OUR DESTINY | ✔

Chapter 29

@Yoonmin Place

ජිමින් උදේ ඉදන් ක්ලෝසෙට් එක අස්සෙ ඔලුව දාගෙන ලොකු වැඩක්. ලොකු වැඩක් කිව්වට එයා කලේ නම් පාටි එකකට අඳින්න හොඳ ඇඳුමක් හොයපු එක.

යුංගිට එයාගෙ නිවාඩු දවසෙ උදේ ඉදන් ලොකු වැඩ ගොඩකට යට වෙලා හිටියේ. උදේ කෑම හදන්න, බෝඩිම අස්කරන්න, ගිය සතිය පුරාම ඇන්ද හෝදන්න බැරි වුන ඇඳුම් හෝදන්න දාන්න, හෝදන්න දාන්න කලින් ජිමින්ගෙ ඒවයි එයාගෙ ඒවයි වෙන් කරන්න වගේ වැඩ ගොඩක් කරන්න යුංගිට සිද්ධ වුනා. ඒත් දැන් එයා කරන්නෙ නම් ලොකුම ලොකු වැඩක්. ඒ බෝඩිමේ කිචන් එකේ වතුර ලීක් එක හදන එක. එයා දැන් එක එක බඩු මුට්ටු ළඟ තියාගෙන ඒක හදනවා. හරි නම් ජිමින්ගෙන් මේවට සහයෝගයක් ලැබෙන්න ඕන. යුංගි උදේ ඉදන් බලාපොරොත්තු වුනා ජිමින්ගෙන් පොඩි හරි උදව්වක්. ඒත් ජිමින් ක්ලෝසෙට් එක අස්සෙ රිංගන් ඇඳුම් හොයද්දි කොහෙද එයාගෙන් යුංගිට උදව්වක් හම්බෙන්නෙ?

.
.
.
.
"යුංගියා!!! මේක හොඳ ද??"

ජිමින් එක එක විදිහෙ ඇඳුම් ඇඳගෙන ඇවිත් කිචන් එකේ බිම ඉඳගෙන ඉන්න යුංගි ඉස්සරහ පෙනී හිටියා. සමහර වෙලවෙට හුරතල් විදිහට මූණ හදා ගෙන ඉන්න ජිමින්, තවත් වෙලාවකට ගොඩක් සරාගී විදිහට මූණ හදා ගත්තා. එයාගෙ ඇදුම් වලට ගැලපෙන්න එයාගෙ මූණෙ ඉරියව් එකකට එකක් වෙනස් වුනේ හරිම පුදුම විදිහට.

ජිමින් රෝසපාට අත් දිග ෂර්ට් එකට කළු බ්ලේසර් එක දාලා, කළු කලිසමක් ඇදලා සපත්තු දාලා යුංගි ඉස්සරහට ඇවිත් හිට ගත්තා. බ්ලේසර් එකේ පැත්තක රෝස සුදු මිශ්‍ර වුන මලකුත් ගහල තිබ්බා

"ජිමින්? අද ඔයාගෙ වෙඩින් එක ද??"

යුංගිගෙ වචනත් එක්ක හැම පාරකම වගේ ලොකු හුස්මක් හෙලපු ජිමින් උරහිස් දෙකත් අකුලන් එතනින් යන්න ගියා. දැන් ⁣පැයක විතර ඉදන් බෝඩිමෙ තත්වෙ මේ වගේ.. තනිකරම ෆැෂන් ෂෝ එකක්.. ජිමින් මොඩ්ලර් වෙද්දි, යුංගි ප්‍රේක්ෂකයා චරිතෙ රඟපාද්දි ඊට අමතරව ජජ්මන්ට්ගෙ රෝල් එකත් කලා..

තවත් විනාඩි කීපයකට පස්සේ ජිමින් ආවේ කොට කලිසමකුත්, අත කොට නිල්පාට, ලොකු මල් වලින් ඩිසයින් වුන ෂර්ට් එකකුත්, රබර් සෙරෙප්පු දෙකකුත්, පන් වලින් හදපු තොප්පියකුත් ඔලුවෙ දාගෙන. ෂර්ට් එකේ කර ළඟින් සන්ග්ලාස් දෙකකුත් එල්ලි එල්ලි තිබුනා.