الفنجان (حرب الهيبة)

عوده البطل و حكايه صاحب الاسم

الفصل الثاني و العشرين

مقدرش اقول اني ساخط علي الحياه او كاره ليها بالعكس
مش معني كده اني متصالح مع نفسي يشكل كبير لا برده
انا متصالح مع فكره ان دي اخطائي و دي اختياراتي و دي حياتي فمن الصعب اني ارمي الغلط على حد تاني اصل محدش اختار معايا انا اللي اخترت و انا اللي بدفع مينفعش ازعل وله اكره وله اكون ساخط

بدايه الفصل

مجموعه الصمدي
مكتب مدير المجموعه
الحارس : اهلا بيك يا نوح
علي : (فضل باصص لي الحارس كويس و هو بيتنفس بتقل و رد) المفروض اعمل ايه دلوقتي
الحارس : المفروض اني ابلغ امين السر و هو يبلغ الواحه بوجود نوح جديد
علي : بس كده
الحارس : بس كده
علي : هو اشمعنا انا وسط اخواتي
الحارس : اسمك هو اللي طلع قدامنا
علي : و بابا يعرف بده
الحارس : ايوه علشان كده حط مالك في حراستك تتعوده على بعض و تفهمه بعض تتعرفه على بعض ابوك بيعمل اللي متعملش معاه رغم انها مخالفه لي القانون و النظام بس ازي تقنع علي الصمدي ان فيه قانون اساسا صعبه ابوك اهلك انك تكون مكانه
علي : اهلني ازي
الحارس : علمك و كبرك و فهمك كسر عضمه بايده قبل ما الدنيا تسبقه سابك تسافر و تدوق الغربه و سابك ترجع و تشوف الدنيا وسط اهلك ازي ابوك سابك لي هواك لحد اتعلمت المفروض تعمل ايه و افتكر انك مش صغير يا نوح

اختفه الحارس و بعت رساله لي ايهاب يبلغه ان عهد الحراس اتغير من علي محمد الصمدي لي علي علي الصمدي ايهاب حس بالخوف على اخته من اللي جاي سندي و سلوي مشفوش قليل وله ولادهم و اهو القصه بتكمل و الدوره سلمت دوره تانيه لي حد تاني الميزان اختلف ايهاب بيحترم علي الصمدي لكن ابنه لا صعبه بالنسبه ليه ان علي يديه اوامر لسبب بسيط علي الواد اللي كان بيجري يلعب وسطهم كبر و بقي زعيم الحشاشين نوح ايهاب مينكرش ان علي ذكي و قوي و شخصيته قويه و اثبت ده في اكتر من مناسبه بس خطوته في طريق نوح صعبه جدا علي مغامر اكتر من ابوه نفسه علي مقامر بالحياه اكتر من ابوه علي طايش اكتر من ابوه هل ها ينفع يبقي نوح وله لا
كل دي اسأله في دماغ ايهاب و هو بيبعت الرساله لي شيخ الواحه يبلغه بوجود نوح جديد بس هو لا يملك غير انه يقول امين الان الحراس مش ها يسلمه العهد ببساطه ها يختبره ولي العهد في اكتر من مناسبه و اكيد عرفين نقط ضعفه و نقط قوته و شايفين ان نقط الضعف مش ها تسبب مشاكل

علي قاعد في مكتبه تلفونه رن
علي : الو مين
شخص : انا الفا
علي : خير
شيخ الواحه : تحب توصل الجحيم امته
علي : مش دلوقتي خلي الأمور ماشيه زي ما هيا
شيخ الواحه : و لو جد في الامور امور
علي : بلغني بيها اول بأول
شيخ الواحه : اعتبره حصل يا نوح
علي : اقفل

قفل مع شيخ الواحه و قام علي قفل المكتب بايده مخلاش سامح يقفله و يأمنه لا قفله بأيده زي متقوله كده الوسواس القهري تمكن منه تحسه انه بيجي مع الاسم كده نوح وسواس قهري

نزل علي ركب عربيته و اتحرك لي البيت تاني دخل لقي امه و حريم ابوه و اخواته قاعدين
علي : بقولك يا لميتا انتي و كارما عايزكم بعد الفطار بكره ترجعه بيوتكم تاني
كارما : ازي يا علي ازي
علي : زي الناس ميصحش تفضلي بره بيتك كتير جوزك و اهله يقوله ايه كارما انتي لسه عروسه جديده و متجوزه من ناس اغراب عنا مش ها يفهمونا و بيتك اولا بيكي مينفعش تسيبي بيتك كده (بص لي لميتا) و انتي كمان ارجعي بيت جوزك
لميتا : حاضر يا علي
علي : (بص لي مروه) مش قادر اقولك ارجعي بيت جوزك خايف اقولك كده ابقي بظلمك
سمر : مفيش ظلم يا علي مروه ها ترجع مع جوزها بيتها الجديد دي اصول يابني حتي لو متجوزه من ابن عمها برده لزم تدخل بيتها (بصت لي بنتها بحنيه) صح
مروه : اللي تشوفيه يا ماما
سمر : ربنا يباركلي فيكي يارب و يكملك بعقلك (بصت لي محمود) بكره اخر يوم ليك تقعد في بيتك اليوم كله و بعدها تنزل تشوف شغلك و شغل ابوك مالك و مال اختك اللي انتا المسؤول عنه قدام ربنا و قدامي مينفعش تقعد تدلع و ترمي الشغل ده اكل عيش و اللي ميرعيش اكل عيشه ميبقاش راجل فاهم
محمود : حاضر يا امي
سامي : فين رودي و ماما و عمتي
سندي : نزله يروحه لي الدكتوره مع اميره
علي : اميره ملها اميره
سندي : معاد متابعتهم مع دكتوره النسا ركزه مع حريمكم يا ولاد حرمكم حوامل اهتمه بيهم كويس المسؤوليه مش شغل و خلاص بلاش تقصره في حقهم ها تتحاسبه عليهم دول ارواح في رقابكم ها تتحاسبه عليها فاهمين
سامي : فاهم يا طنط
علي : ماشي يا ماما هو يوسف فين
سندي : راح يأكل الخيل

رجعت سندي و ملك و رودي و غرام من بره قعده اتغده مع بعض و بعدها اتصل علي بليث اطمن علي ابوه و بعدها قعد في المكتب وصله ظرف مقفول بالشمع الاحمر
فتح الظرف و لقي فيه قطعه من البلاستك مكتوب عليها (توب سكرت) بالانجليزي كسرها و كان جواها ورقه فيها كود كتبه على الجهاز بتاعه اتفتحت ليه موصل خاريجي من الجحيم فتحه و صله ملف مقفول برقم سري كتب الكود بتاعه اتفتح كان الملف فيه خطه لي النظام العالمي من نحيه السياسه و الاقتصاد و كمان الشؤون العسكريه
بدأ يتابعها بند وره بند و يعدل شويه نقاط ابوه كان حطتها يغير في دي يشيل دي يحط دي و وسط الملف ده لحظ فئه موجوده بس مجهوله فئه الخوف مذكوره لكن دول مش مذكورين و دول اخطر من المذكور الان المذكور معروف و متشاف لكن المجهول خطر و كان اسماء لي عشر اشخاص من اليهود كانه الدايره الحمره في اللحظه دي علي عرف معني كلمه ابوه لما قال في اجتماع الكيان ان في اقتصاد موازي مهما عملنا مستحيل نعرف نوصله الانه مجهول بشكل كبير نظره علي لي الوضع اكد ليه ان سواء الخوف او الحشاشين كلهم لعب عيال دول الخطر اللي بجد خطر غير معلوم اشد خطوره من خطر معلوم
مستفيدين من كل حاجه اي تجاره او صناعه او حرب هما مستفيدين منه اي قيام لي دوله او سقوط ليها هم مستفيدين منه برده يعني مش جاين في دعم و بس لا دعم و تفشيل جايين في اي حاجه يتاجره في اي حاجه و في كل حاجه

