Xiao's Elody

[8]

Xiao လုပ်ငန်းစုနဲ့ xxx project စာချုပ်ချုပ်ဆို

xxx ရင်းနှီးမြှုပ်နှံမှုမှာ Xiao လုပ်ငန်းစု အောင်မြင်ခဲ့

CEO Xiao ဟာ စီးပွားရေးလောကကို ချုပ်ကိုင်ထားတော့မှာလား

မနက်ခင်း သတင်းအစီအစဉ်ကို I Pad နဲ့ဖွင့်ထားရင်း ရှောင်းကျန့်က မနက်စာစားနေတယ်။

အခုရက်ပိုင်းတော့ စီးပွားရေး ကဏ္ဍတော်တော်များများမှာ သူ့နာမည်က ရှိနေဦးမှာပဲ။

ဒါဟာ သူနဲ့ အတူ Team တစ်ခုလုံး အလုပ်များခဲ့ရခြင်းရဲ့ အကျိုးရလာဒ်တွေပဲ ဖြစ်တယ်။

ထုတ်လုပ်သူ ကုမ္ပဏီများ အပြိုင်အဆိုင် ကမ်းလှမ်းနေကြတဲ့ ကြယ်တစ်ပွင့် ဒါမှမဟုတ် LEO Wang

အဲ့ဒီနောက် စီးပွားရေးသတင်းတွေအပြီး ဝမ်ရိပေါ် အကြောင်းပါလာတာမို့ စိတ်ဝင်တစား နားထောင်နေမိတယ်။

ဝမ်ရိပေါ်ကို ထုတ်လုပ်ရေးအများစုက လိုချင်နေကြတာပဲ။ ဒါပေမဲ့ သူသိရသလောက်ဆို အခုထိ ဝမ်ရိပေါ်က Freelancer အဖြစ်ရှိနေဆဲ။ ဒါကပဲ ဝမ်ရိပေါ်ကို လွတ်လွတ်လပ်လပ်နဲ့ အတိုင်းအဆမရှိ လင်းလက်တဲ့ ကြယ်ကလေး ဖြစ်စေခဲ့တာပဲလို့ သူက တွေးတယ်။

အကယ်၍ ဝမ်ရိပေါ်သာ စာချုပ်စာတန်းနဲ့ ရှုပ်ထွေးတဲ့ အနုပညာလမ်းကြောင်းပေါ် လျှောက်ခဲ့မယ်ဆိုရင်...။

ဖြစ်လာနိုင်တဲ့ အခြေအနေအရပ်ရပ်ကို စဉ်းစားပြီး ရှောင်းကျန့်က သူ့ဦးနှောက်ကို ခပ်မြန်မြန်လေး အလုပ်ပေးလိုက်တယ်။ ပြီးတော့ အကြံတစ်ခုရသွားသည့်နှယ်။ မျက်ခုံးတွေကို ပင့်လိုက်ပြီး နှုတ်ခမ်းအောက်က မှဲ့နက်ကလေး လှုပ်ခတ်သွားအောင် နှုတ်ခမ်းတွန့်လို့ ပြုံးလိုက်လေတယ်။
.
.
.
အသားညှပ်ပေါင်မုန့်ကို တမြုံ့မြုံ့ဝါးနေတဲ့ ဝမ်ရိပေါ်ကို ရှောင်းကျန့်က စိတ်ရှည်လက်ရှည်စောင့်ပေးနေတယ်။

ထူးဆန်းစွာပဲ ရှောင်းကျန့်က သူ့ကို Studio လိုက်ပို့မယ်ဆိုပြီး ပြောလာခဲ့တာ။

သူ့မွေးနေ့တုန်းက ပျက်ကွက်ခဲ့တာတွေအတွက် အစားထိုးပေးနေတာလား မသိနိုင်ပေမဲ့။ အသည်းမာမာနဲ့ငြင်းပစ်ရမယ့်အစား ရိပေါ်က ရှောင်းကျန့်စကားကို နားထောင်ခဲ့တာပဲ ဖြစ်တယ်။