دموع و دماء صرخات على قبور الاحباء لماذا جئنا و لماذا رحلنا بدون وداع و إن رحلنا هل رحلنا بالشقاء او الرخاء ام بالدماء لماذا كل هذا الدماء أمن اجل الكرامة ام من اجل البقاء و كيف من أجل البقاء و نحن رحلنا الي هناك لماذا؟؟؟؟؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بدايه الفصل
كنت قاعد مكتبي في الكيان ويخلص شويه ملفات عشان صفقتنا الاخيره وتبقي مرتبين كل ورقنا لكن فجاه لقيت الشاشه الي قدامي اشتغلت شوفت فريال وهي متكتفه و واقعه علي الارض وغاده بتحاول تحرك كرسيها لكن مش عارفه وظهر شخص تالت معاهم كان بيضحك وبيتريق عليهم وهو بيقول ان خلاص نهايتهم قربت ،اخدت سلاحي بسرعه واتحركت علي المكان الي جاي منه البث و وصلت بث الكيان بموبايلي عشان اشوف الي بيحصل ،عوني كان هيجي معايا لكني أمرته يرجع قصر الملكي ويامنه ،كنت شايف غاده وهي بتغرذ السكينه في رجله وفريال يتحاول تقوم غاده رفضت تموت وهي قاعده قامت وقفت علي رجليها ،وهو طلع مسدسه وضرب غاده بنار وبعدها اختفي وطعن فريال بخنجر
كنت مفتح عيني بصدمه اكيد دا مش حقيقي هو مموتهاش هي عائشه صح ،لللاااا مش هتموت مينفعش تموت مينفعش زودت بنزين و وصلت للمكان الي هما فيه اول ما وصلت لقيت نوح ماسك غاده و حاططها علي رجله وبيصرخ محستش بنفسي غير وانفجار طاقه ضخم جدا طاقه نار مخيفه في موقع الحادث
سيف الملكي : فريال يا ولاد الكاااااااااالب
سقط سيف مغشي عليه
قام نوخ بخلع الجاكت الخاصه به لي ستر جثه غاده و غطا جثه فريال بشال غاده جيداً واستفاق سيف من إغمائته الصغيره
نوح : (انتبه لي سيف الملكي و اتكلم بكل ضعف) معرفتش اوصل بدري يا سيف حاولت اوصل بدري بس والله معرفتش
في لحظه المكان اتملا ستات كتير جدا لبسين زي القوات الخاصة و معاهم نور
اول ما نور شافت الجثث عنيها وسعت من الصدمة و الدموع نزلت و سمعت صوت واحده في ودنها و هيا بتقول (جري ايه يا روح امك ها تعيطي وله ايه لا فوقي احنا لسه قدامنا كتير احنا جبال و الجبال ما يهزها الريح) و صوت تاني بيقول (بقولك ايه احنا كده كدة بنلعب في لعبه موت فا ميتين يعني ميتين بس يوم ما نموت لزم يبقي في ورانا شخص يلم الكل حوليه من تاني علشان يقفه على رجلهم) و كانت الجملتين لي اعز اتنين على قلبها (غاده و فريال)
وقفت على رجلها و كلمت البنات
نور : (مسحت دموعها) بنات لقد سقطت السلطانه كرموها
طلعه قماش ابيض من كل واحده منهم قماش كفن و حطوه عليهم و رفعوهم من الأرض قدام سيف و نوح و الاتنين في اوج غضبهم
نور : (وقفت قدام الاتنين في وشهم) غضبكم كبير شيفاه و حساه بس اوعه تنسه اللي لزم يحصل يتغسله و يدفنه نستر موتانا و بعدها ناخد الطار يا ولاد السلطانه قدامي علشان تبلغه اهلكم
صمت من الخوف و المواجهة تبليغ خبر زي ده مش حاجه سهله يا عزيزي خالص انتا ها تدمر الدنيا كميه الغضب اللي ها تطلع بعد موت الاتنين ها يدمر اي حاجه و كل حاجه غضب كفيل يمسح دول بل عالم اجمع
في قصر الملكي
(كتابه احمد خيري)
دخل القصر كان بقدم رجل واخر رجل بس لازم يدخل
عوني : مالك يا سيف انت كويس
بص له و مردش كان تايهه مش عارف يروح فين أو يعمل ايه بص ورايه لقا العربيه الي فيها فريال دمعه نزلت من عينه مسحها بسرعه ولسه باصص علي العربيه فاق علي ايد صغيره مسكت ايده كانت عبير بنت حسناء اول بنات نور واول لاحفاد لبناتك يا فريال
عبير : جدو سيف جدو سيف
بص ليها ونزل اخدها في حضنه وهي قلقانه
عبير: انت بتعيط ليه يا جدو مين زعلك
سيف الملكي : الكل وصل يا عبير
عبير : ايوه
سيف الملكي : طب ادخلي جوه يا حبيبتي و خدي كل الاولاد و العبوا فوق في اوضه الالعاب الكبيره ومتخليش حد ينزل
عبير: ليه يا جدو
سيف الملكي: اسمعي الكلام يا حبيبي يلا
عبير : حاضر
مشيت عبير وهو لسه واقف مكانه و بيحاول يتماسك و حس بالحرقه في قلبه و ظهر طيف دايره على صدره و شراره شعله صغيره بس اتكتمت
عوني: مالك يا سيف وايه العربيه ديه
سيف الملكي :شد الحرس يا عوني عشان عندنا دم بعد ما ندفن
عوني : دم مين
سيف الملكي : دم امي الي ربتني
عوني فتح عيونه بصدمه وبص علي العربيه ورجع بص ليه و سيف سابه ودخل القصر و البنات نزلوا وهما شايلين فريال ومغطينها
سيف الملكي: طلعوها اوضتها لحد ما نبدء الغسل
البنات طلعت فوق مكان ما قول و خرج الجنينه الخلفيه والكل متجمع كانتي عايزه تجمع كل حبايبها انهارده عشان تقعد معاكم شكلها كانت حاسه الكل طبعا بصل ليه باستغراب لان اكيد عبير قالت ليهم امل جريت عليا
امل : مالك يا سيف
سيف الملكي : (بجمود) ماتت يا امل
الكل بص ليه بخوف من أنه يسمع اسم الي مات
عبدالرحمن : مين الي ماتت يا سيف اتكلم
سيف الملكي : جدتي يا بابا
الكل فضلوا واقفين مبلمين مش مصدقين الي قاله سيف
قمر : يخرب بيت هزارك يا سيف مش قولنا نبطل الهزار ده
بص ليهم بجمود و هما بصين ليه منتظرين انه يأكد فكره انه مجرد هزار مش اكتر
دموعهم بدأت تنزل غصب عنهم لكن سكته والي بقي يصرخ ويعيط محدش قادر يستوعب الموضوع