خلص علي شغله و قفل الجهاز و شاله في الخزنه و طلع فوق لي مراته دخل السرير جنبها
علي : ايه يا حبيبي الدكتوره قالت ايه
اميره :قالت ان النونو كويس و ها يشرف قريب و حضرتك مش ها تعرف تنام بليل و ها يقرفك دنيا و اخره زي وله بلاش خليني ساكته احسن اسكت يا لساني
علي : اه يبقي الكلام على نكد خير يا حياتي
اميره : نكد انا انكد كده يا علي
علي : مش بقولك هاتي هاتي اللي في قلبك هاتي
اميره : انا مفيش في قلبي حاجه خااااالص
علي : عليا انا برده اللي مربي قرد ادرا بألاعيبه
اميره : انا قرده الله يسامحك يا علي يا ابن سندي حوش حوش مش القرده دي اللي مسكت فيها بايدك و سنانك
علي : ههههه ايوه طلعي بقي
اميره : انتا ازي تسبني اروح لي الدكتوره لوحدي ها ازي
علي : يا ستي انا اسف حقك عليا و ليكي عليا اجي معاكي المره الجايه
اميره : (بصت النحيه التانيه ربعت ايدها و رجليها و مدت بوزها لي قدام و اتكلمت بطفوليه) مليش دعوه عوضني
علي : بس كده انتي تأمري عايزه ايه
اميره : عايزك تديني الفيزا بتاعتك اعمل بيها شوبنج اون لاين
علي : عرفه لو ها تعملي شوبنج عادي تنزلي تمشي رجلك في المول و ترجعي اقبلها لكن اون لاين لا يا اميره لا انا جتتي ورمت من المناديب اللي بتجيب حجات مضروبه
اميره : انا عمري جبت حاجه مضروبه
علي : ادخل اجبلك صف التي شرتات و البنطلونات اللي جيباهم اون لاين لي يوسف و في الاخر طلعه عاينات يدخلوش حتي في رجله
اميره : ده مش لي يوسف يا عبيط افهم دول لي النونه اللي جلي انا بوفرلك انتا صعبان عليا انتا مسرف
علي : بصي شوفي مش لو قلدتي طلعت زكريا لو قلبتي المرحوم طلعت نفسه مستحيل اقبل
اميره : كده طب نام نام يا اخويا نام يا بركه
علي : هيا وصلت لي بركه لا خدي الفيزا احسن خدي (طلع الفيزا لي اميره) تمام كده وله تاخدي حاجه تانيه
اميره : لا تسلم يا سيد الرجاله
علي : مش عارف حسك بتلمحي لي حاجه كده
اميره : انا لا يا حبيبي مفيش و اعمل حسابك بقي بكره تيجي معايا عند الدكتوره نعرف نوع النونو تفتكر ولد وله بنت
علي : سبعه الكومي هقهقهقهق
اميره : امشي يلاا من وشي امشي

نامت اميره و ادته ضهرها و علي نام و هو بيضحك عليها و على هبلها و هبله هو كمان علي زي ما يكون عايز يفرغ الشحنه اللي جوه شحنه تفكير عميقه و اللاسف محدش ينفع يفكر معاه فيها الان خلاص هم نوح مينفعش يشيله غير نوح حتي لو حوليه عباقرة برده مينفعش يشيله غير نوح

نام علي و صحي تاني يوم نزل يفطر مع اخواته و البنات ودعه امهاتهم وسط الدموع الحاره
سامر و مروه مسكه الطريق لي الخان
اما علي و سامي و مروان و رودي و اميره مع بعض مروان راح مجموعه الديب و سامي راح يوصل لميتا و علي راح يوصل كارما لي بيوت اجوازهم و رجعه الاربعه على الدكتورة النساء اللي كشفت على رودي و اميره علشان تبلغهم ان الاتنين حوامل في ولاد رودي و اميره
سامي لي قناعه ان مفيش حد بيروح و يسيب فراغ غير لما ربنا يبعت اللي يملا الفراغ ده من تاني كرم ربنا و عوضه على عباده كبير و املهم في ولادهم كبير بكا سامي و دي كانت اول مره يبكي حتي في عزاء سيف مبكاش وقف صامد بس في قلبه جرح كبير مع ذلك وقف
علي : (واخده في حضنه) بتعيط ليه يابني
سامي : كرم ربنا كبير يا علي كبير اوي
علي : طبعا ربنا عنده كتير و اهو عوضنا احمد ربنا
سامي : حامد و شاكر احمدك يا رب و اشكر فضلك
علي : خلي عندك امل في ربنا ربنا بعت لينا نعمته تخفف عنا و بعدين اجمد كده ها تعمل ايه مع اللي جاي ده اول دفعه ههههه
سامي : (ابتسم لي اخوه) مش عارف هههه
علي : يا سيدي اقولك انا ها تربيهم و تكبرهم و تفرح كمان بيهم
الدكتوره : ولاا مش هقعد امسح في دموع اهدا بقي انتا راجل
سامي : (حاضر سحب منديل من على مكتب الدكتوره المنديل رقم مليون)
الدكتوره : (سحبت علبه المنديل كلها) كفايه نف كفايه قرفتنا
علي : اهدي شويه ها اهدي لحظه برده حساسه لي الواد الواد ها يبقي اب كمان كم شهر
الدكتوره : مانا هاديه بس المنديل السحب غليت و ده تبزير
سامي  : مش انتي اللي حطها
الدكتوره : لا يا حبيبي ده ديكور مش لي الاستخدام
اميره : المهم بس طمنينا وضع رودي و ابنها
الدكتوره : خليكي في نفسك
اميره : ايه البت الرخمه دي
رودي : طمنيني انا طيب
الدكتوره : يا ستي كويس ايه اللي ها يتغير من امبارح لي النهارده يعني ابنك كويس يا رودي اطمني
رودي : الحمد لله
اميره : و انا بقي
الدكتوره : برده لا ده انته عيله مستوي الذكاء فيها منحدر فعلاً دي لسه مرات اخوكي ماشيه قبلكم بساعه نفس الدماغ
اميره : ايه ده هيا حامل برده
الدكتوره : ايوه حامل بقلها شهر تقريباً
اميره : اه منها البت دي حربايه متقولش انها حامل هحسدها يعني اكيد تفكير امها
الدكتوره : حربايه ايه دي بت عبيطه جايه لي المره الخامسه تسال هو لو انا اكلت ملوخيه تنزل على دماغ البيتي طيب لو بلعت لبانه البيبي ممكن يلزق طيب البيتي جوه بيعمل حمام ازي طب البيبي لو طلع بنت ينفع ابدله بولد ارحمه امي ها بطلها شغلانه
علي : هيا عيله المحمدي كلها كده متخلفين
الدكتوره : و الصمدي كمان و حياتك مشوفتش اختك عملت ايه في الواد جميل و ربنا صعب عليا جدا دي شلفطت وشه شلفطه مشوفتش قبلها وله بعدها الواد اخد عضه فكنه من بوقها بالعافيه والله
اميره : ههههه عيله متخلفه
الدكتوره : كده اطلعي بره
اميره : خلاص والله هقعد و مش هتكلم مش هعمل صوت
الدكتوره : لا بره و خدي جوزك و اخو جوزك و سلفتك في ايدك عندي شغل يله بره
علي : والله احنا عيله زباله يله يا جماعه نمشي

مشيه كلهم و سامي قرر يعزمهم عنده في المطعم بمناسبه الخبر السعيد و راحه المطعم و دخله و قعده علي التربيزه قدام النيل
اميره : (قعدت و سقفت) جرسون يا جرسون
علي : (مسك ايدها) ايه خلصتي من طلعت داخله على محمد سعد وله ايه اهدي و امسكي العقل
اميره : يا جدع انتا سبني اخد رحتي مطعم اخويا يا جدع
علي : جدع ماشي يا غلطه
اميره : غلطه
علي : و ندمان عليها
اميره : ايه ياعم حسن حسني سبني اطلبلكم على بمزاجي اصبره بقي

