كبدي لهيّب الشوق والود صايبّها

11

صحى على نور الشمس الي سطع على عينه، تنهد بتعب وهو يرجع راسه لوراء و يمسك جواله يشوف الساعه ابتسم بهدوء وهو يدق على سياف الي رد بصوت ضاحك
عزام: يا صباح الخير
سياف ببتسامه: هلا يبعدي ناوي تجي نتقهوا
عزام بهدوء و ابتسامه: والله ياخوك ابي اجيك ونتكلم
سياف بستغراب: حياك الله بس نتكلم بيش
عزام وهو يقوم: بجيك خليك مكانك، قفل من سياف وهو ياخذ غترته، استوقفه فارس وهو يساله
فارس: وين بتروح مع الصبح؟
عزام ببتسامه: بروح اكلم سياف بموضوعنا
فارس ببتسامه: الله يوفقك يخوك وانا معك اذا احتجت شي، ربت على يده وهو يطلع ويتوجه لبيت ابو سياف

ــــــ
بيت ابو سياف
دخل الصاله وهو ينادي على ساره
سياف بصراخ: يعرببب!!!
ساره من بعيد: وجع وجع وش قومك انت
سياف وهو يمسك راسه: قهوه وشاهي سريع سريع ولا اسمع لك نفس حتى
ساره وهي تدخل المطبخ: الله واكبر مين يتقهوا مع الصبح
سياف بملل منها: ياليتك تسكتين يعني و تخلصين شغلك
ساره بضحك: شوي شوي لا تموت يحلو
.
صحت بتعب و دخلت تتسبح وعلى طلوعها خبطت بسياف الي مستعجل
كادي بصدمه: علامك وجع؟
سياف وهو يناضرها: وش مسلطك علي انتي وختك، تجاهلته وهي تدخل المطبخ
الكادي بحب: صباح الخير
ساره ببتسامه: صباح النوم، مسرعك تصحين؟
الكادي وهي تتكي على الطاوله: ابد والله اشتقت لس قلت خليني اصحى بدري
ساره بضحك: تشتاقلك العافيه يروحي
الكادي بتفكير: الحين علامه سياف مشتط من صباح الله؟
ساره بضحك: والله مدري عنه بس اتوقع بيجيه حد ولا ليه اسوي قهوه وشاهي مع الصبح
الكادي بتفهم: okay، مشت وهي ترجع لغرفتها على ماتخلص ساره القهوه وتعطيها منها، مسك جواله وهو يدق على جده الي ماهي الا ثواني ورد
عزام بضحك: صباح الخير يالغالي
الجد بملل: صباح النور هلا
عزام بجديه: يالغالي انا رايح لسياف بكلمه بالخطبه ومطلبي اذا قال حياكم الله هالله هالله عينا خير ورحنا نخطب
الجد ببتسامه: زين تسوي وانا ابوك انتضرك انتضرك، سكر من جده وهو يستهدي بالله ويحس قلبه بيطلع من بين ضلوعه من فكرة الرفض تنهد بضيق وهو يعدل شماغه قبل يوصل
.
.
جالس بالمجلس وماهي الا دقايق وهو يسمع صوت السياره الي دخلت ابتسم على جنب وهو يمسك جواله ويقوم يرحب فيه، عزام ببتسامه وهو يسلم عليه
عزام ببتسامه: تو زان صباحي اي والله
سياف بضحك: يا بعدي يبو تركي اقلط اقلط، اخذتهم السوالف و النشد عن الحال و ماهي الا دقايق و عزام يتنحنح
عزام برسميه: والله وانا اخوك انا جايك بموضوع
سياف بعدم فهم: اسلم اسمعك
عزام وهو يرفع راسه اكثر: ابي القرب منكم وطالب يد بنتكم العنقود
سياف ببتسامه عريضه: معاش الي يرفضك اي والله، ابشر بكل علمً زين
عزام وهو يقوم: على البركه اجل جاي اخطب رسمي انا و شايبي اليله
سياف ببتسامه: حياك الله، حل اليل و ريحة العود طاغيه بيت خالد كله و حريم البيت منصدمين مسرع صارت خطبه و صدمتها هي بالذات، شعور متلخبط مابين الفرح و مابين الحزن، وماهي الا شوي و ال ساطي معلنين وصولهم
سياف وهو يرحب فيهم: ارحبو ارحبو
حاكم من وراه: وانا اقول البيت منور
عزام وهو يسند جده: البقى يبعده، دخلو وماهي الا ثواني و عم الصمت بالمجلس كله من نضرات الاجداد المنصدمين لبعضهم ومحد عارف وش السالفه ولا وش حصل
الجد سالم بضحك: عز الله عينا خير داك هذا جده
الجد ساطي بتنهد: وانت وانا ابوك مالقيت تناسب الا هذول، تحت أنظار الي بالمجلس كلهم و استغراب عزام منهم تقدم من جده وهو يهديه و يجلسه
الجد سالم بشده: ماعندنا لكم بنت تيسرو
عزام بصوته الجمهوري وهو يقوم: انا ماني جاي اشاوركم لا بالعكس جاي اخذها طرقً عنكم كلكم، تحت ذهول الجميع من ضمنهم خالد وعياله
خالد بغضب: بس بس مين انت عشان تاخذها غصب؟
الجد سالم بغضب: اخذ جدك و عطو الباب
عزام بضحك ملا المكان كله: لا تحسب جاهل عن كل شي بينكم عارف عارف بس تدري ليه ساكت؟ ، سكت شوي وهو يناضر بملامحه المصدومه كمل وهو يقول
عزام بسخريه: محترم شيبك الي طغى وجهك و غير كذا جد حرمي صعبه صعبه ولا انا ماني ناسي سواتك الشينه مع جدي، سكت من حس بثقل جده على كتفه مما يدل عن فقدانه للوعي .

.