جميل : سيف ده مستحيل يكون حقيقه تيتا عايشه مستحيل تموت مش هتسيبني هي كمان مش هتسيبني
نورا : اميييي لا مش هتيتم تاني امي مش هتروح مني تاني مش عارف اعيش من غيرها يا رب
نور : سيف ارجوك قول انك بتهزر تيتا مش هتسيبنا مش هتسيبنا ارجوك يا سيف قولي انك بتهزر
لما: خلفت بوعدها ليا هي وعدتني أنها هتفضل جنبي هي قالتلي انها مش هتسيبني زيهم وأنها بتحبني ليه سابتني ليه مسبتنيش بعيده ليه قربتني وبعد كدا بعدت عني ليه يا تيتا
الكل كان منهار و سيف واقف ماسك نفسه بالعافيه و امل حضناه وبتعيط بحرقه اغلب الي في البيت دا ايتام الام وكانت هي امهم ام لي امل لما نور محمد جميل صعب اوي الفراق مش عارف ازاي ها يقدره نكمل بعدها اعز اتنين في بيتنا راحوا
قمر : خلاص مش وقت عياط ولا نحيب خلينا نوصل الامانه لصاحبها وبعد كدا نحزن إكرام الميت دفنه يلا
الكل بص لقمر باستغراب وزهول الكل عارف قد ايه قمر كانت بتحب فريال ومستحيل دا يكون رد فعلها
قمر : قولت يلا مش هنقعد نولول اتحركوا
ومشيت قمر بثبات قدام الكل وطلعت لفوق سيف عارف الي جواها وعارف انه صعب عليها شويه وجات ست عشان الغسل و الستات طلعوا و عوني خلص كل اجرائات الدفن بس جه بلغني أن نور السوري بتقول أن فريال وصت أنها تدفن مع غاده في الفيوم في مدفن خاص بيهم ،انا معترضتش عشان عارف قد ايه صعب عليهم انهم يتفارقوا و خلصنا واتحركنا علي المدافن
في ستديل
كتابه عبدالرحمن محمد
صدمه حزن تكذيب
علي : لالا مستحيل مستحيل
سندي : (بتبكي بالدموع) اهههههه يامي اه
سلوي : الله يرحمها
علي : يرحمها ازي مستحيل غاده عايشه اكيد عايشه مستحيل تموت
سيف : (قاعد على الكرسي و قلبه واجه قوي قوي من طفولته و غاده في حياته و دلوقتي ماتت) اهههه يا غاده
علي : انته بتقوله ايه بقولكم عايشه يعني عايشه تموت ازي تموت
اميره : (قربت من علي) اهدا يا علي اهدا
علي : اهدا ايه ابعدي عني انته بتكذبه اكيد بتكذبه (بص لي سامح) انتا بتكذب يا سامح
سامح : (باصص في الارض بحزن) لا
علي : لا بتكذب اكيد قولي غاده فين انطق
سامح : جاين في الطريق
علي : (بص لي الكل) شوفته اهم جاين و ها وريكم انها عايشه و سامح بيكذب و ها قولها كل حاجه و هيا ها تعاقبكم كلكم و انته عرفين عقاب غاده كويس اوي ها تندمه ندم عمركم
سابهم و طلع قعد بره قدام بوابه القصر و باصص لي البوابه و جوه بدل الصوت الف بيكذب اشاعه موت غاده العدوي جدته و هو عنده مش شك لا يقين انها لسه عايشه
باصص لي البوابه و الامل جوه مش بيصغر لا بيكبر اكتر وصلت عربيه غاده و معاها عربيات كتير و اتفتح الباب و الرجاله راحت تشيل نقاله و علي طلع يجري عليهم مش مصدق مسكوه بصعوبه
علي : تيته يا تيته قومي يا غاده بقولك
امام : وحد الله يا علي
علي : اوعا بقولك يا تيته يا غاده قومي (بدأت تغلبه الدموع) يا تيته قومي ابوس ايدك كفايه قومي بلاش هزار اععععععع يا غاااااااده
الدنيا اسودت في عينه و اغما عليه دخلوه جوه القصر
و بعده الجثمان و انهارت الستات في الصراخ و البكاء و دخلوها اوضه و قفله عليها و قعد نوح بره مش بيتكلم بس بيبكي و من غير صوت و الكل مصدوم
امام : (كلم كل) يا جماعه انا كلمت ست علشان تيجي تغسل المرحومة اكرام الميت دفنه بعد اذنكم
طلع امام و معاه سامح و بعد دقايق دخلت نور و بنتها روان و دموع روان غزيره بس دموع ابنها بنتها اغزر على موت تيته غاده
نور : (قعدت جنب نوح) فوق يابني فوق
نوح : (باصص لي نور بتعب السنين) تعب خمسين سنه حل عليا مره واحده كانت شايله عني هم سنين
نور : ده همك و اديك شلته اسمع غاده و فريال شرين مدفن ليهم و وصيت الاتنين (مسحت دموعها) انهم يدفنه جنب بعض
نوح : امي ها تدفن في قبر ابويا
نور : مينفعش دي وصيه ميت يابني مينفعش نغير فيها حاجه وصيه الميت واجب (حطت ايدها على كتفه بحزن شديد) عرفه انك نفسك تدفن معاها بعد عمر طويل بس امك كانت عايزه حاجه تانيه هيا و فريال يدفنه في الفيوم و دي رغبه الاتنين
نوح : (هز دماغه)
وصلت الست اللي ها تغسل المرحومه و دخلت معاها سندي و سلوي و سمر و بدأ الغسل و لقه في جيب غاده مصحف صغير و نضاره و البوم كروت فيه صور ليها و لي ولادها و احفادها و اولاد احفادها و السبحه بتعتها و بس يا عزيزي (غاده كان في جيبها كل حاجه غاليه عليها في يوم و اديها ماتت و سابت في قلب كل واحد بصمه صغيره علشان تكون غاده هيا صانعه الشخصيات)
وصل الاحفاد و اولاد الاحفاد و زوجات الاولاد و الاحفاد و اولاد الاحفاد لي تشيع الجثمان وسط صدمات الكل و عدم التصديق
