الفصل الثامن عشر
بدون مقدمات
بدايه الفصل
وصل شاهين لي المطعم و سامي بص ليه بأبتسامه
سامي: يا اهلا و سهلا بحمايا العزيزي منور
شاهين : بنت اخويا فين
سامي : موجوده في مطعم جوزها
شاهين : عايزها
سامي : اقعد
شاهين : مش قاعد
سامي : خلاص اطلع بره مهو مفيش حل تالت يا تقعد يا تطلع بره بكرامتك يا الرجاله ترميك في الشارع اختار و افتكر انك بقيت عضمه كبيره على الرمي في الشارع
شاهين : (عدل لبسه و قعد) فين البنت
سامي : قصدك المدام مدام رودي
شاهين : ازي يا بني ادم تسمح لي نفسك تتجوز واحده من وره اهلها و كمان مخطوبه لحد تاني
سامي : و لما هيا مخطوبه لحد تاني ليه قبلت عرضي ليها بالجواز ما تقول كلام يعقل
شاهين : عايز بنت اخويا و افتكر ان ده كلام العقل
اتفتح باب المطعم و دخل امام و معاه عدد من الحرس و الرجاله بس مش دخلين لي شاهين لا دخله علي المطبخ عدل
المطعم فيه مطبخين واحد شغال و التاني لا مدير الصاله ساب رودي في المطبخ الشغال مع الشيف و راح هو عند المطبخ التاني فتح الباب الخلفي ليه و دخل منه جابر و اتنين تاني حط جابر مسدسه على دماغ مدير الصاله و طلع من المطبخ المفقول لي المطبخ الشغال باب صغير يفصل بين الاتنين دخله في كل هدوء لي المطبخ و عده من الباب الفاصل و بعد ما دخله امام و الحرس كانه وقفين جنب الباب من جوه مستحيل تشوفهم غير لما تعدي من الباب و تبص وراك على الجنبين اتنين و غير كده كان في ارفف من الصاج حولين الباب واحد من الحرس كان قاعد عليهم من فوق حط امام سلاحه على دماغ جابر و سحب سلاحه و الاتنين التانين اتسحب سلاحهم و امام كلبش جابر و اخده و طلع به بره و قعده على التربيزه جنب سامي
سامي : جابر اخبارك جي منين كده هههههه تخيل يا حمايا ابنك رجالتي جابته من المطبخ جوه
شاهين : طلع جابر من الحوار ده
سامي : سواء هو اتصرف من دماغه و دخل او انتا اديته الامر انه يدخل هو خلاص في الحوار مينفعش اطلعه منه
رودي : (طلعت من المطبخ و هيا متماسكه)
سامي : اهلا اهلا يا حياتي اتفضلي اقعدي ده عمك اهو موجود جي لينا زياره خفيف صح
رودي : (قعدت جنب سامي)
سامي : ها يا رودي حمايا بيقول اني متجوزك غصب هل ده صح
رودي : لا
سامي : يعني انتي هنا بمزاجك
رودي : ايوه
سامي : (كلم شاهين) شوفت و متخفش ها نبقي اسعد زوجين
شاهين : رودي يله نرجع البيت و نتكلم مع بعض واحده واحده و بهدوء نتفاهم
رودي : لا مش عايزه ارجع معاك انتا انسان زباله و مش عايزه اشوفك تاني في حياتي
شاهين : يعني ايه
رودي : يعني تخرج من حياتي كلها
سامي : يعني انتي مش عايزه في حياتك نهائي
رودي : ايوه
سامي : طيب شاهين قدامك فتره كده تدبر مكان تاني بره املاك رودي الانها مش عايزه تشوفك و افتكر ده حقها
شاهين : ده طمعان فيكي و في املاكك اكيد بعد ما اتجوزته في السر ابوه طرده اوعي تسلمي دماغك ليه ده طمعان في مالك
رودي : مالي انا هو طمعان فيه و انتا ايه بقي (مسحت دموعها) اخوك اللي هو ابويا الله يرحمه كان دايما يقول حرص من الجعان اما الشبعان ده تطمن ليه و افتكر ان الرساله وصلت
شاهين : وصلت يا رودي (بص لي سامي) و انتا انتا بقي اللي بدأت الحرب دي و صدقني مش ها تطلع منها كسبان ابدا مهما كنت مين
سامي : الحرب دي لعبه و احنا بنعرف نلعبها اتفضل اطلع بره انتا مطرود اما بالنسبه لي جابر حبيب قلبي ها يحصلك بعد شويه شويه صغيرين خالص
امام : (سحب جابر بالكرسي اللي هو عليه)
جابر : بابا يا بابا بابا
سامي : هيح كان طيب بس متخفش ها يفضل طيب اطلع بره و ابنك ها يوصلك لحد عندك اتفضل
قام شاهين بصعوبه بيتعكز على عكازه و دمه فاير و رودي بتعيط
سامي : (اخدها في حضنه) بس خلاص بلاش تعيطي بقولك ايه روحي القصر علشان مش ها تعرفي تكلمي اليوم
رودي : ماشي
سامي : بس اهدي و اغسلي وشك و اتحركي تعالي اوديكي الحمام
وصلها الحمام و هيا دخلت غسلت وشها و طلعت وصلها لي العربيه اللي تحركت بأمام يوصلها لحد القصر
وصلت و نزلت اخدت الاكياس في ايدها و دخلت بيها جوه لقت البيت متجمع تحت و لميتا موجوده مع بنتها
رودي : مساء الخير يا جماعه
سمر : مساء النور تعالي يا رودي اتفضلي اقعدي
رودي : اسفه يا دكتوره سمر بس تعبانه شويه ممكن اطلع اوضه سامي
سمر : دي بقت اوضتك دلوقتي يا رودي
سلوي : بصي يا بنتي قوانين عمك علي في البيت هنا الراجل ملهوش غير هدومه و بس يعني سامي لو قل بعقله و زعلك اطرديه عادي
رودي : سامي هو في فطيبه سامي
سندي : يا عيني يا عيني على الحب ماشي يا ستي اطلعي اوضتك براحتك
طلعت رودي
سمر : طيبه اوي رودي
كارما : جدا
فريده : بس مخبيه حاجه البنت دي وراها سر
كارما : انتي كل حاجه عندك وراها سر فريده انتي سبتي الدخليه و اشتغلتي في المخابرات
فريده : مخابرات ايه بس يا ستي ده بس احساس
اميره : والله شكلك ها تدخلي علينا في يوم و تقولي خالتي بتسلم عليكم
فريده : معنديش خالات هو خال واحد
سندي : و الواطي مختفي
لميتا : هيا فين غرام
سندي : طلعت فوق يا لهوي غرام فوق
في اوضه سامي
دخلت رودي و قفلت الباب وراها بالمفتاح لفت لقت غرام في الاوضه بصه ليها بنظره الاسد الكاسر عين مفهاش الخير
رودي : (بصوت مهزوز و خايف) خير يا هانم في مشكله
غرام : انتي عملتي في ابني كده ليه
رودي :انا معملتش حاجه
غرام : لا عملتي خلتيه يتجوزك في السر و يخسر اهله و يخسر ابوه انتي السبب
رودي : غرام هانم ابن حضرتك هو اللي جاب المؤذن و طلب ايدي لي الجواز و انا قبلت
غرام : (راحت عندها و مسكتها من دراعها) لعبتي في دماغه
رودي : (متألمه من مسكه غرام) محصلش اي حاجه من دي انا بس شوفت فيه الطيبه و الجدعنه