جيه الويتر
ويتر : صباح الخير يا سامي بيه
سامي : صباح الخير يا ابو حميد
ويتر : حضرتكم ها تطلبه ايه
رودي : بص هات بكاته بالشمبنون اربع اطباق و اسباجتي و جرلك برد و مشرم سوب
ويتر : اوكي يا هانم
اميره : ايه ده مش واكله انا البتاع ده ركز معايا يا اخويا
ويتر : ايوه يا هانم
اميره : بص اخويا هات اربع اطباق رز و فرختين مشويين و نص كفته و نص طرب و ربع نيفه نص كبده و نص سوجق و اربع اطباق ملوخيه بس اوعا تطلع ملوخيه ناشفه و كمان سيزر سلط
ويتر : سيزر سلط
اميره : و واحده سفن زيرو سكر علشان الدايت
ويتر : احم هو مفيش من كل ده غير سيزر سلط
اميره : و انته فتحين ليه يعني ازي مفيش كفته ازي مفيش نيفه ازي مفيش كبده ازي
سامي :روح انتا ياحمد
ويتر : تمام يا سامي بيه بعد اذنكم (مشي و سابهم)
علي : انا لو اخدتك في حته تاني يا اميره استاهل ضرب الجزمه
اميره : ازي يا سامي مفيش الاكل ده
سامي : يمكن علشان ده مطعم إيطالي مثلا
اميره : انتا بتخسر علي فكره علي تعاله ننزل الجسين ناكل من على عربيه كبده هناك
علي : انتي حامل هل مدركه لي ده
اميره : ابنك طلب كبده اقوله لا احرم ابني من حاجه و هو ابن الملياردير علي الصمدي
علي : التاني مش الاول الاول اشطه راجل ملياردير لكن انا علي باب الله شغال بلقمتي
اميره : اقعد انتا كنز في فلوس الكفن ملهوش جيوب
علي : هيا وصلت لي الكفن لا اخدك الحسين احسن يله تعاله
سامي : يله الحسين
رودي : واو نفسي من زمان اروح الحسين
سامي؛ ها نوديكي تعاله

قامه طلعه بره المطعم ركبه العربيات و اتحركه لي الحسين ركنه و نزله على رجلهم اتمشه في المكان و راحه الجامع الاول دخله صاله و زاره المقام و طلعه راحه اتغده و رودي مبهوره بالاكل و المكان و رجعه قعده في قهوه طلبه المشروب الرسمي ليهم و لي المكان القهوه شربوها و عدت عليهم ست بتقول تقرا الفنجان يا بيه (كليشه شويه انا عارف)
علي : ماشي اتفضلي
الست : (خدت فنجان علي قلبته و تمتمت بكلام غير مفهوم عدلته) امممم حويط و ذكي و متنور و متعلم بس علام المدارس غير علام الدنيا في كسره الدنيا يابن الاكابر مدرسه عبر و مواعظ علم و معرفه شايفك قاعد على عرش من خشب عرش علشان يتنصب نصبه شيطان بالدم شيطان مكلوم بفراق حبيبه و ونيسه متخفش امنتك تقيله بس اللي نصب العرش جهزك
علي : و قصدك مين بقي الشيطان
الست : و هو في حد بينصب عرش غير رب العرش
علي :و نعمه بالله
الست : (سابت فنجان علي و مسكت فنجان سامي قلبته تمتمت عدلته و قرت) امممم واعر يا ولدي ومنتاش بالساهل شيطانك حاضر استعيذ منه بالحي القيوم ماشي في طريقك و طريقك واعر و انتا عارف حافظ سلسالك من الاب لي سابع جد عارفه عن قريب ايدك نضيفه بس ربنا يستر و تفضل نضيفه اصل يا ولدي الدنيا مهياش ابيض وله اسود الدنيا رمادي فيها على كل لون جنبك اللي تمنيته بس زي مقاله زمان يقوله دلوقتي احذر مما تتمنا يابن التركيه
علي : (بكل هدوء سحب منها الفنجان)
الست : (مسكت فنجان رودي و كررت العمليه و بصت فيه) اههههه طيبه و قلبك ابيض عشتي قويه و عنيفه فرسه عفيه و جالها الخيال القوي اللي يقدر يدخل عليها ارضها يلجمها متخفيش يا بنتي من لجام الحب لجام الحب و العيله مهواش ربطه و تكتيفه لجام الحب احلا حاجه خلقها ربنا و الجنة من غير احباب ما تنداس نسيانك لي حقك علاكي خلاكي بدل ما بتتكلمي في فتات بتتكلمي في الطقه كلها جايلك فارس قبل اوانه خيال من ضهر خيال خيال و شايل السيف و اسمه بأذن الله سيف (سابت فنجان رودي)
اميره. :و انا
الست : مفناش من الربط بسلاسل من نار وله فينا من طبع الضرب و الربط
اميره. :اقري و عليكي امان الله
الست : امنتيني بأمان اللي لا يغفل وله ينام قدها
اميره : اللي لا يغفل وله ينام باقي خالق ومانا إلا عبد مخلوق امنتك بأمانه و عليكي امان ربنا و مالك العرش باقي و انا الزايل
الست : وصلتي يا بنتي (مسكت فنجان اميره قلبته و تمتمت و عدلته بصت فيه) امممم بصيرتك نافده تخوف الانس و الجن مش في القمه وله في الدرجه الذهبية و لكن قويه اميره بنت امير و متجوز ملك ملك على عرش من خشب ادفع مهرك غالي و ادفع تمن قعدتك ملكه غالي تمن القرب مهواش رخيص يا صاحبه البصيره تمن القرب شقاء و تعب ملكه ايوه و لكن في عرف مملكتك مجور و المجور ميشيلش اسمه و لكن ها تسعادي ها تشيلي في بطنك فرسه عربيه اصيله فرسه ملهاش خيال و مقدرش حد يروضها فرسه ترمح في الخضره و هيا اخر الحكايه
اميره : امنتك بأمان اللي لا يغفل وله ينام فرسه وله فارس
الست : فرسه يا صاحبه البصيره
اميره : تمام
علي : كم حسابك
الست : مش باخد فلوس انا حارس امانه
علي : خديهم و اتصدقي بيهم
الست : طلع صدقتك من جيبك يا ابن الاكابر الصدقه عرفه صحبها كويس استاذن (مشيت الست و هيا بصه في السما و بتقول) مداااادد مدد من غير عددد مد من صاحب المدد ردلنا الملاك يا صاحب المددد خد بيده يا صاحب المداد مداد من عندك يا رب مداد (خبطت بالعصايه في الارض ثلاث خبطات و في نفس الوقت كل النورانين اللي في ساحه المسجد خبطه نفس الثلاث خبطات في نفس الوقت)

مشيت الست و الكل قعد ساكت
رودي : ايه فلم الرعب ده حسه اني في فلم التعويذه هههه
سامي : اه عندك حق
اميره : مش تروحونا وله ايه علشان تشوفه شغلكم و مصالحكم
علي: يله
سامي :. يله

