كبدي لهيّب الشوق والود صايبّها

4

ملاحضه (ام سياف هي نفسها امال غيرنا الاسم بس)

.
.
تنهد وهو يشوف الشمس بدت تشرق توجه لحمام(يكرم القارئ) طلع وهو يشوف جدته تطلع له ثوب
عزام: صبحك الله بالخير يمه
الجده بتجاهل: البس شي ثقيل لاتمرض
عزام وهو يقرب منها: كم مزنه عندي انا
الجده وهي تمسح على شعره: الله يحفظك يولدي واشوفك معرس
عزام بملل: امين بس الثانيه لا
الجده: بنشوف مع الايام بتجي وتقول اخطبي لي
عزام بضحك: طيب انتي الحين روحي ارتاحي واذ صارت الساعه ٧ قلت للخدامه تسوي الفطور
الجده وهي تطلع: جدك ما ياكل من يد غير يدي
عزام بصوت شبه عالي: وينك ياجدي شف كيف تغزل فيك، توجه لشرفه وهو يناضر بسيارته الي كانت اشبه بالخرده لبس وهو يطلع لصاله
شاف جده جالس ويقرا القران
عزام وهو يبوس راسه: صباح الخير
الجد: صباح النور
عزام: اخبارك يبه
الجد: الحمدلله طيب سكت وهو يشوف جده يطلع من مخباه مفتاح
الجد ببتسامه: خذ يا ولدي
عزام بفضول: مفتاح ايش ذا
الجد وهي يتعدل: انت وش تشوفه
عزام بضحك: مفتاح سياره
الجد بنص عين: كنت باخذك لقسم العيون بس الحين هونت عزام وهو يقوم: باي باي بروح اشوف سيارتي الجديده
الجد بضحك: اهجد لسحبها
عزام من بعيد: بدينا من الحين طلع على صوت ضحكات جده، يدور بنضاره على السياره
عزام بعجاب: طلعت ذويق يا يبه مرسيدس ركب السياره وهو يضحك توجه لشركه

ــــــــــــــ
10:06
بيت خالد
دخلت غرفة الكادي وهي تصحيها
ام سياف: الكادي قومي لا مدرسه زي الناس ولا درجات زينه انتي حتى نسبتك تطلع زينه بالحظ بس
الكادي بملل وهي كل يوم تسمع السالفه ذي
الكادي: يمه كل يوم نفس السيناريو حتى نفس الكلام شسوي ياخي
ام سياف بتجاهل: تسبحي و انزلي تحت ابيك بسالفه
الكادي بتسال: قوليها هنا احس مقدر انزل نعسانه
ام سياف: وهي تطلع: لاتنسين تجيبين قهوه معك، الكادي وهي تتوجه للحمام(يكرم القارئ)
الكادي بنفسها: يوه امي متقول جيبي قهوه الا و وراها شي يويلك يالكادي ليكون قفطتك كملت وهي تضرب خدها
الكادي: لا لا لو الموضوع كذا كفختني و رحت فيها وانا نايمه مستنتني اصحاء تنهدت وهي تسحب الروب

