صدف

11

#صدف
بقلمي : زينب أمير

يوم العرس الصباح زي 9 كده اتصل على رامز قال لي داير اشوفك قلت ليهو لا كلها ساعات  اصبر بس قال لي لالا عايز اشوفك أسي قلت ليهو لا يعني لا بعدين كان حصلت مشاكل في الزواج يكون بسبب منو قال لي مشاكل!؟ قلت ليهو ايوه بقولو لو العرسان شافو بعض قبل العرس، كده الزواج ده بعدين بحصل فيهو مشاكل قعد يضحك لمن بكح قال لي انتي ي للجين بتحضري هندي قلتو ليهو ده علاقتو شنو أسي قال لي لا جادي معاك والله وقعد يضحك تاني قلت ليهو ايوه آها في شنو قال لي لالا سلامتك ماف حاجه  قال لي انتي متأكده عمرك 21 سنه م 12 قلت ليهو ظريف يلا جاتني رنا وقفت قدامي بتأشر لي بمعنى خلاص ارح اتأخرنا أشرت ليها برأسي تمام قلت ليهو ح اقفل يلا ماشه الكوفير بعده قال لي رأيك شنو اجي اوصلك قلت ليهو لالا تسلم جداً ماف داعي وقفلت رناا قالت لي ساعه مالك شفقانه كده كلها سويعات تاني بتتقفلي معاهو في بيت واحد دنقرت راسي قلت ليها واحلي قفله كمان عاينت لي بطرف عينها قالت لي قدامي سريع م ترفعي لي الضغط ضحكت قلت ليها غيره بس قال لي لجييييين قلتا ليها ارح ارح..

قاعده في الكوفير بجهز وسرحت كده اتذكرت لمن قلت الا احضر الحفله حقت رامز حقت الحنه قلت ليهم مش في النهايه العرس عرسنا امي دي قالت لي انتي ي بتي م نصيحهه ولا شنو كيف يعني الناس الموجودين كانوا بضحكوا علي فكرني بهظر قمت سكت م رديت،، آها مع مواعيد الحفله كده فقدوني لقوني مااف وانا ي يمه بالنقاب برقص في نص الحفلهه ماف زول جاب خبري وقال دي العروس،،، رنا دي تشيل وتقرص فيني وتقولي لي لا فضحتينا قلت ليها اهدي ماف زول عارفني م تتوتري ساي وانبسطي قالت لي انا م من دي المشكله في المنقبه البترقص قدام الناس دي قلت ليها واي تخيلي نسيت دقيقه ارح معاي اطلع النقاب بهناك مشيت كده جرتني من طرف العبايه قالت لي لجين بطلي هباله كيف يعني تطلعيهو وانتي العروس وبعدين بعرفوك فكرت قلت ليها صحي والله آها اعمل شنو قالت لي ولا حاجه مسكتني من يدي وطلعنا ع البيت لمن وصلنا لقينا الناس دي جايطه وشغالين العروس ماف انا ورنا موتنا ضحك عليهم... طلعت النقاب ومشيت سريع ل امي قلت ليها في شنو شكلها م واعيه معاي عاينت لي وقالت لجين بتي ماف العروس،! قعدت اضحك عاينت لي تاني لمن استوعبت دي انا امي  دي مسكتني من اضاني قرصتني وبقت تسألني مشيتي وين وكنتي وين!؟ جات رنا قالت ليها كانت معاي قالت زهجاانه ونسينا م وريناكم وتلفونها م شالتو معاها وحقي م كان فيهو رصيد م حسينا ولقينا روحنا نومنا أثناء الونسه واهوو أسي جيناا خالتي قالت قطعتي قلوبنا قلنا البت مشت وين قلت ليهم اسفه والله معليش معليش...

رنا طقطقت لي بصباعها قالت لي سرحتي وين؟ قلت ليها اتذكرت يوم حنه رامز وضحكناا سواا.. قالت لي عاد قطعتي قلوبهم،،، ل قريب الضهر كده ضربت لي لمياء سامعه الزغاريد قالت لي عقدوا عقدوا...

يتبع...