غرام : لزم تسيبيه فاهمه تسيبي ابني و تطلعي من حياته كلها
رودي : (خايفه بل مرعوبه الصبح سمعت عن صفقه سلاح اتحضرت و هما بيفطره و اساطير عن الدم و الموت اللي بيحصل في قصر الصمدي و اهي واحده جنبها ممكن تقتلها) ارجوكي انا مهربتش من الموت علشان اموت تاني ارجوكي سبيني
غرام : (بصت ليها و لي دموعها و خوفها و ردها هيا خايفه من الموت ازي هيا غرام مش رفعه سلاح عليها وله غرام بتاعت رفع سلاح اساسا بالعكس غرام رقيقه جدا سابت دراعها)
راحت لي الباب فتحته و كان وراه سندي و سلوي و سندي بصت وراها علي رودي لقتها لسه واقفه او بالمعني الاصح عايشه بصت لي غرام بغضب مكتوم
سندي : عملتي ايه الله يخرب بيتك
طلعت غرام بره و دخلت سندي اخدت رودي بالحضن هيا خافت منها في الاول بس سندي طمنتها و هدتها و قعدتها
سندي : مش عايزكي تزعلي من غرام غرام طيبه والله بس هيا عصبيه حبتين
رودي : هيا معاها حق عايزه تفرح بأبنها حقها بس انا مليش ذنب وهو انا كنت عايزه كده اتجوز في السر او حتي ام جوزي و ابوه يكونه بيكرهوني لا انا كان حلمي اعمل فرح كبير و البس فستان ابيض و ارقص في فرحي افرح زي باقي البنات و اقول لي حمايا و حماتي انا يتيمه الاب و الام هاعتبركم انته ابويا و امي و خدولي حقي من ابنكم (بدأت تعيط عزيزي ممكن تشوف احلام رودي احلام تافهه وسط حياتها بس مفيش اصعب من ان حد قريب منك يسلبك حلمك)
سندي : (تعاطفت معاها اصلهم شبه بعض في دي عاشت يعتبر ابوها و امها مش موجودين و برده حلمها بالسعاده مع جوزها اتسلب من اعز الناس ليها امها اخدتها في حضنها و طبطبت عليها) و احنا فيها يا رودي تقدري تبقي كل ده
رودي : ازي و فين و مع مين سامي طيب و جدع و ابن حلال ابوه مش طيقني مش ها ننكر ده و عايز يعجل من حل مشكلتي علشان خاطر يطلق ابنه و يخلص من القصه دي و امه مش طيقاني ابدا و بتكرهني و مقدرش الومها على ده انا في نظر جوزي مجرد واحده بيشفق عليها مش اكتر يعني انا بدل مكنت رودي الست القويه اللي تمشي الف وراها دلوقتي بقيت وله حاجه انا دلوقتي وله حاجه ياريت كنت مت ساعتها و ارتحت من حياتي كلها
سندي : اهدي يا بنتي اهدي
قعدت سندي تهديها و على باب الاوضه كانت وقفه غرام و سلوي سمعه كلامها و الاتنين هجمتهم ذكريات مؤلمه في حياتهم عن فترات عصيبه
زي مثلا سلوي الديب سلوي هانم الديب اللي بعد ما مات ابوها جريت عليها عيله الديب كلها عايزه تقتلها علشان تورثها محدش من اهلها وقف جنبها ابدا و ده خلاها تبقي نسخه قذره من نفسها نسخه هيا مش حباها خالص فتره في حياتها تتمني انها تفقدها من ذاكرتها
و زي غرام برده اللي كانت هانم مع جوزها الاول في اسطنبول معززه مكرمه لحد ممات و المافيا جريت وراها هيا و ابنها و هربت من اسطنبول لي مصر على مركب صيد وسط السمك و لما وصلت مصر بطلوع الروح برده بطلوع الروح قدرت تقف على رجليها علي الاقل تأكل ابنها لحد ما ربنا رزقها و قدرت تبقي غرام اشكول اللي تقدر تقعد على تربيزه مع رجال الاعمال في مجال الادويه و الصيدله راس براس
محدش من الثلاثه كانت حياته سهله ابدا وله بسيطه كلهم في لحظه حياتهم اتقلبت جحيم في لحظه الدنيا اللي عمله زي المرجيحة بدل مكانت حطاهم فوق نزلت بيهم تحت
سواء سندي او سلوي او غرام او سمر او حتي اميره كلهم كانه مكسورين كلهم كانه مدمارين كلهم كانه مهشمين لحد ما دخل حياتهم بطل قصتنا بطلنا يا عزيزي بيته بيت المعطوبين او اللي الناس شيفاهم معطوبين شغله صدقنا علي يا عزيزي انه يمد ايده يطلع الحجر ينضفه و يروقه و يخليه بيبرق بدل ما هو مرمي في الطين بقي حجر ليه قيمه اصل قيمه الحاجه في ايد اللي فاهمها اللي عرفها اللي يقدر يحدد اذا كان شيء نفيس وله لا و صدقنا علي يقدر و صدقنا سيف برده يقدر و صدقنا علي الصغير برده يقدر و من الواضح ان سامي كمان يقدر يقدر يحط قيمه و سعر لي الحاجه اللي قدامه و يحدد اذا كان شيء نفيس وله لا و من الواضح برده ان لميتا عندها القدره دي و إلا مكنتش حبت جميل بيت علي الصمدي طول عمره يلم الكسر بس يقدر يطلع من الكسر ده جواهر و دي قدره كانت بتتمتع بيها غاده العدوي قدرتها كانت كده يمكن هما مش محاربين طاقه وله معمرين وله اصحاب بصيره زي عيله المحمدي بس الاكيد انهم عندهم بصيره خاصه بيهم يقدره يفرقه بيها بين الكويس و الوحش الاصيل و اللي ملهوش سعر
خلصت شغلي في المجموعه متأخر النهارده كان تنفيذ اخر شرط لي انسحاب مجموعه الصمدي من الكيان يااااه خلاص خلصت و الواحد يروق للي جي بقي الساعه دلوقتي سته المغرب مروح البيت متأخر و فاصل على الاخر مش شايف قدامي دخلت البيت لقيت في صوت عالي جدا جي من سامي و غرام
انا : ايه ايه هو انا موريش غيركم في ام القصه دي مالكم
سامي : شوف مراتك بقي علشان انا قرفت
انا : اتكلم عن امك بأدب مش عايز اقل منك انتا بقيت راجل متجوز دلوقتي
سامي : يوووووه هو مفيش على لسانها غير اني بقيت راجل متجوز و انتا دلوقتي تقول نفس الكلام
انا : (اترميت علي الكرسي من التعب) معاكم خمس دقايق تعرضه المشكله بدون صوت عالي علشان مصدع انجزه
غرام : دلوقتي انا بقوله لزم يوضب اوضته و يعملها جناح علشان مراته و يعمل ليها فرح علشان ده حقها
انا : (بصيت لي غرام شويه و فهمت هيا عايزه ايه) طيب امك معاها حق
سامي : طيب واحده واحده كده انا علي الحميد المجيد ابيض معيش مليم اخري علبه السجاير و بس
غرام : و مراتك اشترت هدوم منين بقي لما انتا معكش فلوس
انا : انتي بتعدي عليهم يا غرام انا مش بحب الجو ده