الفجر طلع و حضره العربيات لي نقل الجثمان لي مثواه الاخير و اتحركه على محافظه الفيوم اللي كانت في حاله استعداد كامل الشوارع مقفوله في مسار الجنازه لحد ما وصله لي منطقه مغلقه فوق تبه تطل على بحايره قارون وقفت العربيات و نزله منها و في نفس الوقت وصل الجثمان التاني نزله الخشبتين من العربيات شالوها على كتفهم و طلعه بيهم التبه و فوق كان في حوشين (الحوش ده اللي بيكون جوه المدفن) و فاروق فوق و معاه ٣٠ واحد لبسين بدل عسكريه رسميه دخله جوه الحوش و كان في عينين فتحه النعوش و طلعه الموتي مستورين و نوح شال جثمان غاده و سيف الملكي شال جثمان فريال و نزل كل واحد فيهم عين و نزله الجثث ريحيوهم على الجنب اليمين و طلع سيف الملكي و طلع نوح و قفله العيون و في قلوب مدفونه مع الموتي
فاروق : (مسح دموعه بسرعه و اتكلم بقوه من وره قلبه) حرس سلااااااح
كل اللي معاه رفعه سلاحهم في الهوا بالبنادق وضربه واحد و عشرين طلقه في الجو و سط دموع الشباب على امهاتم اللي ماته
نور : حرس سلاااح استرح
قالتها من هنا و ثلاثين راجل و شاب وقعه على الارض يبكه زي الاطفال على فراق امهاتهم اللي ربوهم و كبروهم و ادوهم فرصه في حياه نضيفه ثلاثين راجل و اكتر منهم شباب و ستات اترحمه في غدر الشارع و من قرف البشر عن طريق فرصه صغيره جدا قدمتها ليهم اتنين ستات تخيل يا عزيزي اتنين ستات كانه سبب في عدم تشرد كام طفل و كم طفله و عمله منهم ستات و رجاله عندها عزيمه و اصرار و كرامه بقدر جبال مش بس كده لا اكتر بكتير (عزيزي اللي يقولك مفيش ست تعرف تعمل راجل قوله انتا كذاب الان امثال غاده و فريال موجودين في حياتنا كتير جدا و قدرين يعمله بدل الراجل الف و بدل الست الف انهم السلطانه يا عزيزي)
مقدرتش نور تستحمل كل ده و طلعت بره الحوش و حصلتها بنتها
روان : يا ماما
نور : روان اللي باقي من عمري مش كتير و الموت ها يجي في غمضه عين و وصيتي ليكي في حياتي قبل مماتي يوم ما اموت ادفنيني هنا (شاور على الحوش التاني) فاهمه يوم ما اموت تدفنيني هنا اوعي تقولي لا
روان :. ربنا يخليكي ليا
نور : مش دايما يا بنتي مش دايما و دي وصيتي ليكي
بدأه يرجعه العربيات تاني و فضل سيف و نوح فوق كل واحد باصص لي العين بصدمه
سيف الملكي : (طلع تلفونه و كلم رقم) عايزك تبعت الرجاله من الجزيره اعلان حرب
شخص : امرك يا زعيم
سيف الملكي : (قام و وقف جنب نوح) قوم عندنا دم
نوح : (طلع تلفونه و كلم شيخ الواحه) شيخ الواحه افتح باب الجحيم على العالم كله غرقه العالم بغضب ابوكم عايز كل واحد بالغ قادر على شيل السلاح تحت ايدي عايز اغرق العالم كله بالنار
شيخ الواحه : تحت امرك يا ابويا
قفل تلفونه و حاول يقوم معرفش الدنيا جابت عليه وطيه دمرته تدمير مد سيف ايده ليه يوقفه و قام نوح ركبه و رجعه على القاهره تاني و اتجماعه في ستديل و دخلت نور عليهم في ايدها شنطه حطتها قدام الكل و فتحتها
نور : الشنطه دي فيها وصيه غاده و فريال الله يرحمهم في وصيه واحده مكتوبه مجتمعه تحمل الشق المادي لي الاتنين و بعدها كل واحده كاتب وصيه خاصه لي اهلها (فتحت الشنطه و طلعت او وصيه و كانت بتتكلم عن الشق المادي و كانت بتقول) اوصي انا غاده فاروق عبدالرحمن العدوي و انا في كامل قواي العقليه ان تأول كل ثروتي من اموال و حسابات بنكيه توضع في حساب واحد و يبنا على اساسها جمعيه خيريه ليس لها علاقه بأي تمويل خاريجي او تبرعات لي ضمان عدم تسيس المؤسسه و مرفق مع الوصيه خطه ماليه لي ضمان عدم انتهاء التمويل اولا توضع الاموال و الاصول الماليه كا وديعه طويله الامد في البنك الدولي و تأخذ الفوائد لي صالح المؤسسه و نشاطها متمثل في بناء منازل لي الفقراء فك اسر الغريمات تسير امور الأيتام و الارامل و المطلقات تزويج الفتيات الغير قادرات مؤسسه لي علاج الادمان و مؤسسه تعليميه غير ربحيه تأسس على افخم اسس التعليم المتقدم بناء مشاريع لي توظيف الفتيات و الاناث الغير عاملات و القائمين على عائلاتهم ثانين تتخذ الاصول من اراضي و عقارات خارج خان الصمدي اصل مرجعي و منفذ نفقات لي المؤسسة
ثالثاً عدم توريث اي شيء في قصر محمد الصمدي الذي تعود ملكيته لي لا يرثه حفيد او ابن حفيد بل يرثه ازواج اولادي اراملهم زوجات مصطفي و هم جيهان الصمدي و صفاء الصمدي و زوجه محمود حياه السلامي و زوجات علي و هم سندي جمال ابراهيم و سلوي عمار الديب و غرام اشكول يتم فصل منصب كبير عائله الصمدي عن حفيدي علي علي محمد راضي الصمدي و يأول لي احد اخر و يكون بختيار علي محمد راضي الصمدي و هذا بعد وفات ابني الاخير اوصي برقيب على هذه العمليه و هو نور صموئيل السوري و تسأل عليها امام الله في يوم الحساب (قفلت الورقه) دي وصيه غاده الماليه (مسكت ظرف تاني فتحته) اوصي انا فريال الملكي ان تجمد كافه اصولي الماليه و تضم مع اصول المؤسسه الخيريه و يتم ضم نسبه ٨٠٪ من اموال سائله لي رأس مال المؤسسة و يتم توزيع نسبه ٢٠٪ على اولادي يورث قصر الملكي بالشرقيه لي سيف عبدالرحمن الملكي إرث مشروط بضمان بقاء ابنائي من الاناث و يكن المنزل في خدمتهم و يورث قصر الملكي في القاهره الي قمر الملكي ولما الملكي مع شرط إبقاء المنزل مفتوح ولا يغلق ابدا بعد موتي من قبل لما الملكي و شاهد علي تنفيذ هذه الوصيه القانونيه نور صموئيل السوري و هيا خصيمي يوم الحساب
