كبدي لهيّب الشوق والود صايبّها

7

نزلو وهم يوجهون كلامهم لعزام
نادر: ولد بتنزل؟
عزام: شويات
حاكم بضحك: يا رجال انزل بس تنهد وهو ينزل تقدم وهو يسحب بكت دخان ابتسم وهو يتذكر نواف
نادر: اسحب عليه
عزام برفض: لا
حاكم وهو يقرب منهم: يعيال ناسي محفضتي بسيارة سياف
عزام بضحك: خذ الي تبيه انا بحاسب
حاكم وهو ينزل الاغراض: لا والله مابي خلاص طلع بدون كلام وهو يتوجه لسياره، ابتسم وهو يوجه كلامه للمحاسب
عزام وهو يسحب الاغراض الي نزلها حاكم: حاسبهم مع اغراضنا تنهد وهو يفتح بوكه ويحاسب
عزام: نادر رح اركب نسيت شي بحاسب فيه وجي
نادر وهو يطلع: زين لاتتاخر توجه وهو ياخذ دخان ثاني، ابتسم وهو يمده ويحاسب طلع وهو يتوجه لسياره
حاكم: انا مو قلت لك خلاص
عزام بضحك: لاتكبر الموضوع
حاكم ببتسامه: اذا رجعنا ذكرني بكم وعطيك
عزام برفض: مدري بكم والله جمعنا الاغراض مع بعض وحاسبنا وبعدين انا ماقلت لك عطني
حاكم بضحك: خلاص زين هدي انت
نادر بملل: اسرع اشتقت لفارس ابتسم وهو يتذكر البارحه تنهد وهو اول مره يفتح قلبه لحد

.
.
قام وهو بيطلع بس استوقفه فارس
فارس: نواف تعال ابيك شوي توجه له وهو عارف كل الي يبي يقوله
نواف: فارس انا عارف وش تبي تقول
فارس وهو يتنهد: مدامك عارف ابي جواب منك
نواف وهو يتكي على الجدار: البارحه عزام علمني شي جديد علمني وياليته ما علمني
فارس بستغراب: ايش علمك
نواف ببتسامه: يمكن العدو يكون ارحم لك من الصديق، تنهد وهو يكمل عزام تارك كل الحلال والخير الي عند جدي ومخليه تدري انا باخذها منه بالغصب بس هو صدمني فيه حد يسوي كذا
فارس ببتسامه: هذا عزام وانا اعرفه اكثر من اي حد مايشيل بقلبه على حد
نواف: ياقو الندم الي اكل قلبي وانا اخوك ندمان على كرهي له ندمان على كل هالسنين ندمان على كلشي كيف قدرت احسده وهو ماعنده الا جدي
فارس: انت غلطان يا نواف عزام بين اهله وربعه بس تدري وش الي بيقسي قلبه
نواف بستغراب: ايش
فارس بضيق: حبه طلع وهو تاركه وراه
نواف وهو يتنهد: يارب سامحني طلع وهو يتوجع لسيارة ويدور دخان، مالقى تنهد وهو يرجع لداخل
.
.
9:32
دخلو المزرعه وهم يوقفون
عزام: كل واحد ياخذ معه كيس
نادر وهو يسحب كيس: حاكم خذهم كلهم
حاكم: ليه ثلاثه!
عزام وهو يسحب كيسين: يلا باقي واحد ولا تبي اخذه
حاكم بضحك: شدعوه سكت وهو يدخلون
سياف: انتم متاكدين ماخذتو الكاشير بعد
عزام بضحك: ماندري تقدم منه وهو يمد عليه الكيس الصغير
عزام: تراهم ثنين خل لي منهم
نواف برفض: لا غلط
عزام: حبه اجل ضحك وهو يسكت، تقدم من فارس الي كان اشبه بفاقد للوعي
عزام وهو يهزه: فارس، مالقى رد
عزام بصوت عالي: فارس ولد فز وهو يناضر بالشخص الي كان واضح عليه العصبيه
فارس وهو يقوم: شويات وراجع
سياف بستغراب: الولد فيه شي
نادر بخوف: عزام رح شفه، طلع وهو يناضر فيه جالس بعيد ويبكي
عزام وهو يسحبه يمه: فارس فيك شي
فارس بضيق: فيني الي فيني رح
عزام برفض: مو على كيفك اروح قم معي
فارس بتعب: عزام رح ولا ترا بتسمع كلام ماتبي تسمعه
عزام: سمعني الي تسمعني مراح اتحرك
فارس وهو يبعد عنه: اذا هديت جيت يا ويلك تلحقني تنهد وهو خايف عليه ومايدي ايش يسوي نزل راسه بياس وهو اول مره يسوي كذا
ـــــــــــ
بيت خالد
جلست بملل وهي تفكر بكلام جنى دخلت السناب وهي تدخل على سناب عزام وعلى الدردشه
الكادي: وش اكتب له الحين صباح الخير ولا عليكم السلام يوههه اف تنهدت وهي تكتب
الكادي: صباح الخير
الكادي: اخبارك قفلت جوالها وهي خايفه تحس بشعور حب وشعور خوف وضيق تنهدت وهي تنسدح
ـــــــــــــ