كبدي لهيّب الشوق والود صايبّها

10

غسل يده تقدم وهو يطلع ويودع سياف الي قرب منه
سياف ببتسامه: ياهلا
عزام بنفس الابتسامه: هلابك والله انتبه له يمسح يدينه ويعدل غترته
سياف: وين رايح
عزام: ابد والله بنروح للمزرعه وبعدها بنروح لبيت جدي
سياف بتنهد: بتتغدا معنا
عزام بضحك: الحين خلنا نقول بسم الله بعدين اعزم لاحقين
سياف بضحك: من الكرم يا حبيبي اقول على الغداء تعال وقل لفارس ونادر والله يافيه بخاري بطل
عزام بضحك: ابشر كمل وهو يدخل المجلس ويوجه كلامه لفارس
عزام: هاه نمشي
فارس وهو يقوم: اي
حاكم: بجيب المفتاح دقيقه
عزام وهو يوقفه: القطو يالحبيب
حاكم بضحك: ابشر
.
.
دخل بسرعه وماهي الا ثواني و استوقفته ام سياف
ام سياف: علامك انت
حاكم بضحك: مستعجل يمه
حاكم: الكادي وين القطو
الكادي من وراها: وش تبي فيه
حاكم: صاحبه يبيه
الكادي برفض: مابي اعطيه
حاكم وهو يتوجه لغرفتها: باخذه باخذه
الكادي: ويع ويع يمه ربيه
ام سياف: جايبين قطو في بيتي وانا معرف
الكادي: يمه القطوه ماخذت الا ليله وراحت
ام سياف: اي احسن اجل ضحكت وتوجهت للمطبخ
ساره: شفيكم
الكادي وهي تجلس: انتي بكل مره تجين وتقولين شفيكم ماتخضرين الحدث كامل
ساره بضحك: شايفه ماعندي حياه نفسك
الكادي بحزن: بياخذ قطوتي
ساره بضحك: اهم شي متاكده انها قطوتك تنهدت بحزن وهي تتوجه لغرفتها
.
.
طلع بسرعه وهو يفتح السياره و ياشر لهم توجهو له وهم يركبون ويتوجهون للمزرعه
نادر بملل وهو يشوف جواله: ياليل سراج ذا
حاكم بضحك: يا عزتي لك صدقني بتروح فيها
فارس بتنهد: الا على طاريه وينه
نادر بضحك: شكل جدك مسوي له شي
عزام وهو يكتم فمه: بتسكت ولا
نادر: لا خلاص بسكت وماهي الا شوي وتكلم
نادر بضحك: لا يكون تزوج
عزام بنضرات حاده: وحنا شدخلنا فيه
نادر وهو يبلع ريقه: صدق بستين داهيه
حاكم وهو يوقفهم: خلاص يا شباب اسمعو الاغنيه وروقو

خلنا نفهم بعضنا قبل ما نهوى نضيع
ما بعد برد الشتا إلا نسمات الربيع
اختلط مع صوت الاغنيه صوت المطر، ابتسم وهو يناضر بالسماء وكيف تمطر تنهد وهو يرجع يبتسم ويفتح الشباك و تعالت ابتسامته اكثر وهو يتذكر ملامحها مسك قلبه بقوه وهو يرجع راسه لوراء
فارس: طف الاغاني طف
حاكم بضحك: ذكرتك ها
فارس وهو يضربه على كتفه: ازعجتنا
حاكم وهو يحك كتفه: ياهو مو انسان انت غول
نادر بضحك: اتحداك اذا لقيت غول افضل من فارس
فارس وهو يلتفت له: تبي اعطيك وحده انتبه لعزام الي غارق بالعرق و وجهه متغير
فارس وهو يسحبه: فيك شي انت؟
عزام بهدوء: لا
فارس وهو يناضر بتركيز: تكذب علي
عزام: يبوي مافيني شي مخنوق بس
حاكم: نحولها للمستشفى؟
نادر وهو يكفخه بكتفه: حواله هي
حاكم: شدخل
نادر: شتبي انت
فارس بمقاطعه وبصوت حاد: اعقب انت وياه
نادر وهو يرجع لورا: يارب رحمتك ليه بسياره وحده سكت من ناضره فارس
فارس بحنيه: عزام يبوي تبي المستشفى
عزام ببتسامه: لا لا خلنا نمشي بس سكت وهو مو متطمن تنهد بتعب وهو يكمل يهزي حاكم ونادر