Xiao's Elody

[11]

This chapter includes adult scenes. Read at your own risk.
.
.
.
တို့ထိရုံ မော့နမ်းခြင်းမှစ၍ အနမ်းတွေက တဖြည်းဖြည်း ကြာရှည်ပြီး သိပ်သည်းလာခဲ့တယ်။

နှုတ်ခမ်းချင်း စုပ်ယူထွေးငုံမှုတွေကြောင့် အခန်းတွင်း မြည်သံတစ်ချို့က ပျံ့လွင့်လို့။

နှစ်ဦးစလုံး နှုတ်ခမ်းတွေ ထုံကျင်တဲ့အထိ နမ်းရှိုက်ပြီးနောက် ခေတ္တ ရပ်နားလိုက်ချိန်တွင်တော့ ရိပေါ်က ရင်ဘတ်တွေ နိမ့်ချည်မြင့်ချည်ဖြစ်သည်အထိ မောဟိုက်လို့နေပါတယ်။

သူ့ပယောဂကြောင့် စိုစွတ်ရဲစွေးနေတဲ့ နှုတ်ခမ်းသားအိအိကို ရှောင်းကျန့်က လက်မဖြင့် ဖိလို့ ပွတ်သပ်ရင်း ခြောက်သွေ့စေတယ်။

"ဆက်သွားလို့ ဖြစ်ရဲ့လား"

မှေးစင်းယစ်မူးနေတဲ့ မျက်ပေတုံးတွေကို စိုက်ကြည့်ပြီး မေးတဲ့အခါ ခေါင်းညိတ်လာပုံက သူ့အရာရာကို ရှောင်းကျန့်အား အပိုင်ပေးလိုက်သလိုမျိုးမို့။

ရှောင်းကျန့်လည်း တုံ့ဆိုင်းမနေတော့ပါပဲ သူ့နှုတ်ခမ်းတွေကို ရိပေါ်ရဲ့ ခန္ဓာကိုယ်နေရာအနှံ့....။

မကြာသေးခင်က နှိုးဆွကိုက်ခဲပြီးသား လည်ပင်းသားတွေဆီ ထပ်ပြီး နယ်ချဲ့မိတဲ့အခါ ရိပေါ်ရဲ့ အသက်ရှုသံတွေ မြန်လာခဲ့တယ်။

အဲ့ဒီနောက် လည်ပင်းသားတွေမှ တစ်ဆင့်။ ဝတ်ထားတဲ့ အိမ်နေရင်း စပိုရှပ်အစိမ်းနုလေးကို အနည်းငယ်ဆွဲချပြီး ညှပ်ရိုးတွေပေါ် အနမ်းတွေ သက်ဆင်းတဲ့အခါ ရှောင်းကျန့်ရဲ့ ကျောပြင်ကို အားကိုးတကြီး ဖက်တွယ်ထားမိပါတယ်။

ရှောင်းကျန့်က သူ့လည်ပင်းဆီမှ နှုတ်ခမ်းတွေ ခဏရုပ်သိမ်းလို့ ဝတ်ထားတဲ့ အညိုရောင် coat အင်္ကျီကို ဆွဲချွတ်တယ်။ ပြီးနောက် မနက်က သူဝတ်ပေးလိုက်တဲ့ necktie ကို ဖြည်လျှော့ရင်း ရှပ်အင်္ကျီအဖြူကို တံတောင်အထိ လက်ခေါက်တင်လိုက်ပုံက ဆွဲဆောင်မှုရှိလွန်းလို့ ရိပေါ်ကို ရင်ဘတ်ကြီးပေါက်ထွက်သွားမတတ် ကတုံကတင် ဖြစ်စေတာပါပဲ။

အပြစ်ပြောစရာမရှိအောင် အချိုးကျတဲ့ ရှောင်းကျန့်ရဲ့ ခန္ဓာကိုယ်ကို ငေးကြည့်ရင်း style pant အညိုရဲ့ ထိုးထွက်နေတဲ့ တစ်နေရာကို ရောက်တဲ့အခါ သူမကြည့်ရဲစွာ မျက်နှာ လွဲမိပါတယ်။