصول سيبي البنت تنبسط
اصول؛ سندي في فرق بين الانبساط و الغباء
اميره : غباء!!!! هو انا زودتها اوي كده
سلوي : عايزه الصراحه ايوه
اميره : حلو (سكتت تفكر و ردت) عايزه مكنه خياطه و عشره متر قماش حرير احمر
فريال : (بصت لي غاده بفخر من اختيارها)
غاده : (بصت لي فريال و رجعت بصت لي اميره) بس كده يا اميره مفيش مشكله بالتلفون كل ده يحضر
اميره : لا في خمس دقايق
نور : اعتبريه حصل يا بنتي
اميره : و حد ياخد يوسف مني مش عايزه اشوف البتاع ده غير بكره الصبح
فريال : هههههه هاتي حبيب تيته فريال (اخدت يوسف) تعاله يا واد ياللي شبه جدك علي تعاله
اميره : دودو الرجوله خلصي القصه دي و انا طلعه الاوضه بتعتي سلام (سابتهم و طلعت فوق)
اصول : يا لهوي البت دي ها تعمل ايه
فريال : كل خير هههههه احتمال قريب نشيل اخ لي يوسف ههههه
امل : ههههه فريال لسانك بقي طويل اوي
غاده :براحتك يا فوفه يا قلبي (طلعت لسانها لي امل)
امل : كده يا دودو ده انا جايبه ليكي هديه جامده بس مش ها تخديها
غاده ؛ جايبه ايه ها ايه
امل : (ادتها علبه خشب) افتحي و شوفي
غاده : (اخدت العلبه و فتحها لقت جوها بلوره و في قلبها صوره جواز غاده و محمد رمش بعنيها شويه و ابتسمت) حلوه البلوره القزاز دي يا امل
امل : دي معموله من الجليد حاجه كده جايه بأسمك من الملاك التائه (و غمزت بعنيها)
غاده : وصلت
سلوي؛. ايه موضوع الملاك التائه ده
نور : لا دي قصه كده ابقي احكيلك عليها بعدين

بره عند مجدي و الرجاله
مجدي بيحلق : ايه يا مصطفي مش ناوي تشيل دقنك بقي
مصطفي : لا
محمود : انتا مربيها ليه أساساً
مصطفي : حزن علشان تفكرني بكل غلطه عملتها في حياتي (بص لي سبحته بكسوف)
مجدي : و ليه تفتكر أساساً احلق و انسا و بعدها ابقى حسن من نفسك الدقن مش حل
مصطفى : عارف انها مش حل
مجدي : خلاص احلقها الحزن في القلب و الغضب في العقل و بين القلب و العقل حرب مش ها تخلص ابدا مهما حصل الحل انك تشلها و تسيب غلطاتك قدامك تفكرك انتا كنت ايه و عملت ايه و مش عايز تعمله تاني
مصطفى : (سكت و هو حزين و رد) واحشني قوي واحشتني رخامته عليا وحشتني خنقاته معايا غلطتي اني كنت عايز امشيه على دماغي و نسيت ان ليه دماغ من حقه يفكر بيها و اهو راح بعيد جدا و مش عارف ها يرجع امته يارتني كنت انا
محمود : وحد الله يا مصطفى
مصطفى : لا إله إلا الله
مجدي : و بعدين برده كل ده مش حل ابدا مصطفي خلاص خلصت اللي حصل حصل لقد جفت احبار الماضي مينفعش نعمل حاجه اكتر من كده كل واحد بياخد نصيبه بس قوم احلق و رحمت عمك علاء لا تقوم تحلق فرح حفيدك يله


عند علي و الرجاله الكبار
سيف قاعد مع محمود بيلعبه طوله و قدامهم حسام
محمود : (كلم ابوه) ها يغش
سيف : اكيد ميبقاش حسام
حسام : يابني اغش ايه بس انا محظوظ
محمود العمري : مستحيل متحاولش اصل ليه يعني بتلعب مع حمير
حسام : لا بس انا دايما بكسب (غمز لي سيف)
سيف : ياعم انتا حظك ماشي
مروان : (على كرسي الحلاق) البدل ها توصل امته مع الخياط
علي : يعني على العصر كده
عماد : كويس اهو نلحق
سيف الملكي : انا طلبت منه هديه كده لي يوسف يا رب تعجبك
علي : هديه ايه
سيف الملكي : اول بدله في حياته لزم تكون مني
ليث : بابا اشمعنا اول بدله لي يوسف لزم تكون منك
سيف الملكي : علشان ده دين في رقبتي من جد يوسف علي اول بدله هو اللي جبهالي كنت في سن مروان تقريباً و رايحين حفله مهمه علشان نعمل نمره على شويه ناس فا رحت ليه القصر في القاهره لقيته مصدوم فا بقولك مالك قالي ايه اللي انتا لبسه ده
ليث : و حضرتك كنت لبس ايه
سيف الملكي : كنت لابس قميص و بنطلون و جزمه سيفتي و كنت راجع من الارض ساعتها
ليث : حد يروح يحضر حفله بالبس ده
سيف : ههههههه نفس الكلام اللي ابويا قاله
سيف الملكي : بالضبط و روحت اشتريت بدله بس غصب عني كانت بدله شيك جدا و لحد دلوقتي محتفظ بيها انا مش بحب المنظره وله الفشخره الكدابه ملهاش لزمه تخيل قالي ايه
ليث : ايه
سيف الملكي : قالي (قلد علي الصمدي بالظبط) سيف يابني احنا رايحين نعلم على اعدائنا يعني لزم و لابد يوم ما نظهر نظهر الهيبه بتعنا لزم يعرفه ان و احنا بنعلم عليهم برده بنعلم بشياكه من ساعتها و انا بلبس بدل تحسباً لي الظروف ههههه
ليث : تمام شكل صحبك كان حكيم
سيف الملكي : كان بقي المهم سامي ها تلبس بدله لونها ايه
سامي : معرفش غاده بعتت اخدت مقاساتي و لسه بقى نشوف المفاجأة بتاعتها
سيف الملكي : كده انا اطمنت انك ها تختار بدله حلوه

كمله الحلاقه و بعدها غسله وشهم و قعده يعمله مسكات
ادم : نفسي افهم اشمعنا غاده حكمت عليا ان احنا نبات في الاستراحه هنا ما كنا رحنا اي فندق
سيف : اتجاننت في عقلك عايز تكسر كلام غاده دي تبقي مصيبه
ادم : و على ايه المصايب يا عم الحج خلاص نبات في المضيافه هنا
علي : جدع اسمع كلام حماتك حياتك ترتاح خصوصًا لو حماتك تبقى غاده العدوي

وصلت البدل من القاهره و كل واحد استلم بدلته
سامي :. فين بدلتي
الخياط : في الكافر بتاعها يا سامي بيه
سامي : (فتح الكافر لقاه فاضي) فين بقى
الخياط : (اتصدم) يا نهار اسود شكلهم نسيه يحطوها سامي بيه انا اسف جدا يا جماعه
سامي : (اخده بالحضن) تصدق انتا اجدع بني ادم في الناس كلها والله انتا انقذتني كده مش ها تحاج بدله البس كجول بقي
سيف : غلطه زي دي تخلينا نلغي التعامل معاكم بشكل نهائي
الخياط : يا سيف بيه والله دي غلطه غير مقصوده و دي اول مره تحصل منا و سبب الغلطه ضغط الشغل مش اكتر
علي : تمام بس يا ريت الغلطه دي متتكررش تاني
الخياط : اكيد يا فندم ممكن نتأكد من المقاسات اللي وصلت

