صدف

7

#صدف
بقلمي :زينب أمير

اتوكلتاا وطلعتا وحاسه رجلي ديل بطاقشن من التوتر،، من طلعناا لاقتنا امي قالت لي شيلي الصينيه دي وادخلي قلت ليها اقسم بالله لا بشيلها لا حاجه أسي كان وقعتها ساي قداامو بري يختي قالت لي يختي!؟؟ لجين شيلي الصينيه دي وامشي الزول ده مستنيك قلت ليها امي ي امشي ي أرجع وعارفاني برجع برجع قالت لي سمح امشي وصرت لي دخلت مع لمياء لقيت معاهو اخواني الاتنين وابوي من دخلت عمر غمز لي صريت ليهو وشي رامز انتبه معاي وابتسم لي لمن وصلناهو وقف ع حيلو سلم علينا وقعدنا مع بعض ناس ابوي قعدوا شويه تاني طلعوا كلهم خلونا برانا اهاا بقيت م عارفه اقول شنو ولا ابدأ كيف سكتنا شويه تاني بقى يسألني قريتي شنو وعمرك كم والمعلومات دي،، آها سكتنا تاني قام ضحك قال لي م عندك سؤال هزيت ليهو راسي ب لا ضحك تاني قال لي ح اقول ليك طيب،، المهم قال لي اسمي رامز عمري 32 سنه، دكتور أسنان،، واحد بس عندي  امي وابوي،،، قال لي أمكن بتتسألي شفتك وين وكيف ومتين آها من قال كده طوالي ركزت معاهو قال لي ح اقول ليك اننا دائما كنا بنلتقي صدف بس انتي شكلك م مركزه مع ضحكه خفيفه كده قال لي مره شفتك في الصيدليه ( موضوع الصيدليه ده براهو بحكي ليكم بعدين بعد يفوت رامز ذكروني طيب.. ) اهاا قال لي مره تانيه كنتي راكبه في العربيه والعربيه كانت واقفه جنب المنتزه بقيت اتذكر ي ربي ليشنو م شفتو أو لاحظت ليهوو،،، اتحمحم كده وقال لي اول مره شفتك فيهو قبلي سته شهور كنتي عايزه تقطعي الشارع اتخيلتك ح تقيفي لحدي م الشارع يفضي ليك،، العربات وكده بس استغربت جدا لمن شوفتك قطعتيهو عادي والعربيه شويه وتضربك في قلبي قلت ي انك مجنونه أو غبيه استحاله زول واعي يقطع الشارع كده مع غبيه دي انا عاينت ليهو ولو م اخاف الكضب حدرت ليهو هههه قعد يضحك وانا زاتي بضحك وبكب ليهو في الشاي وشويه شويه بقيت اتكلم عادي وشبه التوتر راح آها بعد كان ماشي خلاص قال لي بالمناسبه رقمك! عاينت ليهو قال لي م مشكله حتي لو رفضتيني عايز اكون صديق ممكن؟! مليتو الرقم وطلعت،، آها خليت معاهو ابوي واخواني شكلو قعد شويه وتاني طلع،،، بعديها ابوي جاا سألني قال لي رأيك شنوو عاينت ل امي،، طوالي فهمتني وقالت ليهو البت موافقه وقعدت تزغرد جريت سريع الغرفه وبتنفس بصعوبه فرحانه ولا متوتره ولا خجلانه م قدرت اوصف شعوري نهائي،،، في النهايه اكتشفت اني فرحانه وم فرحانه ساي لا فرحانه شديد لدرجه م قادره اخبي ابتسامتي...

#اها موضوع الصيدليه ده حاجه تانيه بتذكر لمياء كان عندها حساسيه ومحتاجه ل مرهم ضروري طلعنا بعد صلاه العشاء مشينا انا وهي وكان معانا عمر بتذكر كنت بنزل انا لمن نقيف جنب صيدليه وبسأل انا لو في،،، اتاري عمر قاعد ومشغل الأغانى وبقول لي انزلي انتي،، وانا كنت فرحانه جدا ،،، كنت هبله صح؟؟ المهم صادف كم صيدليه كده م عندهم،،، لينا قريب الساعتين بنفتش والتقول كل الصيدليات الفي مدني كانوا متفقين في المرهم ده انهم م عندهم،،، عمر قال لينا نرجع ونفتش بكره اسي الوقت اتأخر قلنا ليهو خلاص تمام بس فجأة يشوف وحده فاتحه ع الشارع،، وقف العربيه وقال لي شوفي دي،، آها شكلو رامز ده شافني فيها ولا في غيرها م عارفه،،، اللهم شافني في وحده من الصيدليات ديلك،،،#اما المنتزه ده ف كان طلعنا محل آيس كريم معاي لمياء واخواني الاتنين ونزل عمر يجيب تسالي وفول اصلا بتكون المره دي زاتها علشان م بتذكر  مشيت قريب ل المنتزه وكده....

يتبع....