قفلت نور الوصيه
نور : ده الشق المادي خلصناه نروح لي الشق الأسري (طلعت ظرف كبير) وصيه علي و وصيه سيف و وصيه مروان وصيه كارما و لميتا و فريده و سامي و كمان نوح و وصيه هدي و لما (فتحت ظرف تاني) وصيه سيف و كريم و قمر وصيه نور و محمد و نور اخت محمد و عبدالرحمن و منتصر ولما
علي: (اخد الظرف فتحه و قراه) علي حبيبي ها توحشني يا لمض عارف و انتا صغير طلعت عيني علشان كده بقولك انك حبيبي و حفيدي و اجمل حفيد في احفادي كلهم و لما حبيت اجوزك. جوزتك لي بت تعرف تربيك من اول و جديد تأدبك شطره فريده في الموضوع ده اتمني تكون سعيد معاها بجد و اوعا تكتفي بيوسف بس ابن ليك لا خلف تاني و تالت و رابع و خامس و عاشر كمان خلي حوليك عيال و عزوه كتير يسنده بعض زي ما اخواتك سندين ضهرك و طلبي الاخير ليك يا علي رجع ابوك رجعه علشان ها يكون مدمر من بعدي و ها يحتاجكم جنبه سلام يا حفيدي العزيز
سيف : (فتح الوصيه) سيف محمود العمري كبر و اتربا في بيت الصمدي علشان يكون شاب استثنائي و انتا فعلا يا سيف حفد استثنائي انتا اول ابن لي علي محمد راضي الصمدي انا كنت فرحانه بيك فرحه يا واد لما شوفتك فرحه مش هاعرف اوصفها في جمله واد يا سيف خلي بالك من مراتك و عيالك و اخواتك انتا طيب يا واد و قلبك ابيض خلي بالك منهم انتا ابوهم و اخوهم اتمني ليك السعاده في حياتك و تفرح بولادك و طلب اخير مني ليك رجع ابوك يا سيف رجع ابوك يابني هو محتاجك اكتر من الاول دلوقتي سلام يا سيف سلام
مروان : (فتح الوصية) اه يابن الكلب مطلع عنينا طول عمرك بس احلا طلوع عين اتدلع يا واد براحتك مش عارف اقولك ايه انتا اتظلمت في موضوع صفاء فعلاً بس يا مروان مش دايما كل حاجه عايزنها ينفع ناخدها ابدا سبها يابني و ربنا ها يعوضك خير اكيد اصل اللي عند ربنا يابني مش بيخلص لا ده مالك خزائن السماء و الارض و طلب اخير ليك مني رجع ابوك يا مروان ابوك محتاجكم جنبه و سامح يابني سامح ابوك انتا اتحطيت في نفس مكانه دلوقتي و فهمت احساسه كفايه اوي كده عليك و عليه سامحه و رجعه البيت
سامي : (فتح الوصيه بتعته) سمسم الواد الصغير اللي ملحقتش اعمله اي حاجه خالص سامحني يا سامي والله كان نفسي اقعد معاك شويه بس خلاص الموت اختار و نصحتي ليك يابني خلي بالك من نفسك كويس اوي و اوعا تسيب ايد اخواتك خالص انتا مش لوحدك انتا معاك اخوات و عيله و اهل كتير اوي يقفه جنبك و يحموك و يحافظه عليك خلي بالك منهم و خلي بالك من طيبه قلبك الزياده تدمرك مش كل الناس يابني تستحق طيبه قلبك و طلبي الاول منك يا سامي ترجع ابوك تاني و خليك جنبه ابوك ها يحتاجك
لميتا : (فتحت الوصيه) ليمو القمر اجمل عازفه كمان شوفتها في حياتي احسن من ابوكي كمان انتي موهوبه بالفطره عنده طاقه و حب و جمال و صلاح نفسي يخليكي تنضفي الاسود و القلوب السوده خلي بالك من نفسك يا بنتي و من جوزك راعي بيتك دايما و اوعي تفكري تنشغلي عنهم مهما كان و مهما حل و مهما جرا مش ها يكون في احسن منهم ابدا و مهما عمل الواد الكلب اللي اسمه جميل سامحيه هو طيب و جدع و لو مد ايده عليكي اقسم برب العزه لا اطين عشته في الاخره و انتي عرفه كلمه غاده واحده و طلبي الاخير ليكي رجعي ابوكي البيت تاني
كارما : (فتحت الوصيه بتعتها) كوكو يا كوكو بنبونايه البيت و العيله و الدنيا كلها عرفه يابت انتي ليكي مكانه في قلبي كبيره اوي اوي اوي انتي حفيدتي و مكانك عندي اكبر من مكانه ابوكي نفسه مهو مفيش اعز من الولد غير ولد الولد يابت انتي الوحيده اللي ليها تأثير قوي على ابوكي علشان كده انا عايزاكي ترجعيه تاني البيت و تاخدي بالك من نفسك و من اخواتك و اوعي تسيبي ايدهم ابدا خليكي جنبهم ماشي محدش ها يحبك قدهم سلام يا بت
فريده : (فتحت الوصيه و كان مكتوب فيها جمله واحده في صيغه سؤال) من السلطانه؟؟؟؟؟؟
نوح : (فتح الوصيه) ارجع البيت
وصيه فريال لاولادها واحفادها (كتابه احمد خيري)
كريم: عامل ايه يا ابو قصه فاكر زمان لما كنا بنندهلك كدا فاكر كنت بتحب تقف قدام المرايا تتعايق لحد ما اجي اجيبك من قفاك عشان المدرسه بس اديك كبرت وبقيت راجل بس مفيش وقت للعياقه يا كريم كبرت وكبرت مسؤوليتك انت قلبك ابيض وطيب بس لازم تحافظ علي ده اوعي يا كريم تسيب نفسك لهواها تسوقك هتخسر كتير وهتبكي وتندم و مش هينفع الندم وقتها اصحي يا كريم وخليك في ضهر اخوك لانه محتاجك
جميل : الفيروز الجميل تعرف اني كنت دائما مسمساك كدا هليت علينا باسعد ايام يا جميل ابوك كان مخبي جوهره عننا كان غبي بس انت جيت دخلت علي قلوبنا السعاده والسرور بس عيبك انك الود اوي ياض بتحب تقلد سيف وعايز تشبه في كل حاجه بس لازم تفهم يا جميل أن انت حاجه وسيف حاجه سيف ورا بلاوي ربنا يعينه عليها وأنت ليك حياه بعيده عن كل دا لاقي نفسك يا جميل وحبها وحي مراتك ودلعها اوعي تكسفنا ياض غاده تعلقك وانا وراها خد بالك من نفسك ومن اخواتك
قمر : (كانت تحمل كلمتين في صيغه سؤال بسيط) مين الكونتيسا ؟!!