بدأه يقيسه البدل و المقاسات كانت جايه بالملي و مشيه و الستات حضره الغدا و بعته لي الرجاله كلهم ينزله يتغده اتجماعه علي سفره واحده اتغده و خلصه
غاده : عجبتك البدله يا سامي ده زوقي
سامي : ههههههه والله كان نفسي اقول ايوه بس معلش بقي يا دودو الخياط نسيها في القاهره ههههههه مليش نصيب
لميتا: فلت انتا ها
سامي : طبعا
غاده : الاغبيه و حيات احفادي لا اقطع التعامل معاهم بقي سامي علي الصمدي يلبس قميص و بنطلون في فرح زي المتشردين
سيف الملكي : هب هب هب
ليث : لالا يا حج انتا في امان
سيف الملكي : اكيد
ليث : ايوه بدلتك وصلت
سيف الملكي : تمام
سندي : (خلصت كبايه القهوه بتعتها) سامي تعاله معايا فوق
سامي : ماشي يا سندود يله


قامت سندي طلعت فوق و حصلها سامي دخلت الجناح بتاعها الدرسنج روم
سامي : (بص لي البترينا القزاز اللي فيها الاكسسورات بتاعت ابوه) ايه ده
سندي : دي حاجه ابوك اسمع دي بدل ابوك في منهم اللي ها يجي مقاسك انته الاتنين في نفس الجسم (طلعت بدله في الكافر بتعها) اللون الكحلي ها يمشي عليك اكتر قيس
سامي : بس انا مش عايز البس بدله
سندي : مفيش حاجه اسمها مش عايز البس بدله لا ها تلبس يله قيس و انزل تحت و ده رف الحزم و (شاورت على البترينا) اختار ساعه و حزام جملي اوعا تلبس كرافت ماشي
سامي : حاضر


سابته سندي و نزلت تحت
غرام : هو سامي فين
سندي : خطفته شويه و يرجع اهدي يا غرام يا حببتي اهدي

نص ساعه و نزل سامي من فوق و هو لبس البدله بتاعت ابوه و الكل انبهر به وقف قدامهم
سامي :. ايه رايكم حلوه
فريده : (صفرت)  احنا يا جماعه نكلم مجلس الشعب يحط قانون علشان البنات اللي بتعاكس الولاد مينفعش كده (كلمت سامى) ايه يا حته السمك بقى بسته
سامي : متحارشه ههههههه شوفته بتدايق ازي بس انا حاسس ان اللاكمام تقيله (لمس الكم من جوه حس بحاجه في ايده سحبها و كانت سكينه طولها سبعه سم) ايه ده (مد ايده في الكم التاني طلع واحده اختها اندهش) ده ايه ده
سيف : (بص لي سيف الملكي)
سيف الملكي : يااااه دي حاجتي و كنت سايبها مع ابوك ياه يا علي عليك شويه اماكن علشان تخبي الحاجه هاتهم يا سامي (اخدهم)
امل : و انتا كنت سايب حاجه مع عمو علي ليه
سيف الملكي : لي الظروف يا حببتي لي الظروف
ليث : ايوه ليه يعني
سيف الملكي : بس يا رخم
سامي : ثانيه واحده (مد ايده في جنب الجاكت اليمين ايده شبكت و سحب حاجه و كان مسدس بس رفيع و صغير ينفع يستخبا في البطانه) ايه ده
سيف الملكي : بتاعي برده هاته (اخده من سامي) هات يااااه على ابوك
سامي : (حس ان البنطلون من عند التانيه تقيل رفع رجله و سحب من التانيه شفره صغيره) دي كمان بتعتك
سيف الملكي : لا بتعتي ايه كده تبقي واسعه
مجدي : دي بتاعتي انا هات
سامي : (مد ايده في قفاه سحب سيف من الكربون طويل بطول قبل نهايه سلسله الضهر بحاجه بسيطه) ابويا كان نينجا وله ايه
سيف الملكي : (بص لي علي)
علي : (قاعد في نص هدومه)
سامي : شوفه بقي ابويا كان مقلبه من مين (داس على الساعه علشان يظبطها) نظبط الساعه

اول ما داس على الساعه دايركت تلفون علي رن من نوح
علي : الو
نوح : مين الحيوان اللي استخدم الشبكه القديمه
علي : سامي ليه
نوح : الحيوان فعل نظام انذار بيضرب عندي و بيضرب عند فرقه تدخل و تتابع سريع خد منه الساعه يا علي
علي : (بعد عنهم شويه) ساعه ايه ده لبس بدله من البدل بتعتك القديمه و طلع منها كميه اسلحه كبيره الواد ناقص يطلع ار بي جي
نوح : ار بي جي ازي و هو ممنوع دخوله مصر
علي : هيا دي كل مشاكلك مش الخمس ست اسلحه بيضه اللي طلعهم
نوح : خليه لبس البدله مش مشكله بس الساعه دي بعد ما يخلع يرجعها مكانها تاني انتا عارف الساعه دي تمنها كام
علي :. كام يعني
نوح : ١٥٠ الف دولار يا حيوان
علي : (صوته بقي عالي) ليييييه
نوح : ايه فاكره كان عشوائي زيك وله ايه دي ساعه مركه يا روح امك انتا فاكر الاكسسورات دي محطوته في بترينا قزاز ليه ها
علي : لا لو بالسعر ده اروح اخدها منه دي اغلا من حياتي
نوح : و عزت و جلال الله لو اخدتها منه و زعل لا احزن امك عليك اوعا تزعل سامي فاهم سيبه يلبس اللي يلبسه يتمرمغ في عز ابوه الواد زوقه حلو اختار ساعه تحفه فنيه طالع بيفهم غور يلاا من وشي غور

قفل السكه في وشه و رجع علي وقف جنب سامي
علي : صلي علي النبي يا عم سامي
سامي : عليه افضل الصلاة والسلام
علي : بص انتا لابس ساعه بابا حلو الساعه اللي في ايدك دي تمنها ١٥٠ الف دولار عارف ما تتخربش بس لا وحيات امي اضرب مروان و اقطع المصروف عن البيت كله
مروان : و انا مالي يا ليمبي
علي : مانا لو ضربته ها تعلق فا انتا تبعنا عادي
سامي : لا ياعم اخلعها دي غاليه اوي
سندي : تخلع ايه ياهبل انتا صدقت كلام الاهبل اخوك دي ارخص ساعه عند ابوك
علي : (مسك قلبه) اههههههه ها موت ناقص عمر يا جدعان ابويا كان بيعمل كده ليه
ملك : علشان ده استثمار ياهبل بابن الاهبل الحاجه القايمه الغاليه دي بكره ليها سعر يعني الساعه البير كاردان اللي لبسها اخوك دي وقت ما اشتراها كانت بربع التمن هيا وصلت لي السعر ده علشان نادره ياهبل
علي : طب و النبي بلاش اميره تعرف لحسن دي ممكن تستلمتي و تقضيها الله يرحمك يا حمايا و جو بايخ
سامي : (بيخلع الساعه)
علي : انا قلتلك البسها بس لو اتكسرت او اتخربشت انتا عارف ايه اللي ها يحصل لي مروان
مروان : ولاا اوعا تلبسها
سامي : اذا كان كده ماشي (لبس الساعه تاني)
كارما : واطي
مصطفي : يله يا جماعه نبدا نحضر نفسنا العشا على الاذان و لزم نكون في الجامع علشان الاشهار


بدأ الكل يحضر نفسه و سيف الملكي اخد مراته و عياله لي بيته و فضلت فريال
مجدي و ايهاب و اصول راحه لي الاستراحه بتعتهم علشان يجهزه لبسهم

