كبدي لهيّب الشوق والود صايبّها

5

دخل وهو يناضر فيهم ناضر بالشخص الي حاضنه وكان نادر
عزام وهو يسحبه: ورع شفيك تبكي
نادر وهو يمسح دموعه: عذبني الشوق
فارس وهو يقرب منهم: مو ناوي تسلم علي ولا ايش قرب منه وهو يسحبه لحضنه
عزام: مين ينساك انت تقدم للعم وهو يسلم عليه
العم سراج: اخبارك يا عزام
عزام: بخير الحمدلله ناوين توقفون لصبح اقلطو، توجهو للمجلس وهم يجلسون
الجد ببتسامه: حي الله من جانا
العم سراج: الله يحييك
عزام وهو يقوم: اعذروني باخذ العيال معي شوي
الجد بحب: زين ياوليدي لاتتاخرون طلعو وهم متوجهين لسياره
نادر: ول ول
فارس وهو يسحبه: قل مشاءلله
نادر: مشاءالله عزام بسوقها
عزام وهو يحذف عليه المفتاح: حلالك
نادر: اركب بس
فارس وهو يركب قدام: عزام اركب وراء
عزام وهو يفتح الباب الخلفي: يحليلكم هذا وهي سيارتي مركبيني ورا
نادر بتجاهل: حنا ضيفان الواجب تحترمنا، شتت انضاره وهو يرجع راسه لوراء فتح جواله، دخل السناب فتح الاضافات وكان من بينهم بنت قبلها وهو يبي يعرف ليه ضايفته سكت وهو يناضر طول الوقت بالطريق، طاحت انضاره على عزام الجالس وراء حس بشعور غريب وانو فيه شي سكت وهو ناوي يساله بعدين

