ملجأ العشق و الحياه ج2 البارت 24
في المستشفي مساء ً
أحمد : تاكلي حاجه
سما : لأ مش جعانه
خرج كرم من غرفة اخاه في المشفي
سما : عمي بابا أكل
كرم : اه اكل
سما : لسه مش عاوز يشوفني
كرم : ولا انتي ولا اخوكي ولا الزفت الي قاعد جنبك ده
احمد : انت ليه مش طايقني يا بابا
كرم : يمكن علشان اتجوزت بنت عمك ولا كأن ليك كبير
أحمد : الله يعني انام و اقوم انا و هي في نفس المكان منغير كتب كتاب و ترجعوا تقولولي انتوا جبتوا العار ، اتجوزنا لأ برضوا انتوا لسه جايبين العار
سما برجاء: خلاص بقي ابوس ايدكوا اسكتوا انا مش متحمله
كرم :اخوكي متكلمش
سما : انا مش عارفه ليه كلمتوه هو السبب في كل الي بيحصل
أحمد : خلاص يا حبي هدي اعصابك شويه ، علي فكره اخوكي وصل و ساعتين تلاته هتلاقيه هنا مش عاوزك تتخانقي معاه علشان عمي صحته
كرم : و انت من امتي بقيت رقيق كده يا أحمد
أحمد : في اي يا بابا مش طايقني
كرم : انا ولا ابوك ولا اعرفك
أحمد : طب و نعمل اي بقي علشان سيد الناس يرضي
كرم : راضي عمك قصدي حماك
احمد : ابله رنا فين
كرم : ليه ابله بقي متقول ماما
سما : انا عاوزه ادخل لبابا ، و انت و ابوك قاعدين تتخانقوا ، عمو هو الدكتور اكد لكم ان عنده المرض الوحش ده
قبل قليل داخل غرفة كريم
كرم : بنتك بره مقطعه نفسها من العياط ، خليها تدخل لو سمحت
كريم : خليها تحس بالي حسيت بيه اكتر من اسبوع بسببها هي و اخوها
كرم :انت كده بتقسي علي عيالك
كريم : هما الي قسو عليا يا كرم يعني لازم كنت اموت علشان البيه ينزل مصر و الأبله ترجع
كرم : رنا راحت تجيب لبس ليك من البيت ، اظن لازم تصالحها
كريم : هصالحها و كل حاجه هترجع زي ما كانت بس عاوزك تعمل حاجه
كرم : خير
كريم : هما لازم ميعرفوش اني كويس
كرم بعدم فهم : ازاي
كريم : قولهم ان طلع عندي سرطان دم بجد
كرم بصدمه : نعم يا خويا
كريم : رنا مش هتسامحني بسهوله و لو محمد عرف اني كويس هيرجع و يبعد عني ، و مرات ابنك هي كمان لازم تتربي
