الاخير
ملجأ العشق و الحياه ج2 البارت الاخير
في صباح اليوم المنتظر
كانت فيلا الالفي بها الاحباء و الاقارب و الذي تأخذ هواتفهم جزء من يدهم و تفكيرهم
فكل منهم له محادثه هامه و خاصه ايضاً
صاحت ريناد وسط هؤلاء الجالسين مع هواتفهم (بنات الاسيوطي ، بنات الالفي )
ريناد : يلا هاني و زين جابوا الفساتين ، و ادم جه علشان يوصلونا للميكب ارتست
وقف جميع الفتيات
اردفت عشق : حلو اوي مين هتبقي معايا
حياه : انا و ضحي و ريناد و نور
نور : لا يا بنات روحوا انتوا و انا هاجي بليل ، فاروق مش عارفه طريقه من امبارح بليل ، هتجن
ريناد : نسبنا من المشاكل الزوجيه دي ، انا و زين هنروح القاعه علشان قائمة الاغاني و الفقرات و نتمم كل حاجه بما ان ادم هيكون مع العريس و حياه مع العروسه و عمو طارق مع ابله شمس هيجوا علي الزفه علشان منتعبش ابله شمس
عشق بتوتر و رهبه : جدعه يا بت
همست ضحي لريناد : بقي هتروحي انتي و زين بس يا نصابه
ريناد : و نبي اقعدي ساكته نور لو عرفت هتشعلقنا
حياه : طيب يلا احنا علشان نلحق يومنا طويل
ركبت عشق و حياه و ضحي في سياره ادم ليتجه بهم الي الميكب ارتست
اما ريناد و هاني ركبوا مع زين ذاهبين الي القاعه
في السياره الاولي
ادم : نور مش جايه
ضحي : لأ هتدور علي جوزها و تيجي ورانا
في السياره الثانيه
ريناد في الكرسي الخلفي وحدها : زين هو رعد مش هيجي
زين و هو يقود ى هيجي علي الفرح علي طول عنده شغل و مطبق عليه بقاله فتره
____________
بعد فتره عند يحيي
اسر بمزاح و هو جالس امام يحيي الرافع وجهه للاعلي بسبب تلك المسكات التي اهلكت بشرته منذ الصباح
اسر : بص بقي انت ناقصك تتحط في التلاجه و تطلع نحط علي وشك كريز و تمام كده ولا اجدع تورته في البلد
يحيي : بتتريق يا روح امك نشوفك يوم فرحك
أسر بسخريه : تشوف اي يا عم بطبق الكريمه الي في وشك ده
يحيي : انت بتعصب عريس في يوم فرحه و انا هعرفك مقامك لما افوق بس ، هو ادم راح معاهم للميكب ارتست و هيبات هناك ولا اي
دخل ادم للغرفه : انا جيت
اسر : نورت المكان بالي فيه يا قلبي ، ادخل
ادم : يحيي فين
رد عليه يحيي : لأ عيب اوي كده ، حد يكلم البنأدم الي بره خليه يجي يغسل وشي ده
ادم : انت اي الي حصلك يا يحيي
أسر : خد وش نضافه
ظلت الاجواء بين هؤلاء الثالث علي هذا المنوال
__________
في منزل احمد الدسوقي " منزله الخاص بعيداً عن اهله "
سما : احمد تعالي اقفلي سوست الفستان
نظر احمد لظهرها و علم ان من الاستحاله اغلاق هذا السحاب فقترب بتوتر : هو انتي زي القمر بالفستان
سما بسعاده طفوليه : بجد ، شكراً يا عمري اقفل السوسته بقي
حك احمد ذقنه : لا مهي مش هتقفل ، واضح جداً
نظرت لأنعكاسه في المرآه و تحدثت بتحدي : لا هتقفل و هروح الفرح بالفستان ده
____________
عند البنات
حياه : يا خواتي قمر
سمعت عشق رنين هاتفها فطلبت من اختها ان تناولها ايها و قد كان رقم غريب اجابة عشق
يسر بحب : مبروك يا عروستي
ابعدت عشق الميكب ارتست عنها و طلبت منها بضع الدقائق وحدها : يسر .. ، انا ، انتي مش هتيجي الفرح صح