لما : عارفه انك هتزعلي وعارفه اني خلفت بوعدي ليكي بس ولله غصب عني يا نور عيني ربك لما بامر محدش يقدر يعصاه و هو اهدنا لمكان احسن عايزاكي تخدي بالك من نفسك ومن اخواتك ولله اخواتك يا لما انتي مش لوحدك وعمرك ما كنتي ولا هتكوني وحبي واتحبي واتجوزي وخلفي عايزه لما تجيلي بعد عمر طويل اسمع عملتي ايه عايزاكي مبسوطه بلاش دموع بقي انتي عارفاني بحب اشوفك بتضحكي (دموعها نزلت و قفلت الوصيه بتاعت فريال و فتحت وصيت غاده ليها و كان فيها) عرفه يا روح امك ما تموتي قبل ما تخلفي خمس ست عيال لا اطلع عين اهلك عرفه لو جيتي في الاخره و قولتي الكلام الخايب بتاع خايفه اتخن من الحمل و الولاده ها علقك تعليقه ما في بعدها ايوه اتعدلي كده اضحكي يا احلا لولي في وسط حزنك لزم تفتكري انك لولي بنت الملكي و تربيه غاده فاروق العدوي اللي يجي على طرفك في يوم من الايام لزم تبقي اخرته بنت غاده مستحيل حد يعرف يكسرها فهمه يا بت و السلام ختام (قفلت الوصيه و انهارت لما بعد ما فقدت الحاجه الوحيده اللي كانت عايشه علشانها عمود العائله)
محمد: كنت فاكر اني رميه طوبتك يا عبيط طول عمرك تحت عيني بس كنت عايزه اشوف هتفوق لوحدك ولا لا محمد انت قلبك ابيض اوي ورقيق اوعي تفتكر انك وحش صدقني انت احسن حفيد ليا احسن من سيف لأن سيف اتولد عشان يكون مميز لكن انت اجتهدت عشان تظهر تميزك تعبت اكتر منه وأثبت جداره عنه اوعي في يوم تقلل من قدر نفسك أو تحس انك تقل من حد انت دائما اعلي
امل : لما شوفتك اول مره في بيتك وعرفت انك انقذتيني شوفت في عيونك براءه الملائكه مكنتش مصدقه أن واحده زيك ممكن تقتل بس تعرفي اتمسكت بيكي ليه لاني شوفت الملاك الي يقدر يقف في وش الشيطان ويكبله انتي بس الي هتقدري توقفي سيف عند حده وتخلي شيطانه ميسوقوش اول ما اموت سيف هيتغير استحمليه وخليكي جمبه وقفيه عن أنه يكون ظالم يا امل خليكي أمله وملاكه في الحياه اوعي تسيبيه يا امل
نور : (تلفونها رن ردت) الو..... تمام..... لالا اتعمله معاهم سيطره على الوضع امنعه دخول اي حد (قفلت التلفون) سيف انتا طلبت فريق من الجزيره
سيف الملكي : ايوه دم فريال مش ها يروح
نور : و انتا كمان فتحت باب الجحيم
نوح : الطار لزم يرجع
نور : و عايزن تولعه في البلد يا شويه اغبيه فكرين اللي عمل كده لسه في مصر اغبيه اسمعه الرجاله دي ها ترجع تاني
كريم : لا ها يكمله
علي : اللي ماته يروح فيهم بلاد مش شويه ناس
نور : حلو مش ها يرجعه بالزوق يرجعه بالعافيه زي ما يكون قلبهم كان حاسس فريال و غاده اسسه قوات اسمهم قوات الموت فريق يتعامل مع المحاربين و التاني يتعامل مع قوات الجحيم
نوح : مش ها يقدره
نور : لا جزيره الاسياد و رجالتها ها تعرف تصد قدام الفصيل اللي اسسته فريال بنفسها و دربتهم في عز شبابها وله رجاله الجحيم مهما كانه انهي فصيل يقدره يقفه قدام الفصيل اللي اسسته غاده
سيف الملكي : اقعدي و اتفرجي
نور : و نقعد ليه (تلفونها رن ردت و فتحت الاسبيكر) الو
بنت : تم ردع قوات الجزيره و رجعه مكان ما جم و قوات الجحيم كمان
نور : عفارم عليكم يا بنات السلطانه امهاتكم راضين عنكم في الاخره
بنت : ربنا يرحمهم
نور : (قفلت معاهم)
سيف الملكي : انتي اتجننتي ازي تعملي كده
نوح؛. اقسم بالله لا امسحهم هما و اي حد ها يقف في وشي
نور : (زعقت في الاتنين) جري ايه يا شويه كلاب في ايه ملكم فقدته السيطره على نفسكم ايه الاتنين معرفوش يربه اكيد معرفوش فين دماغك يا علي بيه يا صمدي فين الدماغ اللي قعدت غاده تبني فيها سنين و سنين سيف باشا ايه يا بيه ريال (سكتت و دموعها نزلت لما افتكر كانت بتدلعها ازي بس بصت لي سيف بغضب) فريال قعدت تبني فيك قد ايه علشان تغلط غلطه زي دي من امته و انته زي الثران الهائجه من امته و دي نظرتكم عايزن الدم و ماله بالعقل حققه في القتل
سيف الملكي؛. معروف مين القاتل
فريال : الاتنين كانه رايحين يقابله عنصر مهم علشان يدلهم على مفتاح تفكيك الجماعات الارهابيه علشان ينتقمه لي مصطفي و محمود و فريال هيا اللي فكرت في كده علشان تلم التصرف اللي عملته انتا في وقتها بدون وعي عايز تكررها تاني و ماله كررها الانتقام ها يخلص و الموتي ها تنزل لي قبورها و نار الطار ها تنطفي و مش ها يفضل ليك غير الندم يا غبي
نوح : اسمه ايه العنصر ده
نور : فاروق جابه خمس دقايق و تلقيه وصل بالعنصر بيت الرعب يا بعبع
