Xiao's Elody

[9]

မနက်ခင်း...။ ရှောင်းကျန့် အလုပ်သွားဖို့ ပြင်ဆင်နေတဲ့အချိန်။

အရင်ရက်တွေက အေးတိအေးစက် ဆက်ဆံရေးမှ ယခု ခေါင်းစဉ်တပ်ရခက်သော ဆက်ဆံရေးအဖြစ် ပြောင်းလဲလာပြီးနောက်ပိုင်း နေ့ရက်တွေမှာ ရိပေါ်က ရှိုးတိုးရှန့်တန့်နဲ့ အနေခက်ရပါတယ်။

ဒီနေ့မှာလည်း အကြောင်းမရှိပါပဲ ရေချိုးခန်းထဲ လိုတာထက် အချိန်ဖြုန်းပြီး ထွက်လာတော့ ရှပ်အင်္ကျီ အဖြူကို ဝတ်ဆင်ပြီး ဖြစ်တဲ့ရှောင်းကျန့်ဟာ ဗီရိုထဲက Neckie ထည့်တဲ့ box ထဲမှာ coat အင်္ကျီနဲ့ လိုက်ဖက်မဲ့ Necktie ကို ရွေးချယ်လို့နေတယ်။

"ဝမ်ရိပေါ်"

ရှောင်းကျန့်ရဲ့ ခေါ်သံ။ မျက်နှာခပ်လွဲလွဲနဲ့ ရှောင်းကျန့်ကို ကျော်သွားတော့မယ့် ရိပေါ်ရဲ့ ခြေလှမ်းတွေ ရပ်တန့်ကုန်တယ်။

"ဗျာ"

"ကိုယ့်ကို ဒါလေး ကူညီပေးပါဦး"

ရှောင်းကျန့်က လက်ထဲက Necktie ကို ပြရင်း ခပ်ပြုံးပြုံးပြောလာတယ်။ ထိန်းမရအောင် ခုန်နေတဲ့ နှလုံးသားကြောင့် နှုတ်ခမ်းအတွင်းသားတို့ကိုသာ ခပ်နာနာလေး ဖိကိုက်မိလိုက်ပါရဲ့။
.
.
.
သူ့ရဲ့ မျက်စိရှေ့ လက်တစ်ဖဝါးစာလောက်မှာ ငုံ့မိုးလို့ မြင်နေရတဲ့ ခေါင်းလုံးလုံးလေး။ လက်ဆစ်အနည်းငယ်ကြီးပြီး ရှည်လျားတဲ့ လက်ချောင်းဖွေးဖွေးလေးတွေဟာ အမည်းခံမှာမီးခိုးလိုင်းဖောက်တဲ့ Necktie ကြား ပြေးလွှားနေခဲ့တယ်။

အထက်ကနေ မြင်နေရတဲ့အနေအထားမို့ မျက်တောင်စဉ်းစဉ်းလေးတွေကိုလည်း ရှောင်းကျန့်က သတိထားမိပြီး လုံးတက်နေတဲ့ ပါးဖောင်းဖောင်းလေးတွေနဲ့ နှာလုံးလေးကိုလည်း သတိထားမိပြန်တယ်။

အာရုံစိုက်နေတဲ့အခါ မျက်ခုံးထူထူလေးတွေက စုကျုံ့သွားတာမို့ ရှောင်းကျန့် နှုတ်ခမ်းလှုပ်ရုံ ပြုံးမိရဲ့။

"ပြီး....ပြီးပြီနော်...ရှောင်းကျန့်"

ချစ်ခင်စုံမက်လို့ လက်ထပ်ယူထားကြတဲ့ သာမန်စုံတွဲတွေလိုဖြစ်ဖို့ သူတို့အခြေအနေက နည်းနည်းတော့ ထပ်ပြီး ကြိုးစားရဦးမယ်ဆိုပေမဲ့....။ ဒီကောင်လေးနဲ့ ဘဝကို ဆက်ပြီးအတူရှိသွားဖို့ ဆုံးဖြတ်လိုက်ပြီးပြီမို့။