كتمت يسر دموعها في اعينها : انا معاكي بقلي يا بت ، بس اوعديني هتبعتي صورك قبل ما تخرجي من الكوافير
عشق : كوافير اي انا في بيوتي سنتر كبير اوي علي فكره ، قوليلي اخبارك
يسر : انا و عمر هنتجوز ، هو اتقدملي و كلم اخوه علي جوازنا كمان ، تعرفي ان ماما حبته اوي
عشق : انتي حبتيه
يسر : حبيته ، علي فكره هو مش وحش زي ما كنا فكرين
عشق : خلاص مش عايزه اسمع عنه حاجة ، طلاما انتي مبسوطه فتمام و طلاما هو بعيد عني فتمام اوي
يسر : يلا انا مش هعطلك ، حبيت بس اكون معاكي في اليوم ده يا اعز صاحبه ليا
____________
في القاعه
ريناد : كده خلصنا الاغاني
زين : الحمد لله
قاطعهم اتصال رعد
زين : رعد بيتصل اهو ، هكلمه بره كملوا انتوا
خرج زين و اكمل هاني و ريناد
هاني : عرفتي اني نجحت
ريناد بفرحه : مبروك و أخيراً عديت من تالته ثانوي دي
هاني : شوفتي ازاي
ريناد : هتدخل جامعه اي
هاني : هو بابا عاوزني اسافر بس انا قاعدلك هنا متقلقيش
ابتسمت ريناد فهذا ما تريده : حلو اوي ناوي علي كليه اي
هاني : هندسه
ريناد بعبوس : مش حلو خالص
هاني : ليه بس كده
ريناد : انا مش هدخل هندسه انا هدخل حاسب الي و معلومات
هاني : خلاص انا كمان هدخل حاسب الي و معلومات
ضحكت ريناد
هاني : هستناكي هناك خلصي تالته بسرعه و تعالي لي ع الكليه
___________
في المساء نزلت نيفين و رنا و معهم غرام و التي كانت معهم من الصباح ليجدو محمد في سياره و كرم في اخره و كريم في اخره و تركب كلا منهم سيارة زوجها عاد غرام ركبت سياره خطيبها
محمد : اي ده ، انتي مأفوره اوي في الميكاب
غرام : عاجبني امشي بقي
محمد بعصبيه حاول كبتها : بت عندك الوايبس و المناديل ظبطيلي وشك ده بدل ما احلف انك تمسحي المكياج كله
خافت غرام من تهديده و مسكت المناديل الورقية و المبلله و بدأت بتخفيف الميكأب
غرام بعدما انتهت : ارتحت كده
محمد : اه ارتحت
غرام : امشي بقي هنتأخر
محمد : منتأخر هو احنا العرسان
__________
عند احمد و سما
خرجت سما من غرفه النوم و هي ترتدي فستان اخري بدلاً من الاول
سما بعدم اقتناع : حلو ده
أحمد : جامد ، نمشي بقي ابوس ايدك ده رابع فستان تلبسيه
_________
في فيلا التهامي
كانت حنين تحمل اخاها الرضيع الياس و هي تتصل بزوجها
اجابها رعد لتردف بغضب يكاد يظهر في نبرتها : بص بص انا مش هتعصب اهو بس انت فين
رعد و هو يخرج من القسم : لسه في الشغل
حنين بصوت مرتفع : يا ديني ، انت ناوي تيجي بعد الفرح يعني
رعد : و المصحف بركب العربيه و جاي اهو
حنين : بتركب العربيه ، رعد انت حلقت صح
رعد و هو يقود السياره عبس لانه لم يتذكر : لا لسه
حنين بعصبيه جلست علي كرسي في الصالون : لا لسه لأ لسه
رعد : اعمل اي طيب اروح احلق
حنين : و انا لسه هستناك تحلق كمان ، استني تعالي هنا انت طبعا لسه مروحتش علشان تلبس الكرفات الزرقه
رعد : منا لابس السوده
حنين : انا فستاني ازرق
رعد بحيره : اعمل اي انا دلوقت طيب
حنين : معرفش انا نص ساعه و الاقيك قدامي يا ابن تامر
اغلقت الخط لتهز اخاها قليلا دخلت شروق
شروق : في اي انتي بتتخانقي مع مين