ــــــــــــ
<<حائل>>
فزرو من برودة الماء الي انكب عليهم
نادر بعدم استيعاب: شكل الناقه ناويه تسبحنا
فارس وهو يدوب يفتح عيونه: لا الضاهر الخيمه طارت فينا
العم سراج وهو يقاطعهم: قم انت وياه
نادر: شفيني صرت اسمع صوت العم بحلمي
فارس وهو يستوعب: انت مو جالس تحلم هو يتكلم
نادر وهو يفز:هلا ياعم
العم سراج:شكلكم تبون تشوفون وجهي الثاني مو مشكله
نادر:هذا وانت مطلع عيونا وش بيصير لو تطلع وجهك الثاني
فارس بضحك:مراح يكون في حد اسمه نادر وفارس
العم سراج وهو يتجاهل كلامهم: رتبو اغراضكم وخذو كل شي نحتاجه رايحين المدينه طلع وهو يسمع اساله كثيره
نادر وهو ينسدح: الشمس قويه ولكن امطرت
فارس بستغراب: وش صار وخلاه يغير رايه بموضوع المدينه بيوم وليله
نادر وهو يناضر فوق: شكله اشتاق لعزام مثلنا بس يكابر
فارس: يالغبي الموضوع فيه شي احسه يستدرجنا
نادر بتركيز: هاه وليه وش يبي منا حنا من زينا لا فلوس ولا شكل
فارس وهو يبعد عنه: شكل روحة المدينه عشان يعالجك منت بطبيعي قم انقلع
نادر بتضيع لسالفه: يوه محتار اخذ ثياب ولا شورتات و تيشيرتات
فارس بضحك: يالله اخذ الي تاخذه اصلن انت بالشورت والتيشيرت كنك راجو
نادر بتصنع لضحك: ههه تصدق عاد انا ضحكت اقول انا لو البس خيشه طلعت مز
فارس بصوت عالي: خف علينا، نادر تجاهله وهو يتخيل ردة فعل عزام لمن يشوفهم
ـــــــــــــ
عند شخص من زمان عنه
تقدم من مزون وهو يوجه الكلام لها
محمد: ردو عليك ولا باقي
مزون بكره: لا وياليت ما يوافقون انا بفتك من الام وانت بتدخل البنت بيتي مابقى الا هي
محمد بغضب: اقطعي الهرج ذا بيتي وانا ادخل فيه الي ابي انتي ماتستحين تقولين كذا ابي اعرف بس هي وش مسويه لك
مزون بضحك: والله حتى انا بكيفي اكره الي ابي ومثل ماهو بيتك بعد بيتي تجاهلته وهي تطلع لدور الثاني
تنهد وهي متعبته بكرها لزوجة خالد وبناتها وماتبي تسمع طاريهم
.
.
نزلت وبيدها دلة القهوه ناضرة بساره الي جالسه جنب امها
الكادي وهي تنزلها: القهوه جاهزه وهذاني متسبحه وش السالفه الغامضه ذي
ساره بستغراب: سالفة وش
الكادي: شدراني انا لازم نحقق مع امنا العزيزه
ام سياف بهدوء وهي توجه كلامها ل الكادي: ام رائد خطبتك لولدها
الكادي بضحك: يمه الله يهداك مصحيتني عشان السالفه ذي قطعتي علي احلامي الله يسامحك
ام سياف بحده: هي يا وحده من الثنتين يا ايه يا لا
الكادي بجديه: اسمعيني زين يمه انت عادي عندك ادخل بيتها يمه تعرفين شكثر تكرهنا وش بيصير وحنا ببيت واحد بعدين انا ماطيق طاريها هي وولدها ويع
ام سياف براحه: والله الصراحه انا بعد مرتحت لموضوع الزواج ذا والحمدلله مو خطبه رسميه وانتي توك بزر ابيك تكملين دراستك وتتوضفين
الكادي وهي تصفق: عاشت ماما الكوين
ساره بضحك: مابي اتخيل شكلك انتي وام رائد وانتم تتهاوشون
ام سياف بضحك: الحمدلله انهم مو بنفس البيت ولا كان تفرقنا من زمان
الكادي وهي طالعه لفوق: لحد يصحيني احس عضامي متكسره
ام سياف بصوت شبه عالي: زين ساعتين واصحيك لا تتعمقين بحلامك
الكادي بضحك: وتبلغيني بعد والله انك عشقي طلعت وهي نيتها تنام
ساره: شصار بالدنيا ام رائد تخطب الكادي غريبه
ام سياف: الله يستر بقولها
.
.
دقت وهي تنتضر رد منها
ام سياف: صباح الخير
مزون بكره: صباح النور وش عندك
ام سياف: البنت مو موافقه
مزون بضحك: الحمدلله محد يبي القرب منكم
ام سياف وبضحك مستفز: وكن فيه احد يبيكم الحمدلله بنتي طلعت تفهم وعلى طول قالت لا ما تركت لها مجال تتكلم وقفلت بوجهاا
ساره بضحك: تسلميلي على القوه
ام سياف بغرور: شفتي حتى العجوز تجلد مو بس انتم مالت ساره ضحكت وهي تشتت انضارها لجوالها
.
.
ناضرت بولدها وهي تكلمه
ام رائد: سمعت وش قالت
رائد وهو يبتسم: بس يمه ذي خطبه بينكم بس بنخطبها رسمي من جدي و عمي
ام رائد بحده: جرب تسويها بس والله منت بولدي ولا اعرفك
قاطعها دخول محمد
محمد: كلموك
ام رائد: اي ومو موافقين
محمد وهو يناضرها: شكلها نعمه من ربي
ام رائد بعدم فهم: وش قصدك تجاهلها وهو يطلع
رائد: بس يمه
ام رائد بغضب: انا علمتك يا رائد تنهد وهو يتجه لغرفته
ــــــــــ
1:08
بشركة الجد سالم
عند عزام
رتب الاوراق وهو بيطلع قاطعه خالد
خالد: اخبارك يولدي
عزام وهو يبوس راسه: الحمدلله بخير امر ياعم
خالد بحراج: والله يولدي عندنا عزومه وابيك تشاركنا
عزام برفض: مره ثانيه ياعم والله اني مشغول مع ابوي تعبان ويبي حد يراعيه
خالد بمرعاه: الله يشفيه ويديمه لك يولدي لا تطول علينا صرت منا وفينا
عزام وهو يطلع: ابشر ياعم طلع وهو يشوف جواله يرن
عزام: هلا والله بفروس شخبارك
فارس: بخير الحمدلله
عزام: يجعله دوم يارب شخبار نادر
فارس بضحك: بخير بخير ويسلم عليك الملقوف
عزام ببتسامه: يجعلني فداه والله قله سلامه وصل
فارس بمفاتحه لموضوع جديد: الا ياعزام عطني موقع بيت جدك
عزام بستغراب: ابشر بس ليه وش تبي فيه
فارس بتصريف: يمكن نجي بعد اسبوعين وقلت ندبر نفسنا من الحين
عزام وهو يرسل له الموقع: شف ارسلته
فارس: مشكور اجل سلام اكلمك بعدين قفل بسرعه
عزام بنفسه: شفيه ذا تنهد وهو يدق على حاكم
ــــــــ
صحى بملل وهي يطلع ملابس ويتسبح نزل لصاله وهو يشوف اهله متجمعين معدا ابوه وسياف
حاكم وهو يجلس: يصباح الخير
ام سياف: هذا صباح الحين
الكادي بضحك: كان كملت نومك
حاكم بنص عين: وش تبين انتي قاطعه رنين جواله
حاكم وهو يرد: حي الله عزام صباح الخير
عزام بضحك: مساء النور قصدك
حاكم بتافف: يوه شفيكم علي انتم اليوم قلت صباح يعني صباح
الكادي بهمس: حتى ذا طقطق عليه
عزام بضحك: طيب المعذره انا نسيت السالفه حقتي
حاكم: معذور وش سالفتك
عزام وهو يتكي على السياره: بجي امرك
حاكم وهو يقوم: طيب طيب قفل وهو يناضر بمه
حاكم: خويي بيمرني توصون على شي
ام سياف: من متى عندك خوي هنا
حاكم: تعرفين ولدك حبوب طلع وهو يتوجه لبرا