رويدة
دخلت عند ليلى بعد مالبست فستانها البهي واخذ من البحر زرقته ولمعته وشعرها الليلي ينحدر اسفل ظهرها وابتسامة تزين محياها
ليلى بانبهار : احترت من العروس انا ولا أنتِ
ضحكت رويدة ودارت على نفسها متأمله الزُرقه
ولولا بحبك للأزرق ماكان خذيته
دخلت ام عبدالله : اللهم صلي على محمد
خلفت قمرين مو بنتين وحضنتهم بفرحه وبقلبها امال ودعوات صادقه
رويدة : ماتوقعت بيكون كذا حيل حلو
ليلى : اي والله لونه ياخذ القلب من جماله
ابتسمت رويدة وتذكرت عبارته ونطقت بثقه
انا البس الازرق والعالم ينسى السماء والبحر
جلست ليلى : شعور غريب وزاوجي باقي عليه ايام
رويدة : بيشهد العالم اجمل عروس بدنيا
ليلى مسكت يدين رويدة وضعتها بصدرها وبضحكة : تسمعي قلبي ! احسه بيطلع من مكانه
ضحكت رويدة : باقي ايام وانتِ كذا ليلة عرسك كيف بيكون !
ليلى : الله يتمم على خير
رويدة: امين يا ابهى عروس بدنيا كلها
يوسف
مانام امس الا ساعه وحده بقى الليل يفكر ويربط الامور ببعضها ويحاول يطلع بشي جديد
ريم : صباح الخير يا ساهر الليل
يوسف : صباح الخير ياريم
تعالي تعالي فكري معي
جلست ريم باستغراب
رفع اوراق عنده بمخطط
افترقنا انا وهي قبل خمس سنوات راحت بعدها لدكتوره جلست اسبوعين ، غيرت دكتوره ثانيه وجلست شهور معدوده ، واخر دكتورة " نورة " بقيت معها سنه ونص وتعافت حتى مات عمي الله يرحمه ورجعت من سنتين وحتى الان هي معاها ،
السؤال الآن : ليه بس نورة تعرف السبب رغم انها اخر دكتورة ؟ لو قلنا وثقت فيها بس لكن الدكتورتين عارفين انها تركتني لاجل حلم ليش مو عارفين السبب الثاني ؟ السبب جاء بعد فراقي بسنه ايش هو ؟ رفع نظره لريم معقوله حبت غيري ؟
حرك رأسه بعجز : مستحيل مستحيل في شيء ثاني
عقد حواجبه بتفكير : هل العلاج النفسي يأثر بقرارت الشخص ؟ الادوية ممكن تغيره ؟
شد على شعره بعجز وضياع : ادور بمتاهة ولا قادر اطلع لا نجاة منها إلى اليها
تنهدت ريم من صعوبه حاله : بروح عندها اليوم وصل فستانها وتبيني اشوفه وبحاول افتح الموضوع
يوسف بنظرات غريبه : ريم ؟
ريم : ايش هنظرات ؟ ايش تبي ؟
يوسف : لو طلبت منك تسجلين صوتها وقت فتحك للموضوع توافقي ؟
ريم : لا !
يوسف : تكفين ياريم تكفين
ريم : مستوعب الي تقوله ؟
ناظر لها بتعب : يرحم والدينك لا تردني احتاج صوتها احتاج اسمعه واحتاج اخذ منه نبره وطريقه كلامها ابقى اعرفها اكثر منكم كلكم لا ترديني ياريم رجوتك
سكتت بعجز من طلبه الغريب لدرجه فكرت انه بدأ ينجن من الموضوع : بحاول
تنهد ووضع راسه على الطاوله بتعب
ارجعي لي فإن الأرض واقفة
كأنما الأرض لم تدر مُنذ رحيلك
ارجعي لي فبعدك لا غزل انطقه
ولا لمست عطوري في أوانيها
لمن كتاباتي ؟ لمن قُبلي و أحضاني ؟
ارجعي كما أنتِ صحوًا كنتي أم مطرًا
فما حياتي أن لم تكوني فيها !
عبدالرحمن
: فرحي بدخولك بيتنا هالمرة كبيرة مختلفه عن كل المرات
ريم بسعاده : تجهزت بحماس وكأني طالعه زواج
ضحك عبدالرحمن: أنتِ حلوة بكل حالاتك
ابتسمت : بطلع يوسف برا
عبدالرحمن : عند الباب استقبلك انا وقلبي وشوقي
ريم بتساؤل : علمت يوسف ؟
عبدالرحمن : بعلمه واخطبك بوقت واحد
ريم بخجل : مو كانك عجول ؟
عبدالرحمن : عجلة ايش خير البر عاجله ، وانا متضايق من يوسف هالفتره يطيب الي بيننا وافاتحه يارب
ريم : يجيب الله الخير
عبدالرحمن : انتِ خيري يجيبك الله
ريم : طالعه
عبدالرحمن : قلبي معك
ريم : بامان معي
قفلت بابتسامة وضعت اخر لمساتها وتعطرت بنفس العطر الي اختاره وطلعت براحة وحب يملىء جوفها
ركبت السياره والتفت له هدوء ملامحه قادرة على اخفى اعاصير قلبه تحمل هالقلب فوق طاقته ماظنتي بيتحمل غيابها ثاني
حرك والهدوء سيد الموقف
أنت تقرأ
من أبهتَ النُور العظيمَ وأظلمهْ؟
Romanceالحُب قضية الأرض الأولى ، ومشكلة من غير حل ومُنذ القدم كانت القبيلة العائق الاول لهذي القضية المحزن في الأمر أن مابيننا لم تكن القبيلة ، لم تكن عادتنا وتقاليدنا ، " كنت أنتِ "، أنتِ بيني وبينك تقفين، بين حلمي وحلمك ، وأملي وأملك ، ونهايتي ونهايتك ،...