و الشباب و الرجاله راحه اوضهم علشان يجهزه و نزله تحت نزلت الستات من فوق و روان لبست يوسف البيبي سوت اللي جبها سيف الملكي و قعده منتظرين الاستاذه اميره تنزل
علي : انا عارف البت دي في الاخر ها تنزل ببجامه البطريق بتاعتها
غاده : يمكن


سمعه صوت ترقعه كعب على السلم و نزلت اميره لبسه فستان حرير احمر ناري من تصممها الفستان مقفول و محتشم و كل حاجه بس علي بوقه اتفتح متر و نص من الاندهاش
اميره : اخرت عليكم
سندي : لا يا اميره
اميره : اسفه يا جماعه لو اتأخرت (بصت لي علي بعين عاشقه) مالك يا حبيبي
علي : (فاق من السرحان) لا يا حياتي وله حاجه
غاده : (بصه لي الاتنين بأبتسامه نصر) مش يله علشان نلحق القاعه
محمود : يله

اتحركه و علي ماسك ايد اميره مش عايز يسبها خالص

راحه الفرح و عدا عادي جدا الكل فرحان و مبسوط باليوم الجميل و سامي مديها رقص (بيحب يفرح يا عزيزي) خلصه الفرح و رجعه علي بيوت الصمدي وسط الزفه و راح ريان و مراته على الجناح بتاعهم في بيت حسام و دخل الباقي القصر الكبير دخله جوه و كل واحد راح على اوضه نومه و يوسف بات مع سندي في الاوضه الفجر طلع على صوت صريخ في القصر صحا الكل و الصوت جي من اوضه ملك دخله عليها لقوها بتتألم و نازل منها مايه (يعني بتولد يا عزيزي)
غاده : ايه ده دي بتولد
سمر : يله على المستشفي بسرعه
علي : ها حضر العربيه

نزل جري جاب العربيه و هما نزله و كانه محضرين شنطه الولاده لي الطوارئ ركبوها العربيه و اتحرك على مستشفى الصمدي في مركز بني مزار (و بالمناسبه انا من مركز بني مزار في محافظه المنيا يا عزيزي) دخله بسرعه اخدوها الدكاتره لي اوضه العمليات ساعتين كملين و طلع الدكتوره
الدكتوره : الف مبروك يا حجه
غاده : الله يبارك فيكي
الدكتوره : ولد زي القمر شبه امه و حاله ملك هانم بخير الحمد لله هيا طلعت عنا شويه بس عدت على خير
غاده : الحمد لله يا دكتوره المهم ها تفوق امته
الدكتوره : مش قبل بكره الصبح اطمنه و ارتاحه يا جماعه
غاده : تمام يا دكتوره شكراً
الدكتوره : بعد اذنكم

سابتهم و مشيت
غاده : علي و مروان و سيف و سامي ارجعه القصر و طمنه الحريم
محمود : يله يا شباب و احنا ها نبات هنا
علي : طيب نسبكم ازي
مصطفي : يعني ها نتخطف يا علي اتحرك يابني
علي : حاضر
سيف : ها نبعت هدوم ليها
غاده : كل حاجه معمول حسابها في الشنطه بتعتها اطمنه و ارجعه يله تلقيهم علي اعصابهم
سيف؛ ماشي يله يا جماعه

اتحرك الاربعه و غاده طلعت سبحتها و قعد محمود و مصطفي محمود نام و هو قاعد و مصطفي طلع سبحته و قعد يسبح
غاده : (افتكرت ذكرا ولادت محمود و ابتسمت) يا لهوي شوف عدت كام سنه على ولادت البتاع اللي بيشخر هناك ده هههه
مصطفى : هههههه العمر بيجري يا امي
غاده : زمن شوف كنا فين و بقينا فين حقيقي الايام تجري زي السكين
مصطفي : انتي عرفه نفسي ارجع عيل صغير عرفه ليه
غاده؛ ليه
مصطفي : علشان ترجعي راسي على رجلك لحد ما انام زي زمان لحد ما انام بس خلاص كبرت
غاده : زي زمان هههههههه و انتا من امتا كبرت يا واد وله علشان بقيت جد و احفادك اتجوزه ههههه تعاله يابني

ريح مصطفي راسه على رجل غاده و هو فرحان و نعس على رجلها شويه و غاده قاعدت مستنيه يطلعه الترولي من اوضه العمليات لي اوضه ملك

جوه الاوضه

طلعت كل الممرضات بره و فضلت ممرضه واحده بس فتحت الباب التاني لي الغرفه و دخل منه اتنين لبسين لبس تمريض اخده ملك و ابنها طلعه من الاوضه من النحيه التانيه و اخدوها في اسنسير الخدمات نزله بيها الجراج تحت الارض حطوها في عربيه اسعاف و اتحركه بيها على نجع الصمدي

الساعه جت ثمانيه الصبح في المستشفي
مصطفي صحي على فرك غاده في الكرسي
مصطفي : مالك يامي مش مرتاحه ليه
غاده : الساعه كام
مصطفي : (بص في ساعته) ثمانيه الصبح
غاده : ملك مطلعتش من اوضه العمليات لحد دلوقتي
مصطفى  :ازي يعني
غاده : مستحيل يسبوها في اوض العمليات ده كله
مصطفي : (نغز محمود بقوه) فز قوم نشوف اختك
محمود : (قام مفزوع) مالها اختي
مصطفي : مطلعتش من العمليات لحد دلوقتي الساعه ثمانيه بقالهم اربع سعات

قام الاتنين منطورين راحه لي اوضه التمريض سأله قاله انهم ودوها الاوضه راحه الاوضه مش موجوده رجعه لي غاده و وشهم شاحب
مصطفي : بيقوله في الاوضه و هيا مش في الاوضه
غاده : عرفين ما يكون الحيوان اخدها و احنا مش عرفين تبقي ليله امه سوده معايا (طلعت تلفونها و اتصلت على نوح و رد)
نوح : (كان نايم و باين على صوته) الو
غاده : انتا فين
نوح : (فوق نفسه بسرعه) ايه اللي حصل في ايه
غاده : ايه اللي حصل!!!!! نوح ملك ولدت الفجر و اتبخارت من المستشفى انتا ملكش يد
نوح : يد ايه ايه اللي حصل لي ملك
غاده : اوعا تكون بتكذب
نوح : و ربنا معرف
غاده : (بصت لي محمود و مصطفي) البنت اتخطفت من المستشفى
نوح : دقايق و اكون عندك اقفلي

قفلت مع نوح و هيا مصدومه و محمود بلغ الكل و مصطفى بعت يجيب المدير بتاع المستشفى خمس دقايق و كان كل الرجاله في المستشفي و صله و دخله لقه مصطفي واقف مع المدير
المدير : جري ايه يا حج مصطفي بتكلمني كده ليه هو انا شغال عندك
مصطفي : انا بقولك مريضه اتخطفت مش شنطه وقعت مني
علي : ايه اللي حصل
المدير : اهلا يا علي بيه بعد اذنك شوف حل مع الحج مصطفي انا مش شغال عنده علشان يكلمني كده
علي : (بص لي عمه) اتخطفت
مصطفي : ايوه
علي : (اكل المدير قلم وقعه في الارض) بيقولك حاله اتخطفت عمتي و ابنها اتخطفه من قلب المستشفي بتعتي و تقولي مش شغال عنده قوم يا روح امك فرغ ام الكاميرات و جبها على القصر (بص ليه بعين حمرا زي الدم) و لو اتأخرت هاعتبرك متواطئ مع الخاطف يله

