صدف

3

# صدف
بقلمي : زينب أمير (3)

اها جهزنا الغدا والشاي والقهوه كان في فواكهه في التلاجه مسكتها لمياء تقطع فيهاا ،،، آها الناس اتغدوا وشربوا الشاي خلاص وانا دخلت غرفتي سرحانه في العريس ده منو وشافني وين والاسئله دي آها جاتني لمياء قالت لي الناس ديل ماشين ابوي نادانا نجي نسلم عليهم قمت غيرت التوب ولبست لي عبايه وطلعت بدون م اتكلم معاها وصلنا الديوان وكانت معانا امي وقفنا جنب الباب التلاته دخلنا وسلمنا عليهم وانا دي عيني في الأرض اصلي م رفعتها  اها واحد من الرجال شغال لينا كيفكم واخباركم وكده لمياء قرصتني احساس ارفعي راسك وشوفي الناس السمحين ديل حركاتها وبعرفا،، فعلا رفعت راسي من رفعتو لقيت الشاب القبيل داك بعاين لي من عيني جات في عينو ابتسم لي اتوترت وقبلت وشي منو امي  استأذنت منهم قمت طوالي مسكت لمياء من يدها واتحركنا وامي جات معانا...

#التفاعل لو حلو بكره بنزل تلاته اجزاء أن شاء الله الروايه اصلا قيد الكتابه وده بعتمد ع تفاعلكم لو عجبني أمكن في يومين بس اخلص من كتابتها...

يتبع...