ملجأ العشق و الحياه ج2 البارت 28
في صباح جديد *في مكتب مروان في الشركه*
كان شارد فيما حدث امس
جلست الدكتوره علي كرسي مكتبها: الف مبروك ولد زي القمر
كان مروان يساعد وعد للنزول من فوق هذا السرير بعنايه حتي سمع الدكتوره تخبره بنوع الجنين ، شعور لا إيرادي في البكاء ،نظرت وعد لعيونه و من ثم ابتسمت و هي تسأل الدكتوره
وعد بفضول : هو صحته كويسه صح يا دكتوره
الدكتوره: هو زي الفل بس هكتب لك علي حبة فيتامينات مفيده ليكي
*عوده للواقع*
ابتسم مروان لا إرادياً و هو مغمض عيونه حتي سمع صوتها
روز بحزن : بتحبها للدرجه دي
فتح عيونه ببطئ و من ثم تغيرت ملامحه و اصبحت اكثر حده ؛عدل من جلسته : خير يا روز ؛ اي الي مخليكي تشرفيني هنا
روز بجمود :انا طلقتك !!
لحظه حتي استوعب لانت تعابيره و اردف بنبره غير مصدقه : بتتكلمي بجد
كانت عيونه توضح مدي سعادته البالغة كم جرحها هذا اغمضت عيونها و فتحتها سريعاً و هي تتحدث بنبره جامده : ايوا بجد ، انت حاولت تخوني كتير بس دي الوحيده الي اتجوزتها ، يمكن هي متعرفش بس انا متأكده انها حملت قصد *سكتت للحظات لتجمع شتات اعصابها* ببساطه انت اتأكدت اني هوصلها في اقصر وقت و ان كان لازم تبعد عنها علشان مآذيهاش *لم تستطيع ان تمسك دموعها اكثر*
ليكمل مروان بدلاً منها : كنت عايز اسيب خط رجعه بيني و بنها ، كنت عايز اسبلها حته مني
ظهرت الدموع في عيونها و هي تقول : مروان ، انا هسافر إنجلترا و اوعدك مس هتشوف وشي تاني ، بس عاوزه اجابة ، اجابه منمتش بسببها من يومين ، اي عجبك فيها ؟ هي ذادت عني في اي ؟ لفيت اي عندها مكنش عندي
مروان. :الحب لقيت الحب ، روز انا حاولت كتير في جوزنا علشان ينجح بس علي طول كنت بفشل عارفه ليه علشان جوازها كان عباره عن وعد ، وعد من ابويا لأبوكي
نظرت له روز بيأس : مبروك ، انت حر تقدر تروح تتجوزها و تكون عيله معاها ، و تكون مبسوط ، علي الاقل لو مش هنكون سعداء سوا حد فينا يكون سعيد
شعر مروان بألمها فهو يدرك كم تؤلم مشاعر الحب لم يجيبها خوفاً علي مشاعرها و لم يبدي اي ردة فعل حتي تأكد من خروجها من مكتبه ، اخذ نفساً عميقاً و هو يغمض عيونه و يريح ظهره علي كرسيه ، و لأول مره منذ سنوات يشعر بحريته فهو الان المتحكم الوحيد في قراره بلا قيود تحت مسمي الزواج
___________
في فيلا طارق الالفي
كان طارق و شمس و أدم و ضحي و عشق و يحيي جالسين يتناقشون في فساتين العرس
يحيي بعصبيه و صوت شبه عالي : انتي بتحطيني قدام الامر الواقع يعني ، طب بالله مانتي لابسه الفستان ده في الفرح ، انا مش هستلمك بالفستان ده
