This chapter includes some adult scenes. Read at your own risk.
.
.
.
"ဟိုနားက မင်းကို ကြည့်နေတာကြာပြီ"
ဘေးက Johnathan ရဲ့ စကားကြောင့် အနောက်သို့ လှည့်ကြည့်လိုက်တော့ မျက်ပေတုံးလေးတွေနဲ့ သွားဆုံတယ်။ ရှောင်းကျန့်ကိုလည်း မြင်ရော အဲ့ဒီမျက်ပေတုံးလေးက ခေါင်းကို ဆတ်ခနဲ ခါလို့ အကြည့်လွဲသွားတာများ။ ဒါမျိုးက ကြုံရဖန်များလာလို့ ရှောင်းကျန့်အတွက်တော့ ရိုးနေပြီပဲ ဖြစ်လေတယ်။
"အသိအိမ်တော်က ကလေးတစ်ယောက်ပါ"
ပြောရင်းနဲ့ ရှောင်းကျန့်က သူ့ရှေ့က ခွက်ကို ကောက်မော့လိုက်တယ်။
"Sean...မင်း ဒီနေ့ သောက်လှချည်လား"
"အင်း...ဟုတ်သားပဲ"
ရှောင်းကျန့် နှုတ်ခမ်းတွန့်ရုံပြုံးရင်း ဖြေတယ်။ သာမန်ဆို အလုပ်အရသွားရတဲ့ ပါတီတွေဆို အသောက်အစားကို တတ်နိုင်သမျှ ကင်းကင်းနေခဲ့တာ။
ဒီနေ့ပါတီမှာတော့ နိုင်ငံခြားမှာ ကျောင်းတက်စဉ်က ပေါင်းခဲ့တဲ့ မျက်နှာဖြူလူမျိုး Jonhnathan နဲ့ လုပ်ငန်းရှင်အဖြစ် ပြန်ဆုံတာကြောင့် များများသောက်ဖြစ်တယ် ထင်တယ်။ ပြီးတော့ ဒီရက်ပိုင်း တွေးတောစရာ ကိစ္စလေးတွေလည်း များနေခဲ့တာမို့။
လူတွေ သိပ်များတဲ့ ပါတီမှာ လူလည်းရှောင်ရင်း။ စကားလည်း ပြောရင်း ရှောင်းကျန့်က အတော်များများ သောက်နေမိခဲ့တာဖြစ်တယ်။
အမြဲတမ်း Johnathan က သူ့အတွက် သက်တောင့်သက်သာဖြစ်စေတဲ့ သူငယ်ချင်းဖြစ်ခဲ့တာမလို့ လုပ်ငန်းအကြောင်းတွေကအစ နောက်ဆုံး သူ့ကို စိတ်ရှုပ်စေတဲ့ လက်ထပ်ပွဲတစ်ခုအထိ။
"မင်း မလုပ်ချင်ရင် ငြင်းလိုက်ပေါ့"
Johnathan ကပြောတော့ ခေါင်းကို ဖြည်းညင်းစွာ ခါမိတယ်။
"ငါ့တစ်ယောက်ထဲက ငြင်းလို့ မရဘူးလေ John... တစ်ဖက်က လက်ခံပြီးသားပွဲ။ မိဘတွေကြားက ဆက်ဆံရေးကလည်း မျက်နှာနာစရာတွေ။"
"အဲ့တော့ မင်းက ဟိုဘက်က ငြင်းလာခဲ့မှာကို စောင့်ရင်း အချိန်ဆွဲထားမလို့လား"
"ရရင်ပေါ့"
"မင်းက မင်းနဲ့မတူအောင် တွေဝေနေလိုက်တာ Sean ရာ"
ESTÁS LEYENDO
Xiao's Elody
FanfictionXiao Zhan x Wang Yibo Every content in this fiction is just my imagination. [Unicode only]