غرام : مش القصد بس انا برد عليه
سامي : دي كانت اخر فلوس معايا حتي الشتا معيش فلوس اشتري ليها هدوم جديده هلبس القديم
انا : بس الفيزا لسه فيها فلوس انا منزل ليك حساب عليها
سامي : دي فلوس حضرتك. و انا مش هصرف على مراتي منها انا مش اقل من اخواتي الكبار كلهم بيشتغله مع حضرتك و حضرتك بتنزل ليها مرتبات و كمان عمولات انا مش بفهم في شغل الاثار وله السلاح علشان كده مش هشتغل فيه انا لو مصرفتش على مراتي من حر مالي يبقي مليش لزمه
انا : تمام فين المشكله يا غرام
غرام : بقوله انك تساعده
انا : حلو اساعده في ايه بقي انا معنديش انا عيل اجوزه يبقي ملهاش لزمه جوازته نهائي انا عندي الراجل يجوز نفسه و خلاص هو بيتكلم صح و انا كدة كده ههد سور البيت و ابني فلل لي الولاد واحده لي سامي و واحده لي مروان و واحده لي محمود و علي و سيف مش ها يطلعه من البيت ده غير على المدافن و بعد موتي كمان
سامي. :اسف مش هقبل بالفيلا دي غير لما ادفع تمنها
انا : دي هديه جوازك مش لزم تدفع تمنها
غرام : و تدفع ليه اساسا
سامي : علشان انا راجل حر مش عايز بكره و بعده اتعاير اني كنت عاله على ابويا و اخواتي علشان كده اخترت افتح مطعم و اشتغل فيه و مش عايز بكره و بعده يقوله ان ابويا هو اللي جوزني و افتكر او ده من حقي
انا : كلام ساليم بس دلوقتي المطلوب منك تعمل فرح و بس
سامي : يا لهوي الطم علي وشي اقول تاني يا ولدي انا بقولك ابيض على باب الله دفعت كتير النهارده
دخل محمود من بره باصص لي تلفونه و مستغرب و سرحان لدرجه انه خبر في الحيط وقع في الارض
انا : قوم يا خايب
محمود؛ (قام و هو ماسك دماغه) اه يا دماغي
انا : قوم سرحان في ايه
محمود : سامي انا قدامي تحويل عمله مندوب علي السستم بمبلغ ٣٠ الف جنيه من مطعمك
سامي : ايوه ليه
محمود : بتوع ايه دول
سامي :مش دي البضاعه اللي ساحبها من عندك في المكتب
محمود : بتدفع. تمنها انتا عبيط
سامي : ما تتحرم نفسك يابني انا عمك
محمود : و عمي بيدفع تمن البضاعه دي ليه
سامي : علشان ده شغل
محمود : شغل بس مش بنا
سامي : محمود الفاتوره دي بينك و بيني
محمود : (اتصدم من الكلمه اصل معني الكلمه انك لو رفضتها خلاص قطيعه) للدرجه دي
سامي : ايوه ده شغل مفهاش عمي و عمك
مروان : علشان كده بعت لي عربيه البضاعه تنزلك بضاعه و رجعتها بفلوس
سامي : ايوه و ده باب مقفول قدامي انا كده هاخد حاجه هدفع تمنها و كمان عايز اعرف المفروض ادفع كم في مصروف البيت المايه و الكهربا و الغاز الاكل و كده انا و رودي
انا : (كل كلامه كان عدل بس عند دي و عينك ما تشوف إلا النور) جري ايه يا روح امك مش هعرف اوكل نفر زياده جنب الجرمق اللي هنا و بره كمان اسمع يا روح امك انا مش هحسبك على كلمتك دي علشان حسابها عندي عسير لكن و عزه و جلال الله لو اتنطقت تاني لا اكون متبري منك دنيا و اخره قال يدفع في البيت قال مبقاش غير ابو (و شتم يا عزيزي) اللي جي عايز يدفع في البيت هههههه ده انا مصاريف القصر ده اكل و شرب و كهربا و مايه لي اهل البيت و الحرس توصل لي ٣٠ مليون. جنيه في الشهر يا حيلتها (طبعا يا عزيزي شايف انه رقم مبالغ فيه احب اقولك بس سامح بياكل بمليون جنيه لحمه لوحده) عالم تقرف عيل لسه خالع البرمبرز امبارح جي يصرف عليا الله يحرقكم زي ما حرقته دمي اوعه
سبتهم و قومت طلعت الاوضه و انا عمل اشتم فيه و في امه و في الخلفه و اللي عايز يخلف
سامي : هو زعل ليه
سندي : لا انتا زودتها يا سامي بجد طيب محمود و مروان نعديها لكن دي لا دي خط احمر اخر مره سيف اتكلم فيها كان لسه ابوك راجع من السفر جديد و بيبدأ شغله مش قادره اقولك عمل ايه
سامي : عمل ايه
سمر : عمل حجات مينفعش تعرفها علشان هيبه اخوك الكبير و صورته في عينك يستحسن متعرفهاش
سامي : للدرجه دي
سمر : و اكتر قعد سنه كمله مش بيكلمه و كفايه تعرف دي
سامي : (حس انه زودها شويه)
غرام : سامي
سامي : نعم
غرام : فرح مراتك يابني بالفرح مراتك غلبانه و مكسوره الجناح
سامي : هو انا مش عايز يامي عايز والله بس ديق ذات اليد يكتف اصبري بس عليا ايه شويه ارتب دنيتي و بعدها هعمل فرح و اسافر شهر عسل و بصي كل حاجه بس واحده. واحده اسبكم انا و اطلع ابص عليها
طلع سامي فوق لي اوضه نومه دخل جوه لقي رودي قاعده و سرحانه
سامي : الجميل سرحان في ايه
رودي : في الدنيا يا سامي... صوتك و صوت ولدتك كان عالي بص هو احنا ممكن ننفصل بهدوء
سامي : عايزه تسبيني طب ها تصدقيني لو قلتلك اني حبيتك من اول ما شوفتك في البار و انتي لبسه البدله الرجالي و وقفه وسط الناس كده تأموري و تتأمري حسيتك شخصيه وقتها اعجبت بيكي و حبيتك
رودي : بس انا عمله في حياتك مشاكل
سامي : يا ستي ده يوم اربع بالنسبه لينا عادي
رودي : ولدتك مش بتحبني
سامي : و مين قالك كده
رودي : حسه
سامي : اذا كان امي ماسحه بكرامه اهلي الارض علشان عايزاني اعمل فرح و اجبلك فستان ابيض و البس بدله سوده تقولي حسه يا شيخه امي ده اطيب واحده في الدنيا بس مع الوقت ها تحبيها
رودي : ولدتك قالت كده
سامي : ايوه و انا موافق على كلامها و هعمل فرح ليكي و اخدك و نسافر شهر عسل و نعيش في بيتنا بس بابا مصمم منعش فيه غير بعد مهو يموت فا دي تصبري فيها شويه و الموضوع لو فكرتي فيه انه مش سيء للدرجه دي و ان
رودي : (سابته بيتكلم و حضنته جامد) ها تعملي فرح
سامي : (حضنها) هههههه هو ده المهم في كلامي كله الفرح ههههه طيب يا ستي هعملك الفرح
الباب خبط و قام سامي فتح كانت مروه بتبلغه ان الغدا جاهز دخلت رودي غسلت وشها و نزلت مع سامي و دخله اوضه السفره
