كبدي لهيّب الشوق والود صايبّها

6

3:41
بدو يشيلون الاغراض بسياره العم سراج
نادر: عزام تعال شل معي تكسرت
عزام وهو يطلع: يالحساس ماشلت الا العزبه و الفرشات قلت تكسرت
فارس بضحك: انا اقول اركبو وانا بشيل الباقي
عزام بمقاطع: خلاص مابقى شي ، دخل البيت وهو يشوف جدته تصلي تقدم من شنطتها وهو يدخل ادويتها و يطلع عباتها
الجده وهي تقوم: خله عنك يا ولدي
عزام وهو يتقدم منها بالعبايه: يمه انا ولدك و الجنه تحت اقدام الامهات ببر فيك قبل لا الله ياخذ عمري
الجده بمقاطعه: عزام اسكت لا تجيب هطاري
عزام بضحك: ابشري على خشمي انتي الحين قربي بلبسك عباتك، تقدمت منه وهي عيونها تدمع
عزام: خلاص يا يمه وشوله البكي هذاني عندك اقسم لك ما ياخذني منك الا الموت وذا شين عند الله سبحانه ومحدن بيرد الموت يا يمه، مسح دموعها وهو حاله مو اقل من حالها من يوم ماطلع على الدنياء وهي قدامه صارت له الام والجده وكل شي بحياته
عزام بضحك: ترا تاخرنا
الجده: انقلع برا اجل انا باقي ماحطيت ادويتي ولا طلعت حذياني
عزام بمقاطعه: كل شي جاهز انتي بس بطقة اصبع احضر لك
الجده بضحك: اي زين شل شنطتي اجل
عزام: ابشري، لبست عباتها، وتوجهت للبرا و عزام وراها
عزام بصوت عالي: يبه
الجد وهو يلتفت: ها
عزام وهو يمسك يد جدته: باخذ امي معي
الجد ببتسامه: الي تبيه هي ماني قايل لا
نادر وهو يرقب منها: حي الله امي
الجد ببتسامه: الله يحييك يا وليدي
عزام وهو يحط راسه على كتفها: اقول ابعد عن امي بس يلا يمه، توجه لسيارته وهو يفتح الباب ل امه، ابتسم وهو يشوف كيف يعامل جدته الي كانت له ام و اخت و جده و سند
فارس وهو يتنهد: امش يا نادر بنروح مع العم سراج
نادر برفض: بروح مع عزام وامي ولا ياعزام
عزام بضحك: اركب اركب ابلشتنا، توجه لفارس وهو يتكلم معه، ركب ولمحها تبكي
نادر: علامك يا خاله
الجده وهي تمسح دموعها: والله ياولدي كل ما شفت عزام تذكرت ابوه
نادر بحزن: الله يكون بعونه عزام ماهو ضعيف يا خاله
الجده : ولدي واعرفه قدام العربان بخير بس من وراهم فيه الف عله
نادر وهو يناضر بعزام: الله يخليكم له والله انه بدونكم ماهو بشي تدرين انه بالشمال طول السنتين الي راحت وهو يهرج عنكم حبيناكم من حكيه
الجده و هي تضحك: وهو فيه حدن مايحبنا انشدني وانا اعلمك
نادر بضحك: ماهقا حدن مايحبكم يخاله ابتسمت له وهو يذكرها بولدها، وكيف مايذكرها وهو خويه ونفس طبعه، ركب وهو يشوفهم يضحكون
عزام: وش قايل لها يالغبر
الجده وهي تضربه على كتفه: هذا ولدي لتكلمه كذا
نادر وهو يتكي: ما يحتاج امي ردت عليك
عزام: ياخوفي تحبك اكثر مني
الجده ببتسامه: انت محدن ياخذ مكانك ابتسم وهو يحرك للمزرعه
عزام وهو يناضر بجدته: الا يمه عندي اخويا وبعزمهم من بعد اذنك يعني
الجده: على راحتك يا ولدي
عزام: اجل تم فتح جواله وهو يكلم حاكم