ـــــــــــ
دخلت وهي ترمي الكعب والشنطه
الكادي: يوه يمه ام رائد خربت جويي يويلي منها عله عله
ام سياف بضحك: وانتي تردين عقلك لها احترميها كبر امك
الكادي وهي تقوم: مابقى الا هي انتي شفتي كيف كانت متعمده تحرجني من زينها هي وولدها الي لو قالت اص سكت
ساره بمزح: عن الغلط الا ام رائد والنعم فيها
الكادي بنص الدرج: شكلها ساحرتكم بجيب شيخ يقراء عليكم، دخلت غرفتها وهي فتحت السناب، ناضرت بالشخص الي رد الاضافه ابتسمت لا شعوري بسرعه اتصلت على جنى
الكادي بحماس: جنى تخيلي قبل اضافتي
جنى : كل ذا الحماس بس عشانه قبل الاضافه وانا الحين اتحداه يرسل
الكادي بضيق: يوه طيب يمكن يرسل شتبين انتي
جنى بضحك: تخيلي يفضحك قدام اخوانك
الكادي : فال الله ولا فالك اذلفي برقد
جنى: يختي اتمسخر معك تبيني اقول يارب اشوف عيالكم
الكادي بدلع: ايوه ولك من عندي اذ جبت بنوته بسميها جنى
جنى: قومي ذاكري بس بايييي
الكادي بنفسها: وجعه كنت بتكلم بس سكرت بوجهي بجيحه
انسدحت بتعب وهي تفكر ايش بتقول له غفت وهي تفكر
.
.
حاكم وهو يفتح الباب: سياف لاتدفني خلاصص
سياف بضحك: امش بسرعه ثاني مره
حاكم بتافف: اف منك وانت تخلي الواحد يمشي زين
ام سياف وهي تناديهم: تعالو الحين انتم بس مناقر بكل مره وش خليتو للبزران
سياف وهو يجلس: انا عن نفسي مالي شغل تفاهمي مع ولدك الي مسوي مراهق
حاكم: بكل شي تقول مراهق خلاص ياخوي
ام سياف: خلاص اسكتو قومي يا ساره وسوي قهوه راسي ذابحني من ام رائد
ساره بضحك: كلنا يمه والله كلنا
سياف: وش مسويه ذي بعد
حاكم: والله لو ما المستحاء من عمي لدفنها
ام سياف: خطبت الكادي ورفضت واليوم بالعزيمه لو ما وقفتها ذبحتها
حاكم وهو يتربع: مابقى الا هي نعطي الكادي ذا الغبر رائد والله يخسي
سياف بضحك: الي مايطوله بيدينه يطوله برجلينه هو و امه بعيده عنهم وخيتي
حاكم وهو يتذكر: الا يمه وش سالفة عزام وين شفتوه
ام سياف ببتسامه: الله يكثر من امثاله
سياف: ما قلنا شي وش السالفه طيب، حكت لهم كل السالفه تحت نضراتهم الي عجزت توصفها
سياف تنهد: والله والنعم الرجال
حاكم ببتسامه: يحبي له والله انا من اول ماشفته حبيته فيه قبول يا يمه
سياف: صدقت الله يكثر من امثاله والله وقف وهو يبتعد
سياف من بعيد: لا تصحوني بكرا عندي اجازه وبنام
حاكم: انتم وش فيكم تنامون بدري حشاء منتم بناس الا دجاج
سياف: تبيني انام مع مواذين الفجر نفسك الله يخلف بس
حاكم وهو يوجه كلامه لمه: الا وين الكادي ما شوفها
ام سياف: اكيد نايمه قاطعهم دخول ابو سياف
ابو سياف: السلام عليكم
الكل: وعليكم السلام
ابو سياف: اخبارك يم سياف
ام سياف وهي تصد: بخير الحمدلله، تنهد وهو تعب من صدها
ابو سياف: ضايقن صدرك علي؟
ام سياف: لا
حاكم وهو يقوم: انا بروح فوق مشى وهو يبي المشاكل الي بالبيت تنحل
ام سياف: وش تبيني اقول لك قدام ولدك ولا تبيه يصير مثل سياف
ابو سياف بحزن: والله يا امال انا اسوي كل ذا عشان مصلحتهم
ام سياف بعتاب: وسياف هاه سياف الي تعب واشتغل وصار الابو بغيابك يا رجال استح على وجهك ترا عندك عيال وبنات يبونك بينهم، يبون الاهتمام من ابوهم
ابو سياف، ماسك يدها: اوعدك وعد من اليوم اقضي كل وقتي معكم انا فاقد الحب والامان الحين احتاجكم
ام سياف وهي تقرب منه: يا خالد ذول عيالك صدقني اذا طحت لسمح الله مراح يشيلك الا هم
ابو سياف باس يدها: وعدتك يا امال وانا خالد قد كلمتي وبحاول اراضي سياف انا مو عاجبني وضعه دخلت ساره وهي تناضرهم
ساره وهي ترجع: القهوه بالمطبخ يمه بقول للخدامه تجيبها ركضت بسرعه وهي تدخل غرفت الكادي
ام سياف وهي تبعد: ابعد ابعد خلاص فهمت
ابو سياف بضحك: وش انا مسوي معليك منهم ، تنهدت وهي مو عاجبها حال زوجها وعيالها دعت الله يصلح حالهم ويجمهم
.
.
دخلت غرفتها وهي تشوفها نايمه
ساره وهي تهزها: ورعه قومي قوميي
الكادي بشبه غضب: الحين الواحد ما ينام عندكم
ساره : اقول اص وقومي عندي لك خبر كارثي ماكملت كلامها الا وهي فازه
الكادي: شصار نزل مسلسل؟
ساره: لا
الكادي: سياف تزوج
ساره بملل: لا بعد اسمعيني طيبب
الكادي: طيب اهرجي
ساره بحماس: ابوي ماسك يد امي بالصاله
الكادي وهي تنسدح: طيب
ساره: اقولك ماسك يدها متخيله يعيني على الرومانسيه
الكادي: خلاص بس خلصتي
ساره: اقولك يصلحون احطهم بالبوم صور لوحدهم دفتها وهي تنسدح
الكادي: اذلفي وسكري النور والباب معك
ساره بملل: يليل منك انتي وسياف نومكم مره ثقيل ويع ماتشبعون طلعت وهي تتوجه لغرفتها