انا : اهلا باللي ها يصرف على البيت
سيف : (كان رجع من بره و قعد علي السفره اول ما سمع السيره زور و الاكل وقف في بوقه و شرب مايه) انا مالي
انا : مش انتا التاني
مروان : انا اصرف علي البيت منين ده انا بصرف على يوسف بالعافيه
انا : ياعم مش انتا هو انا مخلفتش غيرك اقعد
سامي : خلاص يا بابا خلاص
انا : سيف ابقي اقعد مع اخوك و عرفه و فهمه و عقله شويه
سامي : طب قدرني شويه مراتي واقفه
انا : و انتا قدرتني لما كانت سندي و سلوي و غرام قعدين
سامي : يا حج حقك عليا (و باس دماغي) محقوقلك
انا : اترزع اتغدا اتفضلي يا رودي لسه مكسوفه منا وله ايه لا انتي منا دلوقتي المفروض متتكسفيش
رودي : شكرا يا
انا : ها
رودي : علي
انا : جدعه اسمي علي
سلوي : ها تفضل طفل
انا : مش بحب اكبر خليكي انتي كبيره لكن انا لا انا لسه شباب
سلوي : ماشي يا شباب
دخل علي و لبسه كله مترب
علي : سلام عليكم
انا : و عليكم يا شيخ العرب اتفضل
علي : يا الغدا اخيرا
اميره : ايه اللي بهدلك كده
علي : اميره انا كنت في الصحرا علي الحدود
اميره : و ايهاب روح لي مراته مترب
علي : لا
اميره : شوفت ايهاب محترم مش بيلعب في التراب لكن انتا نوتي
الكل ضحك
اميره : ايه يا علي بقلش عليك
علي : والله شكلي ها طلقك في قلشه من دول
اميره : يا اخويا طلق
علي : (لقه امه بصه ليه و عينها بتطق شرار) لا اطلق مين ده انتي العشق يا جوافه المستكاوي و بلاص العسل بحبك يا بقرة
اميره : جدع اقعد اتغدا بقي يله
علي : ماشي
راح غسل ايده و رجع سحب كرسي و قعد يتغدا و بعد الغدا انا قومت دخلت المكتب و استقبلت كم تلفون تبع الشغل و بصيت من القزاز لقيت رودي قاعده في الجنينه لوحدها خلصت تلفونات و روحت قعدت معاها
انا: ايه يا رودي قاعده لوحدك كده ليه
رودي : مفيش يا اونكل سامي نزل و محبتش اكون تقيله
انا : يا بنتي انتي من اهل البيت
رودي : معلش بس اخد وقتي
انا : يا ستي براحتك بس انتي سرحانه في ايه
رودي : الصراحه
انا : لو حبه
رودي : بفكر في مشروع
انا : مشروع امممم طيب ممكن اسمع
رودي : مش حبه ادوش حضرتك
انا : (اه يا بنت الكلب بتشوقيني طيب) يا ستي انا دماغي مش رايقه اساسا علشان تدوش اتكلمي
رودي : (بدأت تقول فكرتها اللي كانت بتتكلم عن فرنشايز في مصر بس الفكره اساسا قائمه على املاكها) بس
انا : مش بقولك انك شاطره بتعرضي فكره على مستثمر بطريقه ممتازه و الفكره قائمه على املاكك اللي عايزه ترجعيها صح
رودي : (ابتسمت بخوف) انا شكلي اتعديت حدودي بعد اذنك (قامت)
انا : ١٠٠
رودي : افندم
انا : ١٠٠ مطعم فرنشايز كبير و دولي مش محلي على مستوي العالم يكون تحت اداره شركتك و تحت اسم باستا مطاعم و منتجعات سياحيه (شورت بأيدي بحركه اتفضلي)
رودي : (قعدت بشغف)
انا : شركتك ها تتولا الاداره و انا عليا التمويل حقوق الملكيه بتاعت سامي ها نبدأ بنص العدد ٥٠ مطعم بره مصر على فكره انا معنديش مشكله اني ادعمك قدام عمك بالعكس انا معنديش مشكله بس عندي مشكله مع الطلب المقنع بمعني تطلبي تلاقي تلفي و تدوري تروحي زي مجيتي انا اوديكي البحر و. ارجعك عطشانه بلاش الطريقه دي معايا
رودي : انا اسفه
انا : و انا مش عايزك تعتذري ها يا ستي عايزه تطلبي مني حاجه
رودي : ممكن تساعدني ارجع حقي من عمي
انا : بس كده اعتبريه حصل شوفتي الموضوع بسيط ازي يله روحي اقعدي مع باقي العيله علشان تتعرفي عليهم اكتر يله
قامت رودي و نظرتها ليا مكنتش محدده هل هيا كرهه وله حب وله احترام وله رهبه رودي يا عزيزي بنسبه لي علي شخصيه لزم يتعامل معاها بحذر شديد ايوه حذر شديد الانه لو فكر يعورها ها تعوره رودي مش بنت هبله وله ضعيفه بالعكس سياسيه لي ابعد الحدود و ذكيه لي ابعد الحدود شخصيه مثيره لي الاهتمام الاسلوب بتعها ذكي تكاد تكون اذكي من صحبنا علي الان ببساطه علي تاجر شاطر و ده عن دراسه دعونا لا ننكر ذلك درس و اتعلم و فهم و طبعا ربنا مديه ملكه قرائه السوق و التوقع ليه و كمان سندي برده لكن الاكيد ان رودي تفوق الكل لسبب بسيط خالص البنت دي من صغرها في عالم البزنس مش بس بنت مدللة او مرفه لا ذكيه زي ما بنقول كده ببلدي شربه الصنعه من صغرها و ده سبب قوتها علي وافق على فكرتها و هيا اساسا عايزه تعمل الشغل على شكل عالمي بس لما تعرف على بليونير المشروع الصغير هو بيشوفه بعينه الكبيره و ساعتها بيحط اقتراحه لي تكبير الشغل اصل سلسله مطاعم على مستوي مصر بالنسبه لينا احنا ها يتكون فين مثلا نقول عشره في القاهره متوزعين و كمان قول الاقصر و اسوان نفس العدد الانهم بلاد اثاريه و حضاريه و سياحيه و قول مثلا خمسه في الغردقه و زيهم في شرم الشيخ و زيهم برده في الساحل الشمالي طيب العائد من كل ده ايه قول مثلا ٩٠٪ و دي نسبه ممتازه جدا بس بالنسبه لي شخص بليونير لا دي حاجه تفهه خالص هو عايز نسبه المكسب ٤٠٠٪ و ده الفرق بين الشخص العادي و الشخص الغني العادي عايز المتاح لكن الغني و الغنا هنا فئات و كل فئة تختلف عن التانيه دول عايزين ايه دول عايزين الغير متاح اللمت العادي مش بيقبله بفكره الحد الاقصي لي الثوره علشان كده بيفضله اغنياء اتعود يا عزيزي متحطش لي نفسك حدود يعني متقولش انا عايز ابني بيت او اشتري شقه لا فكر ازي تشتري العماره او بني اكتر من بيت ايوه انا متفق معاك ممكن تبقي امكانياتك محدود ده مش عيب بس الطموح العالي يخيلك تشتغل علشان تمتلك الوسيله و لما تمتلك الوسيله و تنفذ الغايه بلاش تقف و تقول كفايه مفيش حاجه اسمها كفايه الثروه لو مش بتزيد بتقل و لو قتلت و انتا مش مركز خلاص عليك السلام فلست يا معلم