قام المدير يجري و علي مش مستوعب اي حاجه
علي؛ سيييييف اتصل على الرجاله توصل من القاهره في ظروف عشر دقايق
سيف : (قفل المكالمه اللي معاه) وصله المطار ها يركبه و يتحركه لزم نرجع القصر دلوقتي مركز بني مزار مبقاش امان يله بسرعه

اخدهم و اتحركه على الخان راحه لي البيت دخله جوه و البيت واقف على رجل
سامي؛ عمتو ملها
علي : (بص لي سامي و مش عارف يرد)
مروان : سامي ممكن تطلع فوق دلوقتي بعد اذنك طنط غرام ممكن تاخدي سامي فوق
غرام : يله يا سامي نطلع
سامي : مش طالع غير لما افهم عمتي فين
علي؛ عمتك اتخطفت بما انك عايز تعرف
سامي؛. تتخطف ليه اساسا
على : علشان دي حياتنا يا سامي كلها كده خطف دم قتل و يا نسكت و نموت و احنا ساكتين يا نقاوم و دي نتيجه المقاومه فهمت ايه اللي حصل لي عمتك
غاده : مش وقته عايزه اعرف بنتي فين محدش ها يقعد وله يهدا لحظه غير لما بنتي ترجع فاهمين


اتفتح الباب و دخل منه نوح وسط زهول الشباب الصغير و الاهم زهول سامي
نوح : ايه اللي حصل
سيف : ملك اتخطفت بعد ما ولدت هيا و المولود
نوح : حصل في المستشفى بتعتنا طيب (سحب لاسلكي) مالك
مالك : ابدأ اشاره انا وصلت المستشفى و بنرفع البصامات و انا واقف على تفريغ الكاميرات
نوح : خمس دقايق و تكون عندي فاهم
مالك : حصل (خلصت الاشاره)
نوح : (باصص لي الكل بعين قويه جباره متعرفش الرحمه وله الشفقه) اللي حصل النهارده اكبر دليل على ضعفنا و عدم تركزنا و فشالنا في حمايه حريمنا يا رجاله عايزن يستباحه عرضنا عرض امهاتنا و اخواتنا و بناتنا و حريمنا و عيالنا استعده علشان اللي عملتها ها ترد عليه اغشم ايد في الدنيا يد الصعيدي

في لحظه كان سيف واخد علي و مروان و ابنه في ايده و عماد و حسام و حسن راحه اوضه المكتب القديم عند ارفف حركه كتاب و اتفتح باب لي اوضه صغيره جدا فيها سلاح كل واحد بدأ ياخد سلاح و يجهزه نفسهم و طلعه بره
حسام : (ادا البندوقيه لي ابوه)
محمود : (اخدها و عمرها) على الله
مصطفي : (اخد البندوقيه من سيف عمرها) على الله يا ولاد
نوح : (قاعد مولع السجاره و في نار بتطلع منه بص لي سامي) سلاحك فين
سامي : (مصدوم) مش بشيل سلاح
غرام : (واخده سامي في حضنها)
نوح : (فزع فيها) طلعيه من حضنك (كلم ريان) سلاح فين
ريان : انا مش بشيل سلاح انا دكتور اشيل سلاح ليه
نوح : (بص لي سامر) و انتا
سامر : (مش عارف يرد)
نوح : (كلم ادم ابن عماد) و انتا زيهم (بص لي غاده) عرفتي تربي ادينا عرفنا بيتجرائه على بيت الصمدي كيف علشان عرفه ان الزرعه الجديده مايله يا كبيره (بص ليهم تاني) الدكتور و المهندس الايد اللي بتبني لزم تعرف تشيل السلاح علشان تدافع عن نفسها

قام نوح و طلع بره القصر و حصله الكل و بره كان رجاله الجحيم وصله و معاهم حرس الصمدي من القاهره و معاهم ادم الشامي اللي كان جوه سور القصر أساساً
وصل مالك و نزل من العربيه و فتح الباب الخلفي و طلعت منه الممرضه اللي هربت ملك و هيا مربوطه و راح لي نوح
مالك : البت ملقوطه في الكاميرات و هيا بتطلع الترولي لي ناس اخدوها في عربيه اسعاف اتحركه على الصحراوي
نوح : عده الكرته (دي زي كمين بتعدي عليه تاخد منه بون و تدفع تمنه علشان تستخدم الطريق الصحراوي)
مالك : لا
نوح : اتصل بالرئاسه و وزاره الدخليه و القياده العامه لي القوات المسلحه ينسحبه من المنيا عايز المنيا تتقفل دول مطلعوش بره المحافظه رجالتنا انتشرت على حدود المحافظه
مالك : حصل بس في اهداف مهمه في المنيا زي سيف الملكي و بيته و كمان نورا هانم السوري و بنتها و احفادها
نوح : ابعت الرجاله تجبهم علشان نأمنهم و دخل العروسه دي لي غاده جوه هيا ها تعرف تتصرف معاها
مالك : حصل

فتح الباب نص فتحه زق الممرضه جوه و قفل وراها و فريده طلعت تجري جابتها من قفاها لوت دراعها و نزلتها على رجلها تحت رجل غاده
غاده : بنتي فين
الممرضه : انا مش خايفه منك نحن لا نغشا إلا الله
غاده : و نعم بالله مين اللي وراكي
الممرضه : مش ها تكلم

اتفتح الباب تاني و دخلت منه نور و فريال وراهم روان و امل و الولاد الصغيرين
غاده : اميره خدي العيال الصغيره و اطلعه فوق و محدش يفتح شباك او يقرب منه اقفله الشبابيك عليكم
اميره : حاضره يله يا ولاد معايا فوق

اخدت الاطفال الصغيره و طلعت فوق
غاده : العيال اللي وقفه و خايفه من شيل السلاح تقعد لحد ما اخلص اللي في ايدي (كلمت الممرضه) انته مين انطقي
الممرضه : احنا إماره الصعيد يا كافره
غاده : انا كفره
الممرضه : ايوه كافره لما تخرجه عن الدين و المله تبقه كفرا اتفرجي على نسوانكم كلهم بشعر و قعدين قدام الشباب و هما فتنه ليهم تبقه كفار و لما تحضره الحفالات اللي بيبقي فيها ملابس متبرجه و عري و خمور تبقه كفار
غاده : (بصت لي فريال و نور) احنا كفار يا نسوان تخيله كفار
نور : خلاص احنا كفار (قربت عليها من وره هيا و فريال) انطقي فين إماره الزفت دي
الممرضه : مش ها تكلم
فريال : انتي قولتي علينا كفار نوريكي الكفار بتعمل ايه

نزلت فريال و نور من وراها على ركبهم نفس مستواها و غاده سحبت سكينه من الكرسي و نور مسكت دراعها مكان فريده و فريال مسكت دراع و شعر الممرضه دي
غاده : ها وريكي الكفار بيعمله ايه مع المؤمنين اللي زيك (مسكتها من شعرها جامد و دبحتها قدام الكل و سبوها تفرفر في الارض و الدم مغرق وشها و ايدها و السكينه) شوفته يا شويه نسوان بشناب ايه اللي بيحصل لما ترفضه تشيله السلاح علشان تحمه بيتكم النسوان بتشيله مكانكم
ريان : ده جنان انته مجانين (سايبها و ها يمشي قبل ما يعدي من الباب)
غاده : (رمت السكينه علشان ترشق في حلق الباب و هيا غرقانه دم) اه يا روح امك احنا مجانين و بنقتل فاكرين حياتكم ماشيه ازي فاكرين الكلاب دي بس اللي نبحت و بتنبح على بيتنا و لسه ها ينبحه تبقي مخابيل لا ده في كتير جدا حطان البيت ده لو نطقت ها تحكي عن مجاز حصلت علشان تعيشه و تطلعه في سلام و شكل إن الأوان انكم تعرف اللي بيحصل في السر علشان تعيشه في امان في العلن يا ولاد الصمدي يا فرع مايل مش عايزه اشوف شويه ال (تيت) دول في وشي غوره


