كبدي لهيّب الشوق والود صايبّها

13

طلع من الشركه وهو يتوجه للمستشفى من بعد مكالمة نواف الي صوته ماعجبه، دخل وهو يتوجه يمهم وهم صادين
عزام وهو يمسك فارس: علامك؟ جدي به شي؟
فارس بصدود: استودعه الله و انا اخوك، حس بثقل رجوله الي استصعب الماقف عليه وماهي الا ثواني و طاح على رجوله،
نواف بطبطبه: امش معي امش، مسك غترته الي طاحت معه وهو يقف و يتوجه لغرفه جده الي دخل بسرعه وقفل الباب، جلس بكرسي قريب منه وهو يمسك يده
عزام وهو ينزل راسه: انا لو عارف وش بيصير كان تحرم علي تنهد وهو يكمل عزام اصحى يساطي وشوف وش بسوي فيهم اذا ماخليتهم يترجونك ماهو انا عزام، حب على راسه وهو يقوم و يفتح الباب ويرجع يجلس على كراسي الانتظار
.
.
عند شركة سالم
الجد سالم بغضب: وش بيصير علمني لو رفضنا؟
ابو سياف بتنهد: يا بوي هاذي فرصه لنا وانت عارف شركتهم كيف لو رفضنا على قولتك هاذي خساره لنا و يمكن حتى الاسهم الي شروها مايرضون يسترجعونا ونخسر كذا
الجد سالم بتنهد وهو يقوم: دبر حالك يخالد اهم شي تعب 40 سنه مايروح تسمعني؟
ابو سياف بتفهم: يصير خير يصير خير بس لازم تحضر الاجتماع بعد
الجد سالم وهو يطلع: على خير وانا مراح اعتمد عليك بعد، طلع تارك خالد بدوامة الافكار
.
.
دخل البيت وهو يدعي مايشوف الكادي وتكدر خاطره، تقدم من ام سياف الي حاطه يد على يد وجالسه
ابو سياف وهو يجلس: مساك الله بالخير، ماردت عليه الا صدت عنه
ابو سياف بتنهد: يا مره الحين انتي ترضين ازوج بنتك واحد جدها مايبي نسبهم؟
ام سياف وهي تلف عليه: ايه ارضى سعادت بنتي مالها دخل فيك انت وجدها تسمعني؟
ابو سياف بغضب: لا غلطانه اهم شي موافقة جدها
ام سياف بغضب: اقول بنتي والي تبيه والله لو تقولي انها تبيه انا بنفسي لدق عليه و اقوله تعال خذها مالكم دخل فيها امها عايشه ودامها عايشه لسمعلك كلمه، بعدت عنه وهي ترقى لغرفتها و تاركته بغضبه يشتعل
.
.
صحى على صوت جواله الي يدق عدل جلسته وهو يحط غترته على كتفه ويفتح الخط
فيصل بهدوء: صباح الخير
عزام بصوت ثقيل: وعليكم السلام، فيه شي جديد؟
فيصل بنفس الهدوء: استأذ عزام فيه اجتماع بعد نص ساعه من الان مع شركة*** تفضل نترك رامي يبدا بالاجتماع ولا؟
عزام ببتسامه: 10 دقايق وانا عندكم، تقدم من غرفة جده الي بارده وجده على نفس حالته، طلع منه عنده وهو يتوجه للبيت
، دخل وهو يشوف جدته جالسه و تتقهوء والقران قدامها
عزام وهو يحب راسها: صبحك الله بالخير
الجده مزنه بتعب: الله يصبحك بالنور
عزام بستغراب: علام صوتك كذا؟
الجده مزنه وهي تصد: ما علاك مني الحين وش اخبار جدك؟
عزام وهو ينزل راسه: والله ياجده جدي نفسه نفسه ما قالو زين ولا قالو شين لكن بأذن الله طيب، اكتفت بطيب وهي تهز راسها
عزام وهو يقوم: انا بغير ملابسي و بطلع انتبهي لعمرك.

.
.
جالسين بتوتر وهم مستغربين ليه محد جاء وقاد الاجتماع
الجد سالم بسخريه: وين مديركم الجديد؟
فيصل بهدوء: ثواني وهو موجود تحتاج شي؟
الجد سالم وهو يصد: سلامتك
ابو سياف بهدوء: علامك مستعجل يا يبه انتضر، وماهي الا دقايق معدوده و عزام داخل بشموخ وهيبه وهو يناضر ب الجد سالم كيف محتقره و مستغرب منه
فيصل وهو يسحب له الكرسي: حاب نبداء أستاذ عزام؟
عزام بضحك: نبداء يفيصل نبداء ليه لا، ضحكتة لوحدها استغربو منها الا ابو سياف وهو عارف وش يبي يسوي، بدو الاجتماع و وجهو انظارهم لعزام الي استغربو من طريقة بالمناقشه وكيف كلمة منه تسكت الجد سالم
الجد سالم بغضب: انا اقول خلينا نوقع على الاتفاق و نخلص، وماكمل كلامه الا و عزام يحط يده على وجهه ويضحك ضحك، سكت شوي وهو يتكلم
عزام بسخريه: وانت من قالك اني بوقع على الاتفاق يا سالم؟
الجد سالم وهو يفز: وش تقصد؟
عزام وهو يقوم و ينطق بحده: تخسي اوقع مع هالاشكال ويلا اطلع برا لا اشوفك تعتب ابواب الشركه والله والي رفع سبع لتندم سامع
الجد سالم بتنهد: استهدي بالله وخلينا..
عزام بمقاطعه: ولا كلمه اكثر اطلع دام محترم كبرك وللحين ما تماديت
الجد سالم بترجي: بس انت عارف وش بيصير
عزام بضحك: اكيد عارف ولا ليه اسوي كل ذا الا اذا ودك نرجع لكلام بيني وبينك ولا اقولك خلينا نسميها محادثه جانبيه، غمز لفيصل الي فهمه و انهاء الاجتماع مما ادا لخروج كل الموضفين ماعاد عزام و الجد سالم و ابو سياف
الجد سالم وهو يأشر لخالد: وانت بعد يخالد اطلع، طلع بدون مناقشه وهو يتعوذ من ابليس و عارف بيصير شي مايرضيه ولا يرضى اهله