اخدوهم وصلوهم لحد البيت و رجع الاتنين يشوفه اشغالهم

في الاسكندريه

حاله الهلوسه و الانفصال عن الوعي عندي بدأت تزيد اكتر و اكتر في كل دقيقه بتعدي بغرق في بحر و انا مش حاسس
عدا علي المرحله دي شهرين و كل يوم نورا تطلع حجه جديده لي غياب العريس الوهمي من الاساس كل ده و انا مش عايز ارجع عايش في عالم من الوهم انا عارف انه وهم و متأكد انه وهم بس مش عايز امشي العالم ده فيه ابني حبيبي اول فرحتي سيف ابني معايا مش عايز حاجه تاني خلاص المهم ان ابني جنبي
قاعدين علي البحر
نورا : ايه رايك مش الشمس حلوه
انا : والله عندك حق يا نورا الشمس تحفه
نورا : بجد
انا : ايوه
نورا : طيب بما اننا قاعدين في ساعه صفه كده تحكلنا يا نمس كده اتجوزت ثلاث مرات ازي و قابلتهم ازي و كده
انا : هههههه يابت بلاش
نورا : لالا بجد احكلنا
انا : طيب عايزه تسمعي اقولك انا ستي شوفت سندي من قبل ما اتعرف عليها من الاساس كنت في القاهره و روحت مع ابن خالتي الجامعه الله يمسيك بالخير يا محمد و يطمني عليك يا صحبي المهم شوفتها هيا مع واحده صاحبتها رايحين يدفعه المصاريف برده اعجبت بيها من اول ما شوفتها لفتت نظري بشكل غريب تقدره تقوله يا ولاد حب من اول نظره كده بس انا رجعت الخان و المفروض اتلخم بقي في اكتر من حاجه بس فضلت افكر فيها و مقدرتش انساها نهائي و المره التانيه اللي شوفتها كان في الزمالك شوفتها تاني مكنتش قادر اتخيل ابدا اني ممكن اقابلها تاني نهائي بس كنت بتمنا اقابلها الصراحه قابلتها و اتكلمت مع امين شرطه مرور في المنطقه هناك كان واقف سرسبته في الكلام لحد ما عرفت انها ساكنه في الشارع ده و رجعت البلد تاني حطيت خطه علشان اتعرف عليها خطه اني اشتري مبني في الشارع عندهم و افتحه مطعم تمام مطعم حلو كده علشان اشوفها كل يوم و انقل دراستي هناك و نقلت اول يوم دراسه لبست فيها كبت عليا القهوه كلها و ربنا القميص ما راضيه تطلع منه البقعه لحد دلوقتي ههه
ليث : ههههه و طبعاً زعلان علي القهوه
انا : يا شيخ اتلهي قهوه ايه المهم القميص ده كان تمنه ٢٠٠ جنيه عارف وقتها ٢٠٠ جنيه كانت تعمل ايه المهم اتعرفنا بس انا رخمت شويه خلتها طلعه من النادي و بعت ليها بوكيه ورد كده شيك مره في التانيه في التالته في الربعه قعدت شهر علي الوضع ده كل يوم بوكيه ورد و هيا متعصبه بقي اللي قدره على التحدي و المواجهه و ازي تبعتلي ورد و كل بوكيه بتهزيق بعد ما عدا الشهر قومت مختفي اسبوع كامل كانت بتوصلي اخبارها من ابن خالتي محنا كنا شله كبيره كانت بتسأل عليا و انا عملت نفسي عيان و مريض و اتعرفنا عزمتها علي افتتاح المطعم بتاعي حبتها و اتمنيت من ربنا انه يريح قلبي المتعلق بيها يا انسها يا تحبني و حبنا يبقي في النور و ربنا نولني مرادي و اتجوزنا
نورا : تعرف يا عسليه انتا هكذا يكون الحب و إلا فلا
انا : عرفه و مش هزار وله مبالغه بس وسط سلوي و غرام كلهم نفس المعزه بس سندي هيا حبي الاول بدأت معايا الطريق من اوله و شافت معايا الويل سلوي بقي كانت عايزه تقتلني
ليث : ده اللي هو ازي يعني
انا : عادي زي الناس حبه تقتلني و انا كنت عايز اقتلها
ليث : لا أفهم
انا : تفهم ايه يابني بص انا حبيت سندي و حفظت سلوي ارتحت مع غرام سلوي لما بتكلم معاها بحس انها فهمه اللي في دماغي كويس فهمه انا عايز ايه غرام بحسها امي صدر حناين تضمك و تطبطب عليك حنيه الامهات كده
نورا : طيب (جابت من وراها أله كمان) ايه رأيك في الهديه دي بعتها معايا لميتا و قالتلي لو فضيته خلي بابا يعزف عليها ده التوائم صح
انا : اهههه وله زمان يا غالي
نورا : هو ليه اسمه التوائم
انا : ده كمان اتعمل منه اتنين على ايد نفس الشخص صاحب الثوره الموسيقية الحديثه في اوروبا وقتها كانت الموسيقى كانت مقتصره على كورال الكنيسه و خلاص و مكانش في إله زي دي عملها المخترع و علم بنته عليها كان عنده بنت صغيره الكنيسه حربته و قاله انها أله من ألات الشيطان كانه جهله جدا وقتها حرقه بيته و فيه بنته و هو بره لما رجع لقي تحت الركام جثه متفحمه حزن و غضب و سخط على رجال الدين اتحول من فنان لي شخص غي متزن بقي يروح يوم في السنه عند بيته المحروق و يعزف و يقول هنا يرقد توائم روحي فضل على الحال ده سنين و سنين لحد ما الفن بتاعه ما وصل لي الناس و عرفوه و فهموه و حبوه كمان و في يوم راح عند البيت زي ما بيعمل كل يوم و بدأ يعزف و هو بيعزف سمع صوت عزف متناغم معاه جدا لقا بنت شابه جميله جدا بتعزف سألها جبتي المقطوعه دي منين ردت عليه و قالت بنت جتلي في الحلم و علمتها ليا و طلبت مني اجي هنا في اليوم ده و اعزف و لو لحني كمل من عازف تاني اقوله رساله واحده بس يجب ان تكمل حياتك فتوائم روحك في قلبك وليس في المنزل
وصلت الرساله لي الفنان اللي فرح بيها جدا و من فرط السعاده مات و اتدفن مكان حطام البيت بتاعه علشان في اليوم اللي المقطوعه بتعته تكمل يكون يوم وافته و يروح لي توائم روحه بنته حببته
نورا : قصه جميله اوي ممكن تسمعنا حاجه
انا : بس كده ماشي

وقفت و بصيت لي البحر بدأت اغمض عيني اتنفس هوا البحر الجميل و اعزف مقطوعه جميله جدا اسمها توئم الروح و اللحاني تتراقص مع صوت الموج علشان اخلص عزف و ابص لي البحر اللقي سندي و سيف وقفين و بصين ليا سيف ده سيف ابني مش ها توه عن طفلي ابدا
مديت ايدي ليه عايز امسكه عايز اللمسه عايزه في حضني تاني عايز ابني
و لكن نورا بتدخل علشان تدخلني في حاله سبات عقلي علشان مدخلش في نوبه غضب و يدخلوني الشاليه علشان انام
و قعده تحت
عده شهرين تاني
علي شغال في موضوع الحشاشين بيفهمه يوم عن يوم و كل يوم قلقه من الدايره الحمراء يزداد اكتر و اكتر
سامي بقي مهتم برودي زياده عن اللزم حاسس بالنسؤولية اللي علي كتفه
مروان مقضيها شغل بيتابع شغله و نوال بتدعمه اكتر و اكتر
محمود نزل المجموعه في الاول كان تايه شويه لحد ما فهم ان مفيش فرق عن شغله القديم غير تفصيله صغيره بس معنها كبير ان زمان الشغل كان صغير مهما كان صغير لكن دي مجموعه شريكات كبيره بس منال شغاله دعم فيه نفسي و بدني تقعد تراجع معاه الشغل و الحسابات المشاريع من النحيه التجاريه
سندي شويه شويه بتحاول تخرج من الحاله بتعتها هيا و سلوي و غرام بتحاول تخرج فريده و سمر من حالتهم
سمر تبان قويه و صامده بس الحقيقه هيا مدمره من جوه خايفه حاسه بالخوف على ابنها انه يتجر لي دوامه كبيره يضيع فيها و خايفه اني مش موجود علشان ادعم محمود و احميه من اللي جاي خوف سمر مكنش هاين بس مبرر جدا

انا بقي تحت الاقامه الجبريه بس بالادب من نورا و ليث بيحاوله يتفاده النقاشات الحزينه او المواضيع المعقده علشان الامور متخرجش عن السيطره مهما كان نورا تقدر تسيطر علي الوضع بس مش كتير برده هيا ليها حدود مش ها تعرف تعديها ابدا و مستوي مش عالي للدرجه بس بتحاول بكل جهدها لحد ما وصلها خبر خبر مفرح جدا حسسها ان في امل امل كبير موجود
في يوم قعدنا فطرنا بره علي البحر و بعدها دخلنا جوه الشاليه و لقيت قدامي سامي و رودي و شايلين طفل صغيره على ايدهم و سامي شاله
سامي : سمي الله يا بابا و شيل حفيدك
انا : (بندهاش شلته من ايد سامي) حفيدي انا
سامي : ايوه ابني و سميته سميتة سيف سيف الصمدي
انا : (بدهشه) سيف سيف اه سيف سيف حبيبي يا سيف (حضنته و الدموع في عيني) اه سيف سيف يابني يا سيف اهههه يا سيف اه سبتني ليه يابني سيف (ببكي زي الاطفال)
سامي : (نزل على ركبته قدامي و عينه حزينه) انا جبتلك سيف يا بابا بس انا عايزك ترجع ارجع يا بابا احنا من غيرك وله نسوه ارجع يا علي يا صمدي الحمل تقل عليك وله ايه يا عجوزك
انا : (بأيد شايل سيف و أيدي التانيه حضنت سامي) اهههه يابني سامحني يابني بعدت عنكم سامحني سامحوني كلكم اهههه يابني اهههه

هدتني نورا و قعدت و انا شايل سيف في ايدي باصص ليه و الدموع في عيني مش قادر اوقفها هيا مش عايزه تقف