بره القصر قاعدين بيحاوله يوصله لي حل و فرق التمشيط شغاله مالك راح ليه
مالك : نوح
نوح؛. عندك احبار
مالك : الشباب شغالين بس انتا هنا من غير ماسك
نوح : (حط ايده على وشه و رمش بعينه) مش مهم المهم عايز اعرف ايه اللي حصل و اختك فين
مالك : المشكله ان في ناس جايه بعدد مهول التأمين الخارجي بأكد ان مفيش اي سلاح معاهم هما اهالي و معاهم الشيخ همام الصمدي كبير النجع بس مصاب
نوح : قومه شوفه في ايه سيف ادم افضله انته

قام الكل و اتحركه راحه لي السور الخارجي لي البيوت
سيف الملكي : إلحق البس ماسك قبل ما سامي يشوفك هما و أحفاد اخواتك
نوح : كده كده متفرقش عندي انا دخلت و شافوني المهم مجدي فين و ايهاب فين
سيف الملكي : الاتنين طلعه حدود سيناء علشان في عمليه كبيره اتطلبت منهم و طلبه ان كل الاتصالات تكون مقفوله معاهم دي اكبر عمليه حصلت من عشرين سنه
نوح : عمليه ايه انا معنديش اي علم بأي عمليه بتحصل و انتا بتقول كبيره يعني اكيد لزم اتبلغ
مالك : نوح انتا باعت دعم ليهم بنفسك
نوح : ثانيه واحد هما قاله عمليه ايه
مالك : عمليه تهريب نفط خام جايه من سوريا لي شمال سيناء
نوح : نفط خام!!!!!! مالك اعرض حركه الملاحه على البحر حالاً و اتصل باسطولنا البحري و الزوارق اللي في المياه الدوليه في اي نقاله بترول اتحركت من سوريا
مالك : (رفع تلفونه) الو وصلني بالقسم البحري حالاً (ثواني سكوت) ايوه معاك كود 000...... في اي ناقلات بترول اتحركت في البحر من سوريا لي المياه الدوليه...... طيب في اي حاجه اتحركت اتجاه شمال سيناء........ تمام..... ابدأ عمليه تمشيط كل دوره بلغني بشكل شخصي معاك خط مفتوح (قفل) مفيش اي حركه بتروليه من سوريا لي مصر خالص
نوح : (بص لي سيف الملكي) اللي عمل كده كشف سر المحمدي
سيف الملكي : و ممكن يكونه في خطر
نوح : معاهم فرقه ضخمه تأمنهم و دعم لوجستي مستحيل يحصل ليهم حاجه بس اللي عمل كده عارف انهم يقدره يوصله لي مكان ملك بسهوله اسرع منا
سيف الملكي : بيطول اللعبه شويه علشان يفرض شروطه
ادم الشامي : جماعه احنا مش بنتعامل مع حد ليه طار قديم او عيل اهبل ده واحد دارسها صح
سيف الملكي : ممكن يكون رضا الريحاني بينتقم لي ابنه و ليه
نوح : طلع رضا الريحاني من حساباتك خالص رضا تحت مراقبه مشدده مني انا شخصياً مستحيل يكون عملها سواء هو او اللي معاه



في المضيفه دخل الرجاله لقه ناس كتير جدا من سكان النجع نسوان و رجاله و اطفال و شيوخ و همام نايم على دكه و وشه عميان ضرب
محمود؛. همام ود عمي مالك
همام؛. كحكحكح سامحني يا واد عمي كانه كتير و طلعه فجأة كحكحكح هجمه علينا و هجاره نص البلد كحكحكحكح كنت كنت فاكر انهم ناس بتوع ربنا بس بس طلعه دواعش كحكحكح نجع الصمدي اخده الدواعش
محمود ؛ ارتاح ارتاح يا ود عمي جيبه دكتور بسرعه

بص عليه سيف و قاس النبض و إصاباته مكنتش كبيره للدرجه بس اكيد السن هو السبب اده مسكن إلم و بص على جروحه كويس و سابوه نايم و راحه تاني عند قصر الصمدي
مصطفي : في مصيبه نجع الصمدي وقع في ايد الدواعش
وسط اندهاش الكل فاقه على صوت انذار و مالك بيقول دروان

نزل كل الحرس نص ركبه و رفعه سلاحهم في الهوا اول ما ظهر الدرون ضربه عليه نار و وقع في الارض راح عليه نوح لقه درون صغير و شايل علبه مسكها و فتحها لقي فيها تلفون و التلفون رن رد
نوح : مين معايا
شخص : (بيتكلم عربي بس مش مصري) انا إلي اخدت ارضكم انا الامير
نوح : اخدت ارضنا
شخص : إي ارضكم و هجرت اهلكم
نوح : هههههههه
شخص : عم تضحك طب ضحكني معاك
نوح : ههههههه اصلك اصغر مشكله بنتعامل معاها النهارده بص يا عسل عايزك ترفع راسك اي السما تدعي ربنا و ها تلقي طياران فوق دماغك بيضربك ماشي يله بون وي و بلاش تقرب من ارض حد تاني افتكر انك مش محتاج التحذير ده
الامير : إي مو محتاجه بس بتفكر ملك خانم الصمدي راح تتحمل القذائف ما بعتقد و بعدين هيا لساتها والده صبي متل الامر اطمن بتكم معززه مكرما ها يا صديقي أليل الزوء اللي ما عرفني عن حاله بتفكر هل ملك خانم تتحمل القذائف بعتأد لا افتكر إنك محتاج تهدا و تروق و تسمع شروطي يا ئليل الزوء
نوح : و المفروض إني أصدق انها معاك يا جدع ده انتا صوتك ها يطرش توميه في ودني
الامير : اسمع (عدل التلفون على ملك و هيا اللي بتتكلم بوهن) محدش محدش يسمع كلامهم دول دول مجرد صراصير بلاعه فكرين فكرين نفسهم مباشرين اوعا حد يسمع كلامهم (رجع التلفون تاني ليه) صدئتني هلاء
نوح : (سكت شويه و رد) طالباتك
الامير : وصلني خبر ان النجع كله ملكيه خاصه لي شخص اسمه مدري شو اي اي علي الصمدي و إن النجع ملكه مش بعئود لا بصك ملكيا بخبرك شي بدي صك الملكية لي النجع  بس بيكون مع الصك ١٠٠ مليون دولار بتعرف خيي بما انك من خوفك عليها من العيله و تجار سلاح كبار ان السلاح محتاج مصاري كتير فا راح ناخد منكم هي النتفه الصغيره بعتأد خيي انك راح توافق (قفل السكه في وشه)

بص نوح وره لقي غاده
غاده : ملك مخطوفه من داعش
نوح : و داعش اخدت نجع الصمدي و معاهم ملك
غاده : عرضنا بيضيع يا ولدي
نوح : الدم قبل ضياع العرض يامي مالك
مالك : ايوه
نوح : حضر ١٠٠ مليون دولار
مالك : اعتبره حصل (مشي مالك)
نوح : فين صك ملكيه النجع علشان طلبينه
غاده : ها تعمل ايه
نوح : ها ديهم النجع و بعدها يحلها ربنا من عنده
غاده : حاضر
نوح : (اتصل على الرقم) الو
الامير : ايه يا ئليل الزوء
نوح : موافق
الامير : منيح كتير منيح بكره الصبح تيجي لي عندي و معاك إد ما بدك رجال الخير كتير كبير عنا ما بنخاف
نوح : ملك تحضر الاستلام و تسلمها ليا
الامير : مين جاب سيره تسليم ملك خانم
نوح : و انا هادي اهلك كل ده ليه علشان سواد عين امك
الامير؛ لالا ما يصح هادا الحكي (سكت شويه) بس إذا بدك نسلمك ملك خانم و يكون بعلمك تحت إيدنا رهائن كتير جدا من سكان النجع سلام خيي ئليل الزوء ههههه