قام نوح زي المجنون راح ركب عربيه بسرعه و اتحرك على بيت الرعب و حصله سيف الملكي وصله بيت الرعب و فاروق كان لسه واصل جريه على العربيه اخده العنصر و دخله به جوه رموه علي كرسي
فاروق : انطق بعت السلطانه لي مين
العنصر : فاروق انا طول عمري الراجل بتاعكم
فاروق : انطق بعتهم لي مين
العنصر : اللي بيدفع طبعا ايه يا فاروق عايزني اموت من الجوع علشان جناب السلطانه لا يا حبيبي مصلحتي ثما مصلحتي
نوح : (قرب منه ببطء) انتا عارف انا مين طيب تعرف اللي ماتت تبقي ليا ايه تبقى امي عارف يعني ايه امي اتقتلت بسببك انتا متعرفش طب تعرف انا ورايا مين دلوقتي متعرفش طب تعرف فريال الملكي تبقي ليه ايه متعرفش برده انتا عارف انتا فين متعرفش اجوبك انا علي محمد راضي الصمدي ابن غاده العدوي و اللي ورايا ده سيف عبدالرحمن الملكي حفيد فريال الملكي و انتا هنا في بيت الرعب و اقسم برب العزه البيت ده ما طالع منه غير لما تعترف و بعدها ها تموت ايوه ها تموت حفيد السلطانه فريال عنده قدره غريبه يقدر يسيح جسمك كله و ابن السلطانه غاده عنده قدره غريبه برده يقدر يخليك تشوف الجحيم فعلا زي ما تكون عايش فيه قبل ما توصله انطق دلوقتي و ليك الموت الرحيم
العنصر : (بص لي عين سيف الملكي و شاف فيها النار و الدمار و الغضب بلع ريقه) ها تكلم هو تواصل معايا و دفع التمن مقابل انه يقابل السلطانه في ارض لوحدهم و بعد ما قتلهم هرب بره مصر راح البانيا اكتر من كده معرفش
نوح : جدع شاطر و زي ما وعدتك ليك الموت الرحيم بس تفتكر تموت برحمه ازي و انتا خاين انتا ساعدت واحد انه ياخد مني امي تخيل انتا ها تدخل التاريخ بسبب قتل فريال الملكي و غاده العدوي علشان اسمهم يفضل بهبته مينفعش تموت برحمه انتا خاين و الخاين لزم يتألم و الواد اللي ورايا جوه غضب كبير اوي اوي اوي زي انا برده غاضب بس انا وعدتك تموت برحمه بس سيف لا سيف اكيد ليه راي تاني صح صح اكيد
رجع خطوه لي وره و سيف بص بس ليه و بدأ يتألم و جسمه يسخن بسرعه و وشه يحمر جدا و الدم بيغلي في عروقه زي مايه النار النار اللي ساعد انها تحرق قلوب كتير اوي اهي بتحرقه دلوقتي بالبطء
فاروق : ها حقق مع طرق السفر التهريبي بره مصر و طرق دخول البانيا غير شرعي و ها نحصرهم
سيف الملكي : لا دور على اللي دخل البانيا شرعي يا فاروق شخص زي ده مستحيل يدخل البانيا بطريقه غير شرعيه علشان دي اول حاجه ها نفكر فيها احنا لكن ده دخل بطريقه شرعيه
نوح : و ها نتعب نفسنا ليه فاروق اعمل حصر بعدد الاشخاص اللي دخله البانيا شرعي و غير شرعي و ها ندور في تاريخ كل واحد فيهم
فاروق : اعتبره حصل
خرج فاروق و قفل الباب وره و وقتها نوح نزل على ركبته و حط ايده على قلبه دم دم دقات قلب دم دم دقات قلب دم دم قلب نفسه يقف دم دم تعب و مرض و حزن دم دم حزن و عذر و خوف يا عزيزي خوف كبير اوي
نوح : (طلع من جيبه حقنه بتتاخد تحت الجلد زي قلم الأنسولين بالضبط و دبها في رجله و ضغط الجرعه و رجع يقف على رجله من تاني) سيف
سيف الملكي : نعم
نوح : شايف اللي انا شايفه
سيف الملكي : عايزن يكسرونا
نوح : لا عايزين يكسره الجبل الجي انا و انتا اخرنا نقف نتعب لكن نتكسر لا هما عايزين ولادنا و احفادنا صمام الامان اتشال علشان ننفجر في الكل احنا لزم نسيطر علي نفسنا يا سيف
سيف الملكي : نسيطر على نفسنا ازي قولي ازي ازي ها عيش من غير امي
نوح : ها نعيش و نكمل و حكايتنا ها تكمل و تكبر بس لزم نكمل اكبر قدر منها علشان اللي بعدنا ميتعبش (قام علي رجله مره تانيه) مش ها نقع يابن فريال مش ها نقع لزم نفضل وقفين على رجلنا اي غلطه بعد كده فيها موت اللي كنا محمين في دعوتهم ماته ملناش في الدنيا حد تاني ارجع يا سيف البيت اقعد مع عيالك
سيف الملكي : (طلع من جيبه ظرف بتاع فريال فتحه و كان مكتوب فيه) رجع علي (كرمش الورقه في جيبه) و انتا ها تروح فين دلوقتي
نوح : مكاني الطبيعي
سيف الملكي : ارجع لي عيالك يا علي ارجع خلاص مبقاش فيها وقت خالص قربت تخلص خليك جنبهم يا علي
اخده و رجعه قصر الصمدي
راحوا مكتب علي القديم و وراهم علي وكريم وسيف وايهاب ونور
نوح: هتعمل ايه
سيف الملكي: هقطع خطوط المياه عنهم دلوقتي اغلب دول شغالين علي مشروع جديد لتصنيع الألواح الذكيه يعني احتياجهم للمياه هيكون كبير جدا ولازم تكون عذبه
ايهاب : سيف فكر بالعقل انت عارف لو عملت كدا هيعملوا معاك ايه دول مش بعيد يقلبوا عليك
