الفصل الخامس عشر
الفصل الخامس عشر من روايه ليته احبني 🖤 تأليف وكتابه اسماء صلاح عبد الرؤوف تفاعلوا برجاء عدم النشر بدون أذني منعا المسائلة القانونية
*******************************************
علي شاطئ بحر الغردقه.............
أمجد بهدوء: انت بتحبها يا محمد!؟
محمد بصرامه: أمجد ملكش دعوه بحياتي ولا ليك دعوه بيها تمام احنا احرار
أمجد بتأكيد: لا منتاش حر مش حياتك لوحدك دي حياه بنت ممكن تضيع مستقبلها
محمد باقتناع بحديثه: انا عارف انه اللي بعمله غلط بس فعلا مش عايز اعرف حد مشاعري تجاهها حتي هي علشان مش اتخذل انا في الاخر
أمجد : بس يا محمد كده غلط الحاجات اللي بتخليها تعملها دي بنت مش تنسي وليها سمعتها... طب افرض عمك شافك !؟ هيقول عليها ايه
محمد بنبره تحمل الندم: عندك حق في كل اللي قولته الظاهر انه حبي ليها هياذيها
أمجد بابتسامه لاعترافه دون أن يعي -: ما تقول من الصبح انك بتحبها علي العموم الحب ده مسؤوليه كبيره اؤي يا محمد لازم تكون قدها وعادي مش تحرم نفسك من حبها أحرم نفسك من الحرام
" وجده صامت لينسحب بهدوء ويتركه مع افكاره التي تدور في عقله وقلبه وتجلده بلا رحمه علي ما يجعل هذه الفتاه تعيشه ليقطع تفكيره صوتها الحزين "
سما بدموع: محمد هو انت فعلا بتحبني !؟
ألتفت لها ليجدها تنظر له وبعيونها الانكسار ليقف امامها ويمسك بيدها ويضعها علي قلبه -: اسمعي قلبي بيقول ايه وهيجاوبك علي كل حاجه
سما بارتجاف حين سمعت نبضاته التي اذدات-: قلبك بيدق بسرعه
محمد بصدق : في وجودك بس يا سما
سما بفرحه مخلوطة بخوف : يعني انت مش بتتسلي بيا
محمد بغضب : مين اللي قالك الكلام ده أمجد صح
سما بنفي : لا أمجد مش بيتكلم معايا اصلا
محمد : يبقي ساره هي اللي عايزه تحط الفكره دي في دماغك يا سما وشكلها كده هتكون السبب في بعدنا بافكارها اللي بتحطها في دماغك
سما بدفاع عن صديقتها: لا هي مش قالت حاجه هي بس شافتنا سوا وقالتلي مايصحش اللي عملته لكن انا اللي الفكره دي مسيطره علي دماغي بقالها فتره
محمد بحزم : سما أن كان حبي ليكي هياذيكي ابعدي عني خالص تمام !!!؟
سما بنفي متسرع: لا لا مش هياذيني والله ... ولا انت يا محمد اللي عايز تسيبني
محمد بثبات: انا مش بتاع لف ودوران يا سما ولو كنت عايز اسيبك كنت قولتلك من الاؤل
سما بابتسامه: عمر حبك ما ياذيني ابدا
أنت تقرأ
ليتهُ أَحبني
Romantizmالحب هو كلمات تخرج من فم العاشق ومن فم الكاذب هي حروف تغنيها القلوب وترددها الشهوات ما الفرق! كيف نعرف ماهو الحب الاجابه هي أن الحب ليس فقط شعور يستولي على ألقلب بل إن*داء محبب ليس له علاج أما أن يجعلنا نحلق فوق سماء الغرام وأما يزج بنا في سجن الاح...