حنين : مع جوزي
شروق : حاتي الياس حاتي و روحي اعمليلي نسكافيه
اعطتها اخاها الصغير و تمتمت ببعض الكلمات الغير مفهومه و هي ذاهبه للمطبخ
___________
في القاعه
هاني : زين انا هروح اوصل ريناد للميكب ارتست علشان تتمكيج و نحضر الزفه
زين : طيب تيسير هناك صح
هاني : العيله كلها وصلت هناك اصلا يلا
____________
في شركه توفيق الاسيوطي
دخلت كالأعصار علي مكتبه فوجدته يعدل من هيئة ملابسه
فاروق بتبرير : احلف بأي ان تلفوني فاصل من الصبح و اني كنت طالع اجيلك دلوقت
نور : ده مببرر اني معرفش عنك حاجه من امبارح يعني
فاروق : هو مش مببرر اوي بس عديه علشان خاطري
نور ى تعرف انا هبقي زوجه عاقله و مش هبوظ اليوم علي دماغنا و انكد عليك ، لما نروح في اخر اليوم دلوقت عندنا فرح
________
عند عشق
حياه : الكل وصل ، و اسر لسه قافل معايا و بيقولي انهم داخلين علينا
عشق : هو مشن الي هيسوق
حياه : انا و اسر الي هنكون معاكوا
ضحي : ريناد لسه مجتش علشان تت...
دخلت ريناد و هي تلهس
ضحي : اتأخرتي ليه
ريناد : معلش ، فستاني معاكي
ضحي : ايوا ادخلي علشان البسك
حياه : انا عمري ما شوفت زفه هتتأخر علشان واحده من قرايب العروسه تبا لكي يا شيخي
ريناد : طب بوصوا امشوا انتوا و هاني يبقي يجبني علي التصوير او القاعه علي طول
ضحي : انا بقول كده برضوا
ريناد : بس اخوه هياخد عربيته و مراته و اختها و حماته و يمشي
ضحي : خلاص هخلي ادم يسبله مفاتيح عربيته و نركب احنا في اي عربيه تانيه
__________
في الاسفل
قبل يحيي يد عشق : انا بقول كفايه كده و نطلع علي المطار علي طول
ضحكت عشق لتجد صعوبه في المشي بهذا الفستان المنفوخ لينادها يحيي حتي وصلوا لسيارتهم و ساعدها في الصعود صعد معهم حياه و اسر الذي قاد السياره فوراً هارباً من هذا الازدحام الغير عادي
اسر : مبروك يا عشق
عشق : الله يبارك فيك اعبالكم
حياه : لا احنا لسلنا شهادة البيه و بعدين شغله و بعدين شقته و مهري و شبكتي
أسر بمزاح : و سكاتك سمعينا سكاتك و اتخرصي و بطلي نبر ، شغلي اغاني احسن
__________
في فيلا نصار
كانت يسر جالسه مهمومه
عمر : يسر يلا هنخرج قومي البسي
يسر : فين
عمر : لا دي مفاجأة البسي و هستناكي في العربيه
_________
بعد قليل
علي يخت في منتصف البحر
يسر : اي الشغل العالي ده
ابتسم عمر و اقترب منها و قبلها بنهم ثم ابتعدت
عمر : واحشني رقصك اوي
استغربت يسر قليلا ثم اردفت : احنا مش اتفقنا ان مفيش حاجه هتحصل تاني بينا غير بعد الجواز
عمر بحب مختلط بالخبث : النهارده بس ، انتي وحشتيني اوي
اقترب منها اكثر و هو يضمها و يقبل رقبتها
_________
في إيطاليا
الدكتور : صحة الجنين بخير بأذن الله سيأتي في موعده المحدد لا تقلقي سيده وعد
ساعد مروان زوجته في المشي حتي اخذ ورقة الأدوية من الدكتور و ذهبوا
عند السياره
وعد : بابا وحشني اوي
مروان : يا بنتي ده سايبنا من امبارح بس
وعد : تفتكر هيتصالح هو و ماما
مروان و هو يقود : اكيد طبعاً من كلامي مع ابوكي اصلا عرفت انه بيعشقها مش بيحبها يستحيل يسبها
___________
في الفرح