قعده معايا اليوم و اتفقنا نرجع القاهره بكره بس انا حبيت اني اصيد اخدت عده صيد كانت في الشاليه و كرسي و طلعت على البحر في منطقه فيها جرف فردت الكرسي و رميت الخيط فيه الطعم و علقت على القهوه و بكلم نفسي
انا : ايه يا علي الدنيا ادتك على دماغك جامد ايه ضعفت و ايدك لانت كده ليه ده مش احنا احنا عمرنا مكنا ضعاف عمرنا مخوفنا عمرنا معملنا حساب لي حاجه ايه الموضوع كسرك اوي سيف طول عمره غالي و اغلا غالي و الفرحه الاوله بس سامحني يا صحبي اللي في مكانا ملهوش الراحه ملهوش القعده ملهوش التواهان ملهوش كل ده اللي في مكانا ملهوش راحه يا صحبي اوعدني اوعدني يا صحبي ان اللي جاي مفهوش رحمه وله هدوء اوعدني ان كل اللي جاي ها يبقي توفيق اوضاع للعيال دي مش عايزين نخسر حد تاني كفايه امي اللي ضاعت
انا : اوعدك


و انا قاعد بصيد لقيت عاصفه بدأت امطار و امواج و برق و رعد شاب واقف على جرف مكنش دايخ لا كان واقف ثابت بس رمه نفسه في المايه يعني انتحار
نطيت جري وره البحر رفعته بالعافيه مش الموج و طلعته لي الشط بالعافيه
فتشته علشان اعرف عنوانه بعد ما طلعت المايه من بوقه عرفت هو قاعد في انهي شاليه من مديله مفاتيحه مكتوب عليها رقم الشاليه سندته على دراعي لحد الشاليه بتاعهم خبطت و فتحلي راجل كبير في السن اسمه سميح و يبقي جد الشاب اللي عرفت بعدين ان اسمه اصف الملكي
دخلته و سميح اصر اني اقعد لحد ما العاصفه تخلص الصراحه انا كنت اقدر امشي من بدري بس قررت اقعد علشان اتكلم مع الشاب شويه لما شوفت هلع الجد عليه اتضح ان في حد بيحبه طيب ينتحر ليه كان عندي فضول اعرف ليه فضول كبير انا مكنتش اعرف انهم من عائله الملكي وله هما يعرفه ان انا علي الصمدي انا اعرف سميح جد اصف و هما يعرفه علي من القاهره جي يتفسح
محبتش اقول لي سميح ان حفيده كان عايز ينتحر كان ممكن يموت فيها اصل انا اب و جد زيه و حاسس بنفس احساسه برده و فاهم شعوره كويس
قعدت و اتكلمت معاه و حكايته انه مش لقي مكان لي نفسه وسط شغل عائلته حسيت انه مش ده السبب الرئيسي لا هو مجرد بيقرب الفكره مش اكتر الصراحه كان نفسي اكسر دماغه مهما كانت مشكلته سميح لا يستحق منه انه يعمل فيه كده و مش سميح بس هو نفسه لا يستحق انه يعمل كده في نفسه يعني انتا مش نقصك حاجه تعمل كده ليه
لي اسباب مختلفه تفهمت شعوره انا برده ميال لي الموت و حاسس ان موتي هو راحتي و حاولت انتحر في اكتر من مناسبه بس بعد ما اسبب اذا لي حد من اهلي بحس اني لا استحق الحياه بعدها بس بتقلش مني
فهمته ايوه فهمته هو لا يمثل لي شيء نهائي بس استخسرته الواد بيحاول مهما وصل به اليئس برده بيحاول و في نظري انك تحاول دي حاجه كبيره اصل بص يا عزيزي افهمك حاجه من اخوك عبدالرحمن استمراريه السعي لا تعني حتميه الوصل نهائي تخيل بقي لا تعني حتميه الوصل اقولك ليه ببساطه شديده انتا بتسعه في طريق و بتحاول و بتعمل اللي عليك صح بس متنساش ان ربنا عارف ان الطريق ده مش خير ليك بس السعي خير ليك بتسعه مش بتوصل الان الجايزه الكبيره مش خير ليك علشان كده استمراريه السعي لا تعني حتميه الوصول
قعدت معاه و لوحدنا اتكلمنا و فهمته عرفته ان عدم وجود مكان ليك وسط عيلتك مش معني كده ان ملكش مكان وسطيهم معني كده ان محدش سلم الرايه ليك تعمل ايه بقي تعمل الرايه بتعتك تعمل مكانك مش مكانك اللي يعملك
رجعت الشاليه تاني و لقيت سامي قلقان هو و الكل
سامي : كنت فين يا بابا روحت فين وسط العاصفه دي
انا : مفيش طلعت اصيد سمك قامت العاصفه و شاب زي الورد داخ و هو واقف جنبي وقع من طوله اخدته وصلته و قعدت معاه لحد ما العاصفه خلصت و رجعت بس
ليث : صيد ايه بس يا جدي ياعم الحج الشط مفهوش صيد و مفهوش سمك اساسا
انا : (فتحت القوفه و كان فيها كميه سمك كبيره) مين قال ان مفهوش سمك
ليث : الحكومه
انا؛. ياعم الحكومه تقول اللي تقوله لكن الرزق بتاع ربنا
نورا : مورزق مورزق يا ابو السلكان التراب في ايدك دهب
انا : هههه يله خدي رودي و ادخله المطبخ نضفه السمك ده و اطبخوه
نورا : احم هو انا يعني بص افهمك انا مش بعرف اطبخ سمك
انا : خلاص نضفوه
رودي : انا مش بعرف انضف سمك
نورا؛ة : وله انا
انا : نسوان خايبه فينك يا سلوى كنتي اخدتي السمك و عملتي به عمايل
ليث : هيا بتعرف تطبخ سمك حلو
انا : حلو بس ده جامد يابني
سامي : و هو مروان و كارما جم في ايه في اكله سمك زي دي ههههه
انا : اه يابن الكلب اجري يلاا امشي نورا و رودي حصلوني علي المطبخ
رودي : ليه
انا : ها علمكم
رودي : تعلمنا اه تعملنا اه صح بس شوف سيف بيعيط تخيل انيمه و ارجع
نورا : و انا اصحيه يله
رودي : يله
انا : (مسكت الاتنين من قفاهم)
نورا : ها تضرب ها نضرب ها تكسر ها نكسر ها تحرق ها نحرق
سامي : و مش برجالتنا لا بدراعنا
رودي : و سيف
سامي : معانا برده معانا
انا : على المطبخ يا جوز جزم قال ملهمش في السمك قال يله يابت انتي هيا ورايا

اخدتهم من قفاهم و اخدتهم علي المطبخ اللي ملقتش فيه سكينه او مقص او اي ألاله حاده قومت مطلع مطوي من الجزمه و شفره موس من بوقي  و علمتهم ازي يفتحه بطن السمكه و يفضوه و ينضفوه و طبخنا الاكل و البنات بتتعلم و غرفنا الاكل و قعد ليث و سامي على السفره و نورا و رودي بيفرشه السفره
ليث: اه صحيح نسيت اديكي السكاكين
نورا : متقلقش جدك اتصرف الراجل ده غريب اوي
ليث : ليه
نورا : ده طلع شايل مطوي في الجزمه و موس في بوقه
ليث : احنا ها نهزر ده انا و انتي مفتشينه بنفسنا و شايلين من ايده اي حاجه حاده
نورا : عندك حق جابهم منين
ليث : انتي عرفه كده يبقي ماشي بكم سلاح ابيض ٢٥
نورا : السؤال مش هنا السؤال هو حاطت موس في بوقه ها يعمل به ايه اقل حاجه هو اضرب بيها كان رصاص و طالع هو ماشي بوس يعمل به ايه
ليث : عندك حق فعلاً
سامي : ابويا بلطجي من السبتيه يا جدعان وله ايه
نورا : انا عرفه الراجل ده بيخبي الحجات دي فين نفسي افهم و بعدين موس في بوقه يعني متعورش مبلعهوش يعني مانا مش ها فتش بوقه يعني و مطوي قرن غزال
ليث : شوفت فيك العجب يا علي يا صمدي
سامي : هيا فين رودي
ليث : ابوك واقف فوق دماغها مش ها يحلها غير لما تظبط طبق رز في التسويه
سامي : الله يرحمها كانت بنت حلال مصفي يله