قومت دخلت الاسطبل بصيت على الخيل و طلعت دخلت لي بوكسات بتاعت جيسي و حورس لقيت جسي بطنها كبيره بصيت لي حورس و ضحكت
طلعت بره قعدت شويه و بعت لي سندي تطلع لحمه مفرومه تتبلها علشان ها نشوي بليل
رجع سامي من بره و معاه محمود و مروه كانه في المطعم عنده مع سامر و علي كان مريح في اوضته صحي و نزل و اتجمنا كلنا في الجنينه طلع مروان الشوايه و الفحم و ولع عليهم
و لقيت مالك داخل عليا
مالك : امسك بقي اتصرف في ده
انا : ايه ده
مالك : ده بلكي من كلاب الحرس عايزن يا نبيعه يا نوديه مركز التدريب
انا : بس بلكي من انشط كلاب الحراسه بتعتنا
مالك : نشيط و ذكي و كل حاجه بس جبان ده لما الضرب اشتغل طلع يجري استخبا
انا : احلف
مالك : و الله و اقوله جو روح اتحرك امشي لا استخبة من الضرب
انا : هههههه طب سيبه و انا هتصرف معاه
مالك : ياعم بيعه. و نجيب غيره
انا : ابيع مين انتا عارف الكلب من دول مكلفني كام تدريب كتير امشي يا مالك امشي و حيات عيالك امشي
مالك : انا ماشي
مشي مالك و ساب بلكي و انا قعدت و مسكته
انا : يعني ينفع كده بتجري من ضرب النار (قعد يهوهو جامد) و حيات امك جي تهوهو دلوقتي (نام في الارض و قعد يتمرمغ عايزني اللعب معاه) لا و حيات امك ما يحصل ابدا و اقعد عدل
قعد. يهوهو و فتحنا نقاش حضاري مع الاخ بلكي تمام مفاده انه عايز يتجوز خلاص نجوزه يعني هيا جت عليه و. كلهم ورايا مش فهمين اي حاجه في اي حاجه
فريده : يا بابا حرام بقي عمال ترط معاه ليه انتا فهمه
انا : ايوه و هو كمان فهمني
فريده : و ربنا المعبود ها تطلع مخاوي في الاخر و احنا مش عرفين
انا : طيب
سمر : بس حلو اوي بلكي احسن من حورس
انا : هو في زي حورس بس انا لحظت حاجه غريبه اوي لما كنت عنده من شويه
مروان : ماله حورس
انا : قاعد في البوكس مع جسي و جسي بطنها كبيره
نوال : اسكوت هو انا مقلتلكش
انا : لا مقولتيش
نوال : مهو حورس نقل اقامته معاها في البوكس بقت المدام بقي و كده
انا : اه طيب ربنا يهني سعيد بسعيده عبال اللي في بالي الاربعه يا رب
سلوي : مين دول
انا : هو في غيرهم او فاضل غيرهم محمود و مروان و كارما و فريده
فريده : طلع فريده من حساباتك انا لما اللقي اللي امه دعت عليه في ساعه استجابه ابقي اتجوز اطمن
انا : شكلك ها تطلعي عيني دنيا و اخره طيب محمود ايه مفيش حاجه كده حاجه كده اي حاجه
محمود : والله يا جدي في
انا : و حيات امك احلف مين عرفتها منين قولي
محمود : عرفتها منين دي قصه لوحدها احكيلك عليها بعدين و هيا مين برده قصه لوحدها احكيلك عليها بعدين
سامي : خلاص يبقي اتجوز بعدين
انا : ههههههه
سامي : ايه اللي كل شويه بعدين بعدين دي
علي : ياض انطق مين دي
محمود : بعدين بعدين
انا : علي مروان هاته الواد ده جنبي هنا
محمود : اللي يحصلني يكسرني
طلع يجري و قام علي و مروان جريه وراه و بعدها مسكوه شالوه هيله هوبه و حطوه بيني و بين سندي
محمود : و ربنا لو مديته ايدكم لا اعيط و الم عليكم الدنيا اقول خطفني انا بقولكم اهو انا مجنون. و اعملها
سندي : هعد لحد خمسه يا تعترف يا اتعامل معاك زي مكنت بعمل في سيف و هو صغير
محمود : كانت بتعمل فيك ايه الوليه دي انا عرفها مفتريه
سيف : يابني دي زكرايات و راحت لي حالها قضيت طفوله صعبه الصراحه كانت بتاخد مني الشبسي
سندي : (برقت لي سيف) ولد
سيف : ايه مكنش بيحصل
محمود :لا بجد انتي كنتي ام ازي يا تيته
سندي : بالبركه يابني والله على الله حكايتي خالص
سيف : كان بابا يرجع من الشغل و في ايده كيسين و الاتنين فيهم شبسي و ببسي و شكولاته و اندومي واحد ليا و واحد لي ماما
سندي : كده ماشي يا سيف
سلوي : ههههههه عيله اوي
سندي : بلاش انتي ها بلاش لحسن احكي و فضيحك معايا اقولهم على أكل مروان.
سلوي : بس بس اوعي
سمر : ايوه فكراها دي ههههه ايوه هههههه
انا : لا ثواني ايه موضوع اكل مروان ده
سندي : مروان يا سيدي كان نازل مسلوع غير كارما كانت تختوخه كده و مكلبظه هو نزل مسلوع خالص و الدكتوره وصت بنوع سيريلك كده مخطوط بيتجاب من بره و سعره غالي جدا بعد اول ثلاث اشهر الواد لسه مسلوع طب ايه اتاري الاستاذه سلوي كانت تعمل الطبق و هو ميرضاش ياكله تأكله هيا و ايه بقي الواد في الشهر بيضرب عشر علب يعني في اليوم علبه ياكل منها ثلاث مرات و سلوي تخنت جدا و الموضوع غريب و انا بدفع لحد ما اتنحل وبري لحد ما قفشتها بقي هههههه طلعت اجري وراها لحد ما خست اللي تخنته هههه
انا : ههههههه ايوه فاكر الفتره كانت مقلوزه كده و كرفي بطايه بلدي
سامي : (جنب مروان من نحيه) احم اللحق امك بتتعاكس
مروان : عامل نفسي مش داري
انا : بس احلوت لما تخنت
سامي : لا اللحق بقي لحسن شكلك بقي واحش اوي
مروان : ايه يا بابا اهدا شويه
انا : يابني دي مراتي هو انا شاقطها
مروان : ايوه صح دي مراتك ايوه
سلوي : فاكر يا علي ليليان لما كنت واقفه معاك في المطبخ عملت ايه
انا : اههههه فاكر كانت عايزه تبلغ عني ههههه فين و فين لما اقتنعت ان والله احنا متجوزين هههه كله كوم و عثمان اخو سامي كوم تاني فكره الخناقه يا غرام
غرام : ايوه فكراها
سامي : خناقه ايه دي
انا : مفيش انا روحت زياره عندكم لي البيت القديم كنت في اللفه رايح اطمن عليك عادي و هو كان مسافر الوقت اتأخر و بيت هناك عادي و صحيت الصبح اخدت دش دخلت الحمام ملقتش مايه يا غرام المايه قاطعه تقولي لا ده الحمام ده بايظ ادخل الماستر دخلت اخدت دش و طلعت و انا لبس الروب و حاطت الفوطه علي دماغي
سندي : ههههه انتا لسه فيك الخصله دي
