OUR DESTINY | ✔

Chapter 31

බූසාන් වලින් ඇවිත් සතියකට පස්සේ ජන්කූක් පොරොන්දු වුන විදිහට ටේහියුන් ව ඇඳුම් ගන්න එක්ක ගියා. ෂොපින් මෝල් එකේ Baby items තියෙන shop එකක් ඉස්සරහ දෙන්නම හිට ගත්තේ ලොකු හුස්මක් ගන්න ගමන්.

"ජන්කූක්.."

"ම්ම්ම්..?"

"ගුකී.. එයා පිරිමි ළමයෙක් ද ගෑනු ළමයෙක් ද කියලා හරියට නොදැන කොහොමද අපි ඇඳුම් ගන්නෙ?"

"ම්ම්ම්... ඉතිං අපිට පුළුවන් නේද දෙන්නටම හරියන විදිහට ඇඳුම් ගන්න? රෝස පාටින් ටිකකුයි, නිල් පාටින් ටිකකුයි??"

ජන්කූක් තමන්ගේ එහා පැත්තෙන් ඉන්න ටේහියුන්ගෙ මූණ දිහා බලාගෙන කියද්දි ටේහියුන් ඔව් කියන්න ඔලුව වැනුවා. ටේහියුන්ගෙ අතින් අල්ල ගත්ත ජන්කූක් එයා එක්කම ෂොප් එක ඇතුළට එක්ක ගෙන ගියා.

"වාව්.. ටේ බලන්නකො තියෙන දේවල්.."

"ජන්කූක්.. බලන්නකො මේ ෂූස් දෙක දිහා.. අනේ හරිම චූටී.."

"අපි පුංචි කාලෙ මෙච්චර දේවල් තිබ්බෙ නැහැ.."

"ඒක ඇත්ත. ජන්කූක්.. මේ බලන්න ⁣ස්වීටර් එක.. ඔහ් ගෝඩ්!!!

"අපි ගුකීට හොඳම දේවල් අරන් දෙමු ටේහියුන්.. මං කැමති මගෙ පැටියා පුංචි ⁣ප්‍රින්ස් කෙනෙක් වගේ හරි ප්‍රින්සස් කෙනෙක් වගේ හරි ඉන්නවට.."

ජන්කූක් ටේහියුන් දෙන්නා පැයකට ආසන්න කාලයක් බේබි ෂොප් එකේ ගත කලා. එයාලගෙ පුංචි බබාට ඕනකරන හැම බඩුවක්ම ජන්කූක් ගත්තා. එයාට ඕන වුනේ නෑ එයාගෙ දරුවට කිසිම දේකින් අඩුපාඩුවක් වෙනවට..

පැයකට විර පස්සේ දෙන්න ෂොප් එකෙන් එළියට ආවේ බඩු ගොඩකුත් උස්සගෙන. ⁣ෂොප් එක ඉස්සරහම ඉදගන්න හදලා තිබ්බ බෙන්ච් එකෙන් ටේහියුන් වාඩි වුනේ හිටගෙන ඉන්නම බැරි තැන..

"මහන්සී ද?"

"ඔව්.. ටිකක්.."

"මොනවා හරි බොන්න ගේන්න ද ඔයාට?"

"ඔයාට මහන්සි නැද්ද ජන්කූක්?"

ටේහියුන් ඇහුවෙ බෙන්ච් එකේ තමන්ට එහා පැත්තෙන් වාඩි වුන ජන්කූක් දිහා බලලා. ජන්කූක් කලෙ හිනා වුන එක. එයාට නම් මහන්සියක් තිබ්බෙ නැහැ. එයා හිටියේ සතුටින්. ගොඩක් සතුටින්. මේ මාස ගානට එයා ටේහියුන් එක්ක මෙහෙම එළියට ආව පලවෙනි වතාව. මේ විදිහට ටේහියුන් එයා ළඟින්ම ඉන්න එක ජන්කූක්ට ලොකු සතුටක් ගෙනාවා.