فضلت فوق دماغ رودي و حاطت ليها شويه رز صغيرين تعملهم لحد ما ظبطت الرز صح و طلعنا باقي الاطباق و قعدنا على السفره ناكل اكله سمك صابح اكتر من الصابح نفسه
اكلنا و شربنا الشاي بالنعناع و انا النوم كبس عليا طلعت انام
سامي : ها هو يعني كده فاق بالصدمه وله ايه
نورا : معرفش
ليث ؛ ازي
نورا : معرفش هيا ملهاش مقياس محدد
سامي : لا لزم نطمن و نتأكد انا مش هاخده من هنا يرجع هناك يعمل كرثه
نورا : طيب التجربه خير دليل على النجاح احنا نجرب
سامي : ها نجرب ايه انا مش فاهم
نورا؛. اطلع اوضه النوم انتا و رودي و سيف و مهما سمعته اوعه تفتحه الباب
سامي : ها تعملي ايه
نورا : يا سيدي هقعد اتكلم معاه انا و ليث يمكن نلقي حل او نفهم حاجه تساعدنا
سامي؛ طيب تعالي يا رودي نطلع

اخد رودي و طلعه فوق و نورا فكرت شويه في طريقه علشان تعرف اذا كنت في الصدمه وله لا و دي ملهاش غير سكه واحده بس تختبر قدراتي في التفريق بين الوهم و الخيال
بدأت تصنع اوهام على شكل ناس ملثمه
و هما اتحركه و طلعه الاوضه بتعتي و اتجماعه حولين سريري و انا لما بدأت احس ان في حاجه غلط فتحت عيني لقيت حوليا عدد كبير من الملثمين الشايلين سلاح قومت من سريري و عديت من بنهم فهمت انهم وهم بدأت ادور على مسدس فتحت الدرج ملقتش حاجه فتحت الدرج التاني برده مفيش و انا معدي لمحت المسدس في الدرج الاول مجتش عنده الاني فهمت ان المسدس ما هو إلا وهم بدأت افكر في حاجه تانيه و فكرت في كلب مظهرش قدامي سعتها تأكد انه وهم حي مش خيالي (و حي هنا مش بني ادم لا شكل بني ادم بس مش في عقلي لا ده في ارض الواقع) بدأت أخد حزري و اشوف دفاعاتي شغاله وله لا (الدفاعات دي اللي استضم بيها يوسف) اطمنت انها شغاله و طلعت الموس من بوقي حطيته بين صوابع ايدي من قدام
طلعت من الاوضه لقيت الانوار مطفيه تخيلت انها منوره مشتغلتش انا قاعد بجرد الان الفخ العقلي بيحصل في جزء من الثانيه هو شغال من بدري بس انتا مش مركز تقع فيه لكن لو مركز مش ها تقع فيه (زي ما وقعت نورا في التنويم اللي عمله يوسف ليها)
نازل تحت بخطوات حذره و لما حسيت ان في خيال بني ادم حوليا شوحت بأيدي اللي فيها الموس و كان الحد بتاعه لي بره يعني لو كان جيه في حد كان عوره بس مش حاسس ان الموس عليه دم اتأكد كويس ان مفيش حد في الشاليه و بعت لي مالك يبدأه ينشطه طاقتهم لو حسه بأي حد بره الشاليه او جوه طاقه غير مألوفه ليهم بس محسوش
اتأكدت ان اللي عمل كده هرب و عملها من بعيد طلعت الاوضه فوق ملقتش الأوهام امنت علي نفسي طلعت من جيبي حتت صلصال و قعدت افرك فيها برتم محدد كل خمس ثواني بغيره برتم تاني غير الاول و رتم مبتكر علشان مقعش في اي فخ

تحت في المطبخ
ليث هو اللي عدا من جنبي و دخل لي نورا
ليث : كان ها ياخد رقبتي
نورا : عرفه
ليث : لسه بدري عليه
نورا : بالعكس ده هو كده فايق الانه موقعش في وهم من الأوهام اللي عملتها لو كان وقع فيها كان تفاعل معاها مش تجاهلها لكن تجاهلها و بدأ يدور علي المصدر بتعها معني كده انه فايق كون انه حاطت في حسابه ان موقف زي ده ممكن يحصل و رد الفعل اللي اخده معاك كان متأخر علشان لو كان طبيعي كان زمانك متعور في رقبتك رد الفعل ده يظبط مع الوقت مش اكتر
ليث : حجه بقولك رقبتي
نورا : مانتا عايش اهو بتصيح ليه بقي بس تخيل طلع الموس بينفع
ليث : بت انتي هبله بجد اوعي انا طالع انام شويه قبل السفر

دخل ينام و اخته دخلت أوضتها ساعه و صحتهم
لبسنا و نزلنا تحت اتحركنا مع الحرس لحد القاهره و انا في الطريق ملاحظ ان مالك مش بيرط كتير يعني غير العادي بتاعه طلبت منه يدخل بنزيمه علشان عايز الحمام
وقفه و نزل مالك قبلي راح على الحمام من نفسه يأمنه و انا لما جيت انزل لحظت ان الحرس منعني لحد ما مالك رجع فتحلي الباب نزلت و رايح لي الحمام و هو معايا دخلت الحمام غسلت ايدي و من المرايه بصيت لي عين مالك لقيت ان بئره عينه دايقه معني كده ان حد فعل بروتوكول الخطر و محدش يعرف الاكواد دي غيري انا و يا ترا هببت ايه تاني في الاربع اشهر دول
طلعت الاسلكي و فتحت قناه اتصال مع الفصيل و ادتهم كود الابطال (كود التفعيل او الابطال هيا مجرد ارقام عاديه جدا مجرد انهم يسمعوها يتبدله من ناس لي ناس تانيه خالص و الموضوع نفسي مش ها يفهمها غير طلبه ادبي ثانويه عامه مثير مثير شرطي و استجابه شرطيه)
مالك : علي
انا : خير
مالك : بلاش تعمل كده تاني
انا : اعمل ايه
مالك : تعمل كده و تفعل الاكواد دي تاني بعد اذنك انتا متعرفش الموضوع عامل ازي و انتا محبوس في قفص قزاز مش عارف تتحرك
انا : (تنهدت بشقاء) سامحني يابني بس والله كنت في نفس المكان اللي انتا راجع منه صندوق قزاز و محبوس فيه مكنتش في وعيي
مالك : (باصص ليا و عينه بتقول احلف طيب)
انا : لما اطلع الحمام احلفلك يا سيدي تعاله

اخدته في ايدي و احنا طلعين ماسكه من ايده بخوف انا خوفت اني اخليه درع بشري ليا و انا مش في كامل وعيي و ساعتها تبقي مشكله و حلفت ليه مالك طيب جدا جدا نضيف من جوه بس الدنيا هيا اللي عملت منه قائد حرس زعيم الحشاشين مالك خازن النار

ركبنا تاني العربيه و كملنا الطريق لحد القاهره و مالك شغال رط مش ساكت صدعت بس فرحت انه كويس و تمام
في القصر
علي صرف رجاله الحرس الحديدي علشان مشفهمش هو مش مخبي وجودهم بس علشان مسألش كتير و افتكر اللي عملته و نبه علي سامح و امام و اهل البيت و هما قدره و سكته بدأه يحضره العشاء
و وصلنا امسكت في ليث و نورا يتعشه معانا
دخلت البيت و الكل رحب بيا بحفاوه نسبيه مسكين نفسهم و قعدنا نتعشه و بعدها قعدنا في الصاله بصيت جنبي لقيت سمر قاعده
انا : اخبارك ايه يا سمر كويسه
سمر : انا كويسه المهم انتا عامل ايه
انا : انا تمام يا بنتي
اميره : الله الله لا وشنا نور على حس اسكندريه ها احلوينا كده
يوسف : طبعا تلقيه كان مقضيها هناك بلبطه و بط (و غمز ليا)
انا : هههه اه يابن الكلب لا متخفش هما بيثقه فيا صح
غرام : طبعا
سلوي : اكيد
سندي : انتا ها تقولي نورا عايزه تقرير ها و من غير كذب
نورا : عيب عليكي يقدر يبص بره و انا موجوده
يوسف : و يبص بره ليه بس يا جميل يا عسل انتا
نورا : حد ياخد الواد ده اللي مش عامل اي اعتبار لي السن نهائي ياض ده انا قد امك
اميره : انا اصغر
يوسف : طبعا
ليث : يوسف حبيبي ابو دي تربيه يابني والله انتا اتربيت محصلش اللي اعرفه الامهات تقعد تربي في عيالها طول عمرهم انتا قعدت ساعتين و امك زهقت
يوسف : حصل
اميره : كده ماشي يا ليث ماشي يا نورا بتتنمره علي ابني نسيته نسيتة قائد التنظيم يا جدع مكانش عيش و ملح ده
ليث : خلاص يا اميره ها نعيط منك والله
سلوي : كارما كانت عايزه تطمن ها توصل امته علشان تزورك
انا : لالا بكره انا هاخد زياره و اروح ازورهم (بصيت لي علي لقيته ساكت و سرحان عرفت انه مخبي حاجه)
نورا : طيب نسبكم احنا بقي ايه علشان نلحق نروح
ليث : يله
انا : (فتحت دراعي لي نورا)
نورا : (حضنتني) ها توحشني يا عجوز
انا : ابو شكلك امشي يا بت
نورا : ماشي سلام
ليث : مش عايز حاجه
انا : لا يا حبيبي تسلم
ليث : انا مش بعزم قول عايز فلوس
انا : بره ياض اطلع بره
ليث : حاضر

