صدف

1

#صدف
بقلمي : زينب أمير (1) 

قاعده في الحوش في الوضايه بتوضى ل صلاه الجمعه لابسه فستان بيتي بالأبيض والأسود ولافه كعكتين،،،، سمعت صوت عربات وقفت،، شويه صوت سلام وبعديها طوالي في زول بفتح في باب الشارع،، بقيت بعاين للباب اشوف الدخل منو اتصدمت لمن لقيتو ابوي واخواني ومعاهم كم راجل كده وشابين لحسن الحظ حوشنا كبير وفيهو شجر اتسديت ورا أقرب شجره،، رفعت راسي اكشف للناس ديل مع رفعتي كده أشوف ليك واحد من الشباب بعاين اتجاه انا واقفه قبلت سريع سمعت صوت ابوي بقول ليهم اتفضلو اتفضلوا ودخلوا الديوان،،، عديت خمسه دقائق وجريع بقدام الديوان علشان اقدر اصل البيت جوه آها مع دخلتي كده لاقتني امي وقالت لي الحقيني المطبخ سريع قلت ليها بصلي وبجيك لبست لي توب وبديت اصلي،، جاتني اختي جاريه انتظرتني لمن سلمت  قالت لي بلهفه وفرحه كده جاك عريس،،

يتبع...