سيف الملكي : ( باستهزاء) ولا يقدروا بنود العقد معاهم تسمحلي اني اخد المصانع الي قائمه علي فكرتي لو عايز هما الي محتاجين ليا ولو ضربوني يبقي الكيان هيقطع الإمدادات الي بيوصلها للعالم كله وهيقطع الصفقات ويدخل في حاله خمول لفتره ساعتها اتفرج عليهم جايين يزحفوا زاي الكلاب وبيتذللوا لينا بس عشان نرجع وبشروطنا احنا سيطرنا من زمان يا ايهاب
كريم: بس قرارك متسرع يا سيف ومش محسوب عواقبه كويس كدا أنت بترمي نفسك في النار
نوح: ومن أمتي والملكي بيخافوا من النار يا كريم
نور : لما تبقي نار يدمر من غير ما تشوف هي يدمر ايه لازم تخاف علشان اول واحد هيتكوي بيها هو صاحبها فوقوا بنفسكم متخلوش حزنكم علي الي راحوا ينسيكم ان عيالكم هما الي هيحصد ا نتيجه افعالكم في المستقبل لا فريال ولا غاده كانوا هيقبلوا بالي في دماغك دا يا سيف ولا المصيبه الي انت ناوي عليها يا نوح
نوح: لا سيبك من مصيبتي ديه هتنزل في الاخر عشان نكسرهم خالص
علي : هو ايه الي في دماغه
نور :هيفتح الباب للاسطول السابع المتمركز في المحيط الهادئ عشان يعدي
كريم: ايه الأسطول السابع دا
سيف الملكي : مجموعه من قوات التحالف القديمه لكن انشقت عن اي جهه من سنين وقاعدين في البحر بعد ما اتغدر بيهم دولهم أو قاده بتوعهم لو فتحت ليهم باب العالم اعرف أن النهايه قربت دول هيدخلوا يدكوا اي حاجه قدامهم قوتهم العسكريه عاليه جدا والاسوء أن محدش عارف قوه الأسطول ديه قد ايه لا في العدد ولا المركبات ولا حتي تسليح باختصار فرد مجهول تماما
علي : انتو مجانين عايزين تفتحوا الباب عشان تعدوا ناس زاي دول دا العالم هيولع
نوح: ما يولع وايه المشكله لازم الكل يدفع الثمن
نور: مين الكل ناس ابرياء ملهمش ذنب في أي حاجه عايشين مش حاسين بالي بيحصل ايه موازين امخاخكم اختلت خلاص
نوح: دا الي عندي ومش هناقش في تاني
سيف الملكي : مش على اخر الزمن ها تيجه يا ولاد امبارح تعلمونا ازي ناخد حقنا الكل لزم يدفع التمن
نور : كده يبقي انته مسبتوش ليا غير حل واحد بس و هاعمل بوصية اخواتي البنات (طلعت مسدسها) ها منعكم من اي مصيبه ممكن تضر بشخص برء
علي : عمري ما فكرت اني ممكن اقف ضدكم بس طار غاده و فريال لزم يتاخد بشكل محدش يدفع تمنه غيرهم و بس (طلع مسدسه) انا مع طنط نور
سيف : عمري ما فكرت اني ممكن اقف قدامك يا ابويا بس انتا ها تظلم ناس ملهاش ذنب سامحني (طلع مسدسه) ده الصح
كريم : سامحني يا اخويا انتا اللي علمتني اقف في وش الظلم مهما كان حتي لو كان منا و انا ها نفذ بكلامك (طلع خنجره) انا هاندم على الموقف ده لو انتا مرجعتش لي وره
سيف الملكي : ايه عايزن توقفونا وله ايه اللي ماته دول مش كلاب نعدي من فوق جثثهم و نكمل حياتنا عادي لا اللي ماته اغلا حاجه في حياتنا
نور : اغلا حاجه في حياتك انتا تبقي عبيط غاده دي اخدتني في حضنها لما كانه ها يقتلوني انا و جوزي و احنا شباب فريال دي هيا اللي ساعدتني اني اكمل تعليمي و حفزتني لي ده غاده و فريال هما اللي عمله نور السوري (اتكلمت صعيدي صرف) و عجينه فريال و غاده محدش يستجري يجي جنبها فوقه بدل ما كل واحد فيهم ديته طلقه من السلاح و القبور لسه مفتوحه الطار انا طلبه قبلكم بس من القاتل مش من ناس غلابه ملهاش اي ذنب عمرهم ما افتره وله اتجبره على الناس القاتل يقتل مش البرء
نوح : (باصص لي مكتبه و بدأت هاله من النار تطلع حوليه نار تحرق بلد نار كبيره جدا نار مخيفه جدا)
سيف الملكي : (حس بمجال النار العالي جدا اللي حاول يسيطر عليه علشان احنا في بيت و مكتب مش موهئ لي تحمل قدر زي ده من الطاقه بس فشل)
نوح : (بدأت النار تزيد و ظهر على صدره دايره بيضه طيفيه و مكتوب عليها بلغه الجان القديمه بدأت تبلع النار دي بس التلصم بدأ يتشقق و لكن هنا دخل سامي و قال)
سامي : بابا
نوح : (اختفت النار خالص و معاها التلصم) عايز ايه و دخلت ليه
سامي : انا عارف انك عايز تجيب حق تيته الله يرحمها بس تيته قبل ما تموت و اللي حصل في الصعيد بدأت تحقق مين اللي عمل كده و جابته لحد عندها لكن كده حضرتك مش ها تعمل حاجه غير انك ها تدمر نفسك و بس و انا لسه محتاج اب في حياتي
نوح : (فضل باصص لي ابنه شويه و هدي بص لي سيف)
سيف الملكي : (اتعصب) ايه انتا كده خلصت لا انا مخلصتش
سامي : سيف بيه ممكن تبص ورك كده
سيف الملكي : (بص وره لقي ليث قاعد على كرسي و خايف بل مرعوب من نظره عين ابوه الواد دخل و محدش حس به اصلا و ده كسر شوكته) طيب عايز اسمع حلول
نور : مفيش غير حل واحد الصبر
نوح : صبر ازي
نور : زي الناس
سيف الملكي : و دمنا