مشي الاتنين طلعه بره ركبه عربيتهم و اتحركه لي بيتهم و انا طلعت فوق دخلت اوضه نومي غيرت هدومي و نزلت دخلت المكتب و قعدت علشان الاربعه يفهمه اني عايزهم و الاربعه جم
علي: بابا في موضوع عايز اتكلم معاك فيه بس بعيد عن اخواتي
انا : خلاص استنه لحد الاخر مروان احكي
مروان : في تغيرات في سوق السلع بشكل كبير وفره في المعروض بشكل اكبر و سيوله اقل
انا : خفض الانتاج عندك شويه مش لزم تشتغل بكامل طاقتك الانتاجيه قلل العرض بنسبه الطلب و من غير ما تسرح عماله
مروان : بس ها يشكله ضغط
انا : في كم يعني ٤٠ ٥٠ ٦٠ ٧٠ مليون في الشهر مش مبلغ ده العماله المدربه و اصحاب الخبره ها توفر عليك المبالغ دي قدام دي مش فلوس يا مروان العامل الخبير خير من اللي لسه ها تبدأ معاه من الصفر
مروان : تمام يا بابا
انا : سامي احكي
سامي : في شويه مشاكل مع شرطه السياحه الفتره دي و امن المسطاحات المائيه و اللعبه دي ملعوبه عليا و كل مطاعم رودي اللي علي النيل بس البعيد عن النيل شرطه سياحه و امن غذائي و حاله تسمم
انا : ابعت اوراق القضايا لي اختك تخلصها بمعرفتها
سامي : و في كمان قضيه اثبات نسب مرفوعه من شاهين عم رودي ابعتها لي فريده برده
انا : (رجعت راسي لي وره و غمضت عيني) لالالا فريده مش ها تعرف تتصرف في الموضوع ده ده عايز حل بره المحكمه سبها دي ليا
سامي : طيب ما نسيبه هو مع نفسه يعمل اللي يعمله حتي لو المحكمه حكمت ليه ها يعمل ايه يعني
انا : ساعتها حتت الورقه التوكيل ها يرجع في صوره طبيعيه و قانونيه توكيل اداره اه بس يلغا بوجود الطرفين يعني مسيلي علي اعلا نسب خساير و خطوات غلط ها يخدها و هو عارف انه غلط و برده ها يكمل علشان يخسرها مش بعيد يلبسها مصيبه اشتري دماغك انتا و فكك انا ها تصرف معاه محمود اتكلم قول ايه مشاكلك
محمود : مشاكلي اني مش فاهم اي حاجه خالص
انا : امممممم مش فاهم حاجه خالص طيب انا ها تصرف
محمود : هو في حل
انا : قوله
محمود :اعمل مع حضرتك عقد اداره مشتركه زي اللي عمله ايهاب مع مروان
انا : لا انا ها تصرف في حل احسن من ده
محمود :  طب ممكن اعرفه
انا : ها عين ليك عشره مستشارين يشتغله معاك عيال سنها مش كبير بس حريفه بزنس هما اللي مسكين المحافظ بتعتي بره مصر اسهم و عقارات شريكات صرافه بنوك دهب مصانع شريكات بص شويه شباب من سن مروان كده بس عيال حريفه من الاخر
محمود : طيب يوصله امته علشان يستلمه الاداره
انا : (فتحت عيني بخضه) اداره ايه
محمود : المجموعه
انا : محمود دول مش جايين يستلمه اداره المجموعه بشكل كامل نهائي العيال دي ذكيه جدا ايوه بعتمد عليهم ايوه بس اثق فيهم لا براجع وراهم اول بأول يوم بيوم اوعا في يوم من الايام تغلط و تسلم اداره المجموعه لي اي حد مهما كان مين ابوك الله يرحمه عملها مره واحده بس و كان نتيجه لي ده اتدخلت و كان فيها بحر دم مش عايزك تقرب منه العيال دي جايه الاسم يديره لكن في الحقيقه ها يجه علشان تلقط منهم الشغلانه ماشيه ازي و تلقطها بحرفنه يعني من تحت لي تحت يعني حتي لو لقيت بيعمله حاجه انتا فاهمها و عارف انها ها تسبب ليك ضرر تسكت و متتكلمش تعمل عبيط و تتصرف بعدها مش في وقتها و بعدها مش قصدي بيها بعد ما المصيبه تحصل فهمت المطلوب منك ايه تتعلم و تفهم
محمود : حاضر يا جدي
انا : (رجعت غمضت عيني تاني) يله كل واحد يروح يشوف ها يعمل ايه بس خليك يا علي
علي : حاضر