قفل السكه في وش نوح
نوح : ها نروح الفجر بتغطيه خفيفه (بص لي محمود و مصطفي و ولادهم و علي و اخواته) جاهزين علشان تحضره التسليم بكره
مصطفى : جاهزين
نوح : حلوه الروح الحماسيه دي عايزها لحد بكره اتفضله شوفه مصالحكم و راعه الناس اللي اطردت من ارضنا

سابهم و مشي راح قعد لوحده و محدش جنبه وله معاه بس فضل قاعد و في نار ها تطلع منه بس حاسبها علشان تطلع في وقتها و النار متأجهه في البيت كله
فوق في الاوضه عند سامي و غرام
سامي : ازي ها ردي عليا ازي
غرام : سامي اهدا يا بابا لحسن تحصلك حاجه
سامي : (زعق بصوت عالي) انا عايز تحصلي حاجه ازي هو قدامي ها ازي المفروض انه مات يعني انتي كذبتي عليا كلكم كذبته عليا حتي عمو نوح
غرام : سامي اهدا الموجه تعدي و بعدها اعمل اسال على اللي عايز تساله بس دلوقتي لا انتل شوفت بعينك ثلاث نسوان عواجيز دبحه شابه قدام عنينا في صالون بيت زي ما تكون فرخه اهدا و غلوتي عندك اهدا الدنيا تعدي و بعدها نتكلم و نسأل

سابته في الاوضه و خرجت نزلت تحت لقت مجموعه ستات لبسين بنطلونات و تي شرتات سوده و مسكات سوده كمان و شايلين السلاح بيرفعه الجثه من الارض و بينضفه
نور : يلا يا بنات مش ها نقعد اليوم كله في دي عندنا كتير يله (بصت لي غرام) ايه اللي نزلك
غرام؛. مقدرتش اقعد فوق سامي عنده اسأله كتير اوي
نور : طبيعي عنده اسأله كتير الواد شاف ابوه قدام عينه نسخه مكبره منه منتظره ايه
غرام : و العمل ايه دلوقتي ابني داخل في دوامه خايفه اخسره
نور : الدوامه لابد منها اما موضوع انك تخسريه ده بأيد ربنا ادخلي المطبخ مع الحريم حضره الغدا لي الرجاله
غرام : غدا ايه وسط كل ده
نور: احنا في حرب يا غرام و في الحرب اللي بيصلب طوله هو اللي بيكسب و الرجاله محتاجه تاكل علشان تصلب طولها في كمان اغراب لزم ياخده واجب الضيافه على اكمل وجهه مش معني ان في اذما نقصر
غرام : و غاده اكيد مش ها تاكل
نور : غاده هيا اللي وقفه على الطبيخ جوه غاده دي جبل و الجبل مش ها يهزه شويه كلاب بنبح تحت منه البيت ده ميعرفش معني الحزن غير بعد ما ياخده حقهم ساعتها يزعله براحتهم لكن دلوقتي مش وقته اتفضلي على المطبخ بدل ما حماتك تلاحظ غيابك و ساعتها ها تندمي على الغياب اتفضلي

مشيت غرام نحيه المطبخ بخطوات ثقيله دخلت جوه لقت كل ست بتعمل حاجه و غاده قاعده تقطع بطاطس
غاده : (لسه مركزه في اللي في ايدها) غرام
غرام : اي ايوه يا حجه
غاده : ادخلي اسلقي اللحمه زمنها فاكت يله
غرام : تحت امرك يا حجه

و جرت العاده يا عزيزي الستات بتجهز لي الرجاله الاكل علشان يصلبه طولهم و كان اكل تقليدي رز و كوسه في الصلصه و لحمه (ده اكل تقليدي عندنا في الصعيد يا عزيزي اكل سريع يعني)

و بعته يوزعه الاكل ده على الحرس بره و مالك اخد طبق و راح لي نوح
مالك : نوح كل
نوح : مليش نفس
مالك : مينفعش لزم تاكل كل الرجاله رفضه الاكل علشان انتا رافض الاكل و ممكن يقدروش يأده مهمتهم العاديه اللي هيا التأمين بس
نوح : مالك كل انتا و الشباب عايزكم وقفين على رجلكم و لو عليا يا سيدي سهل (اخد رغيم عيش فاضي و قطم منه) ده كفايه عليا روح شوف ها تعمل ايه روح
مالك : حاضر


مشي مالك و ظهر قدام نوح حارسه المدينه
حارسه : شيطانك حاضر و شيفاه بيحاول يهديك
نوح : مفيش حاجه ها تعرف تهديني ابدا
حارسه : باين عليك و السبب اكيد الخاين
نوح : طبعا ده موضوع لا يقبل الشك في خاين بنا و هما دول يوصله لي نجع الصمدي ازي و لي سر المحمدي ازي برده انا مش عامل اعتبار لي شويه الهبل ده لا عامل اعتبار اللي هاعمله مع الخاين ايه هيا دي المشكله و هو مين أساساً
حارسه : كان نفسي اقولك هو مين بس سامحني مقدرش ده غيب يا صديقي
نوح : عارف انه غيب علشان كده مطلبتش اني اعرف سيبي الحقيقه تنكشف لوحدها مع الوقت
حارسه : حاول تسيطر على اعصابك اكتر من كده و سيب الامور تاخد مجرها الطبيعي و قدرها الغير معروف

