الفصل السابع عشر
الفصل السابع عشر من روايه ليته احبني 🖤 تأليف وكتابه اسماء صلاح عبد الرؤوف تفاعلوا برجاء عدم النشر بدون أذني منعا المسائلة القانونية......
********************************************
في الغردقه......
سما بصوت منكسر وهي تخرج من الغرفه-: ... الواحده دي غلطها الوحيد أنه حبتك يا محمد
محمد بصدمه : سمااا!!!؟ انتي سمعتي
سما باشمئزاز: يارتني ما سمعت ولا شوفت يارتني ما حبيتك يا اخي
محمد محاولا تبرير ما يقصده : والله يا سما فهمتي غلط مش اقصد خالص اللي فهمتيه
سما بجمود عكس ما في قلبها : ساره خلصتي !!!؟
ساره بهدوء: اه يلا بينا علي الاوتوبيس يلا يا شباب شيلو الحاجات والحقونا علي هناك
" خرجت هي برفقه صديقتها من هذا المكان الذي شهد سعادتها وحزنها وكسرتها... جمع المكان ما بين لهفه الشوق ولوعة الفراق لتكون اخر ذكري به هي ذكري جرح لا يمكن مداوته"
ساره بشماته: مش قولتلك يا سما هي دي آخره طريق الحب
سما بنبره صوت ضعيفة-: انتي شمتانه فيا يا ساره وانا اللي قولت هتزعلي علشاني !!؟
ساره بعدم اهتمام: هو ايه اللي يزعل في اللي حصل.... فتره اعجاب ما بينكم وراحت لحالها
سما بملامح غاضبه: بعد ده كله وتقولي اعجاااب انا حبيته من قلبي يا ساره وهو خزلني وكسرني
ساره وهي تصعد الي الاوتوبيس-: حبيبتي انتي بس كنت معجبه بشكله وشخصيته لكن محبتيهوش
_ رأت سما أنه لا جدوي من النقاش معها في هذا الأمر فكيف تناقش ممن لاتري الحب الا شئ مبهم لا وجود له
سما بجدية: طيب متخليهوش يقعد جنبنا انا وانتي لو سمحتي
ساره برفعه حاجب: نعم !! ليه أن شاء الله ده ابن عمي مقدرش اقوله حاجه
سما بحزن : يعني يا ساره حتي في دي مش عايزه تقفي جمبي بعد اللي عمله فيا البني ادم ده !!!
ساره بنبره عاديه: والله يا سما الراجل مش عليه عيب هو حاول يحبك ومعرفش يبقي ملوش ذنب
سما بصدمه حاولت إخفائها فرردت بعدم اقتناع : ماشي يا ساره عندك حق فعلا المهم انا هقعد ورا علشان عايزه انام
ساره : خليكي يا بنتي وانا هقعد في النص ما بينكم
سما بقله حيله: ماشي تصبحي علي خير بقي
ساره بضحك: ايه مش كفاكي نوم من امبارح !!!
سما بغضب : ساره انتي بتلقحي عليا ولا ايه ؟
ساره بنفي : لا والله ده انا بهزر معاكي ...
سما بعدم اقتناع فهي تعلم تماما مقصدها: حصل خير
أنت تقرأ
ليتهُ أَحبني
Romanceالحب هو كلمات تخرج من فم العاشق ومن فم الكاذب هي حروف تغنيها القلوب وترددها الشهوات ما الفرق! كيف نعرف ماهو الحب الاجابه هي أن الحب ليس فقط شعور يستولي على ألقلب بل إن*داء محبب ليس له علاج أما أن يجعلنا نحلق فوق سماء الغرام وأما يزج بنا في سجن الاح...