انا :معرفش انا اطلع كده المهم طلعت و اللقي مسدس في دماغي و عثمان بيقول بقي حرامي و بجح بتاخد دش في البيت ياخي ده انا هوريك الويل هديته و عرف انه انا
فريده : بس كده خلاص خلصت الحكايه
غرام : دي ابتدت انا طلعت من الاوضه علي صوت دوشه قولت بس علي طلع عده الصيانه و ها ينزل علي البيت يخربه قصدي يصلحه هههه اللقي الصاله مدمره التلفزيون في الارض و التربيزه متكسره و التبلوهات و فاظات و قزاز الجنينه متكسر و الاتنين وشهم. وارم
سامي : ليه ده كله
انا : مفيش اتعصبت عليه و صوتي بقي عالي بعد ما لبست حضرتك صحيت هو ازي و ازي تصحي سامي كلمه من هنا علي كلمه من هنا مدينا ايدنا علي بعض ضربني ضربته شتمني شتمته و عينك ما تشوف إلا النور الله يمسيك بالخير يا عثمان انتا و ليليان
سمر : ههههه ده انته عيله هربانه منها بجد
اميره : ههههه عندك حق يا عالم يا مجانين
محمود : اقوم اشوف الحووشي
انا : مروان بص على الحووشي اقعد يا محمود
محمود : (قعد جنبي و هو متوتر شويه)
انا : (ولعت سجاره و بصيت بعيد عنه في اتجاه سامي غمزت ليه)
سامي : (فهمني انا قاصد ايه و كح بس فجأة)
محمود : (اتفزع)
انا : محمود
محمود : و ربنا ها عترف انا اللي اخدت علبه سجايرك بليل كنت مقريف و عديت على مروان قالي معيش اخدنا علبتك و قسمنها على بعض
انا : (مسكته من قفاه و كرمشت وشي)
محمود : (مخضوص و من تبرقتي) ايه ها تف وله ايه قول عادي متتكسفش
انا : مين اللي عايز تتجوزها
محمود : طيب تصلي علي النبي
انا : عليه افضل الصلاه و السلام
محمود : انا هعترف من غير اي تعذيب
انا : اعترف
محمود : بص هيا بنت اتعرف عليها في شارع السوق بنت ماسكه محلات جدها و بياخده مني بضاعه و الصراحه البنت طلعه من. عيني ادب و اخلاق و تربيه اصل و فصل كمان ابوها قاضي بس هيا تربيه جدها يبقي جدها الحج عباس الغربلي اكبر تاجر جمله في شارع السوق و اسمها بالكامل منال ادهم عباس الغربلي
انا : عباس الغربلي
محمود : والله هيا دي الحكايه كلها
انا : قوم بص على الحووشي علشان لو اتحرق ها حطك علي الجرل يله
محمود : حاضر (قام جري)
انا : اعترف
علي : لا لا يا حج اسلوبك في الاستجواب تطور خالص (حط ايده علي قفه) جدا
انا : هو اللي خرع انتا كان الطلوع منك بمعلومه من الكبائر
علي : مش اسرار اخواتي
انا : جدع ابقي اسأل بقي عن اهل البنت دي لو كويسين نبعت ليهم اهو نجوزه و نخلصه منه ممكن نعمل فرحه مع اخته و خلاص بالمره وله انتا ايه رأيك يا سيف نعمل فرحهم مع بعض وله كل واحد فيهم لي وحده
سيف : يا ريت الواحد يخلص من الاتنين في يوم واحد و خلاص (جاله تلفون و رد عليه) الو..... تمام.... مفيش مشكله خالص..... تمام يا عم الحج بكره نتقابل هناك و اسلمك المفتاح..... يا حج مفيش الكلام ده انا لو مش واثق فيك مكنتش اديتك الشغلانه من بابها.... انا فاهم بس برده انتا على العين و الراس و شغلك يحكي عنك.... تمام ماشي.... اتفضل (قفل معاه)
سمر : مين ده
سيف : ده واحد جيبه علشان يرمم مدفن ابويا و امي الله يرحمهم عايز يتبني من اول و جديد
سمر : و ليه الفال ده بقي
سيف : برده يا سمر ده مش فال دي حسبه لي الزمن
انا : اقفل علي السيره دي مش بحبها
سيف : خلاص يا حج وله تزعل نفسك
اميره : بقولك ايه يا علي اوعا تنسه معادنا بكره
علي : حاضر
اميره : مش هاقعد اعتذر كتير عن المعاد ده
علي : حاضر والله بس انا مش فاهم ايه سببه يعني متروحي انتي
انا : في ايه انته كمان
علي : مش عارف اميره عايزه تدخل يوسف الحضانه السنه الجايه قال ايه لزم اكون معاها
اميره : ايوه لزم و علشان نملي الابلكيشن
انا : ابلكيشن ايه
اميره : طلب التقديم و لزم الاب يكون موجود
انا : متدخليه الحضانه بتعتنا احسن
سندي : على الاقل انضف
اميره : مهي بتعتكم بس لزم علي يكون موجود
انا : طيب و مش عايز تروح ليه
علي : عادي مش فاضي بكره عندنا شغل كتير
انا : ملكش دعوه بالشغل انا هتصرف روح انتا معادك و نبقي نشوف محمود عايزن ناكل
محمود : حاضر يا جدي شويه بي يقرمش
انا : (كلمت سمر) لو حرقه انا مضمنش رد فعل بلكي ده قاعد جنب الشوايه و بصي ها يموت على حته
سمر : انا عندي حقن فوق بتاعت عض الكلاب اطمن
انا : طيب
خمس دقايق و الاكل خلص و قعدنا ناكل مع بعض و بعدها كل واحد طلع اوضه نومه علشان ينام
و انا صحيت بدري قبل الكل لبست و نزلت علشان اخلص مشكله رودي و هما صحيه و قعده يفطره و راح علي مع اميره لي الحضانه
دخل اوضه العلاقات العامه و جت السكرتيره
سكرتيره : مدام اميره حضرتك اخرتي معاد الاجتماع فتره طويله جدا و اكتر من مره و ده يدي انطباع سيء جدا عن وضع الاسره لعدم احترامها المواعيد
اميره : سوري بس علي جوزي دايماً مش فاضي الشغل و كده و احنا وفقنا المعاد ده بصعوبه
سكرتيره : اوكي (كتبت حاجه في الورقه عندها) مدام اميره حضرتك خريجه ايه
اميره : هندسه الجامعه الامريكية
سكرتيره : واو تمام مستر علي ممكن اعرف مؤهلك التعليمي ايه
علي : مؤهلي انا
سكرتيره : طبعاً
علي : ممكن اعرف ليه
سكرتيره : علشان اعرف مستوي العائله التعليمي و هل البيئه المحيطه بالطفل عندها القدره لي استعاب منهجه
علي : منهجه ايه دي حضانه
سكرتيره : احنا بنأهل الطفل لي المستقبل يا فندم
علي : ماشي انا مهندس و دكتور سابق في الجامعه الامريكيه قسم هندسه
سكرتيره : رائع ولد حضرتك ممكن اعرف مؤهله هو و الولده
علي : (بيفرك في وشه بديق) ولدي انا
سكرتيره : طبعا والد حضرتك
علي : طيب ولدي انا خريج الجامعه الامريكيه كان بيدرس بزنس و ولدتي كذلك
سكرتيره : هل حضرتك عندك اخوات و عددهم كم و مواهلتهم بس دي هطلبها من حضرتكم الزياره الجايه تجيبه شهادات