اختفت الحارسه من قدام نوح و رجع بص لي الفراغ زي ما هو و دماغه فيها مليون حسبه لي مليون خاين لي مليون رد على الخاين اللي ها يشوف جهنم علي الارض قبل الاخره (اصل يا عزيزي الخائن ها يكون مكانه فين غير جهنم) الليل نزل و التلفون وصلته رساله فيها الموقع بتاع اللقاء دخل نوح المكتب و جمع الشباب و ادا الموقع لي مالك و امرهم يبسبه تلفوناتهم بره الاوضه
مالك : جاهزين يا جماعه
علي : جاهزين
مالك : (شغل شاشه التلفزيون على تصوير اقمار صناعيه) ده الموقع المفروض ها يحصل فيه اللقاء
سيف : كويس (قام و شاور على نقطه) انا هاخد المنطقه دي عش ليا (موقع لي القنص يا عزيزي) هاقدر اغطي نار من الوش
مالك : مينفعش لسبب واحد بس انتا في اتجاه الشمس الساعه ١٢ الظهر يعني مش ها تشوف حاجه اصلا
علي : خلاص ممكن ناخد الموقع ده كمين ليهم من ضهرهم
مالك : (داس على زرار طلع صوره تانيه بالتصوير الحراري لي المنطقه و باين عدد ضخم من الافراد هناك) صعب ها نتعامل مع دول
نوح : خلاص كلم المطار يحضر لي ضربه جويه
مالك : (شاور على نقطتين) دول فيهم سلاح تقيل دفاعي ضد الطياران المنخفض
نوح : نجيب الضربه من ضهرهم بطيران مرتفع يرمي عليهم قذائف من فوق حاجز السماء
مالك : (طلع صور) دي منظومات دفاع صاروخي متوسطه المدا يعني لا صواريخ وله قذائف الموضوع معقد جدا
مروان : و السلاح ده عدا ازي أساساً
نوح : من تحت شنابكم و انا اولكم مصر دخلها سلاح يسلح جيش و انا قاعد وله دريان بحاجه مالك
مالك : مينفعش هنا يحصل غير اللي هما عايزنه و ساعتها نقدر نتصرف ندخل النجع بس دلوقتي صعب اي عمليه ها تم ها تأثر بالسلب على ملك
مروان : طيب بالنسبه لي المحاربين انا اسمع ان قدرتهم في السرعه كبيره
مالك : اخرهم ها يقتله افراد لكن المنظومه ها تفضل شغاله بالذكاء الاصطناعي
علي : يعني
مالك : مفيش حل وقت التسليم بس بعد التسليم في حل (حول الشاشه جابت نجع الصمدي) ده النجع اللي بنا النجع كان شخصيه عسكريه مخضرمه بدليل انه اختار مكان في حضن الجبل علشان يبنه و من المعلومات اللي عندنا ان النجع اتبنا من الف سنه او الفيين تقريباً الموقع يتصدا لي الاسلحه الموجوده في عصرهم لكن عندنا هنا الوضع مختلف تماماً العمليه ها تقوم من ثلاث اتجاهات علشان المحاربين عندنا يدخله يفخخه منظومات الدفاع بقنابل مش ها يكونه بالسرعه الكافيه في وقت التسليم لكن بعد التسليم الموقع ده ها يخف التأمين عليه ساعتها يقدره يلغمه المعدات دي ده ها يفتح الباب لي طيرات النقل بتعتنا علشان تدخل على ارتفاع ها يحصل انزال جو بري بالمدرعات و الافراد عند النقطه المكشوفه من النجع التصوير الكميائي اثبت انها منطقه ألغام جديده مدرعاتنا ها تدخل بعد ما تتفرغ من الافراد و تمشي بنظام القياده الذاتي كل مدراعه وراها اختها و وراهم على رجلهم الافراد المدرعات دي حصان طروادة الفارغ (دي خطه عسكريه يقال انها حصلت في عهد الرومان حبه يدخله بلد عمله حصان من الخشب و استخبه جوه لحد ما دخله البلد و هجمه على الناس يقال انها حصلت و اتعمل عنها فيلم) نيجي بقي لي وش الجبل علشان فيه افراد معسكره دول ها يتعمل ليهم انزال جوي من فريق المسح قتل بطريقه سريعه اسلحه بيضه في صمت و بكده نقتحم نجع الصمدي
نوح : (سكت يفكر شويه و رد) فكره ممتازة ها نفذها ابدا بتوزيع الخطه على افراد الطياران و الموشاة و حضر السلاح المناسب لي العمليه خلي شيخ الواحه يشرف على الموضوع ده بنفسه
مالك؛ حصل بعد اذنك

طلع مالك من الباب الخارجي
نوح : بكره محدش ها يحضر التسليم غيري انا و مصطفي و محمود (بص ليهم) ها نعمل اللي لزم يتعمل
مصطفي : مهما حصل لزم يحصل
محمود : اكيد
نوح : باقي الشباب بقي عايزهم في حته تانيه خالص
علي؛. حته ايه و ليه مينفعش نحضر
نوح : علشان ترجعه سلام اول حاجه ها تحصل ها يحاوله يستفذونا علشان يخلصه علينا و احنا وقفين و انته عرقكم فالت و انا يلزمني الرجوع حي علشان و حيات امي حياتي ها كرسها لي موتهم هما و اللي وراهم مش عايز نقاش كتير عماد و حسام و حسن عايزكم و معاكم فرقه محترمه تاخده تأمين الارض الغربيه كلها
عماد : مش وقت تأمين ارض
نوح : يا اغبيه افهمه ممكن نلقيهم نزلين علينا من فوق انتا خط الدفاع الاول و علي و سيف و مروان استلمه تأمين القصر هنا
سيف الملكي : و انا فين من كل ده
نوح : انتا تقعد مع مراتك و عيالك
سيف الملكي : مع النسوان يعني
نوح؛. ايه مكسوف تقولها ايوه مع النسوان عارف ليه علشان ده مش مكانك و اتمني تاخد بعضك و جدتك و ولادك و تتكل علي الله تروح علشان اللي جي بعد كده مينفعش حد يظهر فيه غيرنا احنا و بس دي ارضنا و دول استباحه ارضنا و حريمنا عارف يعني ايه ارضنا و حريمنا دي كبيره اوي يا سيف اكبر مما تتخيل بكتير اطلع بره القصه دي عايز تشارك فيها عندي ليك مكان ممتاز جدا لو حابب اتفضل امسك مع حسام و عماد و حسن ابعد من كده متحولش تقرب يا سيف علشان دي حدودي و اللزم الحد ده علشان و رحمت اللي ماته ما عايز اخسرك فعلاً

قام سيف الملكي و هو متعصب طلع من المكتب و نوح بص لي الشباب و شاور ليهم يمشه
محمود : (بص لي نوح شويه) مش محتاج تكون علي او نوح علشان اعرف انك مخبي حاجه عليا
نوح : (بص لي اخواته بكل يأس) انا مقولتش كل طلباته
مصطفي : طلب ايه تاني
نوح : طلب (فهمهم طلبه) بس انا مش عايز
مصطفي : هههههههه
محمود : هههههه ياهبل ها تفضل طول عمرك اهبل من يومك من يومك اخويا
مصطفي : من يومك يابن ابويا و انتا نفسك تموت و الباقي يعيش مش قادر تفهم ان القدر و حياتك عندي ما ها تعرف تقف قدامه مهما كنت
محمود : القدر يا اخويا هو اللي خلانا نلف في الدايره دي علشان النهايه دي ايه يعني عايزنا نروح مكان ملك و ماله مفيش مشكله عارف من وقت ما عرفت ان عندي اخت بنت قلبي ده رق بقي ارق من الحرير عارف اختك دي نورت البيت ده
مصطفى : و لو على طلبهم سهل يتنفذ المهم ملك ترجع و بعدها اديك شوفت مالك حط الخطه في لحظه اطمن علينا

الباب اتفتح و دخل منه سامي
مصطفى : ها نطلع احنا و نسبكم مع بعض


طلع الاتنين

اول ما طلع سيف الملكي بره راح على الجنينه و اتصل على عوني
سيف الملكي؛. عوني حضر الرجاله يكونه قدامي في اقل من ساعه
عوني : سامحني يا كبير
سيف الملكي : اسامحك على ايه
عوني : مش هاقدر انفذ امرك جدتي فريال امرت ان ممنوع اي حد من العشيرة او القبيله يدخل

