كبدي لهيّب الشوق والود صايبّها

9

انتبه لليد الي انحطت على كتفه
عزام وهو يتنهد: وش مطلعك
فارس بضحك: خايف عليك
عزام بنص عين: شايفني ورع
فارس بضحك: اي ورع قم ادخل البرد لا يذبحك
عزام وهو يناضر بالسماء: معاد تفرق
فارس: فيك شي
عزام وهو منزل راسه: كيف برجع حائل وتركها
فارس بضحك: يرجال تزوجها واخذها معك
عزام: تستهبل صح يمكن ماتحب البر
فارس وهو يكح: اي اي
عزام: اقول تقلع
فارس: افا تطردني
عزام بضحك: وش تبيني اقولك
فارس وهو يسحبه: تعال معي بس، قام مع فارس الي كان يحاول يقومه دخلو وجلسو بامكنهم

ــــــــ
8:17
بيت الجد ساطي
منسدح على الارض بتعب
جوري وهي تركض: جدي فيك شي
الجد بتعب: لا يبنتي انتي روحي لبيتكم وقولي لبوك يجيني
جوري برفض: مابروح يا جدي بقومك امسكني
الجد بحده: جوري قلت روحي لبيتكم
جوري بدموع: وانا قلت مابروح
الجد وهو وجهه بدا يتغير: روحي لبوك، قربت منه وهي تناضر بوجهه الي تغير ومال للون الابنفسجي
جوري بتلعثم: بس جدي
الجد بمقاطعه: روحي يا جوري روحي، طلعت بسرعه وهي تبكي وماتدري ايش فيه اول مره تشوف بالحاله ذي دخلت البيت وهي تصرخ
جوري بصراخ: بابا ويينك
ام نواف وهي طالعه: شفيك تصرخين
جوري ببكي: جدي يمه جدي ابوي فين
ام نواف بعدم فهم: وش فيه جدك
جوري وهي تطيح: يمه ابي ابوي بسرعه
ام نواف وهي تتقدم لها: ابوك بالشركه تبين شي طلعت بسرعه وهي تبكي وتتوجه لبيت جدها
جوري وهي داخله وبتلعثم: جدي ابوي مو فيه
الجد ويدوب يتكلم: خلاص يبنيتي ارجع لبيتكم انا بخير
جوري بهستيريا: لا لا مراح يصير لك شي اخذت جوال الجد وهي تدور بالمكالمات على رقم عزام

ـــــــــ
بيت خالد
صحت بعتب وهي تفتح الجوال و تشوف سياف شايف رسالتها بس مارد عليها
الكادي بغيض: اي زين تشوف رسالتي وماترد تنهدت بقهر وهي تنزل
الكادي وهي تجلس جنب امها: ماما
ام سياف: نعم
الكادي: وين ابوي
ام سياف وهي تبعد عنها: مدري والله
الكادي: متى يرجع بنروح للمول
ام سياف بنص عين: كل يوم المول اجل
الكادي بضحك: الحياه كذا يمه لازم نستانس
ساره وهي نازله: يمه وين الشاي
ام سياف: وتسالني
ساره وهي تناضر بالكادي: تعرفين فينه
الكادي وهي تقوم: شوفي انا ودي اصارحك
ساره: صارحيني
الكادي: حطيتها تحت هالاتي لعل وعسى تروح
ساره وهي تقرب: عيدي
الكادي وهي تبلع ريقها: اسفه اسفه الحين اجيب
ساره وهي تبعد: غصب عنك
الكادي: من وين اجيب طيب
ساره: لو من تحت الارض مافرقت، زفرت بضيق وهي تاخذ جوالها وترسل لسواق يجيب
ــــــــ
بالقريه
جالسين حول عبدالعزيز ويسولفون ماينكرون انهم حبو سوالفه بس باقي بنضرهم وراه شي
عبدالعزيز وهو ينزل كاسته: عرفوني عليكم بدو يعرفون على انفسهم سكت وهو يناضر بعزام
عبدالعزيز: الا انت ياعزام كني اعرفك ناضر فيه تحت استغراب الكل
عزام بضحك: لا والله ماعمري شفتك
عبدالعزيز وهو يناضر فيه: وش سوت فيك الدنيا يا ولد نصار ناضرو بعض بصدمه كيف كذا، حس بخنقه من سمع اسمه
فارس: من وين تعرفه
عبدالعزيز: قصه طويله كمل كلامه وهو يناضر بعزام
عبدالعزيز: وين ابوك
عزام بحده:ماعندي ابو اسمه نصار
عبدالعزيز: لا تحاول تنكر الحقيقه يا عزام ابوك واعرف زين
سياف بعدم فهم: فهمنا من وين تعرفه
عبدالعزيز: اعرف جده سا قاطع كلامه جوال عزام الي دق ناضر ببعض ووجهو انضارهن لعزام الي كان بعالم ثاني، نضار بالاسم وكان من جده
عزام وهو يرد: هلا جدي استوقفه البنت الي تبكي
عزام بعدم فهم: مين معي
جوري ببكي: عزام جدي
عزام وهو يقوم: وش فيه
جوري بهستيريا: مدري مدري
عزام بحده: قلت وش فيه
جوري: طايح على الارض وابوي مو موجود تكفى جدي لايموت، طاح الجوال على الارض وهو يحس الارض ماتقدر تشيله
فارس وهو يتقدم منه: وش فيك
عزام: جدي يفارس جدي، تقدم منه وهو صدمته مو اقل من صدمت عزام
عبدالعزيز: وش فيه ساطي وش فيه
عزام وهو يلبس: انا بروح له عطوني المفتاح
العيال بصوت واحد: بنروح كلنا توجهو للبر تقدم من السياره وهو يفتحها
نواف: عزام تعال معي تقدم هو وعبدالعزيز وركبو مع نواف وتوجهو لبيت الجد ساطي