نور : الدم ها ينشف بس بالعقل اي حركه غلط ها تخسرنا اهلنا كلهم اللي فضل منهم عمر الاتنين ما دخله خناقه غير لما صبره لحد ما تستوي و بعدها يصفوها شغله دماغكم الصبر حكمه مش ضعف يابني انتا و هو
دخلت عليهم امل و هيا بتمسح دموعها
امل : سيف جاك اخويا بيحاول يتواصل معاك
سيف الملكي : مش فاضي دلوقتي
امل : طيب ها بلغه
دخل من الباب التاني لي المكتب فاروق و الكل بص ليه مترقب النتائج
فاروق : رصدنا عمليات دخول كتير جدا لي البانيا بس في واحد حجز طياره فارهه من مصر لي البانيا امبارح بليل و مكنش الغريب ان مكنش في اي تعتيم على حط سير الطياره نهائي بالعكس ده قالها نصن لي شركه الطياران عايز طياره خاصه لي البانيا و تكون فرست كلاس علشان عايز يحتفل مواصفاته مطابقه لي مواصفات الشخص اللي عملها حتي مكنش معاه اي امتعه سفر خالص
سيف :اكيد هو
علي : بيتباها ابن الكلب
فاروق : نفس الشخص اخد رحله تانيه لي أمريكا بنفس الطريقه و نفس الكلام و مكنش في اي تعتيم على الهويه بتعته و خط سير الشخص ده طياره استقبلته في المطار و وصلته لي القصر الجمهوري هناك و كانت طياره رأسية
نوح : طياره رأسية (طلع تلفونه) وصلني بغرفه العمليات صفر
عميل : اهلا بنوح
نوح : افتح الخط الساخن مع القصر الجمهوري الولايات المتحدة
عميل : جاري الاتصال
ثلاث دقايق و الخط اتفتح
امريكي : اهلا مستر نوح
نوح : اسمع في شخص وصل لي عندكم عايزه و اتنقل بطياره رأسية لحد قصرك
امريكي : شور مستر نوح ايوه وصلني بس اسلمه ليه ده واحد عمل معجزه قتل اتنين مهمين جدا السلطانه و الكونتسا احنا بندرس فكره نديله نشان عسكري و نمد اقامته في القصر الجمهوري
نوح : الكلام ده ليا انا
امريكي : ايوه مستر نوح على فكره عرض الخوف ليا كان عظيم جدا انا هاقبل به الصراحه افكارهم جميله و كلها بتصب في مصلحه المحفل صدقني قوه المحفل اكبر بكتير من الحشاشين
نوح : هههههههه طيب سلمه ليا و ده احسن ليك بدل ما اجي اخده بنفسي
امريكي : حاول و ساعتها ها تشوف قوت الحرس الجمهوري كويس اوي
نوح : (قفل السكه في وشه و بص لي نور) رفض طريق العقل (على نفس الخط) عميل وصلني بالقياده المركزيه في الأمريكيتين
عميل : جاري الاتصال
ثواني و جيه الرد
نوح : اهلا سليم
سليم : اهلا نوح
نوح : في هدف وصل لي القصر الرأسي الامريكي و الحكومه رفضه تسلمه هابعت فريق من فصيل مالك يدخل يجيبه
سليم : ههههه ايه يا نوح انتا ناسي وله ايه فصيل مالك مين انا معايا هنا كتيبه واخده تدريب في ٩٩٩ المصريه اطمن هادي اردر العمليه و ها جيب الاتنين لحد تحت رجلك اطمن
نوح : ورايا رجاله
سليم : على الموت يا كبير
نوح : على الموت
قفل معاه بص حوليه كويس و بص لي سيف الملكي
نوح : ده انا اللي ها قتله
سيف الملكي : يوصل بس (رفع تلفونه) عايزك تعمل مجموعه تفجيرات حساسه في امريكا عايزك تشتت الشرطه هناك
شخص : حصل يا زعيم
سيف الملكي : (قفل معاه و بص لي نوح)
نوح : (على نفس الخط مع نفس العميل) حرك قواتنا البحريه عايزهم يعمله قذف بالصواريخ على الشاطئ الشرقي و الغربي لي الولايات المتحدة مش عايز اي غلطه بدون اي إصابات عايزها تغطيه ناريه و شل حركه الجيش الامريكي النهارده
عميل : قواتنا استلمت الاردر و ها تتحرك
نوح : (قفل التلفون و بص لي الكل) افتكر ان كده من غير اي دم برء وله ايه
نور : مش عايزكم في الوقت اللي تكونه فيه اصحاب حق تطلعه في الاخر ظالمين كل حاجه لزم تمشي و على الاصول يا ولاد الاصول
في امريكا
نزل مدير الخليه لي قاعه الاجتماعات و قابل فريقه
قائد الفريق : بس يا فندم دي عمليه صعبه ده البيت الابيض
سليم : نفس الكلام اللي قاله المدير بتعنا قال ها يبعت فصيل من اعتا الرجال علشان يخلط العمليه دي بس انا قولت مش محتاج انا معايا فرقه اتدربت على ايد الجيش المصري و مصرين يعني من الاخر كده شباب على الفرز الاول هو فاكر ان تحت ايده اعتا الرجال ميعرفش ان اعتا الرجال قدامي دلوقتي
قائد الفريق : اطمن يا فندم مش ها نخيب ظنك و لو هما في البيت الأبيض فا احنا نقدر ندخله بسهوله ها نرفع راسك
سليم : ده المنتظر من ولادنا اتحركه
بداه ياخده ملابس التمويه الخاصه بيهم مكان زي البيت الابيض يا عزيزي السينما الامريكيا صرفت مليارات الدولارات على افلام علشان يقوله انه مستحيل اختراقه بس الحقيقه انه لا السينما الامريكيا اكبر داعم لي الدعايا الكاذبه في العالم كله اي مكان بيتشغل فيه عنصر تكنولوجي و عنصر بشري مهما كان التنسيق بنهم برده لزم يكون في اخطاء حتي لو هامش الخطاء بسيط بس خطأ و رجالتنا تقدر تسيطر عليه