حصلته فريال
فريال : اقفل التلفون يا سيف
سيف الملكي : بس كده و ماله يا فوفه نقفل التلفون (قفل مع عوني) انتي بتدي اوامر و انا لسه حي ارزق
فريال : علشان عرفه دماغك كويس اوي انتا ابني مش ابن امك
سيف الملكي : مينفعش اقعد معملش حاجه
فريال : و مينفعش تعمل حاجه الوضع دلوقتي ميفرقش حاجه عن اللي حصل زمان دلوقتي انتا بتتكلم عن ارض و عرض اتباح اي رد جي غير منهم ها تكسر هيبتهم في الصعيد كله
سيف الملكي : حد ها يموت لو مكنش في حد تاني يلم
فريال : و لو في الف ها يلمه برده اللي ها يموت لزم يموت عارف ليه علشان ده قدره يا سيف القدر يابني مش ها تعرف تغلبه
سيف الملكي : على الاقل اعمل اللي عليا علشان محسش بالذنب
فريال : و لو عملت اللي عليك و حد مات برده ها تحس بالذنب علشان ها تحس بالتقصير سيف يابني اطلع بره القصه دي
سيف الملكي : ليه الكل عايز يحيدني ليه
فريال : من غير ما احضر الاجتماع وله اعرف اللي حصل جوه بقولك اهو اللي ها يحضر التسليم نوح و مصطفي و محمود عارف ليه علشان الثلاثه اخده نصبهم من الدنيا و عنده استعداد يموته علشان شرفهم عارف الشباب ها يروحه حتت بعيده ليه علشان يحميهم علشان يبعد الخطر عنهم علشان لسه مأخدوش نصبهم من الدنيا زيك برده لسه بدري عليك علشان تموت او تعيش و تشيل على ايدك دم ناس غاليه لو ادخلت و معرفتش تعمل حاجه كل اللي جوه ها يحطه اللوم عليك انك فشلت عرفت ليه الكل عايز يحيدك و يقفله علي القصه دي في بيتهم و بس عرفت ليه اعقل و استهدا بالله و بص علي ولادك و اتقي ربنا فيهم و في مراتك لو حصلك حاجه فكر فيهم مش في نفسك و مجدك الشخصي اتقي الله فيهم

سابته و مشيت

جوه في المكتب بقي بعد ما دخل سامي
نوح : (فضل باصص في وشه كتير)
سامي : ازي
نوح : ازي ايه (ولع سجاره) و قبل ما تسأل فكر في سألك و شوف هو سؤال مناسب وله لا
سامي : ازي انتا عايش و الكل قال عليك ميت
نوح : سؤال مناسب يا سامي اخترت صح اقولك انا ازي الموضوع كله اني وصلت لي مرحله صعبه في الاول كنت خطر على نفسي مفيش مشكله بعدها بدات الدفه تتحرك اتجاه اهلي حركه صغيره غير محسوسه نهائي طاوعت نفسي و غروري و كبريائي و كملت لحد ما الخطر وصل لي فريده اختك كانت ها تتقلت قدام عيني و فداها مين ادم ابن مصطفي الصغير شاب زي الورد كل مشكلته انه مات مكان بنتي اللي المفروض اني اموت مكنها ههههههه اه يا دنيا لعبه صعبه جدا تاخد ايه و تضحي بأيه اخترت حياتكم كلكم و موتي بالحياه اتفق الكل عليا في الوقت اللي المفروض انه مينفعش يتفقه كل الناس سابت مشاكلها على جنب و قاله بس نقتل علي الصمدي حاوله و فاشله ساعتها تيقنت انه لزم اموت و انته تعيشه وقت ما اخترت الاختيار ده الكل أيد اختياري و قاله امين خلاص انتا اخترت تموت يبقي تموت و بقيت المرحوم يا سامي
سامي : مش مبرر
نوح؛. علشان انتا ابن مش اب حط بقي علي او سيف اخواتك في مكاني يختاره تخيل ها يختاره يعمله اللي عملته لسبب واحد بس انه اموت انا و اهلي يعيشه سبب وصولك لي اخواتك في الوقت المبكر ده هو اختيار اخده اخوك عثمان بالتهديد لي حياتك انه لزم يقف قدام اخواتك و يموت هو و تعيش انته الانه في كلا الحالات كان ها يموت قدام فطاحل المجتمع من عائلات الصمدي و المحمدي و الملكي و العطار و السوري برتيته شياطين انا اخترتها بنفسي علشان يقعده مكاني مكنش ها يصمد قدامهم لحظه و ها يموت يا منهم يا من المحرض و هو كاتم السر جوه و مش ها يقول ليهم انه بيعمل كده و ها يموت على ايدكم علشان خاطر اخوكم يعيش لوله تدخل امك و كشفت الحقيقه ليهم ساعتها انتا جيت هنا سامي كل واحد بيختار اختيار صعب جدا علشان بس يعيش و اصعب اختيار يعدي على ابن ادم هو يموت و اهله يعيشه شوفت بقي حجم المصيبه
سامي : (اتكلم و هو مهزوز) هو انا ابن حرام
نوح : (رد بكل قوه) انتا نتيجه علاقه حلال شاهد عليها ربنا و يعلم ربنا انك ابن حلال مصفي

طلع سامي من المكتب و نوح طلع مشاعره الحقيقه من سؤال سامي اللي كان عامل زي الخنجر في قلبه فطرت قلبه فطر



طلع نوح بره القصر على الفجر الرجاله اتوضت و سابت السلاح و وقف مصطفي و هما وراه علشان يقيمه الصلاه و اقام مصطفي الصلاه و خلصه و قعده طلع مصطفي و محمود كل واحد اوضه نومه
ساعه في القصر عمرها ١٠٠ سنه ترن لي تبلغهم بالوقت الذي يمر و كانت دقات الساعه السابعه صباحاً نزل الكل و مصطفي و محمود كانه لبسين لبسهم اصلهم و فصلهم راحه لي غاده باسه ايدها و طلعه بره و نوح لبس لباس اصله و فصله قميص و بنطلون و طلع بره بص لي الكل
نوح : مالك ها تاخد فريق من الفين راجل و تتحرك مع عماد و حسام و حسن اوعا تغلط و انتا فاهم
مالك : اعتبره حصل بس ارجع انتا كمان و ليك عليا اسلمك الشباب من غير ما ضفرهم يتكسر
نوح : ده المتوقع يله يا رجاله


راح يركب مع اخواته و يسوق
مصطفي؛. استنا انا اللي ها سوق
نوح : اشمعنا
مصطفى : (خبطه على دماغه من وره بهزار) اوعا تجادل اخوك الكبير فاهم يله اركب وره
نوح؛. اشمعنا وره
محمود ؛ علشان بحب اقعد جنب السواق يله يا غلباوي

ركبه و نوح مش مطمن ليهم بس قال اكيد بيهزره علشان يخففه اليوم اتحركه من القصر شويه و طلع محمود ثلاث زجاجات مايه
محمود : الواحد مات من العطش عملت حسابي في مايه الحمد لله
مصطفي؛ هات بق
محمود : مش بحب حد يشرب مكاني جايب لكل واحد قزازه امسك (اده مصطفي و اده نوح)
نوح  : جت في وقتها (فتح القزازه و شرب مايه)
مصطفي : فكرين يا عيال اول خروجه ليا انا و جيهان بعد الجواز عملته ايه ههههه
نوح : هههه دخلنا العربيه و نمنا في الدواسه و رخمنا عليكم الخروجه كلها هههه كانت فكره محمود
محمود : هههههه
مصطفي؛. انتا يا واطي السبب
محمود : ايوه انا اس الفساد هههههههه
مصطفي : كانت ايام حلوه
نوح : (سكت شويه و قال) عارف يا مصطفي اوقات كتير بفكر ليه مقبلتش الرشوه بتعتك و قعدت في البلد و اشتغلت في المصنع مكنش اي حاجه من دول حصلت
مصطفي : (ابتسم بحزن) تفتكر
نوح : (سكت و مش عارف يرد)

خمس دقايق و كان نوح متكوم على الكنبه وره نايم وقفه العربيه ثواني و دخلت عربيه تانيه كان فيها سيف الملكي
مصطفي : (نزل بسرعه) يله ننقله بسرعه
محمود : يله

نزل الثلاثه نقله نوح لي عربيه سيف الملكي
مصطفي : زي ما اتفقنا
سيف الملكي : ماشي يا حج مصطفي