علي : ايوه سبعه
سكرتيره : مدام اميره حضرتك موظفه او مرأه عامله
اميره : لا
سكرتيره : و حضرتك يا مستر علي دكتور سابق ممكن اعرف وظيفه حضرتك دلوقتي
علي : رجل اعمال
سكرتيره : المجال ايه
علي : (خلاص ها يفرقع) المجال تجاره حره
سكرتيره : طيب هحتاج من حضرتك تفتح حساب في البنك و تحط فيه مبلغ ٣٠٠ الف تحت التلفيات لي حساب المدرسه
علي : هو احنا لسه كسرنا حاجه
سكرتيره : احتياطي يا فندم و كمان حساب تاني فيه مصاريف السنه مقدم و كشف حساب مفصل و كمان ها يكون في زياره لي الاخصائي الاجتماعي لي بيت حضرتك ها يقضي معاكم اليوم علشان يقيم الاسره
علي : (اتعصب جدا اسلوب السكرتيره يدايق)
اميره : (مسكت ايده) انتي مش عرفنا وله ايه
سكرتيره : اللاسف يا فندم مش بنعمل اي اعتبارات في الامور المادية نهائي حق المدرسه قبل اي حاجه و كمان دي ورقه السبلايز
علي : (اخد الورقه و بص فيها الاعداد و الأسعار المكتوبه) يا نهار اسود ده انا اخدت دكتوره في انجلترا مدفعتش المبلغ ده ايه الجنان ده
سكرتيره : انا بطلب من حضرتك توطي صوتك احنا في مكان محترم
علي : يعني المكان محترم و طلباته محترمه ازي دي مش طلبات طبيعيه ابدا ده كله علشان ادخل ابني حضانه ليه
سكرتيره : دي تعليمات الاداره
علي : على نفسها اطلبي مدير المخروبه دي يجي حالاً
سكرتيره : ممكن حضرتك تهدا و بلاش صوت عالي علشان ممكن اطلب الامن و لو حضرتك شايف طلباتنا مبالغ فيها خلاص ممكن تدخله ابنكم المدرسه الخاصه و لو طلباتهم مبالغ فيها في المدرسه الخيريه
علي : خيريه دي تبقي امك فين المديره
في الوقت ده كانت روان بتمر و راحت على الصوت لقت علي و اميره و يوسف
روان : ايه ده علي بتعمل ايه
علي : ايه ده انا عايز حد يرد عليا ايه ده انا علشان ادخل البتاع ده المدرسه حضانه ادفع نص مليون جنيه ليه
روان : طيب اهدا طيب
سكرتيره : روان هانم انا رشحت لي الاستاذ علي حلول تانيه المدرسه الخاصه و كمان الخيريه مش عرفه حضرته اتعصب ليه
روان : ثواني بس اصبري (كلمت علي بصوت واطي) انتا مقدم بأسمك الكامل
علي : انا لا مقدم وله نيله دي اميره هيا اللي مقدمه
اميره : لا انا قدمت بأسمي و اسم علي عادي
روان : طب تمام بس اصبر بس
علي : اصبر ايه انا مش دافع المبلغ ده لو انطبقت السما على الارض ليه ها يطلع احمد زويل روان عندك الملف اهو خلصي القصه دي انا عندي شغل عايز اشوف اكل عيشي ده انا مدخلتش حضانه علشان ادخله حضانه الشبر و يقطع ده
سكرتيره : على فكره من غير ما نبعت اخصائي اجتماعي من الواضح أن حضرتك غير مؤهل نفسياً
علي : (لف كان ها يشتمها)
روان : (حطت ايدها على بوقه) ايه ها تعمل عقلك بقلها وله ايه لا اهدا خلاص انا ها تصرف خلاص اتكل انتا
طلع علي و دمه محروق كميه الطلبات اللي مطلوبه منه علشان يدخل ابنه مدرسه إنترناشيونال كبيره غير كده ايوه مكانته الاجتماعيه و الماديه تسمح ليه بكده بس زي ما انا قولت قبل كده العيال دي مش لقيه فلوسها في الشارع علي بيطلع عمليات تسليم السلاح و مروان برده يعني مش تعبانين و شقيانين في الفلوس بس لا دي فيها دمهم حرفياً
سكرتيره : مدام اميره اتفضلي ملف ابن حضرتك
اميره : في ايه يا انسه براحه شويه
سكرتيره : دي لوائح و قوانين مينفعش نخالفها و البيئه اللي حضرتكم منها من الواضح انها غير مؤهله
اميره : انتي بتتكلمي كده ازي انتي عرفه اللي كان قاعد قدامك ده يبقي مين علي علي الصمدي ابن صاحب المدرسه دي و الجامعه كمان بيئه ايه اللي بتتكلمي عنها لما تعرفي تتكلمي كويس ابقي اتعيني روان بعد اذنك البنت دي تمشي تتنقل تروح اي حته لكن مش عايزه اجي بكره اعمل الانترفيو اشوفها
طلعت اميره و هيا متعصبه
روان : كده مش قولنا منضغطش على الاهالي
سكرتيره : والله يا فندم انا لو اعرف هو مين مكنتش عملت كده يا ربي ده لسه اول يوم شغل
روان : نصيبك بقي على فكره انتي اتنقلتي لي العلاقات العامه بس بتاعت المدرسه الخاصه اتفضلي
سابتها روان و طلعت مكتبها طلعت تلفونها و كلمت قمر
روان : الو
قمر : الو يا روان خير
روان : عايزه اشوفك النهارده
قمر : النهارده صعب
روان : خلاص نتقابل بكره الساعه سبعه في كافيه
قمر : تمام يا حببتي نتقابل بكره
روان : يله اسفه اني عطلتك سلام
قمر : سلام
قفلت مع قمر و قامت تمشي علشان تروح تقابلها المعاد مكنش اكتر من تمويه
في مشهد اخر
محمود راكب عربيه صندوق مقفوله بتاعت الشغل و هو اللي سايق و راح عند وكاله الغرابلي ركن و نزل دخل الوكاله
محمود : السلام عليكم
عباس : و عليكم السلام يا استاذ محمود يا اهلا سهلا منور الوكاله
محمود : منوره بيك يا حج
عباس : اتفضل اقعد
محمود : (قعد) يزيد فضلك
عباس : ها قولي جبت البضاعه
محمود : ايوه على العربيه بره خلي حد من الرجاله يفتح الصندوق
عباس : و السعر
محمود : (طلع الفاتوره و ادها ليه) اتفضل
عباس : نفسي اعرف جبتها ازي بنفس السعر ده انا السعر ده كنت بجيب به الياميش من خمس سنين فاتت
محمود : دي طرقتي يا حج و بعدين انا مش باخد طلبيه وله اتنين من المصانع انا بدخل اخد خط انتاج بيطلع عليا بسعر معقول
عباس : ماشي يا استاذ محمود على ما تشرب قهوتك يكون الشباب نزله البضاعه
محمود : يدوم الواجب
عباس : يا منال
منال : (دخلت) ايوه يا جدي
عباس : حضري ١٢٠ الف لي الاستاذ محمود و شوفي في حسابه القديم ايه
منال : استاذ محمود ليه عندنا ٥٣ الف جنيه
عباس : طيب حضري المبلغ و كمان وصل الاستلام و قيديها
منال : ماشي يا حج بعد اذنكم
عباس : (طلب القهوه لي محمود) بس قولي يا استاذ محمود انتا منين
