صدف

4

# صدف
بقلمي : زينب أمير(4)

اهاا الناس طلعوا وابوي طلع معاهم يودعهم وكده آها من جاا داخل بقيت قاعده ع اعصابي همست ل لمياء قلت ليها انتي القال ليك منو بموضوع العريس ده قالت لي سمعت أحمد بتكلم مع امي وبس سمعت وجيتك جاريه طوالي،، ابوي قعد وقال ل لمياء اديني مويه قمت لحقتها آها ابوي شكلو كلم امي طوالي علشان انا ولمياء قاعدين في المطبخ سمعناها بتزغرد لمياء خلت المويه وجرت للشمارات كبيت مويه في كوبايه شلتها ومشيت ليهم بره من طلعت امي جات حضتني وتشيل وتبوس فيني هنا اتأكدت من موضوع العريس ده بس كنت راجيه اسمعو من ابوي آها هو شكلو حس بي لانو قال ل امي خلعتي البت وقعد يضحك أمي كانت بتبكي شكلها قشقشت دميعاتها بالتوب اللابساهو وقبلت ع ابوي قالت ليهو كلمها طيب آها ابوي قال لي تعالي مشيت قعدت جنبو في الكرسي وقال لي أتقدم ليك عريس اسمو رامز وهو ود صحبي عبدالرحمن وهو زول كويس جدا وانا م بشكرو ليك عشان هو ود صحبي وكده في النهايه انتي بتي برضو بس فعلا عشان هو زول أخلاقو عاليه ومحترم جدا المهم انتي فكري واديني رأيك ع فكره انا كنت عارف انهم جايين بس قلت بعد يجو تاني اكلمك واخد رأيك ولو عايزه تتعرفي عليهو اول م عندي مشكله المهم راحتك بس وقرارك انتي البحصل إن شاء الله هزيت ليهو برأسي وقمت مشيت غرفتي وقعدت افكر هل أوافق ولا م أوافق؟؟؟!!! للمساء كده شلت تلفوني ودخلت الفيس عملت ليهو بحث جاني كم شخص كده بنفس الاسم آها الكويس اني شوفتو قبيل وملامحو بقت لي مألوفه وفعلا بعد كم دقيقه كده لقيتو اها دخلت صفحتو وأول صوره لاقتني ختيت يدي في خشمي من الخلعه الود ده سمح جدا جدا،،، الشعر الناعم ولا الوجنات ولا الابتسامه ولا لونو الاخدر الفاتح عرفت انو عمرو 32 سنه ،،، دكتور أسنان، تلقائيا لقيت روحت بتبسم براي قفلت التلفون وختيت راسي في المخده وغمضت خلاص للنوم فجأة فتحت عيوني ومسكت التلفون سريع ودخلت صفحتو تاني وقلت لا مستحيل،،...

يتبع...