صدف

الاخير 13

#صدف
بقلمي : زينب أمير
الاااااااااخيرررررررههه

الحاجه الكنت عارفاها اننا كنا مسافرين وماشين ع المطار بس ع وين م عارفه ركبنا العربيه سألتو رامز قال لي هاا ،،، سايق ومركز مع الطريق قلت ليهو حبيبي ع وين ماشين؟ التفت على وابتسم قال لي احم كنت عاملها ليك مفاجأة بس بعد الكلمه دي،، أن شاء الله مسافرين تركيا قلت ليهو وااو بالجد مبسوووطهه شديييد،، سرحت وضحكت،،، عاين لي ابتسم وقال،، شاركينا معاك،، ابتسمت ليهو وقلت اتذكرت مره كنت مع امي المهم كانوا مسافرين هي وابوي تركيا ل عرس المهم قلت ليهم سوقوني معاكم وكده بس قالوا لا والبيت ولمياء كانت م كبيره شديد علشان انا كمان امشي معاهم واخليها المهم امي قامت قالت لي خلي بعدين راجلك يسوقك ليها... مسكتو من يدو وتكيت رأسي عليهو،، وابتسمت قلت،، واهوو أسي ماشه مع راجلي قال لي لجين! قلت ليهو ايوه قال لي ارفعي رأسك دقيقه رفعتو قال لي بحبك خجلت وقبلت ع الشباك خليتو يضحك قال لي عندي ليك مفاجأة بعد نصل أن شاء الله ح اقولها ليك م رديت عليهو لسه خجلانه،،، قال لي لوجي حبيبتي قبلت عليهو قلت ليهو لوجي! قال لي ايوه دلع ل لجين قلت ليهو لا م حلو قال لي اخيرا اتكلمتي قبلت تاني قلت ليهو م تتكلم معاي قعد يضحك على،،
وصلنا المطار انتظرنا كم ساعه كده وتاني اقلعناا.. ونحنا في الطياره قلت ليهو احكي لي تاني شوفتني وين ابتسم وقال بوريك في بيتنا وغمز لي ختيت يدي في وشي وضحكت....

#بعد خمسه سنوات..

زين لا اقعد ساي ي ولد بتكسر الكبايه ختها وانت التاني طلع السنفنجه دي من خشمك ي زياد ،،، واااي انا اعمل ليكم شنو بتصحوا اخوانكم خليكم ساكتين،، رامز جااا داخل شايل أكياس في يدو قلت ليهو تعال امسك اولادك ديل! مشي شال زيد وزياد وقال لي عملو ليك شنو الابطال ديل قلت ليهو لي ساعتين قاعده،، وبسببهم الحنه لسه م نشفت اكورك في ده القى ده قام يخرب،، خليتهم الأربعه نايمين صحوا ليشنو م عارفه قربوا يصحوا زهره وزيد،،، رامز قبل علي اولادو وقال ليهم ارح نجيب حلويات ونجي رأيكم شنو قعدوا ينططوا وجروا دخلوا الغرفه رامز مشي عليهم لقاهم ركبوا في السرير وبصحوا في إخوانهم علشان يسوقوهم معاهم قعد يضحك عليهم زهره قامت تبكي رامز شالها وجابها لي قلت ليهو دقائق بس طلعت الحنه وشلتها منو ساق اولادو وطلع،، قلت ليها حبيبه ماما جعانه هزت لي رأسها قلت ليها يلا نشرب حليب،،، بعدها حميتها،،، بعد ربع ساعه
كده جوا داخلين الاولاد ينططوا ويصرخوا شايلين أكياس الحلاوه جاا زياد وقف جنبي مده لي حلاوه مصاصه قال لي افتحيها ل زهره وفات،، بنادي ليهو قلت ليهو تعال ي ولد جيب وحده لي قال لي ابيت وجراا رامز ده مات ضحك قلت ليهو ولاده السجم ي يمهه شال زهره باسها وباسني في خدي وفات وهو لسه بضحك...

طبعا المفاجأة كانت اننا ح نستقر في تركيا وم رجعنا السودان للأن لينا خمسه سنوات عندي اربعه،، تلاته اولاد(زين، زيد وزياد توائم تلاته م شاء الله ) وبنت اللي هي زهره بعد شهر بتم سنتين ماشين السودان بعد اسبوعين كده علشان عرس لمياء بعد شهر اتعرفت ع واحد معاها في الجامعه ومنها زاتو احضر ولاده رنا ح تجيب بنت أن شاء الله عندها ولد اسمو محمد وح ابقى عمه للمره التانيه طبعا اتزوجت أحمد،،، وعمر خطب زينب ليهم كم شهر كده.... كانوا كلهم دائما بجونا زيارات لكن نحن م حصل مشينا نهائي،، امي بتجيني بتقعد معاي كم شهر وبترجع وكذلك خالتو صفيه ،،، ليها اربعه شهور من جاتني آخر مره قعدت معاي شهرين وياهو حضرت معاي ولادتي هي وامي،،، بالليل عايزين ننوم قلت ليهو حياتي ح نرجع السودان نهائي متين قال لي لوجي حبيبي بعد الاولاد يكبروا شويه وتاني أن شاء الله نرجع نهائي زي م أنتي عايزه،، ونجي بس إجازات قلت ليهو جد قال لي جد جد حضنتو من ورا قلت ليهو سيفقليم (بمعني حبي) قال لي آها رجعنا للتركي خلاص وقعد يضحك جراني عليهو بقدام وحضني زيادهه...

وبكده اقدر اقول ليكم انتهت واتمنى انها تكون نالت اعجابكم!!

النهاااااااااايهه!!
- م تنسوا تلقوا نظره على باقي روايات الكاتبه في الحساب