ــــــــــــ
بيت خالد
الكادي وهي نازله: حاكم تعال بكلمك
حاكم وهو يقوم: جايبه لها مصيبه اعرفها انا تقدم منها وهو فيه فضول يعرف شتبي
حاكم: هاه وشو
الكادي: شرايك نطلع
حاكم بضحك: لا بعدين، عل طول رجع لصاله
حاكم وهو يضحك: سحبت على الكادي
ام سياف: وليه
حاكم: تبينا نطلع قلت لا
ام سياف وهي تناضر بالتلفزيون: كل يوم نطلع نطلع خلينا نتريح
حاكم وهو يناضر بسياف الي كان ساكت وبصوت عالي: سيافوه الوه انت معنا
سياف، رمى عليه المخده: قصر حسك اسمعك انا
حاكم: اي زين عبالي نايم بعد يالدجاجه قاطع كلامه رنين جواله ناضر بالمتصل وكان عزام رد وهو يبتسم
حاكم: هلا والله حي الله هالصوت
عزام بضحك: الله يحييك
حاكم: اقلط اقهويك وعشيك بعد
عزام بضحك: لا والله انا الي جاي اعزمك
حاكم وهو يتعدل: اسلم
عزام: والله طالعين للمزرعه انا والشباب يومين قلت ناقص حاكم وسياف
حاكم: اول الحاضرين انت ارسل الموقع بس
عزام ببتسامه: ابشر بعد شويه بتلاقيه لا تطولون
حاكم: زين يلا باي قفل وهو يناضر بسياف
حاكم: هذا عزام عازمنا بالمزرعه
سياف ببتسامه: زين
الكادي وهي داخله: وين رايحين
حاكم بستفزاز: اوه نسيت اقولك بنطلع يومين
الكادي وهي تترجاه: بروح معكم تكفون
سياف بضحك: وين تروحين بنروح حنا والعيال
الكادي بشبه غضب: عندكم وقت للعيال بس لختكم لا
حاكم وهو يطبطب على كتفها: عادي الحياه حلوه بعدت عنه وهي تجلس جنب امها
ام سياف ببتسامه: ذا عزام عازمهم، سمعت اسمه وهي تبتسم
تنهدت وهي تتكلم
الكادي: وتاركينا هنا قاطعها نزول ابو سياف
ابو سياف: السلام عليكم
ام سياف ببتسامه: وعليكم السلام، طاحت انضاره على الكادي الي كان الواضح عليها زعلانه تقدم منها
ابو سياف وهو يجلس جنبها: وش فيها بنيتي زعلانه من مزعلها
الكادي: عيالك
ابو سياف بضحك: تبيني اربيهم من جديد؟
الكادي ببتسامه: لا بس بيطلعون بدوني
ام سياف بضحك: خلها خلها طالعين مع اخوياهم وهي متعلقه فيهم الا وتروح
ابو سياف ببتسامه: انا اطلعك كم الكادي عندي، ابتسمت وهي تقوم
الكادي: اجل بروح اجيب عبايتي لاتسحب كلامك وبجيب ساره
ابو سياف: وجيبي عباية امك معك، تحركت وهي تتوجه لغرفة ساره
الكادي: سارونه
ساره وهي طالع من الحمام (وانتم بكرامه): هنا
الكادي ببتسامه: جيبي عبايتك وتعالي
ساره بستغراب: وليه
الكادي: ابوي بيطلعنا، اكتفت بالابتسامه وتوجهت لدولاب وهي تسحب عبايتها
.
.
نزلت بحماس وهي تمد لمها العبايه
الكادي بحماس: يلا يمه البسي بسرعه
ابو سياف بضحك: الدنيا مراح تطير بشويش
الكادي بضحك: بصور و اقهرهم، ابتسم وهو يتوجه لسياره