طلع الكل و فضل علي قاعد
انا : (مديت ايدي اتجاهه) هات سجاره
علي : (طلع سجاره و ادها ليا)
انا : (اخدت السجاره ولعتها) خير ايه نوع المشاكل اللي عندك
علي : بابا هو موضوع يطول شرحه
انا : موريش حاجه
علي: طيب ترتاح و ممكن نتكلم بكره عادي مش ها نطير
انا : اخدت قرار بعزلي من المجموعه صح
علي : (سكت بكسوف)
انا : بلاش تتكسف ده قرار صح و اول قرار صح اشوفه منك من يوم رجوعي
علي : بابا انا عزلتك من منصب نوح
انا : (فتحت عيني بصدمه عزلني من منصب نوح يعني وصل لي الحراس يعني هو بقي نوح دي مصيبه لسه بدري اوي لسه لسة مخلصتش علشان هو يبدأ)
علي : صدقني يا بابا والله مكنش طمع انا عملت كده من خوفي مش اكتر والله
انا : (عدلت راسي ليه و معالم الصدمه على وشي) عزلتني
علي : اقسم بالله انا معملت كده غير علشان خطرك انا خوفت تتصرف بشكل غير صحيح تتسبب في مصيبه ده كان تفكيري مش طمع
انا : افهم عزلي من منصب نوح دي كرثه عارف يعني ايه تعزلني من منصب نوح دلوقتي انا لسه مخلصتش
علي : عارف والله عارف و اتطلعت على الملفات و شوفت حضرتك بتخطط لي ايه بس انا مكنتش طمعان
انا : مش قصه طمعان القصه ان الملفات بتعتي مستحيل تعرف تنفذها ابدا مهما حصل مستحيل انتا مدرك حجم الملفات اللي انتا اتطلعت عليها عمله ازي شوفت انا بخطط لي ايه شوفت خططي عمله ازي انتا مستحيل تقدر تنفذها
علي : عارف انا متأكد اني مش هعرف و علشان كده ها سلمها ليك
انا : انتا كده كدة كنت ها تخدها بعد ما اخلص علي يابني انتا شوفت بعينك خطتي تضمن استقرار و خبطه لي الخوف لي مده لا تقل عن ٢٠ سنه يعني لزم تكون مستعد بسناريو هما ممكن يقفه ازي تاني و سيناريو ازي توقعهم تاني من قبل ما يقومه
علي : عندك حق
انا : (رجعت ضهري لي وره) ها قولي ايه رأيك
علي : في ايه
انا : قدرات الجحيم
علي : انا منزلتش الجحيم اصلا كل الملفات دي وصلها الفا ليا لكن مزرتش الجحيم وله مره غير معاك
انا : اممممم طيب اتطلعت على الملف ايه رايك فيه
علي : قرف
انا : قرف
علي : جدا بابا احنا مش واخدين بلنا من كرثه تانيه خالص
انا : اللي هيا
علي : الدايره الحمره دول لوحدهم مصيبه احنا مكناش مدركنها الدايره الحمره لو الخوف وقع هما ها يوقفه من غير الام او المعمرين و لو الحشاشين وقعه هما ها يوقفوهم من غير الاب او المعمرين هما اكبر مستفيد من الحرب دي مش الخوف وله الحشاشين دول كرثه كبيره
انا : عرفته بقي انا فككت الكيان ليه
علي : مكنش حل نهائي هو حل مؤقت مش اكتر المشكله مش هنا المشكله انهم مش بيقعه او محدش شافهم اصلاً الكل شايفهم الناس اللي ملتزمه الحياد بس من تحت لي تحت عائله درك بتدعم الحشاشين بشكل سري و عائله مرس بتدعم الخوف بشكل سري برده
انا : يعني عملين زي صحبك اللي يجي يسخن الخناقه و اول ما يبدأ الضرب هو اللي يصلح بنكم صح
علي : بالظبط ده ادق وصف ليهم اذكياء لدرجه مفيش زيها ابدا
انا : قريت اللعبه
علي : ايوه
انا : شايف انك ممكن تخلص منهم ازي بقي
علي : صعب دول جدر كبير محتاجين وقت
انا : الخطه اللي اطلعت عليها المفروض انها تتنفذ و تخلص في خلال خمس سنين سيب الخمس سنين دول ليا و انتا اخرج بره الصوره علشان
علي : علشان محدش يشوفني
انا : جدع عليك الدايره الحمره و عليا الخوف اتفقنا
علي : احم هو بس انا يعني بص
انا : عملت ايه من ورايا
علي : بص اهدا و اسمع لحد الاخر
انا : اتفضل
علي : دلوقتي نقطه قوه كل عيله من دول تجاره مشروعه لي سلعه مستحيل حد يبطل استخدمها صح
انا : صح
علي : بس لو طلعت منتجات مضروبه تتباع عن طرقهم هما ها يحصل ايه
انا : كتير بس مستحيل
علي : لا حصل
انا : ازي
علي : اولاً نمسك عائله درك هما محتكرين الماس في العالم مفيش قطعه ماس في العالم ليها قيمه غير لما يبقي مختوم و هما بس اللي بيعرفه يختمه انا بقي جبت شويه حرافين كبار من بتوع درب اية و النحاسين و النحاتين الخشب و القزاز الفسيفسائي عرضت عليهم شكل الختم و سألت سؤال صغير خالص ممكن الختم ده يتقلب
انا :رده بأيه
علي : رده برد غريب ان الختم ده فن من الفنون بس فن شامل لي اكتر من لون يعني حرف صغير النحاس قال انا اعرف اعمله بنفس الشكل و رسمه الاسد نحاتين الخشب قاله سهل نعمله و كل تفصيله في الختم بس حد فيهم. يعمل شغل التاني لا معرفوش احنا بقي لو جبنا الماس من أفريقيا و حطينا عليه الختم ده و وضحنا انه مضروب عن طريق وسطاء بنا و بين التجار من النصابين اليهود ها يدخل السوق و وقتها ها يتكشف الختم انه مضروب يحصل ايه الناس تفقد المصداقيه في التجاره دي
انا : بس عيله درك بتجار في حجات كتير
علي :جدا بس ده الممول لي اي تجاره عندهم لو سقط ده ها يسقط الباقي وره زي قطع الدومنو قطعه وره قطعه
انا : الموضوع مش بالسهوله دي
علي : عارف بس ده محتاج شغل من نوع تاني و لزم اتحرك بحريه اكبر بعد اذنك
انا : يعني عايز ايه
علي : مالك و عربيه واحده بس من الحراسه تكون بشكل سري و مش هنزل الجحيم وله هتنصب نوح بشكل كامل نهائي غير بعد عمر طويل لي حضرتك
انا : يعني
علي : يعني انتا نوح و انا مش نوح لحد ما يجي الوقت اللي يختاره ربنا
انا : طيب يا علي فهمتك بس خلي بالك انتا بتلعب بنار ممكن تحرق كل حاجه الدايره الحمره مش سهله وله مسكنها شويه اغبيه
علي : و انا مش غبي انتا حضرتني للحظه دي علمتني و كبرتني و فهمتني و كسرت عضمي بأيدك قبل ايد الدنيا ده وقتي اني انزل اساعدك بجد اشيل عنك بجد و مش ها ستأذن و اقولك اقعد بعد اذنك ارتاح و انا مكانك لا ده امر من نوح انتا ها تنفذ الخط بتاعك زي ما هو مع تعديلاتي و انا ها نفذ الخط بتاعي زي مهو وصلت (قام) معلش صدعت دماغك اسيبك انا و اطلع لي يوسف كان عايزني

طلع علي و سابني و انا بشتم في الحراس ملقوش غير علي ده غبي ده سامي اللي هو سامي نص عمره اذكا منه على الاقل شبهي
حارس : بطل شتيمه فينا عيب
انا : انتا ايه اللي جابك
حارس : جي اطمن عليك
انا : عاشق لي جمالي
حارس : بطل سأله انتا صحبي يا علي
انا : طيب يا سيدي وله تزعل نفسك انا اسف بس شوفته ايه في علي
حارس : وله حاجه
انا : طيب ليه بقي
حارس : انتا قصدك انهي علي اصل في اتنين
انا : انتا كان قصدك علي مين انا وله هوا
حارس : انتا او هو في نظري واحد مش شايفين فيكم حاجه افهمك عارف انتا و هو شبه بعض جدا ملكمش مكان في الحياه بنيته نفسكم من الحضيض و على فكره علي ابنك بني نفسه بنفسه في انجلترا من النحيه العقليه و الفكريه و عندك حق سامي برقبتك انتا و هو
انا : و ده اشمعنا
حارس : سامي اوسخ منك سامي لو عاش حياتك و هو مش ابنك نفترض ان سامي بالدماغ بتعته كده و مش ابنك و تعرض لنفس اللي انتا تعرضت ليه او بقي مكانك اول حاجه تحصل ايه تخيل
انا : ايه
حارس : ها يدور على طريق ازي يقتل بيها الام
انا : كويس صح كده صح
حارس : بس يقعد مكنها
انا : انتا عايز تقول ان ابني وسخ
حارس : لا ابنك قلبه ابيض اكتر منك انتا و ده سبب من اسباب السقوط دايما يا علي المشكله مش في اللي زيك انتا و علي المشكله في اللي زي سامي و الام زي سامي
انا : يعني انتا بعد ده كله عايز تقول ان الام قلبها ابيض
حارس : اصفه من اللبن الحليب يا علي
انا : لا افهم
حارس : طيب الام شافت من الحياه اللي انتا شوفته كائن منبوذ مكروه ملهوش مكان بس الفرق انتا كنت بتفرغ غضبك في الناس على قد القلم بترد لكن هيا مكنتش بترد كل اللي احنا فيه ده مجرد تراكمات يا علي غضب الام في لحظه من اللحظات كان يوازي غضبك بعد موت غاده و اكتر كمان بس انتا غضبك و سخطك علي الحياه انتا و سيف يدوبك يوازي اقل من ربع الربع غضبها شخص ابوه حاول يقتله بشتا الطرق اللي ممكن تتخيلها و معي ذلك فضل عايش ابوها كان عالم من العرب عالم في الكيمياء حبسها في قفص يجرب عليها عايز يوصل لي سر الخلود هو فاكر انه خلود لكن مكنش شايف انه مجرد تأجيل لي الموت و مش بأمر منها او مني لا بأمر من ربنا
انا : يعني هيا مظلومه
الحارس : من اول مره اتقابلنا فيها يا علي لحد اللحظه دي بقولك دايما تخلي بالك من اللحظه اللي تخرج فيها عن السيطره تتحول من مظلوم لي ظالم هيا مأخدتش بالها من لحظه زي دي و سامي مستحيل يقدر يفرق بين الاتنين الان في نظره الدنيا ابيض و اسود لسه مفهمش انها رمادي و اللي ماشي بمبدأ ابيض و اسود هما اسرع ناس تقع في الخايه بتاعت ظالم و مظلوم ابليس شايف نفسه مظلوم بس هو اللي ظالم و يوم ما ظلم ظلم نفسه مش حد تاني
انا : تمام انا كنت عايز حاجه مهمه
الحارس : ايه هيا
انا : عايز اقابل الاب
الحارس : ليه
انا :مفيش عايز اتكلم معاه في حاجه مش اكتر
الحارس : ها سأله لو وافق ها يبعت يجيبك
انا : طيب