صدف

12

#صدف
بقلمي : زينب أمير

احاسيسي كانت ملخبطهه،،، حسيت الصوت بعيد،،، يعني انا بقيت وحده متزوجه،، قعدت ابكي من الفرح جات رنا ع صوتي قالت لي في شنو، قلت ليها وانا ببكي عقدوا مسكتني حضتني وقعدت تبكي معاي قالت لي مبرووك ي حبيبتي ربنا يسعدك ويوفقكك في حياتك الزوجيه وزغردت لي،، الناس الفي الكوفير كلهم جو وباركوا لي،،، قعدت في الكرسي لقيت رامز بتصل لي قبلي م ارد الخط فصل،، لقيت منو كم مكالمه رجع لي تاني،، سكت مسافه، سامعه أصوات الناس معاهو بباركوا ليهو،، أصوات اخواني بتكلموا معاهو،، كنت بسمع فيهم ودموعي نازله،،بعدها رد قال لي لجين! بكيت زياده وبحاول اطلع في صوتي قلت ليهو ايوه معاك،،، قال لي مبروك علينا حبيبي وان شاء الله اقدر اسعدك زي م اسعدتيني لمن وافقتي ب انك تكوني زوجتي  قلت ليهو رامز،، قال لي عيوني،،، قشيت دموعي وقلت ليهو انت عارف انا بريدك شديد شديد،،، سكت م رد علي قلت ليهو رامز! قال لي واخيرا ياخ قلت ليهو انت بتبكي؟ قال لي لا قلت ليهو رامز! قال لي دي دموع الفرح بس وقفل طوالي...

الحفله كانت نهاريه بعد العصر... رنا قالت لي  اتصل علي أحمد قال لي  جايين عليكم قلت ليها تمام بعدها ب عشره دقائق نسمع صوت البوري،،، جاا داخل رامز عاين لي مسافه،، عيونو لامعه من الدموع،، باسني في جبيني وخدي  بعدها حصني كان بتكلم بس انا اصلا م كنت معاهو خاصه بعد القبله دي،، حسيت الدم اتجمد في عروقي،، مسكني من يدي وطلعنااا،،، وصلنا الصاله،، الأضواء الكاميرات،،، الناس،، امي،، ابوي،،اخواني،، خالتي،،رناا،،، خالتي صفيه،، لمياء،، زينب،، أحمد،، كلهم موجودين،، المعازيم،، الاهل والجيران،، قعدنا والناس يتبارك لينا،، جاتني امي حصنتني وقالت لي كبرتي ي بتي،، فاتت سريع علشان م تبكي  قدامي ،،، رامز مسكني من يدي وقال دائما مع بعض ان شاء ح نكون،، صدفه وصدفه وبعدها بقت #صدف ي احلى صدفه في حياتي انبسطنا ،، فرحنا،، رقصناا واخيرا اتجرتقناا،،!! جا ابوي قرأ لينا يس،، مسكت امي حضتنها شديد وقعدت ابكي بتطبطب ع ضهرى وبتبكي هي زاتها بدون صوت بتقول لي م تبكي  وهي ل روحها بتبكي!! مسكتهم كلهم واحد واحد حضتنهم وبكيت معاهم،، م متخيله حياتي ح تكون كيف وانا م جنبهم،، بعد سلام واحضان ووداع ودموع ح امشي ل بيت جديد،، وخلااص اتحركنااا..

# اتفاعلوواا للأخيرررررر

يتبع.....