محمود : من القاهره هنا
عباس : اصل فجأة لقناك قدامنا كده يعني لمؤاخذه لا ليك في السوق وله في الشغل سامحني بس انتا جيت مين و لا جي و شايل شغل مصانع تقيله جدا
محمود : مفيش يا حج و بعدين يعني انا وقفت مره واحده ما اتمرمط في الاول بس الشهاده لله حضرتك من احسن التجار اللي تعاملت معاهم حقاني و معادك معاد
عباس : اهو النظام ده اللي حطته منال حفيدتي الصراحه من غيرها الوكاله دي مكنتش ها تقف على رجلها ابدا
محمود : ربنا يخليها ليك
عباس : خلاص قفلت برده مش عايز تقول انتا منين و ايه حكايتك
محمود : و مقولش ليه اصلها مش سر يعني بس انا بحب اعتمد على نفسي مش علي اسمي
عباس : ده في الاول لكن انتا دلوقتي معروف مفيش مانع ان احنا نعرف اسمك يا سيدي
محمود : ( لقه مصمم و مش ها يعرف يفلفص منه) طيب انا اسمي محمود سيف محمود العمري من عيله العمري
عباس : انعم و اكرم اهل اصول يا سيدي نشفت رقنا ههه
منال : (خبطت و دخلت)
عباس : اتعالي يا استاذه منال
منال : استاذ محمود يعد فلوسه و يمضي الوصل (حطت الفلوس قدامه)
محمود : (بص لي الفلوس و مسكها رزمه رزمه فنطها و طلع منها رمزمتين) دول نقصين
منال : بس انتا معدتش
محمود : عديهم انتي بس هما نقصين
منال : (مسكت الرزمه عدتها لقتها نقصه الف و التانيه نقصه الف و نص) عنده حق دول نقصين الفين و نص
عباس : احنا اسفين يا استاذ محمود دي مجرد غلطه في العد مش اكتر
محمود : يا حج عباس انا عارف انها غلطه صغيره انا عمري مستلمت فلوس نقصه منكم او زايده مفيش مشكله يا استاذ عدلي الوصل و قيديهم على القديم كده يبقي ليا ٥٥ و ٥٠٠
منال : تمام يا استاذ محمود اتفضل امضي
محمود : (اخد الوصل مضاه و قفل كيس الفلوس) حج عباس في رز جي ليا كمان يومين
عباس : كم. طن
محمود : ٥٠ طن
عباس : (بص لي منال)
منال : مفيش مشكله. يا استاذ محمود عديهم علينا
محمود : تمام سلام عليكم
عباس : و عليكم السلام ورحمة الله وبركاته شرفت يا استاذ محمود
طلع محمود ركب عربيه الشغل و مشي و دخل عليه شاب اسمه كمال يبقي حفيده و ابن عم منال
كمال : صباح الخير يا جدي
عباس : صباح النور يا سي كمال
كمال : مالك يا جدي
عباس : امبارح بنت عمك استأذنت و مشيت بدري علشان عندها محاضرات و انتا قعدت مكنها و الخزنه مكنش فيها غير ١٢٠ الف ازي نقصه ٢٥٠٠ جنيه
كمال : يا جدي امبارح مكنش معايا فلوس و عربيتي قربت تشطب بنزيم اخدتهم علشان امول
منال : تاني مره لما تاخد فلوس من الخزنه تبلغ بيها مش تكسفنا قدام الناس دي فلوس شغل مش فلوس لعب
كمال : انتي بتتكلمي كده ليه
عباس : حقها هيا عندها حق و بعدين عايز ايه
كمال : عايز فلوس
عباس : ليه مش لسه واخد امبارح من ورانا
كمال : هو انا سرقت انا نسيت بس
عباس : طب يا اخويا خد (طلع من جيبه فلوس)
كمال : (اخد الفلوس و ماشي)
عباس : مش تبقي تنزل تشوف الشغل وله ايه
كمال : بعدين بعدين
مشي كمال
منال : انا اسفه يا جدي بس حضرتك مدلعه اوي
عباس : اعمل ايه من وقت ما ابوه هج و سافر رمه هو و امه عليا و عمك خلع لبست فيه و هو ابن امه (بص لي منال) اما انتي فبنت ابوكي
منال : تسلم يا جدي
عباس : بس تاني مره لما تستلمي او تسلمي الخزنه تسلمي و تستلمي عدد
منال : مانا بعمل كده يا جدي بس امبارح كنت مستعجله اوي
عباس : ماشي يا ستي (سكت و سرح)
منال : سرحت في ايه يا جدي
عباس : في الراجل اللي اسمه محمود ده اموت و اعرف وقع علينا منين اسطول عربيات شغل اخر مديل مخزن كبير اربع ادوار مساحه ٥٠٠ متر بحالها و في حته ممتازه جايب بضاعه بأسعار السوق كله قال انها خلاص من المستحيل ان احنا نلقي بيها تاني اموت اعرف جايب كل ده منين
منال : هو اسمه ايه
عباس : محمود سيف محمود العمري عيله العمري كبيره و ناس محترمه بس الشغل اللي هو بيعمله محتاج مبلغ ضخم جدا علشان بس تدخل على مصنع و تقوله هاخد. خط انتاج كامل دي اقل حاجه تدخل بمليون جنيه
منال : محمود سيف العمري ثواني (طلعت تلفونها و فتحت الفيس بوك كتبت اسمه بالعربي مجاش كتبت اسمه بالانجليزي اتفتح ليها الصفحه بتعته) ليه اكونت فيس بوك
عباس : و ايه دخله ده بكلامنا
منال : يا جدي دي صفحه الفيس بوك تجيب بيها قرار اهله بص كده منزل الصوره دي و كاتب عندها ماي جريد فملي يعني عائلي العظيمه
عباس : فاهم ياختي يعني ايه الكلام ده
منال : هههههههههه ماشي يا جدي بص كده
عباس : (بص لي الصوره و لقها صوره لي محمود مع ابوه و معايا انا) بس كده انا فهمت
منال : فهمت ايه بقي
عباس : فهمت كل ده منين
منال : منين يعني و مين دول
عباس : دول يا بنتي واحد يبقي سيف محمود العمري رجل الاعمال المشهور عنده مجموعه شريكات كبيره و التاني بقي حكايه
منال : ليه هو مين رمبو
عباس : ههههه رمبو مين ده يا ستي يبقي ملياردير علي الصمدي إمبراطور الحديد بنفسه عرفت بقي هو بيجيب كل ده منين
منال :منين بقي
عباس : من مصانع ابوه عندهم شغل في الاغذيه و مصانع الديب و مصانع الصمدي لي الاغذيه و لو مش منهم مفيش باب مصنع او شركه ها يقفل في وش الراجل ده الانه اساسا في غنا عن الشغلانه دي
منال : و لما هو جامد اوي كده نازل يتمرمط وسط السوق ليه
عباس : علشان عضمه ينشف يا بنتي انتي فكره الناس دي عملت فلوسها منين من عضمها الطري لا من الشقا و لوي دراعهم لحد ما عضمهم نشف قومي شوفي شغلك يله
منال : ماشي
أنت تقرأ
الفنجان (حرب الهيبة)
Actionلن ترا عندي إلا كل مكر و حزن و فراق فان كنت من اصحاب القلوب الضعيفه لا انصحك بالتكملة قد تكون البداية بسيطه و لكن النهاية قاسيه كا قسوه الحياة
